影片
港鐵利東站A2出口, 步行約4分鐘
繼續閱讀
電話號碼
69906714
開飯介紹
流記艇仔粉 - 傳承地道美味，自1981年起
自1981年成立以來，流記艇仔粉憑著招牌燒鴨髀瀨粉吸引無數港人及旅客慕名而來，成為本地美食的代名詞。過往，想一嚐正宗艇仔粉滋味，您需要到香港仔與鴨脷洲交界的海濱長廊碰碰運氣。但現在，流記艇仔粉已擁有固定泊位，位於香港仔天光墟 Pier 6旁，全新海上廚房船，還持有食物製造廠牌照，讓您食得安心又放心！
精心熬製的湯底，滿載地道風味
流記艇仔粉的湯底選用大地魚慢熬，鮮味濃郁，湯中更可加入多款經典配菜，包括白切雞、燒鴨、魚蛋、叉燒等，配搭河粉或瀨粉，口感豐富，風味無窮，重現昔日避風塘的地道美食文化。
除了艇仔粉外，流記今年更推出了 艇仔糯米飯 及 艇仔咸豬骨雞粥，未來日子會推出更多美食於香港仔天光墟售賣。
繼續閱讀
營業時間
今日營業
11:00 - 21:00
星期一
11:00 - 21:00
星期二
24小時營業
星期三至日
11:00 - 21:00
以上資料只供參考, 請與餐廳確認詳情
招牌菜
幾年前已經睇過Youtuber介紹流記艇仔粉, 但一直未有機會來香港仔。 今日終於路過, 有幸食到, 但流記既食法已經唔同咗。 聽聞佢地因牌照問題搞到頭都大埋, 但經過一番努力後, 攞到食品製造廠牌照, 新船固定停泊係六號碼頭, 想食艇仔粉唔再需要大聲唉, 亦唔需要打電話, 行上船落order就好快有得食😋。 而家仲多咗一個選項, 就係可以坐係隔離隻船上面食, 只要你連埋飲品叫就可以啦。新Menu唔止有燒味粉麵, 仲有埋蠟味糯米飯, 同埋我好想試埋既雞粥。 我叫咗最標準既招牌艇仔粉, 根本就一個迷你燒味拼盤, 有燒鴨、切雞、叉燒, 再加魚蛋一粒同菜心兩條。 據聞流叔以前連燒味都DIY, 而家就由街市交貨俾佢地, 依然維持高水準, 好食過好多燒蠟店。 粉我揀咗最襯燒味既瀨粉, 佢地呢種瀨粉, 唔易碎、唔易斷, 睇落好似薯粉咁透明, 又唔跣筷子, 好食!😋👍 唔好怪我貪心, 如果粉量可以再多少少就perfect啦! 唔係食唔飽, 係餸多, 想有多D澱粉質去同步食。個湯底必定要講一講! 一般燒味飯店個湯底都係雞雞鴨鴨頭頭尾尾煲出嚟, 流記就係用梭羅魚、大地魚、再加埋雞雞鴨鴨頭頭尾尾煲出嚟。 魚同肉既鮮味撞埋一齊, 造出一種複雜得來又有火花既味道, 好有特色! 所以食之前先飲啖湯, 對整碗粉既評價高咗幾個grade! 湯量唔算多, 但邊食邊飲、啖啖有湯, 都叫做夠, 食完就梗係飲清D湯啦, 唔好嘥。4年前疫情初期, 睇到Youtuber介紹流記, 話價錢係$33蚊, 汽水5蚊罐。 而家收40蚊碗, 飲品10至15蚊, 如果想過隔離船坐低堂食, 就盛惠60蚊, 不過包飲品。 如果唔坐低食, 職員都唔會俾面色你睇, 因為大把人買完坐係公園食, 同以前一樣。 六號碼頭埋便就有廁所, 亦有汽水機, 不過幾貴, $9.50一罐。 外賣就比以前包裝得好, 而家會入好膠袋。個膠盒係好將湯同麵/餸隔開既雙層膠盒, 擺一陣都唔怕浸淋, 尤其是河粉。以40蚊外賣價計, 抵食過大家Happy下午茶餐, 全因份量夠, 仲質素高。等粉期間, 見到佢地朝早開11點, 但竟然夜晚收9點! 以前流叔one-man band個陣, 據聞下午三點賣晒就收檔。 而家時間長咗, 坐得舒服咗, 希望多D人可以享受到呢一份情懷啦。呢碗艇仔粉, 如果行入舖頭食, 就算間舖頭裝修到好似隻艇咁樣, 都只係一碗好食既燒味粉, 所以第一次食艇仔粉之前, 一定要睇睇艇仔粉既故事, 真係係隻艇上面煮出嚟架!😃 當未流行揸電單車送外賣之前, 流伯40+年來都係揸住隻艇, 船上、岸邊遠近送到。 如今有固定位置, 係方便咗, 但係昔日要call隻艇埋岸去買既特色, 已經成為歷史。 希望流記可以將艇仔粉既故事流傳下去, 保育香港仔呢個獨有既地道風味。可取之處: 抵食! 真材實料!進步空間: 希望反通漲價錢都得到保育(以下評分係外賣, 不是堂食)紙巾提供: 冇廁所狀況: *** (公園廁所)溫飽指數: ***回味指數: ****翻兜指數: ****備註: 除現金外, 收Visa/Master、Payme、ApplePay
繼續閱讀
食艇仔粉，就係為咗風味。價錢分2種，在艇上有坐位，包非酒精類$60、外賣$40。抱住唔好食心情，其實又有D驚喜，都幾好味，湯抵係幾好味的😂我比較嘴刁，雞髀瀬要加多$20。但係呢度啲瀬粉完全唔係食開嗰種，其實係類似韓國比較粗嘅粉絲（透明那種）。有D失望！另外仲有糯米飯，出奇的好味👍🏻希望佢哋可以改用返傳統嘅瀬粉，咁就very good😂
繼續閱讀