洲際茶餐廳

營業中

休息中

今次帶住買返嚟嘅海鮮去洲際茶餐廳加工，揀咗幾款菜式，每款都充滿誠意同水準，海鮮迷絕對唔可以錯過！🥘 豉椒炒蜆蜆肉肥美多汁，配上惹味嘅豉椒炒得香辣入味，每一口都係海鮮嘅鮮甜加上豉椒嘅香氣，完美嘅味覺享受！🦐 椒鹽瀨尿蝦瀨尿蝦炸得金黃酥脆，外皮香口，蝦肉鮮嫩多汁，配上椒鹽提升咗整體味道層次，鹹香之中帶出蝦嘅鮮甜，絕對係餐桌上嘅焦點！🦪 蒜蓉粉絲蒸蟶子蟶子肉質鮮嫩滑溜，加上滿滿嘅蒜香味同吸滿海鮮鮮味嘅粉絲，簡單蒸製，但每口都充滿濃濃海洋氣息，真係食到停唔到口！🥩 牛仔骨仲試咗牛仔骨，肉質鮮嫩有嚼勁，燒得啱啱好，帶有少少焦香味，每口都係滿足嘅滋味！呢度真係加工海鮮嘅不二之選，煮法靈活，無論清蒸定係重口味炒菜都處理得非常出色，最啱啲鐘意即買即食嘅人！

之前到長洲去咗兩間餐廳都覺得麻麻地，今次上網做下功課，見到間餐廳都有二十幾個贊，唔人話唔好，就想試吓，老板推薦咗墨魚餅，都係超好味，仲有原粒墨魚仔 口感豐富，蒜蓉生䖳也是非常贊，下次一定會再來光顧😋

好嘢！今日我嘗咗洲際式茶餐廳嗰幾款招牌菜，真係令人驚喜萬分🎉。首先，涼瓜炒牛肉，口感完美，涼瓜幾乎苦味全無，炒得啱啱好。牛肉爽滑入味，嗰兩者搭配起黎，真係咁滑咁爽！娃娃菜雖然平平無奇，但湯汁鮮香，食落清新爽口。話說返嗰盤豉椒蜆，啖啖肉嗰種令人嘆為觀止！蒜香味夠晒香，啲蜆又夠嚟鮮甜，正！至於薑蔥炒蟹同鐵板蠔真係勁過癮，蟹肉鮮美無比，每一啃都充滿海鮮的鮮味，而啲蠔烤到金黃香噴噴，肥嘟嘟嘅肉質真係正！再講吓椒鹽鮮魷，外皮酥脆，撈起嗰陣，聽見咔咔聲，已經知道香口得嚟。食落魷魚肉質彈牙，椒鹽味剛剛好。綜合落黎，今日呢一餐食得好滿足，洲際式茶餐廳嘅海鮮都真係惹味到不得了，下次仲要再黎！🍤🦀🐚

今次嚟到長洲海旁 一間餐廳 ‘’洲際茶餐廳‘’ 吃了一個午市套餐，餐廳有室內冷氣座位及海邊的 海景靚位， 我揀了一個向海的座位， 可看天，看雲，看海，看漁船及海鷗， 一邊吃著蒸魚飯， 魚都是雜魚並不名貴， 不過都很鮮味。

今日黎到長洲行下，想搵d冇乜人講過既餐廳試下，黎到呢間餐廳，似乎本身係整海鮮出名。咁黎到食下午茶本身就冇乜特別諗法，但呢個吉列雞扒包就真係唔錯，雞滑，然後炸得唔會太油，易入口。

今天長洲朋友帶路食海鮮，先到長洲街市揀海鮮，然後到這家酒家加工，如果你以為加工都是求求其其的你就大錯特錯，這家店加工的火喉非常好。我們買了5款海鮮，先來個白灼海蝦，簡簡單單的白灼考驗不了廚房師傅的功力。花甲一般來就就是油鹽水浸或豉椒炒，對廚房師傅而言就是快靚正，但這家店竟建議胡椒豬肚湯浸花甲，雖然你可能會說這樣的煮法能多收點錢，不過最少肯建議而且又做得到兼做得好，再者其價錢與用油鹽水浸或以豉椒炒的差不多。蟶子他們建議做個豉椒煎火粉，又是花功夫的菜式，好，我們又試試，上枱時香噴噴，賣相亦很霸氣，而且味道真的不錯。東風螺用鹽焗，這個失手了，焗出來的東風螺有點鹹。最後一味就是清蒸海斑，火喉十足，蒸得啱啱好，謹謹熟，肉質嫩滑。

呢間長洲小炒真係唔錯，墨魚餅同豉油王炒麵必食嘅，上湯豆苗都煮得幾好。墨魚餅係招牌菜之一，佢隨咗用墨魚膠之外，仲加咗d墨魚粒，所以咬落去嘅時候幼中帶粗，既有墨魚嘅鮮味又有墨魚嘅咬口，配泰式甜酸汁真係幾好食。豉油王炒麵炒得夠乾身兼且無乜油，因為今日坐露天雅座加上冷鋒抵港所以都幾涼，D野食凍得好快，不過就算凍咗都唔會琼到一pat咁樣，食得出師傅對出品嘅要求都幾高。上湯豆苗啲豆苗都幾新鮮，整體來講都唔錯。

