津一 (已結業)

今日去咗荃灣行街途經荃豐中心聞到好香蔥油味而搵到呢間小店一於試試佢舖頭自己有2-3個座位但周圍說好似food court咁有大量寬闊座位食物即叫即整蔥油排骨麵一到手就聞到好香蔥油味撈埋落麵條食香到癲排骨炸起好脆口津一樽仔奶茶細細樽咁但超濃奶茶味奶同茶葉比例恰到好處飲到最底仲有少少茶葉碎北京香酥烤鴨刈包本身諗住淨係叫個午餐老闆推介試埋呢個刈包果然冇介紹錯 烤鴨似塞爆曬個包肉嫩多汁睇返Menu先知原來呢度仲可以成隻鴨買走

經過荃豐中心, 試一試呢間家庭式川菜小店師傅擁有40年京川菜經驗, 勁nice仲介紹有咩招牌菜🤣 有飯有面超多選擇, 仲要樣樣都勁親民價($40-$60)由於太中意食擔擔湯, 嗌左個排骨擔擔麵同埋擔擔云吞😛湯底辣就夠晒辣, 重口味人士表示如果再濃啲花生味就再正啲🤪 啲云吞都好足料勁大粒, 性價比超高!自家製辣椒油都好正, 好多辣椒碎勁足料, 愛辣人士一定要試下😋小店係新嘅foodcourt area, 位置唔多, 建議takeaway~

#荃灣 🖥🖱去荃豐中心地下樓層買電腦線, 見到有間新開小店, 順手買個外賣返公司食! 其實店外有坐位供堂食, 但當日人多滿坐, 就唯有外賣啦! 🐥食品選擇不少, 有雲吞、酸辣湯、炸醬、麻辣口水雞、飯、麵、烏冬等, 最特別莫過於郁香鴨! 但因為回公司要坐車有一定距離, 唯有下次再試! 🥟擔擔雲吞 $42 ~ 身為北方人的我, 雖然未返過鄉下, 但從小就好喜愛食雲吞、水餃! 店主推介擔擔雲吞, 粒粒自家包, 就連麻醬都是自家制….未食已聞到超級香! 雲吞料料飽滿, 食落夠 Juicy, 皮夠薄又滑! 因為我是外賣, 所以湯另上, 返到公司將湯加熱, 淋上雲吞撈均即可! 我試過唔加湯當撈雲吞食就有點咸, 喜愛濃味的也可一試! 🐄滷水牛腱拼金錢肚飯 $46 ~ 看似小小的一碗, 實質男仕都夠飽! 滷水汁不會過咸, 牛腱及金錢肚滷得入味, 亦炆得夠腍, 無筋無羶味, 食得出的用心, 讚! 🍹再來一杯店主自家制酸梅湯 $18 ~ 店主推介, 夠冰凍, 超濃郁, 從未在食肆飲過如此濃郁的酸梅湯, 激讚! 酸酸甜甜超醒胃, 好適合超炎熱的這個時候! 飲上一口已經透心涼! 必點! 

在食店林立的荃豐中心裡，這間賣的菜式真的算是比較特別的，而且還有比較少見的香酥鴨，現場即叫即弄的，相比起其他的更令人好奇！但今天只是來吃午餐，就吃了其他嘗一下味道！蔥油排骨飯（４８元）排骨是即叫即炸得，用上吉列的煮法，表面炸得非常香，外脆內嫩的，排骨吃起來肉質鬆化，有肉香！而蔥油就用上滬菜的作法，慢慢用油來炸香蔥，來迫出蔥油，所以吃起來的味道會更香濃，而且排骨面上也放了炸香的蔥就大約明白了製作的過程是怎樣了！而且這個蔥油吃起來不單有濃濃的蔥香，還帶有鹹鹹甜甜的味道，所以拌起飯上來非常惹味！上湯雲吞＋麵（４０元）雲吞一共有四個，都是純肉餡中間夾了小量的蔥，吃起來肉香十足，雲告皮滑嫩！麵是用上比較滑嫩的一款。而湯底喝起來會比較清淡，帶有胡椒香和蔥香。汽水（跟餐６元）

