浦和日本料理

營業中

休息中

2025年1月28日，同5位屋企人食新年飯，餐廳一共有4個等級選擇，除左最貴果個等級其他每級都係差$100左右。我地揀左第二貴嘅等級連加一$500左右2個鐘，入座個陣因為我有個又重又大嘅袋，職員即刻主動問我需唔需要拎去後台（未食野服務先+1分啦👍🏼）用手機掃QR落單，雖然無預先講有啲食物已經售罄，但我地主要食嘅都有所以影響唔大。落完落5分鐘都無，我落單嘅食物同因等級關係，我地每位都會送一客海膽、大海蝦、鮑魚等等嘅刺身都黎齊👍🏼👍🏼雖然張枱超細，但啲職員做野超快手基本上我全程都無舉過手咁佢地都識走黎收野搬野💪🏻到食物環節，食得出用料新鮮，刺身新鮮又大件又好食，火鍋嘅牛豬雞都咁好食又嫩又入味可以連豉油都唔洗點😂，串燒除左個黑毛豬串燒其他都熱辣辣好好味😋，到我地食到7成飽先發現只係過左1個鐘🙃只因佢地出餐收碗碟速度快到嚇親🫣佢地完全無出面任食店個啲拖單細件慢慢做野哂食客用餐時間個啲賤玩法！！總結全家都食得超開心70歲到20歲都覺得物超所值👍🏼👍🏼超推薦💪🏻

約了朋友去這店食午飯. 朋友點了一份商務套餐, 有沙律前菜,豚肉叉燒湯烏冬,雜錦壽司,甜品雪糕（不過只是牛奶公司而不是說明的movenpick）再加飲品, 也只不過是$248.再加上在openrice 預訂更有九折優惠. 而我便叫了一份牛肩肉野菜鍋. 同樣有沙律前菜,野菜有豆腐/冬菇/金針菇/韭蔥/津白/粉絲. 牛肉應有七,八片,牛肉的質素很好,非常好食,有牛肉味.再加一碗白飯,.甜品同一樣是牛奶公司雪糕及飲品.這個牛肉鍋非常大,足夠兩人食,只不過 是$178,非常非常抵食,值得一讚！午市食飯時候,全店也可能有85%滿座,但坐得舒適,也不覺得迫.也沒有限時食飯,所以很好.因為有九折,所以埋單也只不過是$426.我覺得好抵食.可以再去幫襯.

幫襯左20年，由中高日本料理，幫襯到頂級日式放題，今晚再試試，估唔到味道還可以，但如果吃佢哋頂級放題咁就有少少失望，餐牌完全没變過，不過新來店長都好有經驗，知道客人需要什麼，好有親切感，但吃物方面就有好大進步空間，如果不客氣咁講，八舊水放題不用吃E d嘢，加多幾舊够吃平平哋我媽家姐

呢間放題好驚喜👍睇到有海膽壽司放題仲可以揀5小時任食唔洗要趕急咁食即管同朋友試下呢間餐廳一行四人，餐廳都好主動提我地用App有3送1優惠，即時幫我地慳返一位錢😍因為要等埋朋友到侍應好貼心咁提返刺身拼盤一次性，建議等朋友到齊先上👍點住其他野食住等另外再點既刺身都Keep住新鮮，赤蝦都係同第一次Order一樣估唔到既係海膽壽司，諗住通常會越叫越差，竟然次次order都Keep住高質素叫既數量真係比足晒侍應都好好禮貌服務勁好，估唔到放題既服務咁驚喜👍經過仲會幫我地斟酒，大大一讚，途中類似部長級既會埋黎傾下計，問下食物質素如何最開心既係呢間放題有啤酒/清酒/梅酒/紅白酒提供，啱晒一班酒鬼朋友收工飲酒吹水慢慢Enjoy傾下計串燒-羊架必定要試，好好食好嫩口茶碗蒸都好好味焦糖燉蛋呢間餐廳整體分數都好高，必定會繼續黎試👍

