津津茶餐廳

營業中

休息中

晏晝又來到津津 一坐低二話不說就叫咗個鹽焗雞飯 水準一如以往 每件雞包咬落都有鹹香 再加埋沙薑油 簡直係絕配 ^^ 食完一碟飯 仲想打包一碟走 期待下次再嚟過 ^^

29.1.2014再見Quarry Bay系列(18)這夜, 又要一個人在公司OT, 於是就在附近的茶餐廳買個外賣吃. 吃什麼好? 就吃了這裡出名的鹽焗雞, 配以湯伊麵.這碗鹽焗雞湯伊麵($33), 雞件份量不少. 深黃色的雞皮之下, 連著厚肉的雞件. 這鹽焗雞焗得很入味, 不單止雞皮有咸味, 就是雞肉和雞骨, 也有著咸味.   浸在湯中的伊麵仍然煙韌, 不過, 吸了些雞油後, 明顯地油淋淋. 而附送的兩條菜心是爽脆清甜. 希望將來有機會再來.

津津茶餐廳係之前已經光顧過一次,目的係要試試佢地出哂名既雞飯,那次既經驗話我知,雞真係有雞味,但肝就硬左一點.有時人心真係好難測,有一日過經呢度,又比呢個珍肝雞肶飯呢個名吸引左,好似被人遙控左入黎環境無變,都係十分麻甩,而且總係覺得有種怪味,最佳做法其實係外賣回家食.如果男士其實可以留守既,女士要克服一下先得$12 例湯,話雖是例湯,其實應該一成不變,次次都係菜乾豬肺湯,十分多料,菜乾味濃,豬肺好滑,大大碗,未食先飲飽,細食既人不要叫湯飲喔$55 珍肝雞肶飯炒底.一定要炒底,因為根據上次經驗,白飯係無汁落既,食既時候比較乾.呢度既炒底好有趣,飯粒有口感,但不是乾身那種,而係好似用上湯之類來炒,味道勁重口味喔,蛋亦落得好多,但一定好過食白飯.雞仍然係有雞味,雖是雞肶位但不覺肥膩,雞肉係有彈性既,唔係嫩滑.由於係鹽焗既關係,已經有少少咸味,咸度適中,比起好多地方既雞做得更佳.但重點係今次既雞肝雞腎都無煮得太硬,雞肝味勁濃厚,入口會慢慢溶化,十分過癮,雞腎就帶爽身.附送既沙薑作用不大,一來夠哂味,二來十分杰,根本沾不上食物忘記膽固醇吧..............一次咁多啦,美食當前喔

午餐時間去到鰂魚涌辦完事，飢腸轆轆，搵個地方餵飽個肚先誤打誤撞入左呢間睇落破舊ge茶餐廳 以為就系普普通通食個粉麵了事 點知坐低睇個餐牌先知 原來呢間津津ge鹽焗雞好出名.. 既然系出名野 一定要試下啦 就叫左碟鹽焗雞飯。個雞飯分量都幾細 雞肉分量唔多。 嘗一嘗先~ 雞肉好嫩 同埋好入味 唔會死咸 個咸味啱啱好 唔系配飯都可以食幾塊。 配埋一起上嘅自製蘸醬 提升左鮮味。 不過個人都系覺得原汁原味唔點醬好味D!!! 據話呢間鋪頭D鹽焗雞一直延續傳統方法，費神費心每日新鮮製作，唔怪得咁好味啦~ 呢間嘅老火湯好似都幾出名，下次有機會再來試過~值得再來。不過個飯嘅分量就細左D，女仔OK飽肚，不過男士們會唔會....出左來先發覺 原來呢間鋪頭就系殯儀館斜對面 可以開咁多年咁多街坊食客甘願犯忌諱來食 一定有過人之處啦~ 推薦!!

星期六 -14:00 後入座,人客,7,8 個點了雞珍肝米線,因為早餐太飽,所以無食飯.主角這個鹹雞味道十足,鹹雞當然有咁上下鹹 ! 好重"懷舊味道"珍肝真是不個個會欣賞. 食落去不會硬口.內藏野. 都是合口我味,不是個個愛食不過份量少.唔夠候.碰上這天個人狀態不足,沒有再試其它了下次我會不客氣試多幾款鹹雞的配答 ! 

路過鰂魚涌，聽過有一家食店專食鹽焗雞飯，於是便找到津津門面不討好，像一家普通雲吞麵店，在這家舊式茶餐廳，坐在卡位，點了一碗鹽焗雞脾飯，就像周星馳的＜＜食神＞＞，一碗牛雜麵大小的鹽焗雞脾飯很快就來到面前不過當吃了第一口的時間，方知這其實是黯然銷魂飯一個看似普通的雞飯，雞肉跟雞皮因鹽焗關係，變得滑嫩且有點點咸味不像現在大多鹽焗雞，只有雞皮有點味道，雞肉仍是白切雞，津津的鹽焗雞脾飯是徹底的飯底除了飯粒分明，也是一碗有下鹽的鹽焗雞飯，這是一碗由頭到尾完整的鹽焗雞脾飯雖然因為骨碎而要小心，也還是很快的吃了個碗底朝天，35元，還是值得再來。這個鹽焗雞脾飯真的不得了。不過吃太多鹽，可能還是要點個老火湯。

