泰 (瓊華中心)

營業中

休息中

前晚喺家人聚會嘅時候，大家決定試吓呢間好有特色嘅泰式餐廳。餐廳入面燈光柔和，氛圍溫馨，好適合一家人一齊用餐。我哋先由鮮蝦柚子沙律開始，呢道菜十分清新，柚子同蝦肉嘅搭配係一個好好嘅開胃菜。接住我哋試咗泰式秘製蟹肉奄列，蛋香濃郁，蟹肉鮮美，我哋屋企嘅小朋友同長輩都鍾意呢個味道。招牌泰式炒蜆係呢間餐廳嘅充點，帶住少少辣，蜆肉吸飽湯汁，鮮香撲鼻。胡椒蝦我個人覺得最好食，胡椒嘅香氣濃厚，非常過癮。仲點咗鳳爪，鳳爪嘅酸辣口感，肉質軟糯，配上獨特嘅醬汁令我忍唔住連食幾件。呢頓晚餐令我嘅家人食得開心，仲增進咗彼此嘅關係，係一個令人難忘嘅美好夜晚。推薦大家嚟呢間餐廳同家人聚聚。

今次嚟到旺角嘅泰餐館食晚餐。呢度環境優美又安靜，服務員好熱情，仲會推薦呢度嘅熱銷料理。我叫咗一份鮮蝦炒金邊粉，香氣四溢，蝦肉鮮嫩彈牙，同滑溜溜嘅金邊粉形成鮮明對比，口感好豐富。而且金邊粉仲吸收咗醬汁獨特嘅味道，食起嚟好有食慾。酸辣鳳爪係經過醃製嘅，食落有濃郁嘅酸辣味，好刺激味蕾。而且鳳爪咬落好有嚼勁，完全吸收咗酸辣醬汁嘅精華，非常惹味。仲有一道我食咗一口就好鍾意嘅泰式胡椒蝦。新鮮嘅大蝦配上胡椒嘅香氣，每一口都好鮮美，仲有微辣嘅刺激，越食越上癮。咖喱雞肉有濃郁嘅青咖喱香氣，同細嫩嘅雞肉完美結合。每一口雞肉都有咖喱嘅味道，香香辣辣，真係令人胃口大開，一口接一口，停唔落。

我哋叫咗一碟青檸明爐烏頭，味道唔錯，魚肉幾滑，青檸汁帶啲清新酸味，令整體口感唔會太油膩，搭配好開胃。之後仲叫咗泰好味胡椒蝦，成碟好紅卜卜，蝦肉幾結實，胡椒味其實唔算太辣，只係帶啲香辣嘅味道，啱啱好，唔會太重調味。我哋仲叫咗原個菠蘿炒飯，個炒飯炒得唔錯，菠蘿有啲甜味，配埋炒飯嘅鹹香，兩者嘅味道融合得幾好，米飯粒粒分明，唔會太乾。最後仲有個青咖喱雞肉，有椰汁香味，香料味十足，雞肉入味。配埋飯食都ok。我哋食得幾滿意嘅，食物口味都幾平衡，唔會太油膩，幾啱我哋口味。如果鍾意泰式嘅話，都可以試下。

泰國菜大家可能食唔少 但咁好食嘅泰國菜，你應該未試過🤪🤪話說早排爸爸👨🏻係咁話想食泰國菜，但又心大心細唔知食邊間好，後來發現泰這間餐廳，就揀左揀佢啦💫炒鮮蝦金邊粉賣相好吸引嘅炒鮮蝦金邊粉，上面有新鮮又爽口嘅大蝦，睇得出好有心機整。另外，佢上面啲青檸、花生配料都好好味。金邊粉炒得乾身，口感彈牙，酸酸甜甜咁好開胃！💫椰汁雞湯 + 蒜蓉包呢碗椰汁雞湯望落好奶白色，以為椰汁味會勁濃，但一飲落去就會發現味道竟然係泰式酸辣香味為主，當然都有好香嘅椰子味，超好飲！另外叫左蒜蓉包，每啖包都勁多蒜蓉醬，無得頂！食到停唔到口，太太太太好食喇🤤🤤🤤💫青檸酸辣明爐烏頭泰式風味嘅魚🐟一定要連埋d醬汁一齊食，越食越辣越過癮😂魚嘅火喉啱啱好，上菜之後仲會用蠟燭令條🐟keep住熱~仲有好多配菜食😻Overall幾滿意，佢確實係幾有特色又好食嘅泰菜，加埋服務同環境都唔錯~爸爸👨🏻都讚好!!!值得一試!!

