泰邊爐 (已結業)

一吃立即愛上的泰式火鍋，跟好姊妹2人瘋癲地點了椰子雞煲，整桌的食物根本是4人份量好嗎⋯⋯ 這個湯底讓人回味無窮，濃郁香醇的椰子味再加上火鍋的精華，重點是只需要HK$198/位，我決定再encore！椰子雞煲先上，伺應姐姐說吃完雞才加湯，可是我們吃到一半就等不及了！因為吃完整個煲才火鍋，我相信我們已經吃不下。套餐以外我們點了一碟泰式生蝦，雖然有電視節目說很多食肆都是沒有刺身牌照無牌經營，可是呢我們才不會探究，生蝦新鮮美味爽口就好，讚！

係openrice見到呢間新開嘅火鍋餐廳， 仲要係好特別嘅泰式火鍋, 所以同朋友4人行一齊去試下。 餐廳面積非常大， 位置都幾寬闊，唔會貼住隔離枱，坐得舒服。 餐廳嘅中間有一個自助吧有各式各樣嘅泰式甜品，前菜同埋醬料可以自助。 日有兩個飲品櫃可以自己拎嘢飲， 除咗 汽水同茶，仲有啤酒添呀~ 餐牌嘅幾款湯底都係泰式，當然有出名嘅泰式冬陰功青咖哩。 唔食辣嘅朋友唔使驚~都可以叫椰子雞湯。 我哋就叫咗個椰子湯雞煲加海鮮拼盤。 第一輪會所有配料都出一次，唔駛自己諗，其後配料可以逐樣追加。 先上咗椰子湯雞煲 雞煲入面有成隻雞切成雞件, 配搭一啲蔬菜及新鮮椰子。 椰子同椰奶嘅香味 好吸引, 啲雞非常有驚喜 好滑好入味! 份量都幾多四個人食完都 飽咗一半。 海鮮拼盤非常豐富, 有大大粒嘅扇貝,鮑魚仔,翡翠螺,蠔，鮮蝦，蜆。。好滿足! 泰式鳳爪同埋生菜包幾正~食完好開胃呀~另外嘅火鍋配料有肥牛，豬肉片，羊肉片 同埋好多特色嘅丸~ 泰邊爐係一間唔錯嘅特式任食火鍋 ，推介大家食呢個椰子湯雞煲~

天氣轉涼同班朋友行完旺角就會想打個暖暖既邊爐今次就來到泰邊爐先講湯底，今次簡左個麻辣湯底食落唔算太辣但勝在夠鮮海鮮配料方面都夠晒出色睇得出係精挑細選過超新鮮！叻外仲有其他小食同泰式榚點花款夠晒多總括來講都算唔錯 環境又優雅 推介！

原來而家打邊爐除咗中式日式之外，仲有埋泰式添😂 既然係泰式，除咗醬油吧有泰式醬料之外，當然仲有泰式湯底啦，辣嘅有冬蔭功同青咖喱，唔食辣嘅我就揀咗椰子湯雞煲✨先食雞後打邊邊，一開始會俾哂成枱高級配料你，之後再點任食，但其實食完果堆料都已經飽哂，冇點其他任食料，自認大胃王嘅可以挑戰下😏靚料堆有安格斯黑豚肉/蒙古羊片等，最鐘意係有幾粒手打泰式丸，當晚分別係香茅墨魚丸同埋冬蔭功蝦丸，仲有粉麵都係啲泰式河粉粉絲金邊粉，打邊爐食呢啲都幾特別下😂 另外仲可以加錢要多個海鮮拼盤，鮑魚桶蠔螺蜆貝蝦魚好豐富✨

