浦井韓食居酒屋 (已結業)

食物質素十分高, 一開始我叫左碟玉子食!佢燒到有小小焦, 香味好重, 份量多,價錢不貴, 28$一份~ 喜歡食蛋既人必叫!5花腩係韓燒主食之一, 喜歡食豬既人都係必叫,呢到5花腩肉質都係靚,圖都望到, 食落微甜,本身豬味就不太重, 所以點醬食會更好~佢有爐邊蛋食, 中間有好多cheese 既玉子, 可以自行放d落蛋到,超好味!有一邊我地就落韓式泡菜,一邊就放玉米!呢個係牛肉盤, 因為單叫既話, 太多重複, 重口味, 不如每樣都試d會更好味.!牛柳超厚個個suggest 剪開黎先燒會好燒好多如果唔係入面好難熟的~ 牛柳好彈牙唔錯的!巨人拼就真係唔好亂叫, 唔係唔好食, 而係好大份=v=, 真係好多人食先好叫!咩小食都有d , 當中薯餅我最中意! 好少韓式店有薯餅食!牛柳粒反而特色無牛盤咁大, 小小香, 但係有d硬, 乾身,洋蔥炒算幾香既~整體價錢不貴, 服務好~ 可以再去~ 值得一試!! 主打係肉同爐邊蛋!

今日難得同舊同事食飯，我同佢都鍾意食韓國嘢，佢話喺尖沙咀有間味道都唔錯坐得都舒服嘅餐廳。我哋最後就今日大約七點鐘嚟到一間韓國餐廳，坐落去都舒服，而且張櫈下面可以放嘢好方便。而且依度仲有燒烤同熱食， 但係因為我哋唔想食得太熱氣，所以就食鍋和沙律。高麗人參雞湯 $148…分到4碗左右，半隻雞，雞肉食落去煲完都吾鞋口，湯清得黎吾油 ，飯好綿身，原來加多幾十蚊有全隻，抵食喎，下次就識叫啦！芝麻醬豆腐沙律 $68……豆腐豆香重，勁多新鮮蔬菜和青椒，另外再加上濃郁芝麻醬好清新又開胃。深海盛 $298 原隻八爪魚，蝦 ，藍青口……終於到主菜啦，勁大隻八爪魚好吸引，仲有吾少新鮮海鮮，下面有蔬菜，䓤和年糕，熟晒之後吸左辣度味道不錯，但可能我和朋友都食得辣所以再加上辣椒醬更“野”味添。食完都差不多飽肚之後，待應好好都有倒水比我地，坐下傾下計渡過愉快的晚上。

Isquare 既戲院，係我其中一個最鐘意既戲院，貪佢D座位坐得舒服，可以 join 戲院既membership有優惠，同埋商場既餐廳選擇夠多，方便睇完戲可以食埋野一條龍。呢日睇完戲就俾我發現佐呢間韓式燒烤店 - 浦井。餐廳既裝潢令人感覺很 relax ，很causal ，可以好輕鬆咁進食，而且座位都算幾多，呢日我大約8:00入座都唔駛等位。餐廳設有 open kitchen，可以讓客人看見廚師處理一些基本的料理，而 open kitchen 上面設有兩個大電視，介紹餐廳比較有名，值得推介的菜式。餐廳以圓枱為主，4-5人一枱最為合適。作為韓式燒烤店，醬汁當然唔少得，呢度就提供有兩款，一款酸，一款辣，任君選擇。小食前菜有三款，包括甜酸蘿白，辣既銀芽，同埋韓式泡菜，份量唔算多。餐廳設有套餐，方便有選擇困難症既客人，1人餐至4人餐都可以係呢度搵到。除了套餐，也可以散叫。八道水冷麵 $75水冷麵有兩款，一款係辣既雪地獄冷麵，而另一款就係我所揀選既八道水冷麵，冷麵既份量都幾大份，有青瓜，幾塊牛展，同埋半隻雞蛋，醬汁酸甜度做得不錯，而麵質食落又夠彈牙。剛剛呈上既時候好似份量唔多，但將佢夾開之後，其

