浪．麵 (已結業)

#chuchu食在屯門📍 浪．麵紅橋又開咗新拉麵舖！🐷作為拉麵之鬼必須去會下佢啦！好似係兩公婆開嘅小店，都幾有feel，係道門有啲太重，同埋有啲大油煙味！💡佢冇好大個招牌，不過都有個牌仔係到嘅，會小心啲搵！—————————————————————❣️蕃茄雞胸蕎麥拉麵 $78 雞胸好掂！好嫩！好滑！如果平時做gym啲雞胸咁好食我應該會日日食！不過蕃茄湯底淡左少少，同埋好重茄膏味，不過好彩有老闆特製嘅香菇雞肉碎就有味啲！蕎麥拉麵都幾好，食落同拉麵冇分別，不過又健康啲！.❣️ 醬油叉燒蕎麥拉麵 $78 +$15替玉 叉燒薄切，好嫩無乜脂肪，有微微嘅炭燒味，好食，有啲唔夠喉！半熟蛋夠流心，唔會好鹹，有蛋香！好特別香菇雞肉碎係老闆特製，配上醬油烹調鹹鹹地，夾埋拉麵食幾好！.❣️ 秘製雞翼 3月優惠+$2好香口好夠味！加兩蚊有兩隻真係好抵！不過應該3月去食先有優惠，不過如果要加錢🐷都會嗌！同埋如果太夜可能冇曬就冇了！不過🐷食咗冇影相😂—————————————————————不專業評分👅好味指數: 7/10 💰性價比: 8/10👍🏻推薦: 7.5/10 —————————————————————🏡地址

星期日, 入屯門同FD交收, FD 話帶我食好野, 叫我早D 出門口, 我問可唔可以比我瞓多陣, 佢話間野D 雞湯星期6日先有, 仲要限量, 遲左就無, 然後我準時11:00am收到佢既MORNIG CALL…… (如果唔好食我一定打爆你個頭)間野叫浪麵, 星期日, 未到1:00pm, 仲要屯門咁遠, 竟然已經要排隊, 會唔會太過份…..好在都仲早, 排左10min左右, 可以入去坐啦, 小鋪一間, 裝橫簡單, 企理黎個小食先, 我終於知道咩係傳說中既”老闆瘋了” , 呢度4隻雞翼, 價值HKD$4….你無睇錯, 我無打錯, 痴線, 食麵就可以加$2 換購2隻雞翼….我地一人加左$2!餃子咬落真係”咯咯” 聲好脆入面D 涵都好多肉:朋友話唔駛諗,一定係叫限量既雞湯湯底, 所以我跟左我呢個係雞濃湯底橄欖油慢煮雞胸蕎麥麵個湯底真係好有雞味, 夠晒濃, 但又唔肥, 由於係配清爽既蕎麥麵仲一D 都唔漏, 我覺得佢地係特登為蕎麥麵/扁烏冬調呢個湯底既, 因為如果同一個湯底用係平時食開質地較厚既拉麵, 件事就會有D OVER….呢個夾得剛剛好, 都不枉我晨早起身走入黎食雞胸都夠嫩, 仲落左小小黑椒

印象中呢間餐廳前身係西餐主打，應該轉咗型做麵店。睇個店以為係食拉麵，原來唔係，係食蕎麥麵/ 烏冬麵。今次嗌咗醬油湯烏冬麵，個湯底好好飲！同埋有流心蛋😍😋每碗麵都有肉碎同叉燒，水準同高質日本拉麵有得揮。依家新店開張仲有優惠，加 $2有兩隻秘製雞翼

兩夫婦小本經營嘅拉麵小店，店舖位置有小小隱蔽，路過嘅時候可能唔太顯眼會錯過咗，前幾晚經過見到有人排隊就諗住試下，一望餐牌發現價錢相對親民 仲有優惠加$2有兩隻雞翼！等咗15分鐘 入到去即刻點餐！叫咗兩碗蕎麥拉麵🍜麵底好特別，唔係一般嘅拉麵，係蕎麥mix拉麵，麵質彈牙無鹼水味！濃濃嘅白雞湯質感軟綿入口香滑，濃而不膩，味道帶清甜，食完之後好飽肚！淨係呢個湯底老闆足足用咗至少10個鐘頭熬製，用咗大量雞殼雞腳熬製難怪食落感覺到濃濃嘅骨膠原，由於太花時間，老闆話只可以星期六，日限量發售！叉燒經過慢煮再薄切，肉質嫩滑無乜脂肪，仲有微微嘅炭燒味！半熟蛋都好流心，醬油味唔會濃所以唔會好鹹，食到蛋香味！京蔥都有炒過所以帶清甜味，完全無草青同辣味，值得一讚！香菇雞肉碎係老闆特製，配上醬油烹調鹹鹹地配上拉麵食可以豐富口感同提升層次感！另外一碗叫咗黑醬油叉燒蕎麥拉麵🍜 清湯醬油湯底清甜，用咗鰹魚昆布等材料熬製，再加入老闆自家調製嘅醬油，食完唔會有口乾嘅感覺！汁燒廣島蠔🦪唔算細隻，食到蠔味拉麵仲可以跟餐配餃子🥟配上柚子醋去除油膩感覺二月優惠 加$2兩隻雞翼，好抵食阿😂總括嚟講 小店式經營，食物質素高！價錢親民，

二月優惠加$2有2隻秘製雞翼，味道十足，香口夠味，一試難忘，抵到無朋友、記得記得記得，重要的事要講3次，只限2月去食，才有咁優惠架，想食就要把握時機把握機會呀！yeah

午餐有$58套餐「醬煮叉燒蕎麥拉麵」因為係醬油清湯，唔油膩，所以女士食完覺得啱啱好，男士食可以加多一底麵！跟一杯熱麥茶，好消滯。叉燒蕎麥拉麵（仲跟一粒鹽味溏心蛋同冬菇肉碎）可以追加小食$28溏心蛋$15（好抵）朋友食自家製京式拌麵，本來得叉燒角切，可加$15加鴨肉角切。聽講有雞濃湯，不過今日試唔到，而且老闆仲研究緊個湯頭，希望快D有得試食！雖然老闆冇去過日本學藝，但好有心機研究食物，食開佢西餐嘅都知道。街坊一定支持！！！