影片
電話號碼
29440978
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
朋友帶我去佢屋企附近既大排檔開餐，依加咁地道又咁大地方既大排檔已經唔多見最岩一大班朋友黎聚餐食煙飲酒講粗口仲可以玩下骰仔，當然唔食煙都可以坐非吸煙區既。門口仲有好香既串燒燒烤檔，價錢唔貴，諗住走個陣買幾串返去做宵夜，但最後食到太飽，唯有下次再試。入座後店員會主動推薦有咩海鮮新鮮好食，聽完介紹決定叫個鮑魚雞煲、京都骨同西蘭花斑球。本身想叫多個煲仔飯，見係即叫即煲好好食咁，但好似一煲細既都要3-5人先食得完怕浪費所以影左相當食左就算。雞煲好正，鮑魚好新鮮，爽口又彈牙雞件煮得剛好，每件都好嫩滑雞煲汁送飯一流京都骨份量超出預期好抵食，而且肉質好爽嫩，完全唔會乾爭爭咁，值得一試西蘭花斑球既魚肉好厚實件件都好大塊，調味亦剛剛好閒聊時老闆娘仲提及裡面有60幾張枱，坐到二百幾三百人，最大枱可以坐到18個人，曾經全盛時期每晚可以坐爆5百幾人，真心旺場。而且仲有三十多個停車位比食客免費泊車，免左揸車要搵地方泊車既麻煩。
繼續閱讀
大西北朋友，可以試一下老字號小菜大排檔約埋班friend ，一齊飲下啤酒🍻呢度可以免費泊車食左幾款菜式，質素唔錯芝士蝦伊麵 $198 超級大碟，芝士醬凍左都唔覺得會‘漿’住，芝士味濃郁，滲入伊麵裡面伊麵唔會煮到好稔身蝦好大隻，8隻咁多，最窩心係，會剪咗蝦頭，咁就唔會俾蝦眼、蝦鬚吉親咀食肉獸至愛沙拉骨 $98 ，抵食去親大排檔必點，排骨炸到金黃香脆，酥炸嘅排骨啖啖肉，同沙拉醬好配，肉味昇華🫶🏻豉汁蒸魚雲 （長輩/貪靚之人最愛） $148 魚雲係魚頭部分魚好新鮮滑溜，有口感，有魚ge 面珠肉魚頭含魚頭嘅腦髓部分，營養價值非常高豉汁蒸魚雲好味到令我驚艷紅燒乳鴿 $70/隻擺得靚靚仔仔咁外皮好香脆，食落卜卜脆大隻多肉，肉質幾口實點准鹽食仲正食得出係新鮮炸起，記得有一次喺酒樓食過隔夜翻炸乳鴿，難食到想嘔🤮
繼續閱讀
行過洪水橋，肚子餓得咕咕叫，撞正呢間大排檔，正！嘩，開頭啦，蝦醬通菜味噌香濃，係咁新鮮，食落又脆又爽，嗲嗲地真係好下飯。椒鹽鮮魷嘅層次感死得咁足，炸到金黃香脆，魷魚肉厚切，嗌嚟口口難忘。啲鮮魷好似洪水橋嚟既美景一樣，等人一試難忘! 跟住我試咗黑椒薯仔牛柳粒，啲牛柳爽嫩咁入味，每一粒都炒得黑椒香勁撲鼻，惹味到爆，一碟食晒，仲唔夠喉!🤤兜口飲塊五花茶消消暑，又夠甜又唔膩嗲，當然啤酒啦暢快點，畀味蕾一個After Party啦！但講真，最正係啲服務，員工態度超nice，令今次嘅食盛旅更加完滿。總結，係洪水橋呢間大排檔，你會食到好正宗嘅經典味道，真係每一啖都 "好有嚼勁"！呢度既美食，我會推介畀所有鍾意平民美食嘅朋友，下次一定會再嚟！👌🌟😍
繼續閱讀
洪水橋輕鐵站下車步行3分鐘左右.大型嘅大排檔食。門口仲有燒烤攤檔。串燒．烤魚. 煲仔.海鲜.小炒. 很多菜式可以選擇。里面可以容納300百多人坐枱，仲有4張20人大枱，分吸煙及非吸煙區，氣氛熱鬧、自由、開心，聽到有人玩骰蛊，啤酒汽水品種眾多。即興叫了一支青島啤酒助興，另有一番體會。同老板娘聊天：大排擋有40個車位可以免費泊車，中午100元以上可以有專車外卖送食物。//我們點了酸菜魚及姜蔥生蠔煲//酸菜魚真係抵食夾大件，魚肉鮮嫩可口，//生𧐢脹卜卜入味⋯⋯
繼續閱讀
近日在工作不甚如意，公司派了新受聘的妹妹仔上司，處事風格與原有工作文化大相逕庭，有些舊同袍會據理力爭，亦有些老戰友選擇毅然而退，上下員工仍在磨合中......已退下來的老友兼同事知我心有鬱悶就主動約我去佢嘅主場~元朗洪水橋食好東西。在九龍區工作的我，放工後由美孚轉乘西鐵到天水圍站，西鐵車速快，約20分鐘就到天水圍站，再轉乘輕鐵到洪水橋站，步行約3分鐘就到食店~洪昇飯堂。洪昇飯堂真的是擁有偌大面積的飯堂，細算下室內約有60多張飯枱，室外竟又有串燒爐弄美食。老友歡敍，美食就是最佳話題及助慶之選，我們點了：西蘭花炒班片($168）、薑蔥爆魚膘煲（$168）、生炒排骨（$88）及欖菜肉粒炒飯（$88）。在市區已很難再找到像這食店的場面及小炒王技藝，是夜坐了約8成客，看得出有的是附近街坊，更多的是因食店附設大型停車場而駕車來光顧的。此店老闆除了熱情招呼外，意想不到的是原來每晚八點，他會手持咪高峰主持現金利是大抽獎，歡呼緊張氣氛滿溢。老友就是相知相交的老朋友，多謝你的款待，愉快美味的一晚，下次我請客。
繼續閱讀
您可能會有興趣的...