上次同女朋友食完一次之後，推介比朋友，朋友想我地陪佢一齊再食～所以環境就唔再多介紹！直接去主題！去到餐廳，人流比上次去的確多左。服務依舊咁貼心，一坐底就茶水已備。上次走左雞冇食到個雞煲，今次可以得償所願。生菜包　　上次都試過，水準一樣都維持到！今次生菜一樣咁新鮮，肉碎多汁。唯獨個豬肉碎有少少鹹，不過偶爾失手都乃人之常情，整體味道都唔錯！泰式雞煲　　麻辣就試得多，泰式就第一次，從外觀睇，個雞煲唔油。雞份量都幾多，完整一隻雞。聞落去都有幾分冬蔭公味道，食落口雞肉幾鮮嫩，啖啖肉。個汁唔太辣，帶甜。可能加左椰奶關係，如怕辣既朋友可以一試，新手試最好不過。其次有洋蔥，令到個雞煲味道可以再甜多少少。同埋雞件有事前炒過，唔會似食白烚雞。幾滿意！食完仲可以加湯轉做火鍋，一鍋兩食！海鮮拼盤　分別都係有貝類海產，生蠔，魚類，蝦，鮑魚～各有千秋，當中我都係最中意個鮑魚！實在好彈牙！好爽口～煮耐左都唔怕好硬。幾欣賞入貨既買手，兩次黎揀既海鮮都唔錯！其次係帶子，冇雪味，都係鮮甜味居多！肥牛片　個人幾欣賞，雖則不及食牛既專門店，但係都係高質素，牛味濃，肥瘦分佈平均。仲可以追加！中意食牛既牛魔王可以一試！蟹棒　蟹味

第一次食泰式火鍋 ，叫咗個冬陰公湯底。原本以為湯底會好淡，但估唔到個湯底幾濃郁。配埋唔同種類既海鮮，值得一讚海鮮真係幾新鮮！海鮮令到個湯底越食越鮮甜越食越濃郁。啲火鍋配料仲會吸晒啲冬陰公味添！依到既任食火鍋配料都好多選擇，要咩有咩，麵類仲有泰國mama麵同寬粉！正！成個火鍋唔會太辣，好似我咁食唔到辣嘅朋友都可以接受到。湯底配上唔同種類嘅香料，真係別有一番風味。自助區個到仲有好多唔同既小食、甜品同飲品拎。有椰汁糕、斑蘭糕、熂香蕉，炸香芋丸，而我自己最鐘意嘅就係炸香蕉，香脆嘅外殼加埋軟糯既香蕉，甜而不膩。前菜仲有大家熟悉嘅泰式鳳爪同生菜包等等泰式小食。唔夠食仲有蝦片、紫米露。無時間去泰國的話可以再嚟呢間餐廳緬懷一下泰國嘅風味。

天氣凍凍地。約埋個老友出旺角買衫過冬。買完衫梗係要食餐好嘅。老友話想食打邊爐仲要有特色嘅。卒之我哋揀咗呢間泰式打邊邊。聽講話有好豐富嘅海鮮添。餐廳入邊嘅環境尚算寬敞。又有雞煲又有打邊爐。一定食得飽一飽。湯底未嚟之前....就算肚餓都唔使驚...因為出邊有個吧台。有熟食同甜品任君選擇。令我驚喜...在於呢個套餐有一小碟肉碎生菜包。等我哋未打邊爐前都享受一個泰式風味。呢個海鮮拼盤都相當新鮮.....而且鮮蝦大大隻。我哋叫到成枱都係。豬牛羊乜都有。而且丸類都好豐富而且有質感。今晚呢個泰式打邊邊。令到我和老友都食到飽一飽。尤其是食完海鮮之後。仲要有其他丸類和肉類。一次過滿足曬所有口味。

