影片
港鐵屯門站 F2 出口, 步行約6分鐘
繼續閱讀
營業時間
今日營業
11:00 - 21:30
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
嘩！今日試左間泰國菜的店，呢度嘅泰式冬蔭功湯河，勁爆味蕾！湯頭鮮香得嚟又有滿滿嘅椰子香，飲一口，辣中帶香，真係令人愛不釋口。D河粉滑溜溜，而且有合適嘅嚼勁，湯底同原只大頭蝦喺味道上嘅配合，簡直就係絕配啊！泰式牛肉湯河都唔錯搞！呃，唔好意思，吃得太入神，用語忍唔住粗魯咗啲。但係真係好味啊！牛肉嫩滑，而且超級入味，添上清爽嘅芽菜，口感層次分明，不得了！至於小食，我就試咗泰式炸蝦餅兼串燒。炸蝦餅脆脆哋，內裡卻彈牙有嚼頭，而串燒更係香噴噴，每一啖都有花生醬嘅點綴，真係會令你一試難忘。最後，嘅芒果椰汁冰哇，無話可說，簡直係完美收官！灼熱天氣下，呢碗滿滿嘅椰香加埋芒果嘅甜，清新解暑，款款係心頭好！依家想起都仲想再食一碗咁滯！推推推！🌟🌟🌟
繼續閱讀
完全不知所謂…船麵湯底又無味 牛肉又咬唔入…冬陰公湯河隻蝦是發霉壞的！真的不會回頭…後悔 第一次難食到要係平台到寫食評…就只有雞腿肉串燒可以的…我也真實的告訴大家！完！！！………………………………………………………………………………..
繼續閱讀
泰式炒河（可選豬/牛/雞）👍我地揀左雞肉呢個炒河有驚喜wo🤤口感適中，炒得唔會太濕又唔會太油而且唔會一夾即爛全個set食得最快就係呢個炒河🤤-燒豬頸肉飯味道正常，份量夠大有跟泰式醬，我覺得泰式醬好難會唔好味😂-燒雞串👍估唔到雞肉又燒到幾腍喎幾滿意個分量，總共有6串-蝦餅同泰式醬一樣，好難有難食既蝦餅但炸到有d乾身，個人喜歡點跟豬頸肉飯既醬汁，會冇咁乾-野飲分別叫左芒果椰汁冰同埋青檸梳打青檸梳打正常發揮芒果椰汁冰椰味好濃👍-整體都ok可以再encore😝
繼續閱讀
今日同男朋友去巴黎倫敦紐約米蘭戲院（貪佢夠平）睇閃電俠，開場前先醫肚，去咗雅都商場Food court 搵食。原來都幾多食店揀，中日韓泰美都有，座位又多，坐得自在。男朋友今日就揀咗食泰菜。呢間泰菜選擇唔少，有湯麵、小食、冬陰功、串燒、燒物、甜品、飲品、飯餐、二人餐，同埋派對美食。泰式冬陰功湯河轉金邊粉 （$68）大大碗，份量好足。熱辣辣又火辣辣，湯底好香濃，酸酸辣辣，又有椰香，好味。金邊粉好滑身，仲有啲爽口的芽菜和菇菌。最吸引都係隻大蝦，啲肉彈牙，蝦頭就有甘香的蝦膏，滋味！精選飯餐 C係泰式辣炒牛肉飯（$50）大大碟，不止飯多，連牛肉都好多，好抵食！炒得好夠鑊氣，牛肉又嫩又入味，辣辣地，泰式風味十足！仲叫咗兩款小食。半打沙嗲串燒（$50）豬牛雞各兩串，三款肉都好嫩，有啲焦香，仲整得入味，點埋啲沙嗲醬，香辣惹味，更正！另一款係泰式炸魚餅（$22/4件），彈牙鹹鮮，仲有些獨特的香草香料味，再點啲泰式雞醬，更好味！特飲泰式荔枝冰（$8/跟餐減$10）好冰凍，一解火辣。荔枝味好出，仲有三大粒荔枝，味道甜美。
繼續閱讀
好耐無試新野，今日收工去屯門練箭前一支公搵下野食，係雅都呢邊呢間泰雅咁多好評又未試過，就一於試下真唔真先，門面就連埋餐牌，一眼望晒，款式都唔少有主餐同小食甜品，但就無大路既海南雞飯同無骨豬手。泰式燒豬頸肉飯+薯絲蝦卷今日就試下招牌既豬頸肉飯，跟個小食薯絲蝦卷就加12蚊有2件，先講講豬頸肉大約有10塊，但比較薄同細塊d，面頭都加左d炸蒜增加風味，豬頸肉燒得幾香，唔會好乾，我都真係睇住一落單後個哥哥仔先放上烤爐燒，幾新鮮，跟個泰式醬汁幾特別，少少酸少少辣，幾開胃，飯既質量就一般啦，唔係d咩靚米，但好在唔會濕先，算ok，配菜有2塊青瓜同1塊蕃茄，都幾新鮮。薯絲蝦卷都係新鮮炸起熱辣辣，外皮炸得好脆，蝦肉就唔算多，但幾有特色，12蚊2件可以試試。飲品黎講本身想加10蚊要個涼粉冰，但店員話今日無冰只好要枝裝椰青水就加6蚊，if牌子都算ok啦。整體黎講食物質素算唔錯，價錢都幾平民，可以返食。
繼續閱讀