海南餐廳 (已結業)

開始覺得每天想下午飯吃什麼是一個十分頭痛的問題，一小時的吃飯時間，去遠一點又不夠時間，但公司附近的食肆又已經吃厭，實在是打工仔的悲哀。難得老闆今天出去開會，一於去遠一點覓食...這間海南餐廳臨近上環地鐵站，大概一年前有吃過一次，印象中味道不錯。海南雞飯是這間餐廳的招牌食物，雖然$72一個午餐有點貴，但是可以發現周圍每枱都有人點這個，而且吃得津津有味，所以試試。馳名海南雞飯 - $72份量果然值回票價，海南雞一碟，餐湯，小棠菜，油飯，如果三個人點兩個餐絕對足夠。海南雞皮爽肉滑，入口咸香，配上用雞油雞湯煮出來的油飯，簡直是絕配，真心佩服發明這個美食的人。熱阿華田餐飲的熱華田就比較普通，奶下得比較重手，只喝到奶香和幼滑，華田味欠奉。題外話，同事點了一個肉醬意粉，已經過了12:30pm，所以不是套餐。一個貌似老闆娘的人十分Nice，格外送了一個羅宋湯給她，哄得她十分開心。原來老闆娘注意到這個細小的問題，雖然不值什麼錢，但是細緻的觀察力值得一讚....

耐不耐，就想到海南吃炒粉麵飯。因為，這裡的炒粉麵飯，好夠鑊氣！Honey喜歡這裡的海南雞飯，而我就最喜歡鹹魚雞粒炒飯。今天，我和Honey來到海南，是下午茶時段。人好多，先要搭枱，後來才有卡座。Honey點了海鮮喇沙，配凍檸檬茶。他讚好味，兩雙大蝦仁、魚柳、蟹柳和豆卜，材料不少。而喇沙湯底，微辣，椰汁不算濃，剛合Honey口味。凍檸檬茶好大杯！大熱天時，真暢快！我點炒貴刁，真的好夠鑊氣！正！少少辣，好開胃！雖然是下午茶餐，但無論喇沙和炒貴刁，都好大碟！怪不得店內食客的樣子，許多是穿各種制服的上班族。好味又抵食！所以，這是我和Honey常常幫襯的茶餐廳！

去澳門工作之前，想食少少嘢先，又好耐無食過印尼野，於是儘管一試。只係叫了印尼炒飯，等足十五分鐘先有得食。上桌的份量頗大，女仔一定食唔晒，賣相也吸引。伴碟徐了煎蛋一隻，還有四塊印尼蝦片，不是坊間常用的明輝蝦片，應該是自家製的，還看到油亮亮的。有兩全串雞肉串燒，淋滿沙嗲醬，惹味極了！金黃色的炒飯內有大量雞絲，用料十足，撈埋沙嗲醬一起吃，非常下飯。炒飯完全不辣，追求傳統印尼風味的朋友會比較失望，口味完全按照香港人可接受的程度調教。*飯後送甜品木瓜雪耳糖水有料嘅 但無味另外，要留意餐廳內有一位侍應叔叔聽覺有問題，並非故意對客人不理不睬。其餘服務與一般茶餐廳無異。

去海南晚餐貪佢坐得幾舒服，叫左個海南雞二人餐，有餐湯，有小食，有例牌海南雞，有一個小菜同餐飲糖水。個海南雞好pro ,有三款醬汁，個雞亦都做得好滑。叫左個斑腩煲但係好油，另外春卷都係好油膩，下次都係唔食小菜

同朋友黎鋸扒，一份鐵板餐有湯，有蒜蓉包，有飲品同甜品！個湯要左羅宋湯好濃好杰，好味！蒜蓉包好夠熱！我叫左份雜扒，有腸仔火腿煙肉牛扒雞扒豬扒！個底仲有薯菜跟個茄汁意粉，個扒都係普通料，但我鐘意！朋友叫左大蝦牛扒，牛扒話要5成熟但最後上臺成七成、但overall都ok!

