洪記潮州滷味 (已結業)

呀媽話唔知煮咩好。叫我斬料加餸，當然無問題啦見到咁新鮮又多選擇。即管試試😝😝見到有元朗黃花魚，烏頭魚。都好多乾貨元貝 冬菇餐牌款式多。每樣都想叫大大隻。今晚就試你😚😚😚😚半隻滷水鵝，份量見相都大，其實真係好多。試了一口，鵝皮同脂肪都好適中，肉質又夠厚，連鵝皮都唔會咬唔開。第一舊就咁吃。之後試了點酸醋汁，更配合。之後試了細半隻滷水蛋，味唔算好濃。岩晒小朋友吃。好快就比他們吃光了🤣🤣🤣🤣🤣，最後就係豬脷，厚切，口感極佳，腍中帶爽。今晚媽咪極度讚賞👍🏻👍🏻👍🏻👍🏻👍🏻👍🏻

外賣加餸，有時好過堂食。想食潮州野，可惜約不到朋友，所以來到屋企附近的滷味店外賣回家吃。花多眼亂太多選擇，見到店內的大墨魚橙色鮮艷，有點忍不住想點來吃，但太多的關係，只能遠觀流著口水算了，我點了一人份量的元蹄和鵝肝，不過一人份量來說，一餐都吃不完，要放雪櫃留待第二餐再吃。先說他的元蹄，認真入味，而且林得來有少少咬口，皮都是略帶煙韌，而鵝肝絕對是邪惡的毒品，哈哈。因為真的一試會上癮，濃濃的潤香，膽固醇爆升，但仍不住要吃

這天在附近工作，所以外帶一點食物回家。我覺得這裡的環境很乾淨，而且光顧的客人不少。雖然我在運送食物回家的過程中，出了一點意外，但食物包裝很堅實，所以並沒有弄髒自己及環境，食物亦沒有受影響。這天吃的是鵝肝、鵝腸及墨魚。我比較少吃潮州滷水鵝肝，但我覺得這裡的鵝肝很有驚喜。記憶中的鵝肝是比較油膩的，但這個滷水鵝肝感覺是清爽的，而且不會有腥味。鵝腸吃起來口感很爽脆，鹹度適中；同時它亦很乾淨，所以吃得很安心。最後，墨魚很柔軟，很不錯！

整完牙經過土瓜灣，原本諗住去隔離「星州明廚」買海南雞，點知發現新開這間潮州菜，見到獅頭鵝很吸引，即刻買左下裝及一隻新鮮鵝亦，店主推介叫我試，原本我諗住叫兩隻，點知成$38/1隻，我見咁貴所以最後都係買一隻算。回家一試原來$38/1隻是新鮮鵝亦比時街買肉質淋D肉味重，因為平時食開急凍肉質實D只係食倒鹵水味，而獅頭鵝唔洗講好味，肉質滑淋但唔會一pat pat，有甘香鵝味值得一試，但鹵水蛋需改善唔入味爭DD，不過去得這潮州舖食獅頭鵝至喺重點鹵水蛋只係點當可以不試，逆市環境可以有咁高質食品，很想推介俾大家。

限聚令下而家晚晚都要返屋企煮飯周不時都要斬料加餸最近發現了屋企附近新開左一間滷水舖店舖樓底高，門面亦十分光猛鋪內地方不大，但有部份位置可以堂食墨魚二兩每次食潮州滷味都會點上墨魚呢度嘅墨魚非常新鮮，而且滷得非常滋味，質感非常爽口彈牙令人愈食愈上引，但原來二兩但不算多，下次決定要多點另一潮州滷味既最愛，就係喜歡係鵝腎，口感爽口入味，很好既開胃前菜而滷水五花腩 是家人的最愛湯底鹵水味帶甜腩肉肥美點上白醋同吃，完全不覺肥膩

是日路經土瓜灣時，無意中發現了這間刪開業的潮州滷水餐廳，門外更可見有不少顧客排隊光顧，我當然亦不會錯過，便決定入內外賣兩款滷味肉類，好為今天家中的晚餐加菜，順道趁機嚐嚐新口味。走至餐廳便首先看見門口位置掛滿各款滷味，並且清楚列明各款食材種類和價格，而內裏裝潢則以淺灰為主色，配搭雲石紋的餐桌座椅，風格樸素整潔。鵝肉例牌 鵝肉分別有砍成件狀和切作片狀兩款，其肉質新鮮，肥脂不多，鵝肉煙韌彈牙，肉味濃郁，有股原有的獨特清甜香氣，而且帶有少許肉汁，不會製得乾嚡，配搭上以數十種香料製成的滷水汁調味點綴，令肉質增添醇香入味，鹹中帶甜，豐富了整體層次，沾上酸醋汁、滷水汁醬料同食，更是別有一番風味。潮香雞雞隻外形可見肥美飽滿，肉質以瘦肉為主，比較健康，師傅以獨特配方製成的雞肉口感新鮮鹹香，雞味濃郁，嫩滑多汁，調味與雞香互相協調，不會蓋過彼此味道，而且由於其脂肪不多，因而連同雞皮食用亦滑溜不膩。總結而言，餐廳裝潢簡約樸素，環境整齊衛生，食材用料新鮮，味道入味可口，既能嚐出肉質的原味同時亦有著調味鮮香，可見製作用心，是光顧購買滷味的好地方。