🥣椰汁雞湯 (😸😸😸😸😺)呢碗湯以椰香味為主，湯料有豐富嘅野菌同雞件😋 飲第一口覺得黎甜，之後食咗啲咸嘢再飲返呢碗湯就非常之開胃，係解辣好拍檔☺️ 有滿滿嘅泰式感覺，味道偏咸甜，雞肉嫩滑無比，仲有少許菇類作配料，鍾意食椰子嘅人會覺得呢碗湯好開胃的 😉🥬青檸明爐烏頭 (😸😸😸😸)原條烏頭呈上，以大量香菜鋪面，加入蒜頭、紅椒、芹菜等材料，賣相得體集合酸辣咸於一身嘅烏頭魚，味道層次豐富，魚肉新鮮雪白又緊實，加上其他配菜，營養健康又美味🦐炸胡椒蝦 (😸😸😸😸😺)蝦子個頭好大，一隻有半個巴掌大。每一隻都開背去蝦線，細節都照顧到。燜煮後讓水份蒸髮嘅同時蝦肉更入味！胡椒味濃鬱，蝦肉緊緻入味，好吃到吮指！

喺香港想搵好味嘅泰國菜，真係唔容易。但係今次俾我搵到啦！就喺旺角嘅【泰】餐館，味道真係好正宗！我約咗好耐冇見嘅朋友一齊去食，可以試多d 唔同嘅野。我哋叫咗每枱都有叫嘅雞翼，外皮好脆，非常爽口，仲加咗香茅，一口咬落去，香味十足，真係好滿足我嘅胃口。會發光嘅金邊粉亦都好惹味，每條麵條都包住泰式嘅風味，仲帶有蝦仔嘅鮮味，令成道料理嘅味道變得十分豐富。呢度嘅招牌就係炒蜆肉，湯底濃郁香甜，蜆肉亦都大隻肥美，兩者完美融合，不愧係招牌，越食越出色。睇落普通嘅炒椰菜苗竟然藏有驚喜，太香啦！椰菜苗清新，仲有馬拉盞作為調料，好有特色，每一口都好清甜，完全唔會膩。椰汁雞湯完美帶出咗椰子嘅香甜同雞肉嘅鮮味，而且食材非常新鮮，雞肉非常滑嫩多汁，湯底清澈鮮美，一流！呢度真係唔錯，推薦！

平時喺旺角出行都會見到呢間泰式餐廳，但屋企人就好少機會食飯，今日就約埋朋友一齊試下呢間已經屹立於旺角好耐嘅泰國菜！個名叫泰，入面裝修風格好泰式，座位好闊落。泰式炒粉絲同朋友食第一啖都有種驚喜感覺，乾濕程度啱啱好，粉絲口味偏甜，啱晒我同唔食辣嘅朋友。馬拉盞通菜炒通菜香氣十足，通菜炒得非常爽脆，好有鑊氣，每一條都好有光澤✨但食落又唔覺好油，而且有炸蒜粒灑喺上面，口感香口🥰醃酸辣鳳爪小食就揀咗泰式鳳爪，呢個小食十分爽口，怕熱氣同朋友share就啱喇，個泰式汁好正，鳳爪夠爽脆好味招牌泰式炒蜆呢碟犀利囉咁蜆殼大到呢～～肉都好厚實 好好味總括而言，份量十足，價錢公道，絕對值得一試！最後要讚嘅係服務員🙆🏻‍♀️🙆🏻‍♂️，又主動又有禮貌

前排同家人去咗旺角一間泰國餐廳食晚餐，發現咗啲好味嘅泰式料理。餐廳環境幾靚，氣氛都唔錯，食物都幾正。首先，餐廳嘅青口炒得幾有味，湯汁吸埋咗青口嘅鮮味，配搭少少泰式香料，味道清爽唔膩，食完之後真係心情好咗啲。跟住，椰汁雞湯係清甜嘅，湯底唔會過油，椰香十足，雞肉嫩滑，整體好適合喺熱辣辣嘅晚餐開胃。再嚟，炒椰菜苗加咗泰式特色嘅馬拉盞，味道辛辣但唔重，蔬菜唔會過熟，仲保持住清脆口感，係一道平衡嘅小菜，配返主菜食幾好。最後，酸辣鳳爪就係經典嘅泰式小食，酸酸辣辣嘅口感啱啱好，開胃又唔會太重口，啲鳳爪好入味，冇咩油膩感。呢間餐廳嘅食物唔錯，真係可以再回頭試！下次想嚟試埋啲其他泰式小食，開心嘅晚餐！🤤