入秋邊爐@泰邊爐旺角彌敦道628號瓊華中心9樓終於有點涼意了，把握機會約朋友去打邊爐。朋友話任食套餐轉新menu，有海鮮肉蔬菜等等，保證我食到150%飽住走。$268 一位，海鮮雞煲齊齊來。海鮮有扇貝,鮑魚，蝦，青口，蟶子，蜆，大桶蠔，貴妃等。會視當日有什應好貨色，從中供應6款。湯或有椰子或冬陰公，一紅一白先用來煮雞。安格斯肥牛，黑豚肉同羊，一次食到幾種肉！冬天暖身。手打奪我最鍾意食，比機打彈牙足料，風味十足，一口氣可以食上十幾粒. 四款口味幾獨突，黑松露墨魚丸，香芽味墨魚丸，冬陰公蝦丸同飛魚籽蝦丸，因為每款都好味又加入泰國菜式元素，一定要試曬呀！豬肉生菜包，yummy ，都是隨餐的，好多野食，已經飽到爆肚邊沿。蔬菜拼盤，放入濃郁湯中滾幾下就變得好入味。有埋任食自助甜品沙律吧，是泰國日常甜點，千層糯米糕，西米糕咁，是我最喜歡，忍不住明明飽上心口，都食了幾件。

最近我就同我個friend 慶祝生日 因為之前係旺角一間打邊爐食過我覺得好好味 所以就夾埋兩個朋友夾呀壽星女上黎食 我講緊個間餐廳叫做泰邊爐 係瓊華中心咋 係地鐵站行過去都幾方便點知入到去發現左佢個餐牌好似改左 以前只有打邊爐而家竟然有埋海鮮食 正呀 不過而家啲打邊爐食材就冇得自己拎啦 不過都係任叫嘅 咁都好 唔好浪費食物嘛好講返野食先 佢個餐嘅海鮮跟人頭上嘅 依到係一人份量 裏面有飽魚 大蝦 扇貝 桶蠔（食落覺得好新鮮) 仲有蜆同螺 質素唔錯 雖然海鮮唔係任叫 但加左落餐牌的確增加左吸引力 當然佢其他食材同上次一樣都好好 首先 不得不提佢個湯底 誠意推薦佢個椰子雞湯 真係好香 而且好濃厚 咩食材放落去都有好香 個陣微甜令本身嘅食材更加特別 仲有佢個餐包嘅生菜包 佢依到嘅肉碎偏辣 鐘意食辣嘅人一定要食多啲我個人比較喜愛食嘅無骨泰式鳳爪都好好食 唔太辣 但酸酸味味夠哂開胃 佢依到啲手打丸都幾新穎 我地就叫左黑松露墨魚丸同飛魚籽蝦丸 雖然佢新穎嘅味道唔太突出 但勝在夠彈牙 我地都有叫左幾轉至於香港人鐘意食嘅肥牛呢 佢肥瘦嘅部分都幾均勻 食落都幾新鮮彈牙 唔錯!!滿足嘅晚餐點可以少甜品呢 佢

平時都係去酒樓/火鍋專門店打邊爐，泰式火鍋都係第一次，最近就去左瓊華中心「泰邊爐」 火鍋選擇有辣有唔辣：傳統冬蔭公湯、蕃茄湯、椰子雞煲 $198@ 而我地就加少少錢要左海鮮雞煲套餐既椰子雞湯底 $268 套餐已包一份海鮮拼盤+11款食物😮😮再加上甜品沙律吧+飲品任飲 款式真係多到不得了，最抵既係部分火鍋配料仲可以無限追加，好彩我地留左肚來食😂雞煲裡面有差不多半隻雞既肉，事先煎香過，食落特別香口湯底係好香濃既椰子湯，岩哂我地唔食得辣既朋友海鮮拼盤 材料豐富，有扇貝、青口、蠔、鮑魚、鮮魚、翡翠螺、大蝦、蜆 魚肉鮮嫩又唔多骨。蜆同蠔都好乾淨新鮮，無沙。鮑魚就細隻左啲，完全唔夠喉😅泰式鳳爪：酸酸辣辣夠惹味另外仲有雜菜盤、手打丸類、排骨。泰式豬肉碎生菜包：豬肉炒得香口又入味其他肉類仲有安格斯肥牛、黑豚肉、蒙古羊肉片、雪花豬頸肉片，最吸引係羊肉片我地都忍唔住再叫多碟～除左泰式甜品之外，估唔到仲有炸魚皮添