相見無須多理由，一句「想見」就約左黎食韓國菜。 5點至7點係Happy Hour時間，炸雞半份 加2杯特飲只是 $138，所以叫了一份試試！炸雞半份 + 2杯特飲 $138 特飲分別要了芒果沙冰同蜜桃沙冰，十分透心涼呀～炸雞要了蜜糖醬，醬汁好開胃！雞件大約有4-5件，要熱食！炸雞皮脆肉嫩，感覺唔算太熱氣，而且餐廳好細心預備埋手套方便客人食～ 叫左2款肉類作燒烤~ 另外加左錢要爐邊蛋~ 爐邊蛋有芝士粟米，雞蛋同泡菜蛋。個人覺得泡菜蛋比較出色，相反我唔係太中意芝士粟米既口感。 厚切豬腩肉$78 薄切豬五花 $69 肉類預先用左麻油調味架～ 薄切個個燒一陣就得，就咁食已經好食。厚切豬腩肉就中意包菜食，冇咁罪惡感麻～ 芝士蛋醬鐵鍋飯 $78 又係冇得輸既組合，芝士、蛋同飯，亂咁撈下就可以食～ 都幾拉絲下，炒飯帶小小辣，唔膩濟，上面有D豬肉片，所以食落冇咁dry~烤鮮菇京蔥串 $28 冇記錯既話就係有2串，燒到個冬菇好juicy!七味豆腐粒 $38 呢個係唯一覺得好唔滿意既小食呀！賣相睇落好好，點知隔左陣就出左好多油，完全變成油浸豆腐粒，冇意欲想食 餐牌

為左慶祝朋友生日，一早打算預訂佢最鐘意食的韓國菜，見尖沙咀吾少韓國餐廳都試過，今次就試下評分幾高的蒲井。蒲井餐廳空間感夠，檯與檯之間都夠闊落同普遍的韓燒餐廳一樣，每張圓櫈下面都有得放隨身物品，岩哂我地買完野一抽二抽。因為行到勁熱先點左個柚子蜜餞凍蕃茄 $32呢個絕對有驚喜原隻蕃茄加沙律菜待應仲好貼心幫我地切埋柚子蜜酸酸甜甜加上SODA蕃茄仲要好新鮮簡直食吾停口作為前菜好開胃重點係最底的沙律菜吸哂柚子蜜餞的味道好Refreshing 的感覺因為朋友最愛炸雞毫不猶豫點左原袓炸雞加特飲1 set都係$138性價比都高同佢各點左蜜桃，菠蘿沙冰先講炸雞份量兩個人食都夠連埋雞脾同雞全翼有5隻味道吾差，係炸粉厚左少少同埋雞件吾算大仲有2塊哈哈笑薯寶而蜜桃同菠蘿沙冰比較的話菠蘿沙冰會更出色冇太多加工的感覺仲要一點都吾會太酸身為芝士控的我點左泡菜香䓤餅 芝士 $48賣相幾好但係煎餅有點厚，吾係薄身香口的感覺有點失望，因為食吾到芝士味見到都有吾少人點燒烤下次會ENCORE 食燒肉先!!

唔講唔覺原來Isquare都幾多野食 又集中 見到哩間都幾多野食 所以試下 晚餐時段都幾full 餐廳環境唔錯又唔會坐得好逼上牛烤 HKD288見到menu 都有幾個韓牛拼盤 最後揀左上牛烤 有小牛排 、肉眼 、牛肩胛脊 、腹胸肉同牛舌 哩個份量都幾多仲有唔少蔬菜 店員好詳細咁教我地燒唔同部位嘅先後次序 味道會更好 啲肉冇落好重調味料 所以完全食到牛嘅鮮味 肉眼仲燒到好juicy🙈蜜糖醬炸雞(全份）HKD168本來唔打算叫炸雞 但見到圖片好吸引 忍唔住試下 哩個係融合左港式味道嘅炸雞 但雞肉唔會炸到好老同乾 韓式炒粉絲 HKD68好中意食韓式少粉絲 因為夠彈性 入面有牛肉 好夠味而且份量都多另外爐邊蛋仲可以任refill 岩哂中意食蛋嘅人！

與舊朋友相約於尖沙咀吃晚飯，我先到達，朋友著我先隨意找間餐廳。漫無目的走著，來到 iSquare 七樓的浦井居酒屋，雖以居酒屋（いざかや）自居，裡面吃的都是韓食。好奇之下看了餐牌，頗為吸引，就決定了這裡吃。入座不久後，恰巧友人們都到齊了。四人用膳，點套餐比起單點來得方便，於是叫了一份上牛烤與一份巨人併，包羅萬有，絕對不會有人投訴。上牛烤裡有各款韓烤牛肉熱門的部位，尤以其小牛排與牛肩胛脊最具質素，整體來說肉品的口感與味道皆令人滿意，牛味充足，不需刻意沾抹調味，感受牛肉的原汁原味。值得一提的爐邊蛋（原味／泡菜）與韓式小碟均為無限添加，讓我們一邊吃肉一邊吃配菜爐邊蛋，必定吃到撐。而不能不提個人最喜愛的韓國酒－韓國米酒（막걸리），入口微甜而且清爽，酒精雖濃但又不會辛口，非常而入口！巨人併，即是小食併盤，當中選了芝士泡菜豚肋、芥末味炸雞、炸薯拼盤。食物已經預先做好，好讓我們在等爐中的牛肉熟透時先吃小食，絕不會有空白時間。炸雞配合芥末口味挺能為油膩食物提味，而芝士泡菜豚肋的肉質亦算柔軟。四人吃畢這盤巨人併，真的好飽好飽。

