泰越概念 (已結業)

.🔻泰越概念 V.Thai.再黎泰國菜！！我地三個都有個共通點就係大家都好鐘意泰國，有年仲大家生日都係食泰菜😂😂.🔻泰越湯河粉 ($128)碗粉有生牛肉，墨丸，牛丸，扎肉，牛腩片，每款1-2件，河粉唔多，好多芽菜墊底，個湯底唔算好濃，清清地咁，食完唔口渴，所以食完d 粉都飲阻幾啖湯☺本身諗住呢個價錢應該會好大碗，呢個份量仲少過譚仔既套餐，2個人係絕對唔夠既。.🔻自選沙嗲串燒 ($118)有豬，雞，牛揀，眼大肚窄既我揀阻每樣2串，沙嗲醬甜甜地，比較杰身，我覺得香味差dd唔夠重味，但係串燒搭救，3款串燒都juicy, 燒得幾香，唔錯(但東大街印尼沙嗲屋都係我至愛😂) .🔻泰海南雞半隻 ($128)份量唔算少，食落去好似鹽焗雞咁，本身隻雞已經係咸咸地，雞肉唔算嫩，但都唔係鞋既，雞皮好滑好順口好香雞油味☺☺佢跟2個汁，一個係姜油，一個係泰式辣汁，我覺得唔點汁都已經好夠味。.🔻總結係環境唔錯，d位好闊落，坐得幾舒服，食物質素都唔差既，服務比較被動，不完美，可接受。

星期日難得可以去到灣仔， 晏晝係會展參觀， 睇完之後差不多到dinner時間。好耐冇食過泰國菜， 即刻心癢癢 想食番餐泰國菜， 好耐冇去銅鑼灣嘅V thai。 一於過去食番餐好嘅。我哋兩個人嗌咗三樣嘢食。我哋嗌咗小食拼盤， 越式春捲、 泰式香辣魚餅🐟、 蒜蓉牛油焗法包🥖、 炭燒豬肉串燒🐷、 酥炸軟殼蟹🦀、 炸香葉香草雞🐥。拼盤分大超多， 最鍾意就係酥炸軟殼蟹， 非常酥脆， 蟹肉有鮮味， 比我想像中好食。紅咖哩牛腩。泰式茄子+ 粟米仔+ 豆角+ 蕃茄🍅 +菠蘿 🍍牛腩🐂。 平時食咖哩牛腩， 我就最唔鍾意食薯仔， 呢個就啱曬我啦， 呢個紅咖哩牛腩係冇薯仔嘅 。仲有我最鍾意嘅菠蘿同埋粟米仔， 清新又健康。芒果蟹肉炒飯芒果蟹肉炒飯就差咗少少， 芒果有點酸， 蟹肉炒飯就變有少少蟹殼。 炒飯爽口 唔油膩。整體嚟講都唔錯幾好食。

朋友話想試泰國野，所以我就簡左呢間同佢食生日飯。一到3樓，經理就安排左一張最入既座位俾我地，簡直太好啦，因為好舒服，同埋朋友仔講野大聲都唔會嘈到人地呀馬，最緊要係"懶"浪漫咁呀.........食物: 賣相可以接受，不過唔完美、有待改善呀，要讚既地方係食物上枱好夠熱服務:  窩心，不錯既服務，經理有留意到我訂位時，提及我對"Seafood & Beef"敏感，所以佢就前來問我係咪對呢D食物敏感，洗唔洗改左個Order呀??!!!環境: 夠光猛，乾淨

九龍城出名食泰國菜，因為夠地道同埋唔貴，但其實銅鑼灣都有選擇，就係泰越概念🤤餐廳主打新派既泰越菜，加入fusion元素，試到有別於一般泰國餐廳既菜式，我覺得係冇伏😋兼且抵食同高質我覺得餐廳裝修設計都有花心思，碟以竹做設計，店內亦有一些花、大象等小擺設，光線充足，座位舒服，加了不少分數👍🏻－－－－－－菜式1. 軟殼蟹米紙卷（$108）4.2/52. 沙嗲串燒6串（$118）4/53. 海鮮炒金邊粉（$118）4.2/54. 原個椰子海鮮焗飯（$168）4.5/5👍🏻米紙卷好足料，包到好實夾起唔會散開，加埋汁食好清新，軟殼蟹好脆加埋紅蘿蔔同青瓜，脆口之餘亦有口感😋沙嗲串想再encore🤤3款肉都燒得好好，唔乾身唔會過嚡，加埋沙嗲汁食一流～海鮮金邊粉略嫌海鮮配料不多，但味道幾好，分量亦足夠，有花生碎伴碟邊，如果有埋辣椒粉伴旁會更好，岩哂鍾意食辣既朋友🤪椰子飯未上檯已經聞到好香，由於是焗飯，需時製造，但值得等候，入面真係有一條條椰子肉，再加埋肉鬆，絕配🤤好滿足