平時食中式日式火鍋就食得多，今次黎到與別不同嘅泰式火鍋-泰邊爐。餐廳非常空曠，一入到去唔會有油煙味。4人行，安排坐喺梳化位，座位寛闊，坐得幾舒服。一入到去就見到好多泰式甜品任食任拎，好吸引呀~餐廳內電視仲播住泰國嘅節目，認真有泰國道地感覺! 店員同經理服務都幾好~湯式方面有4個泰式湯底及2個雞煲選擇，分別喺椰子湯雞煲同埋冬陰功雞煲。我地叫左椰子湯雞煲，追加每人1份海鮮，$198另加$70喳。好抵食呀。先上椰子湯雞煲，煲內有成隻雞，仲有新鮮椰子配料作湯底。椰子香味濃郁，等緊啲雞熟嘅時候聞到好餓😂。雞件大約滾10分鐘就食得。要大讚啲雞呀!肉質好嫩滑同埋入味，咬落陣陣椰子同椰奶香味。我地4個人迅速就將啲低清曬啦~ 另外要推介呢粒好得龍嘅蟹蚶魚蛋，蟹柳嘅味道配搭魚蛋嘅質感，推介一試!海鮮拼盤好吸引，好大盤! 種類非常多，有蝦，扇貝，鮑魚，翡翠螺，青口同蜆。加幾十蚊有咁多海鮮食，呢個價錢超值! 啲蜆仲好新鮮，識郁~ 蝦肉都幾彈牙，扇貝幾大粒唔錯。另一推仲喺佢嘅甜品，但掛住食冇影到😅 呢間泰邊爐做到幾泰底地道嘅感覺，冇令人失望~

路經瓊華，細看一下水牌，選了泰邊爐，貪其既可雞煲又可邊爐，最後情歸邊爐。我們點了$198套餐及額外加點了些海鮮。⚀鮮肉篇⚀ 打邊爐怎少得靚肥牛，手切牛頸脊 $88，屬高質素靚牛，色澤紅潤，放進湯內滾兩滾即可。熟牛有彩光，証明超級新鮮。🖒😍😍至於套餐內任食的肉類，雖然不及手切的，但勝在任點任食，無需加錢。種類豐富，有安格斯靚肥牛、農場黑豚肉、泰式特選排骨等等……。其中雪花豬頸肉片，厚身有咬口。蒙古羊肉片，則羊味濃郁，跟牛肉有明顯分別。⚁丸仔篇⚁ 套餐內有的泰國特色丸拼盤，有泰國牛丸、泰國豬肉丸、泰式舔肉球及辣腸片。還有自家制手打丸，我們今晚食自創冬陰蝦丸及黑松露墨魚丸。整體味道不錯，可算是爽口彈牙肉味香，荀喎！⚂湯底篇⚂ 湯底有六款，加$38可以轉鴛鴦湯底；我們揀了泰式蕃茄豬骨濃湯，湯內放了香茅、檸檬葉等泰式香料，啖啖都滲著泰式風情。湯底沒有味精或味粉的偽甜味，實而不華，沒有口乾的感覺就是最好的証明。其實椰子雞煲都頂吸引，這個留待下回再試。⚃海鮮篇⚃ 套餐本身沒有海鮮，所以特別追加一份升級海鮮拼盤 $70，雖說是一人前，二人分享無難度😏。有鮮魚一件、帶子、青口、海蝦、翡翠螺、鮮鮑魚。海鮮