四個人去食 午餐， 沒有食放題，食下午套餐。 點的東西不算貴，叫了一個三色丼， 有不同的魚， 如 三文魚 ，池魚， 蝦， 扇貝。 另一個套餐便叫了燒三文魚丼， 而另一個便叫了一份 tempura 湯烏冬。 可選擇熱湯或餐後的咖啡 茶 或汽水。 前菜是一份沙律， 也有蒸蛋奉送， 最後每一人都有 一個雪糕作為甜品。 因為是網上book位，便可享有九折優惠，平均每個人都是 $150蚊左右. 所有的魚生都很新鮮,也算是厚切不是薄薄的. 感覺良好. 服務也非常友善.其實我已幫襯過這店 很多次,水準也算維持. 一般的價錢,我覺得是值得去食.不差。

星期六嘅晚上人在港島突然間想食自助餐，一係太貴，一係full晒，就諗到食放題。搵到呢間唔貴又近近地嘅地方就即刻book。竟然book到再入OpenRice睇食評，見到咁多差評語開始有啲驚伏….但好想勁食，抱住死就死心態親身試吓係咪真係咁，結果…有驚喜喎！啲職員好殷勤服務態度好好，個個都係。 食物上啦，新鮮呀速度唔慢。最驚喜係海膽，海膽就見真章，冇臭味唔腥。熟食都不錯，個人最鍾意三文魚鮫。甜品爭少少，但仍比想像中多選擇同OK。放題仲包火鍋，我覺得真係好抵！三百幾蚊食到咁多選擇又好味CP值高喎。另外環境都乾淨舒服。我見人多仲有包房。唯一係餐廳Wi-Fi上唔到網用唔到QR code落單，同埋嗰度網絡都收得差。最後用返最原始落紙仔嘅方式落單。不過都OK照上紙仔，食物準確，快，所以冇乜影響。咁嘅價錢有驚喜，質素又好，唔明點解咁多人比差評？！仲同行者講唔通得罪咗人？😂 總括嚟講食到一個大滿足嘅週末晚餐

公司活動帶大家食放題 18:00開波坐低咗之後當然係先落咗刺身先 同一時間出去攞飲品 種類唔多 得幾款嘢飲 同一個櫃入面有埋甜品 款式都好少 得啲cheap cheap啫喱泡芙等等 再隔離有個雪櫃係擺糯米糍 屎窟痕想食少少先 於是問店員糯米糍有咩口味 店員回覆: 啲人搞到亂晒都唔知咩味我心諗: 咩料🤷🏻‍♂️即係要自己逐隻逐隻試咩味本身餐廳係會送一個刺身拼盤 刺身蝦係幾好食嘅 赤背海膽鮑魚正常 生蠔就出晒事 上面有pat鹹鹹地嘅啫喱 蠔係有陣腥味 仲有少少酸添🤢🤢🤢食完呢個拼盤 等等等等等等等咗30分鐘用手機落order啲刺身都仲未到 就決定問職員叫佢追追單 點知佢話同個拼盤一齊上咗 係都要同我辯論 好彩有圖有真相 我show俾佢睇頭先嚟嗰碟拼盤係冇我哋點嘅刺身 佢先肯再出過一盤 (有啲驚佢哋加料😂)主要係想講職員態度好一般 我有位同事聽到佢哋直程話我哋好嘈 因為我哋有成差唔多30人一齊食另外我哋仲有叫啲炸物 例如櫻花蝦炸芝士年糕 係凍㗎🫨🫨🫨大家可以估吓呢舊係咩嚟🤣.....係個樣發咗霉嘅心太軟啊🫨🫨🫨個賣相真係嚇死人 望到都唔想食 所以淨係切咗個角仔嚟食 外層唔係蛋糕 一咬就碎 啲朱

揀呢間餐廳因為貪呢到交通方便，雖然啲位看似近，但係其實都聽唔到隔離台講咩，所以私隱度高，Business Lunch都幾理想。壽喜燒牛肩脊牛肉鍋白飯大大碗，鍋底夠大有好多蔬菜，牛肩只脊份量都好多，非常飽肚亦好滿足。滑雞未美容鍋雞件唔少，鍋底疏菜好好多，湯底濃郁，同樣配上一大碗白飯飽足感10足。醒目waiter因為舖頭喺地庫，冇電梯所以我行得好慢。waiter等緊我嚟嘅時候好醒目發現左我嘅需要，佢見到地下濕就提我要小心。去到座位仲幫我主動拉台等我多啲位置坐，仲即刻拎左杯熱水俾我因為佢知我唔飲得茶。呢啲喺加分位。