一向都知道津津的鹽焗雞飯及例湯夠水準夠火喉, 鹽焗雞是以真正的鹽焗處理, 而雞隻都是皮厚黃油雞種, 一睇就口水流。不過, 今次我反而想試一下有經歷的茶餐廳所煮的西多士及熱奶茶...西多士煎到金黃香脆, 陣陣雞蛋香味隨風飄至, 牛油都在多士面上慢慢溶開, 而糖漿是採用金獅牌, 夠地道!西多士內塗上一層薄薄的花生醬, 而且雞蛋液已全嗦入麵包內, 難怪蛋香無盡, sweet!熱奶茶顏色紅潤, 有茶香, 茶質滑順而不嚡口, 奶味剛好把紅茶包住, 不過個人就比較喜歡有少少茶澀味的奶茶, 這杯是完全不會有澀味, 其實是一杯十分好的奶茶。負責沖奶茶的叔叔很好人, 他問我:「啱唔啱飲, 唔啱就沖過另外一杯俾你!」

為何會來到模範邨呢? 原因就是 Openrice 的辦公室，都是位於北角與鰂孫涌中間的一帶地方，而這一個中間就是模範邨的位置。一早來的目的，是到 openrice office 拿禮品。到達發現時間尚早，當然也就是我的早餐時間。在附近有什麼好的茶餐廳呢，我一落車，就發現了一家感覺古舊的茶餐廳，模範邨的《津津茶餐廳》。相信模範邨落成多久，她也存在多久。店子，也許曾經經過裝修，但相信已是數十年前的事，整個店，除門面招牌之外，都充滿了幾分的古氣。早餐，還是以公仔麵開始，沙爹牛肉公。上公仔麵的方法十分之傳統，以湯碟盛載絕對是上世紀80年代的慣常做法，而沙爹醬是濃黑色的，沒有辛辣的味覺感受但沙爹的香味濃烈，濃烈得滲滿在平凡的麵湯之中，令每一口麵都有濃而香的味道。多點了一個茶餐廳名物，鮮油多。香脆的白麵包，兩片豐厚的鮮牛油，簡單的食品，永遠能給大家一個意想不到的美味。入茶餐廳必飲的，就是奶茶，夠濃夠香也夠滑，奶味十足的濃奶茶，沒有不該有的苦澀味，入口滑，茶味濃，絕對是一杯令人樂透透的飲品。在這一個曾經是既摩登又模範的地方，吃了一個津津樂道的早餐，這《津津茶餐廳》絕對是一間見證了港島東區發展的老字號

鰂魚涌七姊妹道附近見客，有D阻滯，食晏要慳D，搵間地道茶記。一坐低，發現一碟鹽焗雞飯$40不包飯品或湯，我冇睇錯呀!就要碟鹽焗雞飯碗君加珍肝飲滾水($43)，睇佢有乜本事!雞話係鹽焗，其實應該係鹽水浸，但浸得幾滑，但偏咸，愛淡口味的未必會啱，但我就覺得啱晒key!最唔健康既雞肝，香軟細膩，口感一流，雞腎一般，一味夠爽，但似冰鮮雞腎。$43一碟雞飯，論水準，收得合理，但佢要加十蚊先有例湯，想攞我地打工仔命咩，只好飯滾水，仲係一杯到尾，冇人會幫你refill.

路經北角, 個肚餓到打鼓, 又係時候吃午飯了, 心中在思考何處落腳時... 突然記起在"大酒店"的斜對面有一間外表平實又夠水準的茶記~  OK! 就瞄準著這家 津津茶餐廳... 前進吧!環境: 尤如一般老派的茶記一樣... 有卡位, 要搭檯的, 地面卻非常整潔~ 服務: 侍應生大都是中年男性, 服務態度良好, 而且動作勤快! 客路: 驚人發現, 全店食客都是男性! 出奇地, 沒有出現粗口橫飛的場面~呢間舖, 有三寶! 就是 鹽焗雞飯、鹽焗珍肝飯 & 例湯 (菜乾豬肝湯) 是必吃的~ 小弟已年屆中年, 為防"三高" 不能選珍肝飯... 所以點了  鹽焗雞飯 $32(碟) 及 例湯-菜乾豬肝湯 $11~ 例湯 - 菜乾豬肝湯 $11:端上檯時, 仍是熱騰騰的... 淺嚐一口湯, 便知道此湯煲得甚夠火路!! 菜乾味道又濃又甜亦微帶甘味, 鹹味適中, 至於豬肺... 由於本人是不吃豬肺的所以不知其味, 但當小弟用湯匙輕按下去, 豬肺有如海綿般的細滑~ 以茶記的例湯來說, 這碗湯的品質實在是超班了!鹽焗雞飯 $32(碟):  碟飯一端到桌面, 頓覺雞味鹹香四溢!! 先嗒一羮白飯入口... 飯粒分