泰式火鍋初嘗試，見到任飲任食，大食怪又要出動。依到環境都幾寬落，裝修新淨，坐得幾舒服😌今日試左個$268任飲任食雞煲海鮮套餐！出面仲有個小食吧，有泰式蝦片、炸魚皮、炸薯條、炸香蕉、炸芋丸、各款泰食甜品。最中意係個炸香蕉，新鮮炸起熱辣辣，不過炸物比較搶手，拎哂既可能要等下一輪🙈講返個套餐先，湯底方面今日揀左椰子雞煲，先食雞煲後打邊爐，另外仲有冬陰功湯底，正啊～椰子雞煲都算足料，有好多雞件同椰子，味道有淡淡椰子湯味，都幾特別同平時食開既相比下有另一番風味！先上左一台食物，包括泰式生菜包、泰式鳳爪、牛肉、豬肉、羊肉、泰式丸類、菜類、粉絲等等。火鍋配料質素以任食任飲黎講係成正價比😍牛肉質素真的不錯👍🏻仼食既點菜紙基本上食咩有咩，海鮮都有架！最值得讚係個海鮮拼盤，夠新鮮！海鮮有青口、生蠔、鮑魚、鯇魚片、海蝦、螺同扇貝，樣樣都新鮮，不錯！另外青口、海蝦，魚、魷魚係仼食！表示滿意其他火鍋配料都影比大家睇下依到有泰國既寬粉啊！！😍😍😍心心眼，正正正！

第1次在香港食泰式邊爐，早10幾年前就同朋友去泰國1個旅程去5日食足4晚，因為好平好味。朋友介紹旺角有得食泰式邊爐，最近轉咗新menu添，我就同豬隊友🐷齊齊過來食😋😋入到去感覺到好大，有啲懷舊feel, 個環境都幾好，好舒服👍畢醬汁個Bar好正，好多唔同嘅醬汁，最特別嘅係有肉桂👍放咗落啲醬汁度直接提升咗個醬汁味道😋😋我哋叫咗個椰子雞煲，每人加$70有個海鮮盤，出嚟食嘢都唔會計較咁多㗎啦，我哋叫埋海鮮😍，個椰子雞煲嚟咗先，嘩😲好香椰子味，有洋蔥同埋啲雞件數都唔少，食落仲好有椰子味，又唔鞋口。啲海鮮夠曬新鮮，有大大隻生蠔，蝦，魚片，螺， 扇貝，蜆。其他仲有好多唔同種類嘅菜，手打丸，牛肉，豬肉，羊肉。熟食呢有鳳爪，生菜包。最後食到嘅甜品有椰汁糕，紫米露，啫喱，蛋糕。飲品方面都有好多款，真係數極都數唔曬😍😍學廣告咁講，食嘢最緊要食材同埋夠唔夠新鮮，泰邊爐做得到👍👍不過如果窩筍切得厚番少少就更加正，因為食窩筍都係食佢嘅口感😋😋

一日返完工，最鍾意約埋朋友去打邊爐，第二次再去泰邊爐，最欣賞佢個泰式湯底，聽講話有轉左新餐牌，應該有驚喜，一於要去試下到達餐廳發覺都好多人，好彩仲有位，坐低就見到新餐牌，原來多左海鮮，海鮮套餐原來都已經包左好多，除左有海鮮，還有牛，豬和羊肉片，再加上各種泰式肉丸等緊食物未到，就出去睇下，見到有小食（蝦片，薯條，脆魚皮），還有一啲泰式榚點糖水可以攞轉眼間就火鍋配料同埋湯底就到齊，朋友唔食辣，今次要個椰子雞鍋，差點唔記得，原來還有個生菜包，湯底未熱前，食左生菜包先，肉碎味道真係唔錯，少少辣，加埋泰式香料去炒，好好味😋海鮮每樣各有少少，唔夠其實可以再叫，另外牛肉真係幾靚，雪花紋好靚，主要個套餐份量都好足夠，真係唔夠就可以再寫紙再叫，不過我唔大食😆，已經好鬼飽泰式湯底仍然保持水準，加埋有海鮮，真係值得再來