洪祖師 (已結業)

晚上7:30一行3人點了3個超值套餐 $69 x31. 原味滷肉飯+鹽酥豬扒2. 雞滷飯+紅油餃子3. 手撕雞麻醬麵+腐皮蝦卷- 雞滷飯是凍的，筆到最底有一堆汁，浸到變水飯- 滷肉飯是熱的，但有一陣味，似係舊滷肉撈新滷肉，舊滷肉應該變壞了- 鹽酥豬扒好硬- 手撕雞是雞碎，直程不用咬。麵還沒煮開，非常硬- 紅油餃子很辣，但餃子是凍的。大概可以改名叫「冰火餃子」- 唯一蝦卷是正常的廚房唔需要做野時是完全真空的，有單才會出現2個男人。樓面只有落單和上菜才會郁一郁，其餘時間都沉迷手機，舉手想叫員工都沒有回應。

我同女兒，老公中午去食飯，點晒餐，見到對面枱嘅食客在外面買左一包朱古力奶俾兩至三歲嘅男仔飲，佢地坐喺最入角落位，結果店內嘅女職員即大大聲用普通話講：不準在店內喝店外的東西！我見果枱客嘅女士一直勸個小朋友唔好再飲，而店女職員沖左去果枱到大大聲話：不準在店內喝外面的飲料！態度好差‼️個小朋友都俾佢嚇到喊，講真佢地坐到咁入都冇其他人睇到啦，人地大人都飲佢鋪嘅野，使唔使咁樣，香港飲食業都咁差啦，咁小嘅事都咁計較，唔怪之得個個返大陸食啦

間中嚟開附近都會幫襯，佢啲梳化同枱櫈都好大張好好坐，而且好抵食，我今次食麻辣肥牛撈麻醬麵，小食叫咗台灣腸同滷牛筋，飲凍珍珠奶茶撈麵個麵底好夠大，啲麵好好咬，個底本身有牛肉汁，麻醬好夠好，仲有麻辣嘅香同辣味，成個撈麵食起上嚟好香濃，愈食愈想食，肥牛唔韌，仲有洋蔥，點啲撈麵嘅醬一流，小食牛筋滷到好淋好入味，台灣腸都算多，如果有埋蔥同蒜會更好，珍珠奶茶啲珍珠都好咬，唔會痴埋，茶底夠香，奶都夠多，整體好唔錯

Hello 大家好👋🏻！今日我嚟到位於上水嘅「洪祖師」，一間台灣餐廳。 同事推介一齊去試下呢間台灣菜， 算我同事今日做咗件好事，洪祖師果然唔錯。今次同大家分享一下佢哋嘅超值套餐，主食+小食+台式飲品夾埋只係$70幾蚊。 份量啱啱好，唔會太細碗。 當中主食有16款， 小食有22款😋， 飲品唔洗講啦，任何台式飲品應有盡有。美食攻略：雖然滷肉飯係好代表台灣菜，但係我今日想試下佢地個紅燒牛肉麵， 咁就梗有原因啦！ 佢地牛肉麵可以改做配飯，最啱我呢啲湯飯控啦。 牛肉湯香濃，唔會太稀， 不過碗湯比較細碗，塗飯食真係一流，我敢大膽講呢個牛肉湯配飯好食過麵（個人觀點😅🪖🪖🪖）。 佢地嘅牛肉唔係切到薄片果種，而係肉角，入口即化，鬆軟美味。 小食方面我揀咗鹽酥雞，而同事就揀花枝丸。 鹽酥雞絕對無令人失望，香脆可口， 調味唔會太重，味道剛剛好。 花枝丸佢地炸完之後再配上秘制醬汁，令粒花枝丸添上味道嘅層次😋。美食指數：5🌝最高味道：🌝🌝🌝🌜🌚環境：🌝🌝🌜🌚🌚服務：🌝🌝🌝🌚🌚賣相：🌝🌝🌜🌚🌚

今日幫忙到粉嶺整野，整完去下一個點有兩個鐘時間空檔，所以就去搵野食。我同朋友兩個人就駕車嚟到上水呢間台灣野醫肚。我點左紅燒牛三寶麵，鹽酥雞，同埋passion fruit green tea 加椰果。朋友一樣叫左三寶麵，炸花支丸同埋珍珠奶茶。一個餐加都只係84蚊，我在公司附近叫台灣餐廳就咁叫個紅燒牛肉麵都要咁嘅價錢，呢度重要有埋野飲同埋小食，而且份量唔少。我又咁啱整野前食左啲野，又未真係好餓又估唔到有咁多野，所以冇辦法食晒佢。

