泰+海南雞 (已結業)

第一次試，呢間嘢咩都冇。得返黃咖喱。我叫咗兩個外賣。跟著見到廚房一個個袋倒出嚟微波焗爐返熱，我心諗不妙。跟住聽到旁邊個食客話佢隻鴨脾中心仲凍。返到屋企打開兩盒野，啲雞得五毛錢咁大到，不到十粒。加幾粒糬仔。收我$50一盒仲要加8蚊先有半碗飯。食唔飽冇下次。難食過飛機餐。

無諗到石門開左間新嘅海南雞飯店，今晚晚餐順勢買左兩份無骨海南雞飯外賣返去試食，一打開盒雞飯覺得賣相一般，跟餐有一碗冬瓜湯同一盒醬汁配埋，咁我試飲左嘆湯先，估唔到又幾清甜，入面仲有d雞絲，之後開始試食個雞，點埋d醬配飯食又幾正喎，真係估佢唔到，所以成餐掛住食，都唔記得影相，整體黎講真係唔錯，兩個餐加埋都係$104，而且佢外賣用嘅包裝盒同袋都偏硬身質地，重點個飯都夠多又唔算好油，晚餐食都夠飽有餘，下次會再翻兜。後篇：食飽之後屋企人拎埋個外賣袋去垃圾房掉，竟然見到兩個同款外賣袋...乜咁啱嘅...

最近石門開咗一間新嘅海南雞專門店”Thai Plus”🐔，短短一年內一間店擴張至七間分店。Logo用好醒目嘅公雞頭同紅黃色配色，見到有人外賣就試一試。呢間餐廳淨係賣海南雞飯🐣、泰式小食/沙律同特飲，雞飯有正常版同輕盈版兩個版本。店內只有10個座位，主要都係做外賣生意。外賣盒同膠袋都好精美同用硬身膠質，見到就覺得多數會用完即棄😥，實在太浪費同唔環保…————————————————👅去骨海南雞飯 ($52)👍🏻 正常版大概有8件雞肉，我地個份仲有1隻雞翼/雞翼尖，肉質唔算鞋又不至於滑嫩，去骨雞肉啱晒唔食骨既人👍🏻雞湯有兩件冬瓜，清甜得嚟又無乜味精👎🏻本身泰式醬汁應該係酸辣調味，竟然係一個泰式版嘅薑蔥醬？！醬汁的確幾香幾送飯，但係食完成個下午都係嗰陣薑蔥味，食薄荷糖都僻唔到陣味，有啲崩潰...👎🏻雖然油飯唔算油膩，但雞油香味稍欠，飯量夠多，撐飽你嘅係主要係飯👎🏻👎🏻最最最唔欣賞係堂食都用咁多即棄膠具，食一個飯已經浪費咗一個連蓋飯盒、一個醬汁盒、一個連蓋湯盒同一套膠餐具，試問餐廳運作一日會造成幾多浪費同垃圾❓希望餐廳可以考慮轉用循環再用嘅碗盤，支持環保走塑♻️————————————————🚩

一改我對平民泰國餐廳的印象，四圍一點也不油膩膩，店面十分整潔具時代感，食物性價比極高，唯初期食物偏咸，現在已大有改善❤️ 另外值得一讚，外賣包裝內外兼備，質素極高，在疫情期間叫外賣也十分穩陣👍🏻

$52+$15轉雞脾, 唔知係咪同時買兩盒關係, 或是睇錯單執輕盈餐給我, 飯多雞少, 一般無良食店手法, 味道可以, 以為石門可以搵到間好食既海南雞(相比丸記好食既) 可惜小學生也不夠吃, 老遠拎返屋企唔通去理論咩, 不會再幫襯! 

又系食外賣 今次來試試泰國過江龍Thai Plus喺香港連開幾間分店⋯咁有把握 就一於try try佢😋叫咗咁多次外賣 第一次見成個禮盒咁送餐俾你好豪華 食外賣都有拆禮物嘅感覺⋯⋯好有心思 好有gimmick😍👍🏼今次叫左全隻無骨海南雞🐔🐔雞肉好嫩滑 好新鮮 連雞胸都唔會鞋口雞翼都去埋骨 完全係我鍾意嘅嘢啖啖肉😍👍🏼咁樣食真係好爽！內附仲有幾包海南雞醬青BB嘅泰醬 酸酸maymay好食喎♥️✨令到成件事升華咗仲有青瓜都一樣好新鮮好爽口食幾舊雞 食塊青瓜balance番 膩嘅感覺😜

【泰國過江龍(?) | 海南雞飯🐥】..#🥭👧🏻呢間餐廳主打海南雞 有得揀正常版同輕盈版嘅雞飯 👧🏻覺得唔太肚餓的話 可以試吓輕盈版~-🔻去骨海南雞飯🐥🍚<輕盈版> 配老火雞湯 ($38)輕盈版都有5-6件雞 肉質幾滑而且唔會太肥 塊皮同肉之間嘅啫喱係精華嚟架🤤記得唔好dum咗佢 另外會配個湯 入面有嚿冬瓜 幾好飲🤪 仲有個醬酸酸哋 幾開胃(⭐️評分：7/10)🔻泰式雜錦湯粉🥢($28)個粉超細個！得個兩啖😳 有幾粒丸 一隻蝦 幾嚿扎肉同手撕雞 芽菜同香菜嗰啲好多 但👧🏻就唔多鍾意嗰陣味(⭐️評分：6.5/10)－－－－－－－－－🏝環境：6.5/10🛋服務：7/10💲價錢：7/10💥翻兜指數：7/10✨CP值：7.5/10-🍴餐廳名稱：泰+海南雞 Thai Plus Hainan Chicken (沙田店)📍地址：沙田石門安群街3號京瑞廣場一期地下G48號舖-