24/12 中午和朋友買完野揾食，經過浦和門口有位女接待員sales有套餐，不限時放題。咁就停低看看，她好詳細講解放題有幾個級別及每升一個级別會多一些食物👍最後揀左升级放題。落樓下地庫用膳，見到只有兩枱顧客，手機掃code落單，上菜速度快，食物質素正常。但用膳時有兩位女職員全程在我地對面傾計，一位是眼睛一條線穿淺色恤衫應該是經理級，另一位身型矮小穿著深藍色polo恤普通職員，我和朋友諗住叫下佢地加茶做下野會行開啦，點知加完茶又係企番喺度係咁傾，令到我用餐非常不安！一間餐廳管理不善員工是會令到客人反感的，若然無生意為何會請咁多員工返工傾計呢？另外洗手間地下非常濕滑，一入去已很嗅，請貴餐廳跟進一下。

真的很近地鐵站，A1出口邊，一分錢一分貨，愈貴就當然愈好，選貴一點放題，可選食物也多點，老實說，這價錢，5小時就覺得是聚舊好地方，可小勺幾杯吹吹水，而且食物質素也不錯，服務態度也算可以，真心不錯！

一行六人食午餐落單時侍應表現少少不耐煩，我地直接同佢講個餐既號碼，由於有啲嘈就問佢其中一樣野有無寫到，佢嘆左一口氣之後先重複佢寫左啲咩。落單期間佢兩度撳住個walkie認真聽，又好嚴肅咁回覆對面，唔肯定佢係咪因為有其他事要處理所以態度麻麻地。野食係上得幾快，但個松葉蟹蒸蛋有唔新鮮蟹味，啲烏冬湯好淡埋單時無提醒我地電子支付有九折，白白比多左一百蚊（不過我地自己都有責任）最後其中一個食左海鮮烏冬既同事番到公司肚痾左兩次，其他人分別食魚生丼飯、牛肉烏冬同銀鱈魚西京燒都無事，咁一定係啲海鮮有問題結論：食物唔新鮮、CP值低、空氣唔流通—可以唔洗黎食

相就無啦 因為成日食都無特別影低但佢啲set lunch係幾抵食百幾至3百幾都有，選擇勁多，有主食，前菜，野飲，甜品，勁大碗勁飽！環境唔算特別靚定點，但坐得舒服唔迫。服務態度咁多次都係好好，係親民個種令人好舒服，有野問有要求佢地唔得都會講得好好，唔會態度差唔願幫唔願做個種，所以點解個個都鐘意去！

朋友生日，所以一班人去左上環蒲和食放提🤭餐廳就起地鐵站隔離，十分方便👍🏻我去食放提 都係打邊爐🫢食熟食為主😛最愛係天婦羅、雞翼同蕃薯仔最意想唔到係有得打邊爐😂好正呀

本人也算是沒有太大要求，但這間食物質素可以差到咁都算離譜，比起幾蚊的壽司店還要差，壽司飯散不新鮮，炸物全部已林晒，刺身是最失望的，全部難食不得了，最後環境是可以。

港島一帶不乏各式各樣日本餐廳，呢間餐廳算係放題中食物質素高的好選擇！今次選擇極上放題套餐$528一位，食物款式非常多，魚生新鮮不在話下，串燒調味亦十分唔錯👍🏽羊架燒到啱啱好唔會過熟，亦唔會有大陣羶味，十分推薦。整體食物質素都頗高，唯一建議增添更多特色飲料及甜品供客人選擇，咁就更加完美啦！ 而座位方面亦非常舒適，我哋四個人當天坐卡位，座位十分闊落，唔會好似坊間一些放題咁樣手踭撞手踭，食都食得唔舒服！