昨晚和同事到此餐廳晚膳，交通很方便，上環地鐵C出口左轉第二個舖位，地點唔錯，由於中、上環放工後是個死城，所以六點半去到餐廳好多位，食到九點都無乜人，我們一行四人高談濶論、嘻哈大笑也沒有人理會，的確唔錯。是次購買了二人餐團購，$128兩位，不加一，還算低食。食物：湯：三個肉骨茶、一個周打魚。肉骨茶不錯，咸了少許，但飲完個人幾暢服，夜晚瞓覺唔駛蓋被，我同事的湯中有排骨，有點UN，我的是軟骨，幾好味。周打魚湯幾creamy，料不多，不過幾飽肚。小食：串燒：二豬、一蝦、一鷄個醬交濃，食不出肉味，不知什麼肉打什麼肉，只有蝦有被"嗱"過的跡象，爽、但沒味。正餐：三個海南鷄、一個羊、兩個油飯、兩個白飯。想講飯先，個油飯的確唔錯，不是只得黃油，而是有調味的。好吃！鷄算唔錯，肉滑、淋，配撘醬油較好味，羌茸不大有羌味，甜酸醬都可以。羊好淋，無乜穌味，易入口。飲品：兩杯紅豆冰、一杯蜜糖柚子茶和一杯甜話梅。紅豆冰不錯，多豆。熱蜜糖柚子茶，因為叫了少甜，變得唔甜，無柚子味。熱甜話梅，一下子無試味，把整粒梅督爛哂，又勁咸、又勁酸，落了一包糖也頂不住，唯有飲下加水、飲下又加水。甜品：三個青檸啫哩、一個木瓜雪耳。青檸

今早看完食評，因要去永安，所以第一次幫襯。我一家四口住過新加坡五年，在這裡食完海南雞飯與肉骨茶後，絕對認為這間只是一般茶餐廳。同應有的星馬味道差好遠！海南雞飯附的應是濃黑甜豉油，但竟是美極味。肉骨茶水汪汪，有點藥材味但完全冇胡椒味，重竟然加幾件豆付POK同冬菇，好可能係冇油炸鬼所致。問有冇豉油辣椒粒，又冇。海南雞飯的油飯還可，但白飯因用平價米，所以好難食。

現時星馬菜餐廳真係食少見少. 我哋個日搵在成兩個幾鐘先揾到一間係西環. 真係好似要食都食唔到, 食到又唔知好唔好食. 真係矛盾!!! 去澳門會唔會快啲呢？點都好今次等我寫吓啲一間茶餐廳. 其實都算係幾有水準, 食物都唔算難食. 比起一般茶餐廳好好多...分分鐘好個好多中環茶餐廳 食物:今次我選擇牛脷飯! 幾好食，啲番茄調味醬都好濃厚既味道。好有新加坡，馬來西亞既風味。可能我真係好久無食星馬菜, 所以我覺得都幾好味. 牛脷方面，肉質唔算係高質素，但係可以接受。應該都係啲中國進口牛環境 + 地方:環境方面，係正MTR附近，非常方便。但係不要期待太多係一間非常舒適嘅餐廳。 有小小污穢，但係完全接受到價錢：正常茶餐廳價錢，100元一定有找連野飲服務:侍應送上一杯熱水及餐紙，服務好好！ 最重要係有紙巾 哈哈 !!! 香港地真係好少有lol地方：午飯時候如果你唔係太遠都可以試試。我就係晚飯時間去既。 LOL我覺得的士可能有得諗!!! TAXI !!!