荃灣嘅上海菜小店北京香酥鴨（半隻）💚💚💚 💚等咗10至15分鐘就整好喇好似片皮鴨啲friend咁😎鴨比嘅份量都幾多啲皮包曬都剩返喺度啲肉係到🤪🤪口感上同片皮鴨嘅感覺唔同香酥鴨濃味小小今次就叫咗半隻佢會跟埋薄餅、大蔥、青瓜老細話鴨同埋啲醬都係佢哋自己整㗎🥰🥰甜甜地又唔太鹹調味同埋隻鴨都好好食😋店舖其他嘢食嘅價錢都好親民舖頭得老細一人打理😉好親切會提醒要快啲趁熱食啊🥸🥸🍽津一📍地址:荃灣荃豐中心地下GA 35-37號舖📞電話: 37957398

荃灣真係好多美食小店！！少了商場華麗的裝修與高昂舖租，在小店有機會食到貼地而高質的美食🤤呢間位於荃豐中心地下的津一，是一間新開的外賣小店（舖外就有像迷你美食廣場的枱櫈可以坐），標榜由擁有超過40年寶貴京川菜經驗的大師級師父主理，除了一般飯麵，竟然仲有香酥鴨，1/4隻連配料只賣$80！🦆北京香酥鴨 （$80/1/4隻）平時片皮鴨就食得多，啖啖肉的香酥鴨就少見d，鴨肉已切開絲絲，起酥鴨味濃，有鴨香。咪睇佢一小格好少咁，其實有1/4隻鴨，2個人食都綽綽有餘！跟薄餅、大蔥、青瓜，每樣配料份量都好慷慨，抵讚！！仲有想講個餅皮麵幾高質。京醬仲係店家自製，好有誠意做飲食的小店！欣賞！雞中翼（$20/3隻）炸雞翼，幾大隻，即點即炸好香脆。生雲吞（$30/12隻）本身想食炸雲吞但店家話好熱氣，於是我買左一打店家自製雲吞返屋企煮麵食🤣唔駛$3蚊隻好抵食。

店鋪細細間，但係都好好味！🥰熱情嘅店主，仲會同你傾下偈，超有人情味~🍜雞中翼擔擔麵$54，雞中翼嘅size都幾大，好香好脆！🔥而且麵嘅份量都十足，lunch time夠飽肚❤半隻北京香酥鴨$150🦆好似北京片皮鴨，但係佢嘅鴨肉更加厚實。同埋有肉香，跟埋🫔薄餅，🥬大蔥，🥒青瓜，加上有我最鍾意嘅甜面醬。卷埋一齊食，口感豐富，😙而且有青瓜條，所以更加清新可口。#荃灣 #tsuenwan #川味

荃灣呢頭番工，發現咗間隱世小店，位於荃灣中心地下一間小店。平時好少過嚟呢頭，但行過見到試吓，點知咁有驚喜😮😮⭐️滷水牛𦟌拼金錢肚烏冬出去食牛𦟌不嬲都貴，但呢度價錢竟然唔貴，份量仲要唔少！😮牛肚用金錢肚，覺得成個餐都好抵🤩 牛𦟌整得好腍好入味！老闆話個湯係用真材實料去煲，絕不加味精，食完果然無口渴感！😊😊⭐️担担雲吞有少少辣，我唔食得辣都可以接受到！👍🏻有肉醬、花生醬、芝麻醬等，加入湯，口感好豐富！雲吞唔厚皮，入面啖啖肉，好大粒雲吞，好飽肚😋😋⭐️可加配飲品我揀咗豆漿+$10，飲埋嘢，一大滿足！