前兩天和 bf & niece 透過 Open Rice 光顧了這間泰越餐廳，覺得值得推介。👍今次是我第三篇食評，之前兩次都只是寫劣評。大概是人之常情吧！差的經驗往往想要宣涉一下；但做人要厚道一點，今次想改改作風，分享好的訊息。今次午餐點了：Pad Thai蟹肉蝦柚子沙律 x 2鹽燒魚生菜肉碎美碌沙冰 & other drinks * Pad Thai 好味，份量也不吝嗇，bf 特別贊許, 佢話 in HK it’s not a given * 沙律🥗 更勝預期，大家食到要加單，吃完再添一份* 鹽燒魚🐟更加出色，大條多肉，肉質鮮嫩* 生菜肉碎 🥙份量也足，niece 覺得有點辣；而我是好辣之人，就覺得微微吊味恰到好處* 我一個人叫了兩杯飲品: 1）首先是美祿沙冰🥤因為餐牌上英文寫Smoothie 直覺上覺得會好甜, 所以問清楚待應 ，我只想要美祿味道的沙冰，不要加糖加奶... 我遠遠地聽到待應在水吧用心地吩咐提示，很難得。2）餐後叫了一杯泰式熱奶茶 ☕️味道也合心意Open Rice 訂檯時是有一個半小時限制的，但我們坐了兩小時多，都沒有被催促的感覺，服務態度很好呢！所以值得一讚 👍

🎐卡肥大人生日喎！熊妹當然要吹雞📣大肆慶祝喇🥳！同b豬岩岩越南🇻🇳返黎，對越菜意猶未盡，一於係香港再延續越南美味！📌《泰越概念》係銅鑼灣區幾出名，大班人食飯最好就訂定位喇，仲要有8折，抵食好多。📌其實泰國菜同越南菜都好相似，都係東南亞風味，小食、咖哩、串燒、烤餅都係泰越的著名菜式，其中帶越南風味的有越南河粉、米紙卷，泰式風味的魚餅、生蝦、青木瓜沙律等等。泰越小食拼盤，$208📌多人食飯最好就可以叫拼盤咩都試下。小食拼盤有春卷、軟殼蟹、葉包雞、串燒、魚餅同蒜蓉包，全部都好泰越風味，份量各有三件，都幾抵食。紅咖哩牛腩，$108咖哩味濃，牛腩炆得好冧，仲有好多雜菜做配菜，比較驚喜係有圓型茄子仔🍆同車厘茄🍅，好得意！泰南燒雞，$148📌生日飯當然要大魚大肉有體面啲！係一整隻燒雞🐥呈上，都幾抵食喎。雞肉好嫩滑，雞胸肉都唔鞋，點上泰式辣醬食最簡單好味！沙爹串燒，$108📌豆釘小子表示要食好多好多串燒，直情叫多六串滿足下佢。豬、牛、雞各兩串，肉質非常嫩滑，燒得好熟透，而且好大一串，好少燒焦的地方，火喉掌握得幾好。泰式蝦米粉絲雜菜煲，$108📌食左咁多肉，當然要點個雜菜煲解解膩。雜菜煲有菜心、椰菜、西

同朋友食晚餐，三個人大叫咗四樣嘢，勁飽，完全食唔曬。首先係呢個泰式金邊粉，話就話係海鮮金邊粉，入面蝦都冇一隻嘅，不過係有啲蟹柳呀魚蛋咁樣。唔知係咪佢呢一碟本來係炒多咗，所以好快上菜，味道係唔錯嘅。原個菠蘿炒飯，都係配海鮮，但今次係有蝦嘅！好大個嘅，味道都唔錯。至於呢個真係好好食，就係牛腩紅咖哩，我哋再嗌咗薄餅去配，薄餅總共應該係有兩個大塊剪成嘅， 呢個真係好味。另外仲有一個係椰汁雞湯，睇落去個樣有啲似冬陰功，而且味道比較偏酸嘅，但好大鍋，應該ard 4人份。我覺得食物嗰啲味道真係幾唔錯嘅，價錢有少少偏貴，但如果你夜嚟係有啲app可以有特惠嘅~

同幾個friend收工之後聚一聚，喺銅鑼灣想食泰國同越南菜，只有呢一間有呢兩個國家嘅菜，menu又有好多選擇，所以揀咗呢間。食得泰國菜，又點少得生蝦？！生蝦好新鮮，下面仲有啲沙律菜，感覺夠晒健康。另外仲有叫咗豬肉 & 雞肉沙嗲串燒，佢本身就笑得好入味，而且啲肉唔會太乾。加埋個沙嗲醬就好Perfect啦！都主食有蟹肉芒果炒飯，整體炒得幾好味，但好少蟹肉，芒果夠晒新鮮，算係補救返啦。到最後叫咗芒果糯米飯做甜品，芒果好新鮮，加埋個糯米飯同埋椰漿，都幾好味。