很少在這區出沒, 因買了團購, 所以到此一遊。荼餐廳的裝修, 但意外地酒店式的招呼。HKD138 團購包了二餸二湯一菜二飯一小食二飲品, 恐防團購將貨就價吾夠食, 所以多叫了兩個餸 :1. 油菜 - 是我最吾鐘意的小棠菜, 沒什麼味道2. 肉骨茶 - 沒藥材味, 但勝在夠熱, 排骨夠淋3. 海南雞 - 雞很滑, 有雞味4. 加積鴨 (加餸) - 很廋, 沒有鴨味, 反而有點像走地雞5. 串燒 - 每人一串, 朋友要了豬頸肉, 我要了牛, 超美味6. 酸菜炒肚尖 (加餸) - 很失望, 獻漿太杰, 肚尖太少, 酸菜吾酸, 配料太多7. 參乜雞 - 超失望, 太酸, 很少雞, 亦很"鞋"加埋兩碗油飯, 兩杯咸檸七, 最後還要送上我的至愛 -- 蕃薯糖水估吾到夏季竟然有咁靚的蕃薯十分滿足。

唔記得幾多年前嚟過, 那天買船票前就來吃份精選套餐, 由中環沿路行到上環, 眼見商鋪變化十分大, 心想海南餐廳不會是已經結業了嗎?經過永安百貨還未看見, 只好繼續向前行......一直行到上環地鐵站時就終於見到招牌時值午市時段, 幸好在店子最遠處有個卡座應該是Signature鎮店之套餐海南嘉積鴨飯套餐$58自己的認知是嘉積鴨應該是皮薄肉嫩, 骨頭脆兼肉味香, 所以食到這份肥膏滿溢的嘉積鴨(未計還有很多毛毛未清乾淨)已經有點打冷震, 整體調味味道是淡, 鴨肉少燥味, 皮脂肥但爽。 後來上網找資料, 咁啱有網頁介紹嘉積鴨, 才知道嘉積鴨可分為"填鴨"和"粗鴨", 分別就是在傳統的籠養及人工填養的餵養方式。海南雞飯套餐$68雞的件數就較鴨件少, 但肉質及皮脂就較鴨優勝 皮薄兼脆, 雞味濃, 脂肪呈啫喱狀另加$28要碗肉骨茶, 茶湯清而不油, 藥材味輕, 排骨大件也多肉, 煲到頗腍, 用冬菇杞子提味, 另類嚐試比起平時吃的A餐B餐, 幸運地有新感受

位於上環干諾道中嘅海南餐廳，鄰近上環地鐵站 C 出口，對於上環返工嘅我相當就腳！一走入去，地方寬敞，比較上環區好多茶餐廳還要大！所以，朝早感覺唔侷促，卡位夠多；坐得較為舒服；加上有電視睇又唔怕悶！侍應隨即送上一杯熱水及餐紙，服務貼心！ 並問我要邊份早餐？早餐選擇多不勝數！！！ Menu 有兩版 A4 size ！ 西式、歐陸式、港式、特色、三文治早餐、營養早餐.......令人花多眼亂！A ~ S ：$16 ~ $28 不等。我只試過其中兩款！B ：皇牌早餐 $23羅宋湯螺絲粉：淡味些少，青椒、椰菜、紅蘿蔔、西芹、螺絲粉好腍！ 似乎煲咗好耐！多士雖然脆，但係上枱已經唔暖！另附有牛油。煎蛋用圓形框框，煎得蛋白圓碌碌，成個太陽咁呀！呢個皇牌早餐不太討好！論價錢相若，羅宋湯螺絲粉味道不及中環 Affinity Cafe http://www.openrice.com/restaurant/commentdetail.htm?commentid=2153150熱杏仁霜味淡，稀如奶水。 其他飲品：咖啡 / 奶茶 / 檸水.....L ：特色早餐：豬扒蛋湯烏冬 $28有煎雙蛋加一塊豬扒，看來幾開

同事成日蒲上環,佢話可以試吓呢間海南雞飯,日式放題等.於是試左海南雞飯.雞瘦有肉,不錯.賣相吸引.食物味道不及賣相呢.65蚊一個海南雞飯餐.都幾貴吓,雞的份量都幾多.個湯有連藕和雞腳一隻,足料.跟埋杯熱飲.個菜唔油膩.米有油,但唔夠飯香.點的辣汁和薑蓉味道較淡,啱晒我.記得中午12:50前埋單有88折.所以呢餐食左$57蚊,都ok喇.呢度坐卡位都幾舒服.間格夠高.走時,一堆一堆的公司職員放食飯,湧至,還是走人,唔好阻人做多轉生意呢下次再來都會試吓肉骨茶.