荃灣 - 津一放工後梗係要買啲嘢番屋企食醫下肚仔😝嚟荃豐中心覓食，荃豐、荃昌、華都幾個細商場連接，隱藏在眾多美食，其中有幾間出名嘅小店，但身為鍾意發掘新嘢嘅小編，係荃豐中心地下發現咗間開業冇耐嘅食店，無意中聽到，店員同顧客嘅對話，湯底係自己熬製，唔係味精湯底，即刻停低腳步。店內嘅食物主要京川為主，有少量嘅座位，主要外賣為主。郁香鴨麵（🌟83.66/100）💲52可分湯上，鴨肉食落冇鴨羶味，咸香咸香，湯底清爽吾油膩，麵質就算隔咗半個鐘食都吾會淋曬，仲食到爽滑嘅口感雞中翼（🌟85.89/100）💲20/3隻拎返屋企嘅時候，Keep住聞到香味，口水都流晒，已經勁想食，返屋企凍咗可以拎氣炸鍋180度5分鐘。脆漿好薄身，咬落去外皮脆卜卜，唔會炸得好乾身，仲有肉汁滴落嚟凍奶茶（🌟86.64/100) 💲18一樽樽整好放落雪櫃，唔會因為冰而令到味道溝淡，直得一讚👍🏻飲落茶同奶比例啱啱好，兩者其中一方唔會搶味，先飲到香濃嘅茶底，隨即幼滑嘅奶香，充斥着口腔，令人一試難忘

幫阿仔拎野，經過荃豐中心，見到有担担雲吞，梗係要試下，至愛上海食物♥️本以為只有外賣， 但店員話可以過對面坐響度食。 不過我自己就叫我外買， 拎返屋企慢慢歎🤣餐牌都好多選擇👍紙袋寫住(品質味道，始津如一），好有氣場，而外賣既食物，又真係做到味道同品質keep到爆燈既水準個紙碗保溫又環保💕返到屋企担担雲吞同滷水牛𦟌拼金錢肚飯仲係熱♥️店員比左自己製辣椒醬我，點牛𦟌，金錢肚確係惹味💕津一自家製作，品質一流👍🐮滷水牛𦟌拼金錢肚飯飯連滷水汁，個汁味道岩岩好，撈飯又一流.，又唔太多汁浸淋哂飯👍一個女仔食既份量都多牛𦟌同金錢肚份量都多，牛𦟌軟稔，滷水又令牛𦟌肉酥軟有咬口，滷肉汁又充分融入肉內，而且無腥羶味，食落有好香既滷水味🐂金錢肚又有彈性，越食滷水汁味越濃担担雲吞外賣嘅時候店員好好，到我拎外賣嘅時候佢先將啲湯煮落去，令到雲吞唔會太易淋同返到去，湯底同雲吞仲燙口。唔好以為見唔到啲雲吞以為好少， 其實係因為餐廳比足夠嘅湯♥️ 一開蓋嘅時候， 嗰陣擔擔麵味嘅香味已經係全部成間屋， 已經令我食慾大增， 立即喝一口湯，就感受到濃濃嘅花生醬味。開頭見到啲肉碎，以為自己整穿咗啲雲吞， 但原來係本身個湯底會有肉碎，仲

荃豐中心其實有好多美食小店, 今次喺附近買完嘢, 經過就試咗呢間京川滬菜外賣店。佢哋提供一系列上海湯麵、飯類, 人均消費 $40-$50, 價錢親民又抵食! 🍜酸辣湯烏冬湯嘅酸來自香醋, 辣則來自白胡椒粉, 酸醒辣辣, 令人開胃! 裡面有木耳、豆腐、筍、雞蛋等等, 濃稠度、鹹度與酸辣味調配得剛剛好。配埋烏冬, 正~🍜雞絲上海麵 會附上辣油, 雞絲份量多, 跟套餐加樽凍豆漿, 更加滿足~ 湯底比較清淡, 所以建議將辣油加入湯底裏。

「品質味道，始津如一」小店位於荃豐中心地下，提供多款自家製配方嘅京川滬菜式🤪 有香滑上海雲吞🥟 懷舊香酥鴨🦆 炸醬麵、排骨飯、口水雞🐤 滷水拼盤、麻婆豆腐、酸辣湯等😉 更有自家製飲品可以購買！雖說是外賣店但旁邊亦有吧位堂食😗 🥘 炸醬排骨麵 $52有自家製炸醬、青瓜絲🥒 排骨🍖 同麵🍜 炸醬帶點微辣🤩 青瓜絲幫助解膩😋 排骨厚度適中，入口外脆內軟😌 麵底夠彈牙而且唔乾！整體份量十足，性價比甚高，值得一試😛🍚 蔥油排骨飯 $48 排骨炸至金黃色十分香脆🙈 肉質嫩滑而且唔油膩，米飯口感軟綿，搭配香蔥油非常惹味🔥