在朋友家中玩完狗準備回家，還在煩惱晚上吃什麼，朋友就推介她家附近的潮州滷味外賣給我。離遠處就看見這間滷味店的門口特別多人光顧，於是我亦試著加入排隊大軍，最後買了鵝腎，豬大腸，豬手，鵝中翼和豬腩肉。可能由於生意長期興隆，這間店的安排很是細心，在購買後會給予一個籌號，然後憑籌號取食物，這樣就不會造成混亂。回家，開餐! 鵝腎咸香; 豬大腸肥而不膩，充滿着油香; 豬手炆得很軟熟，咬下去感覺充滿著骨膠原; 鵝中翼很入味; 豬腩肉上面有軟糯入味的豬皮，加上梅花間竹地夾雜着肥肉與瘦肉，油香與肉香盡在口中遊走。這家店的食物口感和味道都很不錯，難怪有那麽多街坊幫襯，下次有機會還會再光顧的。

最近每晚煮飯要諗一下煮乜都很頭痛，一個星期煮足七日。剛好今天行去街市的途中，見到有一間新開的滷水店，外面掛着一隻一隻的滷水鴨，好像很吸引，便停下來看看餐牌後買了一些回家斬料加餸。準備開飯了，一打開外賣盒。滷水味清香撲鼻，是八角的香氣，而且賣相一流，色香味俱全。我買了我最喜歡的豬耳，豬耳爽脆，中間的軟骨一點也不硬，外面的一層皮爽口。豬大腸很乾淨，腸中沒有太多肥膏，層次分明，滷得入味，沒有滷過頭，肉質剛剛好，沒渣。滷水味道剛剛好，不會過鹹。鹵水鵝腎好爽口，口感一流。豬脷咬口容易，點綴一點舖頭給的醋來吃，用來餸飯特別開胃。舖頭還有鵝肝，滷水鴨，雞翼等.....不同款式，下次再斬料，一定會試。

疫情下，政府不斷禁晚市 。香港人收工後真係無咩精力同時間去煮飯。加上一段時間無食潮州滷味自己又唔識煮唯有去斬料。 收工都無咩時間周圍買又見附近有間洪記潮州滷味店長期排長龍 就跟風去買餸。買左鵝紅 鵝腎一個 鵝肝 獅頭鵝 豬耳 豬肚 墨魚 蛋鵝紅嫩滑 唔會太實又無腥味 鵝腎豬耳豬肚入味同軟硬適中 墨魚好爽口 少少咬香口膠既感覺都無 鵝肝粉嫩乾淨仲無苦澀味 鵝肉好香唔會太肥 平時怕肥唔食皮既我 呢一次連皮食滷水汁夠香唔會太咸 好適合依嫁食得淡味d既文化全家人都大讚好食 以後又多一個偷懶既機會

帶到朋友家作客要吃個住家飯， 於是自動請纓為他“加餸”， 買燒味自然是少少不了， 結果燒味店沒找到，卻發現了這間洪記。我買了半隻雞和鹵水鴨，吃得我和友人津津入味。潮州滷水天下聞名，滷水汁本身利用丁香、八角、桂皮、甘草等數十種香料製成，有些師傅各有自己的鹵水秘方,滷水汁滷得愈久越香醇。洪記鹵水汁最大的特色是帶有甘甜滋味。一打開盒，只見肥碩大鵝斬件呈現，經過滷水悶煮入味，色澤油亮琥珀色的鵝肉，令人垂涎。吃鹵水講究的是香料與食材本身的相輔相成，不要香料味過重，蓋住了肉味，也不要肉味和香料味道分離。洪記的滷鵝水給我的感覺只有四個字：渾然一體。鵝肉林軟不韌，仔細咀嚼，營造出香味的層次感，越嚼越香，口感具有肉的彈性，重點是吃起來不油膩，令人回味無窮。另外有半隻雞絕對可與招牌滷水鵝平起平坐。雞的醬汁有特別的配方，用味道層次豐富的醬汁製成。 新鮮雞肉特殊的口感，再加上洪記對火候的把控，使得口感保持甚佳，亦將雞調出與眾不同風味。