星期日OT到9點,最近見佢換左個招牌, 但經過都無幫襯過, 今日真係唔識死想幫襯下, 點知就出事~我地三個人, 叫三個餸1. 菜遠炒牛肉2. 中式牛柳3. 東山羊肉(招牌菜~~~)1. 有樣無內涵, 外表完全正常, 但就牛肉完全無味, 冰鮮又大塊, 無切過一樣~~2. 唔係牛柳, 係牛排, 味道同上, 個汁又無味。3. 招牌菜疑似羊腩煲, 又係無味, 腐竹又霉又硬, 招牌難食~去到飲品, 奶茶檸茶又係無味, 冰多茶少, 可有可無, 不可一, 不可再。總結: 永無下次~!

同學仔突登過海搵我食飯，好感動呀!!!! 不過公司係西環真係太唔就腳，約係上環地鐵站唔駛佢行咁遠。碰面已經搭二，時間不多就揀最近又有位既LA~ 海南雖然都FULL，但係冇人等緊應該好快有位。伙記好好人咁安排左個卡位，傾計舒服D ^^餐廳主打東南亞菜，海南雞、咖哩… 亦有港式茶餐廳既干炒牛河、沙飯咁… 朋友仔叫左個福建炒飯 $50，我就叫左個肉骨茶米粉(可配飯) $48，送野飯。等左10分鐘左右，炒飯就到喇。都幾多料架，蝦、叉燒、火腿…舖到滿，睇到我流哂口水。雖然唔係正宗既福建炒飯，但係茶餐廳質素自唔錯。以為另一個都會好快黎... 但係等呀等呀，等到搭半都未有…趕住返工唯有催下佢…好彩等多5、6分鐘終於都黎左。肉骨茶同米粉分開上，個湯幾香不過藥材味唔係咁夠(我偏好藥材味，越濃越好)，一碗湯有五六舊骨，足料~米粉亦算爽滑。總括而言，價錢同質素都唔錯，不過真係等得耐左D。都係上環街市既快靚正啱lunch time多d

早排，有海南餐廳店員喺上環地鐵站 B 出口派單張，我順便問佢係新開抑或轉咗老板？因為，我記得之前有間叫金葉海南餐廳正是位於干諾道中；原來已經轉咗手。我第二日得閒，通知 Openrice 加新餐廳！不過，我見價錢幾貴，一直未幫襯過！再過一排，又有店員喺上環地鐵站 B 出口派單張，今次係外賣 + 下午茶單張，外賣飯盒由 $33 ~ $45 ，都唔係好抵食！都係考慮吓先！反而，下午茶廿幾$，可以試吓口味如何及食物質素！咁啱中午食完潛艇堡唔夠飽，急不及待搶閘放工去食下午茶！一入到去，已經 5:45 ，我問：唔該仲有無下午茶呀？店經理話做埋我，真是感激萬分！其實，下午茶直至 6:00；晚市價錢貴過下午茶一大截，店經理恨不得快啲轉牌啦！我坐喺卡位枱，光線充足，並非浪漫情調！只見每枱擺放了假花 (感覺有點 Leung! ) 焗粟米吞拿魚天使麵 + 熱好立克 $28 ( 下午茶無須加一 )原本係意粉，我要求轉天使麵。當碟天使麵一上枱，嘩！ 咁大碟！好驚喜！下午茶真係食得過！完全比預期多！天使麵夠幼身，軟硬適中，口感不錯！ 吞拿魚份量算不少；粟米可帶出甜味！食完好滿足！天氣轉涼了，係時候飲熱飲！以肥肥矮