津一地址: 荃灣西樓角路136-138號荃豐中心地下GA35-37號舖荃豐中心其實有好多好嘢食，今日我要同大家介紹間隱世小店，呢間野就佢連openrice，FB或 IG啲食評都唔多，既然係咁就等我介紹吓呢間又平又正良心小店比大家聽啦😆～蔥油排骨飯 🐷 $48蔥油排骨飯一啲都唔簡單，一啲都唔似平時食開啲港式蔥油😚。排骨炸到好酥香，啖啖都好外脆內嫩好香好有肉汁😍，再加上特製豉油 ＋ 炸蔥絲一齊拌飯好夾好香，令人越食越開胃😎。担担雲吞 🥟 $42粒粒自家制雲吞真係人手包，皮薄餡靚非常足料，啲餡料仲塞到滿瀉添😌；一咬落去就好JUICY，一個字形容“正”😚，再加濃濃花生味濃湯，辣辣地每一淡都令人回味😋，如果係雲吞控嘅朋友一定唔可以錯過，正🤩。#nicefoodie荃灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #phtooftheday

今日過咗美食琳瑯滿目嘅荃灣買糯米糍同湯圓，跟住梗係要買埋外賣午餐返屋企，喺荃豐中心原來好多好嘢食，有一間轉做京川滬菜嘅外賣舖頭 — 津一，麵食或者飯大概$40-$50，一於試吓！炸醬排骨飯 （$52）即叫即炸嘅酥炸排骨，好香脆，但咬落仲係好juicy同幾厚肉，喺飯面嘅炸醬都係自家炒製，配埋青瓜條，用嚟撈飯真係一流！滷水牛展拼金錢肚飯 （$46）滷水牛展同埋金錢肚份量都幾多，咬落夠淋又入味，喺面頭仲淋左蔥油，又要清晒成碗飯！自家製酸梅湯（$18）今日室外氣溫成33度，一定要整返支凍冰冰又開胃嘅酸梅湯，飲落酸酸甜甜，消暑清涼！一路等外賣見到唔少街坊同附近舖頭嘅員工都黎幫襯，見到呢度啲靚仔自家製上海雲吞每粒都好大粒，又抵食，下次經過要再嚟食先得！

放工後，到荃豐中心增添一些電腦設備，順道就在此買點外賣回家，因為荃豐中心、華都中心及荃昌中心相連幾個商場都有很多外賣小店，而今次光顧了主打京川滬菜的外賣店「津一」。  雖說是外賣店，但亦可以堂食，因為店鋪對出的地方僻作了用餐區，有點似美食廣場般，還記得以前這位置也是間起來作散貨形式的小檔販。 此外，店旁近汽水櫃一邊，還有數個吧位座，遇上飯市高峰，適合單身的客人。 食物方面，選擇可不少，由小食、飯品、拌麵、擔擔麵、烏冬到自家製上海雲吞，都不愁沒選擇，而且，定價親民，更有好些自家製飲品，均是值得一試。想更快捷下單，不妨試用二維碼下單，校好時間來取，就不用等候更省時。 外賣包裝的紙袋印備了店家名字，不是隨隨便便的普通白膠袋，顯得店家用心，亦很有環保意識，因為盛器都是可分解的紙品，且會問你是否需要餐具，好像我是拿回家吃的，就不需要了，這可減少糊亂損耗。 小食類試了一客「雞絲粉皮」（$32），份量十分足料，有大量雞肉絲、青瓜絲、嫩滑粉皮，拌上麻醬，撒上芝麻，把所有食材拌勻，口感超好，夏天吃更有份透心涼之感。另外，店主滔了一些自家製辣椒油給我們試試，在店中亦設有原樽散賣，我就不嗜辣，但家人就大讚炒