今日又係上水四圍搵食既時候了，咁岩經過呢間台灣野，查下先知係台灣百年老店，即刻入去試下。我叫左$69既餐 入面包飲品同埋一款小食，唔算平，勝在份量夠多😹😹 飲品：荔枝紅茶，夠味夠甜，就算溶左冰都唔會即刻淡到水咁。小食：清湯蘿蔔，數過都有成8舊，蘿蔔都夠淋。味道不過不失主菜：酸辣肥牛🐮🐮米線，一送到黎淨係聞到酸菜既味，食左一啖完全食唔到辣，加左碟辣椒油先有少少辣味咁，味道還好，下次如果再黎食既話，會選擇叫飯類。

呢間係台南既百年老店🇹🇼門口掛住度小月既燈籠即刻提高晒趕🐷既興趣，仲要據聞佢既主要食材係由台灣總店空運過尼架🛩見門口唔多人即刻去買個外賣試下先😬可能希望越大，結果失望越大.🧡超值套餐 $69.👉🏼 嘉義雞肉飯其實趕🐷本身唔係好知咩叫嘉義味，所以唔知佢岩唔岩味😅純粹以一碗雞肉飯尼講，呢碗就唔多合趕🐷口味，首先佢啲雞肉無咩味，意思係無咩調味又無咩雞味🙈另外佢個飯底有啲爛，趕🐷最怕食pat飯，體驗感有啲差😔.👉🏼 滷豆腐嚴格尼講佢只係一個滷水汁加淋左既炸豆腐😥個滷水汁唔係好咸，帶少少甜，絕對唔會蓋過豆腐本身既味道，以滷水汁尼講佢算出色，但係趕🐷心目中既滷豆腐唔應該係汁還汁，豆腐還豆腐🙈論豆腐係好滑既👍🏼不過啲滷水汁完全入唔到舊豆腐度

好耐無試過係上水區食lunch，口痕痕想食台灣肉燥飯再追趕之後嘅appointment，去左位於馬會道嘅洪祖師食個快嘅台餐。閑日嘅Lunch hour 都好多人幫襯，我入到去都有要係門口等1分鐘先有位坐低食。佢有3個套餐價錢可以選擇，分別係$49-52 (主食+飲品)；$69-79 (主食+飲品+小食)，當中選擇同配搭都唔少！我哩之就叫左🍆🍚茄子肉燥飯+🍲清湯煮蘿蔔+🍑🍹水蜜桃紅茶(熱)，我成個餐加埋$62，夠飽到夜晚食飯。肉燥飯嘅醬好夠送飯，亦見到肉燥係用左肉粒同豬皮粒做，茄子數量唔算好多，叫做夠食。接住係清湯蘿蔔，佢係用左大家熟悉嘅重蒜味湯做湯底，飲落去會有蒜辣味，蘿蔔清甜，索曬湯味。水蜜桃紅茶都唔錯，唔會太甜飲到就快糖尿。以北區黎講，哩間台式餐廳算唔錯。P.S. 老細好勤力同好客，服務方面要加分❤️

平時成日經過呢間野，但一直都冇食過。因為咁岩唔想自己煮，所以揀左呢間既外賣。叫左個套餐，有一碗紅燒牛肉面，一包鹽酥雞，同一杯奶茶。因為唔夠100免唔到運費，另外再＋28蚊叫左個滷豆腐。整體黎講，個面幾好食，牛肉夠腍，足足有4大舊，俾左舊呀媽試，佢本身D 牙唔係咁好，食唔到硬野，都讚D 牛肉夠腍夠有味。鹽酥雞都OK，正常發揮，奶茶就普通台式奶茶。只係滷豆腐就有D貴，28蚊細細地一舊，味道OK既，但份量真係唔多，如果做外賣既話，10-15蚊會好D 。

五點前入座，冇同我哋講六點之後有加一服務費，買單嗰陣時被通知要額外加多錢😓🤬。加錢早響啊嘛！以後唔會再嚟！食物：牛肉麵份量足夠，但是湯是暖的，不是熱的。😓餐廳環境：可能係新開，所以都算乾淨，但係音樂播到太大聲，根本就影響人進食。嘈到頭痛。咁樣嘅時候仲好意思收+1 ？？？

一人叫一個餐食友伴係肉燥飯加鹽酥雞我就叫麻醬雞絲麵加滷大腸交換食下佢個飯個汁有小小酸味，懷疑個入面d菇出事鹽酥雞個味係有的，鹹鹹香香可惜，個粉厚到咩咁麻醬麵個汁同個麵好夾同有咬口，但係個雞絲出事呀～咩料煲湯剩餘肉咁，糊哂一pat pat,滷大腸正常配左杯百香果綠茶每人76元我食左咩落肚？？？食唔到，要出去食附近食燒賣，balance返