這幾天身體有一點不適，但相約朋友去吃韓國餐廳，就硬著頭皮吃一下吧。餐廳上有不同選擇，款式也五花八門，也滿特別的。燒烤前會準備一點蛋漿和芝士粟米倒到旁邊，雞蛋和芝士粟米蠻好吃的。上牛烤有小牛排、肉眼、牛肩胛脊、腹胸肉、牛舌，種類滿多，當天味覺不太好，沒有吃太多，個人比較喜歡牛舌，入口比較嫰。原祖蜜糖/芥末味炸雞醬汁和份量滿多的，炸雞外脆內嫰，配上密糖或芥末都有不同的風味。韓國MAKGEOLLI甜米酒吃炸雞就需要飲酒，不是啤酒，是米酒，味道濃帶一點點甜，容易入口。

天文台預計明天打風，趁天氣還可以，今晚帶了羊baby吃韓式烤肉。位於iSquare的蒲井有BB椅提供，而且地方闊落，食到悶可以讓她落地走走，也不會妨礙到別人。餐牌上的選擇很多，炸雞、烤肉、各樣韓式窩都有！兒童餐也有兩款。下單以後，侍應就來準備爐邊蛋，一格下了原味蛋汁、一格下了蛋汁加泡菜、一格下了芝士粟米。羊baby對這些爐邊蛋非常期待，一直在問煮好了沒有食物方面我們點了一盤上牛烤。薄身的牛肉比較容易烤，一分鐘就可以吃，而且肉質細嫩，羊baby表示很滿意這件牛立方就比較考功夫了，先要把各面稍為燒熟，封鎖着入面的肉汁，然後放上小砧板切片，然後再按個人喜好的生熟程度放到板上燒。這個牛立方牛味比薄片牛肉濃，但肉質稍硬。這是羊baby的兒童餐，韓式炒牛肉配紫菜飯，再加炸笑哈哈薯仔及少量沙律菜，賣相挺可愛的這炒牛肉味道不錯，送飯是一流的。羊baby卻看着笑哈哈薯仔雙眼發光，快快手把笑哈哈薯仔消滅了我們點了半份蜜糖炸雞：這個炸雞新鮮炸好，上枱是熱辣辣的！炸雞肉質嫩滑，面層鋪滿滋味的蜜糖芥茉醬，味道很豐富吃完主菜以後，我們還點了一客可可控窩夫和雪糕時時都是最佳配搭，再淋上大家都喜歡的朱古力醬，這個甜品

今日係iSQUARE睇完戲，閒到有陣陣韓燒味道，行近就見到呢間韓食居酒屋，近近地又唔想行太遠晚餐所以入左去。打開餐牌見到d自家沙冰好正咁，就叫左我最喜歡嘅蜜桃味沙冰，竟然好有益力多味，飲唔停，一杯又一杯，十分推薦。嚟食韓燒，第一樣要嗌緊係牛拼盤啦（牛上烤）有幾種牛唔同嘅部位，職員細心講解點樣燒同燒唔同部位所需嘅時間。加左$20芝士粟米，同生菜牛肉包埋一齊食真係好野味。辣酒煮蜆辣辣地幾有鮮味，食得辣嘅朋友可以試吓。呢度地點一流，非常方便，岩曬嚟呢度睇戲嘅朋友仔。

今晚約左朋友去尖沙咀ISQUARE睇戲，我地係商場巡了一圈被浦井韓式BBQ同炸雞所吸引，於是一致決定品嚐咋雞韓燒!門面通透沒玻璃阻擋，可以清晰看見、聽見餐廳內的情況。每張椅子都可揭起放袋和外套，很貼心。在爐邊的蒸蛋、泡菜蒸蛋都是免費任添，生菜也是免費添食的。芝麻醬豆腐沙律在烤肉前我們先吃沙律醒一醒味蕾，冷豆腐在夏日品嚐特別清新，配上芝麻醬酸酸甜甜份外開胃，整體感覺就是很健康。我們點了三款沙冰和一杯熱柚子茶我選了蜜桃沙冰，蜜桃味很清新自然沒有人造香料的感覺而且不會很甜，韓燒喝沙冰為味蕾帶來一冷一熱的衝擊。朋友點的另外二款沙冰他們都說好解暑。明洞鐵鍋飯燒得烘烘的鐵鍋上放了醃菜、牛肉、白飯和雞蛋，加了辣醬拌勻來吃很惹味，每一口都吃到飯和蔬菜軟硬的口感。炸雞全份三併 (原味、芥末味、蜜糖醬)先吃原味，雞皮炸得脆卜卜而雞肉保持嫩滑，芥末味有芥末香而不辣，雖然外皮是沾著醬汁上桌，但粉醬仍能保持脆口口感。本人最愛甜甜的蜜糖味，入口很滋潤味蕾很舒服的味道。上牛烤吃過炸雞便開始烤肉了，上牛烤拼盤內有小牛排、肉眼、牛肩胛脊、腹胸肉、牛舌，份量每款約有五六塊及大量蔬菜。厚切豬腩肉厚切豬腩肉有五塊都是厚厚的，