成日煮飯，唔通個個都想煮飯咩？ 唔煮飯，不如斬料返屋企加餸啦 🤗 唔洗煮之餘，連洗都唔洗洗 👍🏻 絕對係懶人恩物呀 😃 新開嘅呢間滷味店位於北帝街，好方便，可以係附近餐廳一次過買埋其他嘢 （唔好去錯呀，好似附近仲有間同名架）獅頭鵝下庄 （脾）（1/4份）$178一打開外賣盒 😱 嘩！咁多嘅 🤩 我地2個人淨係食呢碟滷味，再自己炒碟菜已經夠哂飽 😬 鵝味香得黎又唔會煮到老哂，又夠入味，點埋啲白醋就更開胃惹味，搞到我地唔覺唔覺食鬼哂 🙈 滷豆腐 $10一件豆腐有6-7切塊架啦，又滑又有豆味滷蛋 $5/隻食滷味又點少得滷蛋呢？ 味道唔算太濃，我個人就覺得可以再重味啲啦

因為而家多數都買外賣, 所以四出搜尋邊度有好味又抵食既食物.潮州滷味就係必選之一, 因為滷味凍食熱食都得, 唔驚拎到返屋企變左質.同事介紹呢間洪記滷味, 佢話每日都好多人排隊, 而且款式多, 價錢唔算好貴, 份量又足.一眼望埋去已經有成廿款滷味, 樣樣都想食, 所以貪心D就要滷水大併盤啦.豬脷夠厚切, 所以咬落有口感, 質地腍中帶嫩.豬腸係近期至愛, 以前怕有怪味, 但而家越食越上癮, 呢個豬腸清得夠乾淨, 無怪味, 口感唔會嚼極唔爛.鵝肉皮脂適中, 肉質厚, 兩者配合得宜, 味道夠入味.豬耳一D都唔硬, 爽口入味.鵝腎之前好似無食過, 因為多數食雞腎, 鴨腎, 但原來鵝腎都係好爽口, 唔韌.個底仲有雞全翼, 炆得夠晒腍, 入晒味, 肉質軟嫩, 唔會滷到D肉實晒.同埋有豆腐, 個豆腐好滑, 唔似硬豆腐咁乾淨淨, 一咬已經滑入口.整體味道唔會好咸, 食完無口乾, 而且樣樣都滷得夠腍, 好易食.

經過土瓜灣有間新開的潮州滷水店，店內有堂食位置，不過來到時已經接近六點幾，便買了一些外賣回家與家人分享。在玻璃櫥窗看到很多款滷水食物，有鵝掌、鵝腎、豬大腸、紅腸等等。傍晚時份有好多街坊幫襯，大約等了15分鐘。另外，買外賣滷水有檸檬茶送😆，見我地同人二人還送多一包給我們。獅頭鵝 | 每斤$128點了四分一下庄(大約$150)，分了兩盒，鵝肉充滿了滷水香味，滷水味道不會太鹹，肉質煮得夠腍，鵝肉皮下脂肪不肥，多肉。點一些酸醋味道更惹味，店家還送了隻滷水蛋，蛋浸得入味。

呢排疫情關係，大家最好留在家中吃飯，少啲出外。 經過土瓜灣附近發現有間新開張的鹵水鵝店，門外擠滿等外賣的人，環境都幾潔淨衛生，試一試先。半隻鹵水鴨一打開份量十足冇呃秤，打包得妥妥當當， 半隻都幾大份。 師傅刀功不錯，把鴨片鋪在面頭，鴨肉質新鮮 而且肥瘦適中， 家裏煲了潮州煲粥一起吃，一流。滷水豆腐紅腸豆腐不會滷得太硬身，能保持豆腐的幼滑， 不過如果可以滷得耐少少就更入味。 紅腸也同樣新鮮。整體來說都滿意下次可以再試其他，都有好多其他滷水選擇， 例如豬手豬耳等等。

今日下午去土瓜灣送文件之後就可以放工啦！經過北帝街見到有間新開張店，原來是賣滷水鵝滷味等。很久沒有吃過又見大排長龍，一於買返屋企加餸啦！滷水鵝、滷水鴨非常大隻好吸引，脹卜卜很飽滿，而枱面就有豬手、豬頸肉、豬大腸、豬腩肉、豬耳、豬脷、豬肚、鵝腸、鵝肝等等。任君選擇滷水鴨掌鴨翼鴨翼夠大隻啖啖肉，滷水味很香很濃，鴨掌很爽脆，師傅斬開一半很細心。滷水鴨舌鴨舌係我至愛，越吃越想吃不會太咸只會上癮。哈哈！墨魚夠爽唔會韌，鮮甜又彈牙配合醬汁更加惹味。