11點幾, 餓但又唔係成日去北角, 咁岩有事先去, 所以咩都唔知有咩食, 用個搜尋器睇下附近有咩食, 就搵到呢度!!黎到一個人都冇, 咁都正常O既11點30, 正常都未LUNCH TIME, 又唔想食好多野, 所以就叫個常餐食下, 先黎個奄列, 超正!!! 煎到有蛋香, 而且足料, 唔似出面D咁得層皮.又我都加左一蚊轉多士, 多士好脆夠熱, 即整係唔同D, 再自己加D沙糖 !!!! 滿足!!!!呢碗叉瀨真係唔講得笑, 本身對個D 常餐湯底從冇寄望, 但呢個一飲, 你知佢係用真正O既雞整的.我咁估係因為, 我真係飲落唔係雞粉水或雞精粒味, 第二, 佢係有賣白切雞, 掛晒出黎, 好明顯佢係用個湯黎浸雞, 所以真係好味個湯! 不過我覺得係叉燒唔夠燶, 所以唔夠香!29蚊個餐, 加1蚊多士, 加2蚊凍飲. 講真呢D先係真正有生命的食物! 依家D大型連鎖餐廳冇HEART 冇誠意. 我真心支持呢D家庭小餐廳!!! 每間都有自己味道, 咁樣個飯食界先有色彩嘛!!!

見完集團的高層，正值午飯時間，找個地方醫肚為妙，此時閃起附近一間茶記的雞飯，去了。甫坐低，二話不說來碟盬焗雞飯，是日不想喝例湯，又整杯凍奶茶。飯火速送上，仍是雞胸及翼的位置，色水對辦。放件入口，皮脆肉嫩，不會過咸，水準依然，即使不沾沙薑醬同樣好吃。那麼，碟沙薑醬就用來撈飯，不要浪費。凍奶茶同樣不錯，夠滑且茶味濃，滿意。下次再來，要吃珍肝了。

今日無叫到人煮飯,是Q但搵野食啦.呢間野係我屋企附近,也是很出名的,出名麻甩同埋D雞好食老實講入面環境很DIRTY,因此想外賣,但係入面係無客,得我1個,難得包場就食埋先走叫左個雞+肝飯+菜湯.個菜湯勁大碗,很足料,也真的有豬肺係入面.=以例湯來說呢個叫唔錯喔!雞飯份量也很大,雞肉不算嫩滑但係富彈性,雞皮也是彈的.不是那種肥到嘔的雞可比.但係D肝就一般,唔識欣賞,很DRY,得個咸字.如果係燒雞肝就好,因為呢個飯係無汁,食落都幾DRY下.如果可以加D汁就好了.實在是美中不足

有人話：男人三妻四妾係最威。我就話：奉行一夫一妻的人智商唔係低。有人話：拜神唔可以無隻雞。我就話：女人要補就食當歸。又有人話：男人包二奶要去深圳「向西」。我就話：我寧願去銅鑼灣「泉章居」食鹽焗雞。由於 my luck, my fate, my fortune, 今次我無去泉章居食雞。今次來到北角模範村，試試這裏的鹽焗雞，今天連早餐都沒吃，索性十一時許便吃午飯。入到食肆，所見像是六十年代的裝修，卡位、牆上的餐牌，地下階磚，水吧位等，頗懷舊。餐牌有很多懷舊的菜式，如珍肝，是我的至愛，但膽固醇超了些少，不吃為妙，還是要一碟鹽焗雞飯。飯，很快便送來，飯面舖了幾件雞，另附一小碟沙薑汁，雞皮黃澄澄，散發著健康的膚色，雞的部位是胸和翼，試一件，味道頗鹹，不用點沙薑汁，我知道鹽焗雞是鹹的，但心目中不是這般鹹，太鹹蓋過了肉的鮮味，也許在這年代，不太鹹也沒鮮味，雞的肉質則不錯，雖是雞胸肉，沒有死死實實，鹹鹹地可送飯。也許要試雞髀才可試出真味。

雖則我無本事一日打20個食評.但行一日街三至四個食評都可以.因為我當去旅行.到津津前的已攞獎.津津位於大酒店對面.招牌是黑色的.還在天橋底.環境雖則舊式,但相當光猛,衛生比新店更好.服務雖則是粗聲粗氣的阿叔.但我同意.他們有禮.仲好細心.我要多杯熱茶.他竟倒了凍的一杯.換一杯熱的.菜乾豬肺湯10元雖則貫徹老店味道較鹹和重口味的.湯清甜,味濃.菜乾已溶爛,豬肺林而吸了菜乾的甜味.老火湯,不單止湯濃.料仍美味.令人立即一喝而盡.鹽焗雞脾飯:37元現今在街食雞是無味的.真是無奈,但津津的雞皮黃油,皮薄.肉質微紅.味道鮮甜.鹽焗的味完全滲入雞肉內.入口還帶點雞汁香味.相當好食.做法是新鮮雞.但是否新鮮雞我都不知道?但冰鮮.都有呢的效果.都好厲害.合共47元....下次再攞獎,我會重臨