帶著白松鼠狗定春要等門口唯一的摺檯，兩個單車大叔食完都唔捨得走，仲要慢慢嘆埋支煙，前前後後等左 15 分鐘有多！侍應無提供餐牌就離開不理，好采係門口已經諗定食咩啫。妹妹姐姐嬸嬸服務殷勤滿意，食得開心。不見兩年刮目相看，從服務到食物質素都大躍進！四眼剷青哥哥非常有衝勁，渾身活力滿場飛服務有熱誠，收銀四眼叔叔就似乎有點遲鈍休悠黐笠笠。已不見以前著短褲著拖鞋頭髮油淋淋係廚房鋪面行出行入那位核突男，眼睛乾淨很多了！芒果紅茶，愛嘆茶的我一定滿意，果酸帶茶香，不錯的選擇。檸檬柑吉，淡淡的酸，微微的甜，夠清爽消滯。荔枝紅茶，炎炎夏日透心涼，酸甜荔枝味果甜突出。茉香綠茶，透心涼順喉清新。冬瓜冰，十足十糖冬瓜味道，對我而言實在太甜。台南滷肉飯，某次得一丁點梅菜滷肉完全唔合格，完全唔夠撈飯！嚕肉飯無嚕肉，眼測 1 % 肉鬆加 9 % 梅菜，完全唔夠撈飯，只靠油淋淋菜汁。油味重帶微微甜梅菜味無肉味。眼前份量較正常，咸香帶著輕輕甜味，不油而清爽，撈飯醒胃增食慾。另有款台南原味滷肉飯，有什麼分別呢？台式滷水拼盤，滷水過咸呢！雞翼偏咸，幸好夠肥美。滷蛋居然係全熟，還以為係溏心。膠黏豬髀肉及腍啤啤大腸，沾點辣椒油能

呢間一向味道可以，不過今日去到好失望，店員拉低口罩問要唔要辣椒油，口水直噴落碗麵度店主仲要照顧自己一家三口嘅朋友入嚟食飯呢個都唔係問題，問題係佢三個朋友都冇戴口罩不停走來走去不斷講嘢，平時就話冇所謂啫而家疫情咁嚴重，起碼係啲客面前帶返口罩啦唔該

正苦離地到寧願花幾個億去做全民檢測，都不肯一毫不花的封關，原因為何？就係將我哋所有好人禁足，又咁岩撞正選舉，又三萬thx 方便管理囉，不斷現場限聚令同堂食令，好多像小妹這種無飯夫妻十分難過活囉！ ！雖然間中煮飯都唔係討厭，日日煮就簡直係挑戰～～所以趁堂食令稍作放寬至晚上九點嗱嗱臨出去食個晚飯平衡下，餐廳亦都有每枱維持1.5米距離，傳播武漢肺炎機會較低～我地揀坐餐廳通風位置就安全得多（不過其實有啲熱）首先來鹽酥雞滷肉飯 ，令小妹想起香港人想起香港人嘅熱門旅遊地台灣，食左當去左一轉台灣啦～～～鹽酥雞配上熱風真的將坐在夜市的大排檔吃晚餐，趁熱吃真的好好味～ 第二道來的菜式就是滷蛋，溏心蛋真係誠意之作，配台式滷水汁，凍凍地食真的好開胃， 小吃還點了椒鹽花枝，係驚喜之作，又脆又香好快就食完左一份，再食一口滷肉飯簡直係大大滿足。小妹點左一擔仔米線，好鍾意佢比米粉更幼嘅質感，配上蔥同滷肉一起吃真的絕配哦！因為驚唔夠食所以叫多一份水餃，口感不錯但係相比前面嘅嘢食就略普通啦，如果胃口有限水餃就可以略過了 ：）。仲有好味珍珠奶茶，點解連呼吸的權利都沒有，普通出過街食飯都變得要好好珍惜，好似放監咁....限

去唔到台灣都可以係香港食下肉燥飯㗎嘛🥰冬菇肉燥飯超級多汁 直頭係肉燥多過飯咁滯佢啲冬菇仲要好厚身 口感幾好比嘅份量都大方跟餐仲送一杯台式飲品試咗佢哋嘅冬瓜茶同珍珠奶茶都好好飲叫咗少甜味道啱啱好仲要係大大杯㗎！-跟餐可以半價加小食 叫左鹽酥雞同埋鹽酥花枝每樣都係另外加十一蚊咋 街邊食都冇咁平！鹽酥雞食落去好酥脆 雞肉充滿肉汁🥰不過調味有少少鹹 食多幾舊會容易膩-鹽酥花枝真係完全估佢唔到咁大塊😨每一塊都成半隻手掌大 仲要係上下兩塊魷魚疊埋總共有四塊 超級無敵滿足啊🤣🤣🤣-呢間餐廳性價比真係好高 啲嘢食又平又大份係仲要好味既最緊要係有良心 值得支持！