海日式料理

營業中

休息中

重要嘅嘢講三次！大家小心小心小心呢個自選晚市1人前，個待應姐姐話叫呢個好抵$118任選三款，用二維碼自助下單，問佢揀完三樣之後揀其他款係咪都係$118，佢話係，點知原來係每3款就$118，可以重覆叫，但捉字蝨，原來每叫一次就收1次錢，次於是乎今次叫咗5次，再加一共$649，食物份量質素唔值呢個價錢！還有門口個短曲頭髮女子冇乜禮貌囉

上星期六落雨，餐廳人不多。第一次吃鹽燒三文魚扒，竟然有意想不到嘅驚喜：嫩滑多汁，剛剛熟！今次餐廳幾乎坐滿人，我再叫鹽燒三文魚扒，看看能否維持水準。我們一行五人，三人都叫這個定食。如果上次是100分，今次也有95分。雖然不是剛剛熟，但一點也不嚡，肉質很新鮮！另外1位叫了鹽燒鯖魚，大條厚肉而且juicy，燒得啱啱好！菲傭姐姐就次次都叫日式咖喱炸雞，在家她吃很少，但在這裏就全碟食晒！希望每星期入馬鞍山探奶奶，都能在這裏吃午飯！

唔係特別平，今日入去食點左個咖哩雞飯，勁咸，隔離台又係點咖哩，大家都唔係好𤏪到飯，雞得4件又小 ，跟餐有沙津同埋雪米糍，沙津唔新鮮啦，都唔敢食！另外點左個壽司set，唔係太新鮮，又多蚊，飛來飛去,搞到我食得勁趕,怕d蚊降落係食物到！帶位企門口長頭髮，少曲女人態度真心麻麻地，本身間野人流都唔算多，好心態度就好小小啦，真心趕客走，笑容都冇，可能本身個樣係甘啦下！最後急急腳食，見住d蚊子飛來飛去，隔離台又趕蚊，趕來我張台，唔知以為自己去左大排檔食野

老闆非常有禮地的食客意見和客人交流波經環境好 枱面及餐具清潔 食物新鮮尤其鰻魚飯及天婦羅有心做好日式料理 各侍應對食客要求亦盡量符合希望此店有新的菜式當然要合適的價錢

環境好 坐得舒服 食物及枱椅清潔 侍應禮貌好 食物出品質佳 新鮮美味有好吃的鰻魚飯套餐天婦羅 蝦炸得好老闆是個超友善的球痴會和食客閒聊愛隊 會聽客人對食後的意見一間有良心做食肆

今日機緣巧合下試左呢間日本料理餐廳, 同三個朋友叫左嗰炙燒特上刺身丼, 壽喜燒等幾個定食套餐, 啲刺身夠哂大件又幾新鮮,而且仲有四五款魚生食,性價比好高,啲丼飯仲好貼心咁加左啲野菌喺入面, 食既時候又幾有口感, 雖然嗰壽喜燒等得有啲耐, 但勝在夠哂足料, 甜度都啱啱好, 而且老闆同員工都好友善, keep 留意我哋顧客既需要, 座位都坐得好舒服，又keep 住幫我哋斟茶咁, 即使要等都唔會等到好唔耐煩,最後仲要送多左幾粒雪米糍比我哋，如果再經過恆安一定會再去食返呢間！

平日甚少到這商場搵食, 今日竟然被我們找到這家日式料理, 印象中這個半開放式的鋪位, 曾經易手多次, 但由始至終都是做日式的食店。1. 鹽燒鯖魚定食食品多樣化, 非常豐富的定食, 甚有驚喜! 包餐食物包括沙律, 鯖魚, 面豉湯, 白飯及甜品雪米糍一粒, 價錢只是$85, 跟去茶記食個晚餐差不多。沙律菜份量不多, 配上日式胡麻醬, 開胃醒神!鯖魚的邊位燒得有點焦脆, 榨上隨附的小片檸檬汁, 令人食指大動!一粒小小的雪米糍雖然唔多夠喉, 不消一分鐘已經食完, 但作為稍稍滿足嗜甜慾望的健康之選, 為一餐劃上完美句號。2. 三文魚海膽刺身丼海膽鮮甜, 三文魚刺身顏色具光澤, 尚算新鮮OK, 以這個質素價錢只是$105, 朋友表示好抵食。此外, 閨密傾偈不知時間, 坐左好耐, 侍應不單沒有趕客, 且頻密地為我們加水, 讚!