同honey好中意食韓燒！琴晚係尖沙咀買完野就去左宜間食韓燒！烤肉有套餐又可以單點...我地就叫左個牧場烤，份量幾足，兩個人食岩岩好！職員先幫我地加爐邊蛋，一邊加左泡菜，一款淨蛋。牧場烤套餐有小牛排、肉眼、半隻春雞、豬仔肶、豬腩肉，岩哂中意食肉既我地呀！除左肉肉肉...仲有不同既蔬菜做配菜。雖然食好多肉，食番d菜罪惡感冇咁重！肉眼軟腍又嫩滑，極想再encore呀！將燒好既肉用生菜包著食，感覺冇咁飽膩！基本上啲肉餣得好入味，唔洗再點醬油已經好好味！芝士蛋醬鐡窩飯熱辣辣香噴噴，未食已經流哂口水！最鐘意既芝士拉絲又出現了、入口除左有芝士味，仲多左陣蛋香，加上辣辣的泡菜飯，超級惹味！冰涼既白桃&芒果沙冰甜度適中，幾fresh!

很久沒有吃韓燒，今晚去紅磡看演唱會，於是便選在交通方便的iSquare吃韓燒，再在附近乘綠色小巴往紅磡體育館，非常便利。餐廳很光猛，就是一般韓燒的格局，抽風系統也不錯，侍應招待也很好。由下午5:00到晚上7:30，可享用happy hour優惠，半份炸雞配兩杯特飲或生啤也只是$138，很是划算。覆盆子沙冰 單點價 $38不是一般的糖漿水，而是用覆盆子加冰打成沙冰，很清新解渴，是吃炸雞和烤肉的好配搭。蜜糖醬炸雞 (半份)我們選了蜜糖醬炸雞，弄得皮脆肉嫩很有水準；甜甜的蜜糖醬有少許芥末味，吃起來特別滋味，哈哈笑薯餅樣子有趣，但我嫌脆皮多過薯蓉。烤肉前侍應先幫我們倒入蛋漿和泡菜蛋漿先烤，芝士粟米則要另加$20，芝士迷的我怎會錯過呢！芝士還可以做到拉絲效果呢。餐廳提供生菜、紅蘿蔔條和西芹條讓客人可以包着燒肉吃，這樣可以減輕油膩感。上牛烤 擺盤用心而且食物非常豐富，包括有小牛排、肉眼、牛肩胛脊、腹胸肉和牛舌，還有金菇、雞脾菇、冬菇、南瓜、青瓜、翠玉瓜、紅蘿蔔、車厘茄、青椒和生菜等等配菜。全部牛肉都不錯，較特別是立方體的肉眼，每邊燒兩至三分鐘，切開再燒至自己喜歡的熟度，而我們最喜愛已醃過的腹胸肉，

今晚收工急急腳趕去尖沙咀I Square，因為約左老婆同另外兩個Friend睇上星期上映好評如潮的電影。雖然等車都等得耐，不過都可以趕到19:00前到售票處，但當我地三個都已經到左售票處準備好排隊買票時，老婆打黎話仲係長沙灣。😱無辦法之下我地唯有改睇21:30場啦。😢由於臨時改左食完飯先睇戲，反而我地有左更多時間食晚餐，我地即刻係openrice搵搵I Square有邊d餐廳適合。最後我地決定去呢間好多好評同戲院售票處同層的浦井韓食居酒屋。可能因為係星期一，我地19:30進餐廳客人都唔算好多。店內裝修好有韓國風格，雖然叫做韓食居酒屋，不過格局比較似高級韓燒店。一攞起餐牌我地雙眼立刻發光，除左老婆之外，我地三個都係牛魔王，見到餐牌上有款上牛烤有齊小牛排、肉眼、牛肩胛脊、牛胸腹同牛舌，當然要立刻點一份啦。😋店員送到時我地都覺得比預期更大份，開始驚點得太多，因為除左上牛烤，我地仲點左厚切豬五花、芝麻醬豆腐沙律、明洞鐵鍋飯、梨大炸醬麵同全份炸雞三拼，另外仲一人叫左一杯野飲。🙈牛上烤賣相非常吸引。韓牛板上的泡菜蛋可以不停refill，蛋味香濃配上煮完甜甜的泡菜，味道唔錯。由於老婆唔食牛，所以其他