一行3人去打完波，嚟到旺角又想食泰國菜，結果就搵到呢間【泰】。個人未食過，不過聽朋友中有啲係街坊所以推介話食。去到大約1點左右，門口都好多人，等咗陣就有位睇下睇下就ORDER以下：招牌泰式秘煮炒蜆，生菜包，香茅雞翼，馬拉盞炒椰菜苗👍🏿肉碎生菜包 - 今日呢份生菜包係第一次讚生菜包好食lol😂可能因為調味酸酸辣辣 肉粒肥瘦適中，肉味唔系好突出，食落好惹味！配搭爽脆生菜，口感特別，特別得嚟係好食招牌炒蜆--食炒蜆最驚就係有沙，好彩佢無，都算大隻，味道又夠晒👍🏿香茅雞翼 - 聽聞炸雞翼係招牌 於是乎就嗌咗~肉質唔錯~翼肉就當然夠晒滑啦！🤭食落除咗香之外，雞皮仲夠晒脆，同埋都帶啲雞油香，唔使點sauce都夠惹味。Overall幾好食嘅馬拉盞通菜--馬拉盞通菜好有鑊氣！通菜炒得爽口唔會太老，翠綠又香口，味道啱啱好無過鹹，入面仲有啲辣椒粒同蒜粒令到成碟餸更香更惹味

假期大約下午1點去到，人唔多所以相對都較為闊落清靜店員親切有禮🥣香茅炸燒雞翼一盤6隻皮脆多肉，而且炸到剛好雞肉好嫩滑，仲帶有少少香茅味🥣泰式生菜包平時鐘意食肉碎生菜包，所以就試試肉碎軟稔帶辣，量都唔少包埋生菜食增加口感🥣椰汁雞湯個湯以椰香同冬陰功味為主，湯料有豐富既配料😋開頭飲第一啖覺得黎酸，之後食咗啲辣嘢再飲返呢個湯就非常之開胃，係解辣好拍檔☺️🥣青檸明爐烏頭熱辣辣明爐送上，keep住溫度！烏頭魚肉鮮嫩，油份高所以配以酸辣汁就可以減膩！其他配菜都吸收了上湯及烏頭嘅精華，勁入味，而我真係好鍾意個魚鮮酸甜湯底 ！🍹椰汁珍多冰泰國菜必點！勁多水分嘅清新椰汁😍食食吓辣再飲返個都幾爽㗎☺️🍹柚子金桔檸檬有新鮮切塊金桔檸檬係裡面既梳打，冇外加糖漿所以有少少酸甜感👍🏼亦都係解辣解渴小幫手

呢間位於旺角瓊華中心16樓嘅泰式餐廳，絕對係性價比高嘅餐廳。唔單止餐廳嘅環境舒適，食物都好食，好有泰國風味。嗰日我同朋友品嚐咗幾道小菜，到依家仲念念不忘。-我哋首先品嚐嘅係泰好味胡椒蝦，輕輕一剝就食到彈牙嘅蝦肉，濃郁嘅胡椒香氣帶點微辣，好好食。跟住係泰式秘炒紐西蘭青口，醬汁鹹香帶點淡淡嘅辛辣，每一粒個頭飽滿嘅青口都吸滿咗濃郁嘅醬汁，搭配白飯更加係絕配。-跟住嚟咗一鍋令人驚艷嘅黃咖喱芝士雞鍋，香濃嘅黃咖喱醬結合濃郁嘅芝士，令雞肉變得好滑，每一啖都食到濃厚嘅奶香同咖喱嘅辛香，口感溫潤又帶點獨特嘅風味。最後係招牌泰式秘煮炒蜆，呢道菜嘅醬汁極具泰式風味，酸甜鹹辣恰到好處，蜆肉鮮嫩，每一粒都飽滿多汁，一啖接一啖停唔到口。-呢餐飯令我哋感受到泰式料理嘅獨特魅力，酸甜辣嘅層次變化，令每一道菜都成為美味嘅回憶~