奶奶有吞咽困難，每次來這餐廳都會叫鹽燒三文魚頭，因為魚肉效滑，拆肉後連埋飯加水打爛給她吃。但是手動攪拌機效果不太好，奶奶都唔係好食到。昨天問問老闆可否讓我們使用他們的插蘇，用自己帶來的電動手提攪拌機，老闆微笑地叫我們隨便用。終於奶奶食得好好！非常感謝這間長者友善餐廳！我奶奶就算在家沒有精神，來到這裏胃口也會比較好！

今日中午去到馬鞍山海濱公園散步，之後肚餓去左WEGOMALL商場揾食，入到商場見到有間日式料理，同埋餐廳好少客人，兼且座得相當舒服，呢度定食set都好多選擇今次叫左三文魚生海膽飯定食$82,個set包個主食，一份沙律，一碗籮白湯同一個小甜品，三文魚味道幾好，份量都有七片，切得都好均匀，整體都唔錯

📍馬鞍山 海今日誤打誤撞嚟咗呢間位於馬鞍山嘅商場WeGoMall。本身打算入嚟行吓，點知比我搵到呢間叫做海嘅日式餐廳，見到佢嘅環境都唔錯，而且地方都好大，於是就諗住試一試。入到去店員會比一張QR code你，咁你落單同埋俾錢都可以喺呢個QR code進行。٩(˃̶͈̀௰˂̶͈́)و• 三文魚海膽刺身飯定食 $82呢一個係午市套餐，除咗主食之外，仲有沙律、麵豉湯同糯米糍，非常豐富。佢既三文魚好肥，而且廚師勁厚切，食落真係啖啖肉，好正！而海膽就正常發揮，唔算好鮮甜，但都唔會好唔新鮮。整體上成個set我都好滿意，喺馬鞍山呢個沙漠入面，都有一間好味既日本餐廳😂🩵٩(˃̶͈̀௰˂̶͈́)و味道：🐱🐱🐱🐱環境：🐱🐱🐱🐱服務：🐱🐱🐱🐱CP值：🐱🐱🐱🐱٩(˃̶͈̀௰˂̶͈́)و

位於「死場」We Go Mall, weekday午巿一定有位😬今次冇點定食，散叫咗刺身、串燒同卷物，都好食，尤其推介燒牛脷、軟殼蟹牛油果卷…牛脷厚切、夠淋、又香口，我可以一個人食3串😂美中不足係飲品選擇好少，得罐裝飲品…

平時冷清的商場，今日人山人海，中午竟然要取票輪候，餐廳座無虛席。在一片花海下，我們坐在舒適的卡位，服務員很快便送上每人一杯熱茶。或者因為樓底低，客人傾談的聲音令環境比較嘈吵，但整體感覺舒適，在一片花海下，感覺平和。食物方面，款式多，冷盤、小食、熱食等也齊全，價錢合理。😋三文魚子拖羅魚蓉刺身丼定食三文魚子十分新鮮，拖羅魚蓉蛋汁一起拌飯，味道特別，口感軟熟。零食還有一客糯米糍，整體感覺豐富。😋牛肉到庭湯烏冬烏冬口感亂畫，湯底味道濃郁，還配上一客加州卷， 60多元，令我吃得飽飽的，簡直十分抵食。👍🏼尤其值得一讚，服務員態度良好10分有禮，經常加添熱茶和清理桌面，感覺賓至如歸。😊

嚟到有「美食沙漠」之稱嘅馬鞍山，今次同朋友嚟到wego mall 呢邊就發現到一間唔錯嘅日本餐廳，睇嚟可以為呢區一去污名！我同朋友分叫咗一個魚生飯同壽司+三文魚扒+烏冬嘅晚飯套餐，兩個套餐加埋連埋加一都係二百零蚊，個人認為價錢合理。再講講食物質素，啲魚生都算新鮮，以呢個價錢有海膽食，而且套餐仲配有湯同雪米糍，真係可以話係比足貨！不過呢度嘅冷氣真係好大，本身果日已經夠凍，入到餐廳好似同係街外無分別🥲總括嚟講呢個餐廳再有嚟馬鞍山都可以再次幫襯，不過呢個商場都較為隔涉，希望日後有更多好味嘅餐廳進駐商場嚟吸引人流啦！

第一次去吃(晚餐)，整體服務好，食物質素比預期超越👍，有驚喜，價錢合理。燒雞軟骨~不會乾，有口感和juice 燒魷魚~好味道😋😋焦糖玉子旦~口感特別，焦糖又夠脆🤩定食有沙律菜，甜品(雪糕糯米滋)，建議甜品後上，因為雪糕會好快溶，欠缺口感🙄最後，埋單超方便，可以透過手機(用payme ,支付寶)埋單。

馬鞍山好吃的餐廳不多 最近we go mall的商場有一間日式料理餐廳原址改名再開 一於試下佢先佢哋都係qr code order 的不過員工也勤加水 招呼有禮的和牛粒定食 有跟埋miso soup,salad，雪米糍加埋蛋汁同吃令和牛嫩滑無渣 yummy沙律菜新鮮爽脆 Miso soup有心思放白蘿蔔同紅蘿蔔 吉列咖哩豬扒飯定食 咖哩汁係香甜不辣的 豬扒炸得外脆內軟肉質炸得剛好不柴而且juicy整體來講餐廳不錯 下次再來再試其他食物