美國男友從遠方返來探望，酒店訓醒搵野食醫肚，用某優惠訂座apps訂晏就4點半食物有50%off。由於上次同友人晚市食過覺得唔錯，所以帶男友黎試試。服務不作討論，主要想講食物質素。嗌左一個拼盤同馬拉盞炒椰菜苗。先講椰菜苗食落口勁咸同勁油! 上次食炒芥蘭都唔係咁。而且d椰菜苗食落口唔爽口，勁韌勁難咬，而且老到同睇其他食評相對比幾大出入下....個拼盤1. 串燒... 首先上次食 有直接嗌串燒，而支竹纖都唔會黑哂.... 今次一黎到 黑炆炆 d豬肉咬落口 油同硬，似炸唔係燒既.....咁點解要叫串燒呢？2. 軟殼蟹 冇味，又係硬掘掘...咬落去"閣閣"聲3. 蒜蓉包片 一般般，偏硬。冇太大想評論4. 魚塊 咸味多過冬陰公味... 食完個口好渴... .5. 春卷.. 我冇試 已經唔再想試... 男友話 唔好食... 我就唔評論了....6. 荷葉雞 得油，冇香茅味冇荷葉味我杯凍龍眼蜜 偏甜，不過正常既都應該係咁甜...雖然 折扣左...但真心覺得好難食。我唔知關唔關我上去幫襯時間係佢地d食膳食休息時間關係，所以d食品質素咁求奇咁差，如果你呢段時間唔歡迎做生意，應該直接落場休息唔

一向都好少去近富豪酒店歌邊午飯，今日為咗過嚟呢邊買水果，於是就去咗呢一度新嘅商業大廈，佢嘅3樓就係呢間有泰式同埋越式嘅餐廳，見到午餐大部分個價錢都係70幾蚊，重包你飲一杯特飲，一於去試吓好唔好味。佢個餐牌嘅午市菜色包羅萬有，又有越式嘅夢粉，又有好多款泰國傳統特色食物。最後我決定要呢個價值$78嘅金邊粉，餐廳可以俾你揀係海鮮抑或係雞肉做個配菜，咁我就揀咗海鮮。對於呢個金邊粉嘅評價係，分量好多，但係味道就稍為淡，缺少咗泰式食物豐富層次嘅味道。佢會送一杯特飲，我就揀左青靈梳打, 不過不失啦。整體來講呢間餐廳係合格嘅，午餐時間來講都算係坐得幾舒服嘅餐廳。

Where do I begin? I cannot describe how horrible the food were. You will  just have to believe me (or believe in the photos you are about to see). If you want to read the content, try to use search engines translation.今日即興去 Openrice 睇下銅鑼灣有咩好食， 見到呢間 V Thai 食評唔錯， 而且睇落都幾抵食， 心諗 CP 值應該有返咁上下吧。大概  12:30 到餐廳， 當時入面冇乜人的，望下個menu 又唔覺有lunch set。 但既然一場黎到就即管試一試啦。 安排好座位後先知原來係有 lunch set 的， 主菜加熱飲 價位大概 $6x - $99 左右， 不用加一 。 正正常常的價位。    諗住係泰國+越南餐廳， 就先試下泰式海南雞 同  濕炒牛河吧。最先到係海南雞， 一見到個樣已經覺得中伏。 點解d 海南雞冒煙的??? 因為係啱啱煮好熱的海南雞

嗌左三樣野：蟹肉柚子沙律，炭燒豬頸肉，菠蘿炒飯。蟹肉柚子沙律味道好清新，有啲蟹肉同埋蝦令個味道更豐富，啲菜感覺新鮮。炭燒豬頸肉燒得幾靚，唔會乾。最後個菠蘿炒飯冇影到相～味道都好食。

聽朋友講呢間餐廳D泰國越南菜都幾好味，所以放工黎呢道品嘗一下。餐廳環境挺優雅的，裝修精緻，座位也比較寬敞。香茅燒魚賣相好特別，魚比粗鹽覆蓋燒香，內層放左好多香料，非常香！魚肉幾嫩唔乾，再蘸香辣汁更帶濃郁味道，超正！泰式飲品，我就揀選了這裏DIY的果汁系列-西柚、檸檬加蜂蜜，仲要係新鮮即叫即榨。飲落去味道鮮甜無比，酸酸甜甜，好開胃。金不換香辣炒豬肉碎飯$88最後叫咗個生菜包，份量都幾多，炒飯乾身唔會痴立立，每啖都肉碎，呢個炒飯都辣辣地配埋杯泰式飲品真係非常之享受！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

好朋友係外國回來，一心想食越南野，見到OpenRice 上的 comment 都幾好，於是係OpenRice 上訂枱，並收到確認 e-mail, 點知一唻到就話我地早到話未夠鐘要等一陣，好啦！我等你！等到7點35分時先再問下佢啦！點知佢又話要等到8:00先可以有位！一聽到馬上話比佢知我地有訂枱同埋係有收到確認電郵的，但哥哥仔話今晚好多人都訂左枱，仲要一句唔好意思都冇就走開左！完全冇理過我地！ 真係唔明點解可以安排得咁差

食物味道唔錯！幾好味！選擇都唔少.......唯一係原來限時1.5小時，但我哋人多（十個人），所以唔太足夠！而且confirm booking都無預早通知！所以較適合六人或以下既聚餐。