好耐冇同屋企人一齊出去食飯，於是約咗阿爸阿媽週末去旺角嘅一間泰國餐廳。一黎到服務員就好熱情，同我哋介紹咗店入面嘅招牌菜。烏頭魚用青檸調味，魚肉嫩滑，口感細膩。魚身上面灑咗啲香料，幾香，爸爸好鍾意。蝦都幾唔錯，幾新鮮，裹住胡椒同泰式醬料，味道香辣，好下飯。泰式炒蜆蜆肉肥嫩，冇腥味，幾開胃，招牌係穩陣的。仲有一道泰式海鮮，青口肉質緊實有嚼勁，味道濃郁，配搭白飯啱啱好。家姐點嘅蟹肉奄列顏色鮮亮，外皮煎得金黃酥脆，入面餡料滿滿，味道鮮甜，再蘸上唔同嘅醬汁，惹味。大家都覺得最中意係佢地海鮮，用料幾好。

以下係我個人比較推薦俾大家呢間餐廳嘅美食。生菜包用新鮮嘅生菜葉包裏住炒得香氣四溢嘅肉末，再加一點酸辣醬，味道豐富，好啱做開胃菜。香茅雞翼外皮炸得金黃酥脆，帶住淡淡嘅香茅清香，咬落去仲可以感受到肉質軟嫩好食，令人回味無窮。泰式鮮蝦炒金邊粉金邊粉嘅口感彈牙，搭配鮮甜嘅蝦仁、豆芽同蔥花，最後灑上啲碎花生，味道械甜適中，食得停唔到口。青咖喱雞肉咖喱醬汁充滿椰奶嘅香氣，雞肉口感鮮嫩，醤汁裏滿每一塊難肉，味道微辣帶甜，非常好食。串燒拼盤豬肉、牛肉同雞肉串燒各有特色。串燒嘅外表微焦，帶住淡淡嘅炭火香，每款肉質都非常滑嫩，搭配特製嘅泰式沾醬，更加別有風味。泰式奶茶奶茶茶香濃郁，甜度啱啱好，配上碎冰，冰涼順口，好飲!

好彩有book定位，20:00已經坐咗九成滿~ 人氣果然係好高~胡椒蝦：炸得好香 加咗層醬汁連殼落去炸 唔使額外再蘸點其他嘢已經好香好惹味～食落口 完全唔會乾 咬落好淋 而且完全食到蝦嘅鮮味 蝦殼也食得🫶🏻鍾意食蝦嘅朋友可以試吓!!炒金邊粉：金邊粉炒得夠乾身，味道酸酸甜甜，再吱埋青檸汁撈埋黎食， 口感會更清爽也能消除油膩，味道酸酸甜甜特別開胃。蝦算多，勝在好味兼新鮮彈牙青咖喱雞肉：雞肉都勁大塊, 新鮮, 量多肉厚! 青咖喱又香又滑, 椰汁味香濃, 飲左幾啖! 咖喱配米飯食, 一陣就食晒! 馬拉盞炒通菜：基本上每次食泰國嘢都會叫馬拉盞炒通菜，今次呢間嘅炒通菜 炒得好有鑊氣 好惹味 馬拉盞味更加重同突出🤔通菜口感啱啱好 保留左少少爽口嘅感覺😝

老媽子對泰國菜好挑剔，但是一直推薦我們去試下。剛好今天我和男友都在旺角走街，就打算一起去試下。我們叫了泰式炒蜆肉，好新鮮，還充滿了香料的香氣，吃起來酸酸甜甜，好開胃！還有鮮蝦炒金邊粉，味道好正宗，多種的蔬菜同蝦子一起炒，吃著好清新，又不失泰國獨有的香氣。蒜蓉包也好有特色，香脆可口，還帶有蒜蓉的香氣，內陷也很柔軟，香味十足，難怪老媽子每次來都會叫一份！炒椰菜苗真是好好味！而且還放了我最愛的馬拉盞作為配料，吃著好濃郁。野菜7苗咬著也很清脆，配馬拉盞真是極品！再來就是這兩杯飲品，蜂蜜蘆薈龍眼同青檸梳打。先來說甜甜的蜂蜜龍眼，喝著很清新，又不會太甜，完全不會膩。而青檸梳打就帶有酸味，酸酸甜甜，非常解渴。吃完這頓，我們才知道原來這是老媽子中意的泰味，真是無得頂，下次帶老媽子來吃更多！