近近地都有海南雞飯食🤤唔洗出到九龍港島咁遠喇🤩🤩🇹🇭泰國過江龍海南雞飯快餐店海南雞雞夠滑去晒骨😋多肉皮薄又夠新鮮😋😋雞油飯都算合格✅唔算入味🤔多返少少油濕返少少好食D😋招牌醬汁好野味👍🏻甜甜酸酸少少辣味勁正👍🏻👍🏻湯都唔錯無乜味精✅又夠清甜👍🏻😋唔會太熱辣親口順便嗌埋支鮮榨紅菜頭檸檬汁好足料又健康😋👍🏻個外賣盒同紙袋都好精美🤔全港已經有五間分店想食海南雞又多個選擇喇

琴日同兩個朋友一齊去試咗呢間新野我哋嗌左泰式海南雞飯 ，包一碗湯@$52海南雞飯份量都幾多如果女仔應該會幾飽可以叫輕盈版都夠($38)雞肉非常嫩滑 份量亦都好足夠個醬汁亦清新開胃碗湯就一般，味道好淡同埋唔夠熱油飯煮得啱啱好，同雞配合一流整體來講都好好味👍🏻另外叫咗個泰式粉@28我地揀左金邊粉入邊有豬肉丸，扎肉，少少蝦可以加辣椒粉分量都OK味道就比較普通另外一碗係湯底佢個湯底個味好似肉骨茶我個人就好鍾意呢隻味成碗飲晒不過之後幾個鐘都勁口渴😓個湯好好飲希望餐廳可以改善下呢樣野啦！價錢都正常 可以再幫襯

標榜泰國連鎖店，最近好像在香港開了一連幾間分店，其中一間在石門京端廣場的後街，雖然主打外賣但也有幾個堂食座位，所以這天晚飯便去試試看。最可惜的是無論堂食外賣都是用即棄膠盒，一讚的是膠盒質素甚高，但對於堂食來說實在可以做好一點，畢竟疫情期間已製造太多廢物了。海南雞飯的雞肉非常嫩滑，飯也有雞油味很香，而且那個醬汁幾特別也很惹味。不過份量真的有點少，不敢想像另外那個輕盈版夠吃嗎？價錢也不算便宜， 50多元。餐湯有點失色，我們已是堂食期望可以熱一點。另外還點了一個泰式雜錦湯粉，味道不錯湯底甜甜的，可惜份量極少，雖然較便宜賣$28 ，但連我這個女生也覺得下午茶也不夠。另外還叫了一個泰式無骨鳳爪，汁另上所以沒有那種醃了很久的入味，倒是墊底的生洋蔥非常濃味，夜晚刷牙以後也仍然感覺到。總括來說味道是很不錯，店家都是花了不少心思在裝修和包裝上，可惜價錢偏貴份量也少，就性價比來說似乎也是偏低。

之前喺群組有人推荐呢間度，於是特登去試，一試驚為天心，雞夠滑、冇骨、飯量又多，整體高質素。但前兩次去幫襯發現飯量比之前少左好多，諗住可能次次裝飯的人唔一樣，有人重手有人輕手，但最近一次去，發現連盒都換埋(盒深度淺左)，同埋最大問題係飯好鹹，鹹到要不停飲水，飯量少都可以接受，可能成本問題，但鹹到咁就真係有問題，而雞的味度還可以接受。

是次外賣青木瓜沙律無骨海南雞飯其實無意中行過果頭見到又幾新下所以試試青木瓜沙律.其本都係果d材料.佢個汁就真係唔錯.有味有辣.份量夠食一碗都頂得下肚👍🏻👍🏻👍🏻海南雞飯.雞都嫩口.唔洗點咬🤣.要讚讚佢個醬.夠晒味.同雞都好夾😍.油飯比較林左d...旦整體係好味咁既價錢.算公道食得過😁佢既包裝都有花心思...👍🏻👍🏻👍🏻有誠意之作.值得支持.加油

我地外賣叫左2個海南雞飯，我之前食過OK，但是今次很失望。首先啲飯係生米，鹹到食唔落口，唯一啲雞還可以，係咪換咗廚師？點解啲品質咁參差！如果冇改善下次唔會再食。🙁🙁

突然想吃泰國海南雞飯朋友告訴我石門最近開了間thaiplus 自稱是泰國過江龍點了一客去骨海南雞飯和泰式雜錦湯粉雞飯$52 （雞髀連湯）抵吃 另有輕盈的$38雜錦湯粉有雞肉 札肉 肉丸和蝦$28 超值另外一提這店鋪的外賣餐具器皿很落本今時今日印有自己品牌的食具 紙巾 紙袋很難見到本人覺得很有誠意當然站在環保角度⋯今次外賣很愜意

I came and bought the Hainanese chicken with rice during lunch today. I chose the “light” version for $38 which was a good portion for a girl. It came with a bowl of soup as well. It was delicious and up to standards. I just wished that the meal would come with a discounted drink. I will return again.