每次去到長洲，夜晚必定會去洲際食海鮮餐。佢哋可以帶自來海鮮，只收加工費。值得一提嘅係，佢哋嘅蟹煲飯係超級好食，雖然係焗飯，但係啲蟹都一樣整到好鮮甜，同埋有飯焦，好似我咁鍾意食飯焦嘅朋友，非常值得一試😜

居住在城市的人，對進食時的口感和菜肴口味，沒有大要求，原因係單獨經營的餐廳越嚟越少了，而大家希望去到任何地方，都能夠食到自己喜歡的味道，以致連鎖集團的餐廳越來越多。以用通俗語嚟講，就係食慣咗長洲島上的＜ 洲際茶餐廳 ＞可以說是地地道道的獨立食店，其中幾款菜式更有漁夫或漁村的口味呀 ！香煎牙帶魚 ： 此菜式係午間套餐，也並非常常有的呀！剛好今天店東入到新鮮貨才可以享受到海魚味道呀！魚的表面香脆，肉質嫩滑，帶有鹹魚的香味。 相信有人認為係腥味，但這就是魚的天然味道，在城市中是找不到的呀！避風塘雞翼 ： 雞翼質量一般般，但配菜就絕對可以用來伴飯。辣子雞 ： 雞肉嫩滑，肉的質素一般好，都係伴飯的好菜式溫馨提示 ： 店舖分別有左右兩間，地方不大，早少少嚟搵位比較好。

放假去長洲郊遊不算太多人，6點來個early dinner吃飽飽早啲坐船返出中環，試了這家小酒家，小炒鑊氣夠，不過份量就少了一點。4人的晚餐叫了豉椒炒蜆、蒜蓉粉絲蒸蟶子、白灼海赤蝦、金銀蛋娃娃菜及京都肉排。可能未係時候，d蜆比較瘦削，幸好沒有沙。蒜蓉粉絲蒸蟶子味道不錯，算新鮮，蟶子的肉很彈牙。白灼海赤蝦都幾新鮮，而且d蝦都幾大隻。京都肉排都整得好食，個汁唔會太多，好夠鑊氣。金銀蛋娃娃菜味道都ok啦，不過不失。

2021年除夕晚餐設於洲際舉行！限聚令陰霾下十點清場九點截單，兜兩個圈已將近夠鐘，唯有急急是但坐低立即下單，食尾圍大部份海鮮及食材已經沒有了！Asahi draught，最愛日本啤，清爽透心涼。鐵板薑蔥美國桶蠔，鐵板靜蠅蠅煙都唔煙下，微熱可以掏手拿起。咬落味道不過不失仍然感到中間熱熱的，厚身大大粒滴著蠔汁。豉椒炒蜆，沒鑊氣可言，醬汁濃郁，豉味可口，青椒爽甜。蜆仔嬰兒肉奀滋滋超級迷你，薄薄韌韌不肥美無鮮味。豆腐魚雲湯，見不到完整的豆腐，全部豆腐碎可以直接灌落肚。胡椒味強勁的湯汁，沒有魚味但有奶味。小炒皇，首次遇上有沙葛絲的小炒皇，格格不入。炒得油淋淋，墊底的油浸全部放棄，韮菜花份量少得可憐，大部份都是沙葛絲，蝦仔假爽無鮮味。蝦乾、瀨尿蝦乾及腰果算香口，但我不太食的。紅燒BB鴿，薄薄鴿皮夠鬆化，但內內外外完全無味，炸到變形乾爭爭沒半點肉汁，皮包骨兼燶燶地。

I have tried up a lot of seaside seafood restaurants in Cheung Chau over the year, and none of them wowed me, until I tried at Continental Restaurant, it's like the pinnacle of Canton casual restaurant (remember it is just an opinion, but I will stand by it) in Cheung Chau. What we ordered-Stir fried clams in black bean sauce- The clams were quite sizable, sweet and fresh, the sauce was sensational enough. This is a pretty quick and easy dish to make and it served us as the first dish. Deep frie

通常會喺長洲街市買海鮮❗️今次 買琵琶蝦我幾鍾意洲際嘅味道 夠鑊氣🔥而且冇咁多人迫 📍 洲際式茶餐廳 (長洲)長洲大興堤路8至10號地下㊙️ 隔離仲有埋甜品舖 📍 天然甜品 (長洲)長洲大興堤路9號海景樓C座地舖推薦❤️‼️黑色花生糯米糍！唔好淨係食芒果糯米糍啦☺️脆皮朱古力 楊枝甘露❤️❗️（大愛)係金莎嘅外皮❗️入邊係vanilla 雪糕桂花芒果糯米糍‼️就可以唔使食個糯米皮🔥👅 #長洲美食#週末好去處#食海鮮#食好西#長洲甜品 #hongkong#seafood#foodblogger#weekend

係好味喎，點了椒鹽鮮魷，蒜頭蒸聖子，大眼鷄湯，鷄煲，金銀蛋白菜仔。全部都好好味😋，鷄煲好入味之餘鷄也好滑，大眼鷄湯濃漶魚鮮加白糊椒，又真係好來，聖子夠大又新鮮，很滿足的1⃣️餐😋

同家人慶生入左長洲食小食，吉魚蛋。黃昏時間揀左依間餐廳！好有驚喜叫左蟹，炒得好乾身，又好食😋抵食，百幾蚊一碟咁計！沙拉骨嘅汁係perfect, 酸酸甜甜，配白飯一流！另外，仲叫左其他小炒，全部都係有水準！