海港燒鵝海鮮酒家 (已結業)

其實好耐無試過去D酒樓到食夜晚食~ 今日去左呢間食, 係因為之前有人見到佢有:亞拉C嘉"蟹食~之前預先BOOK好位, 亦都留左隻蟹, 因為驚去到無得食~ 點知..呢個擔心係多餘嫁啦~ 多到爆~當然講明主角係佢, 我既第一張相都放左佢先啦~ 上到黎, 隻蟹係大隻既~ 但都有諗夠唔夠食, 因為覺得蟹係好小肉嫁MA~點知食完, 原來都好好肉地~ 食完都好感覺到有野落肚嫁啦~ 鮮甜好肉~係好可以去食既真係~呢個係咩松露炒蛋白~ 我又一廂情願地覺得會好香松露味... 最後當然係無啦~冬瓜盡, 本身飲個湯係OK, 但真係唔會再嗌, 入面好似大雜會咁, 又比較咸半隻鵝...定係例牌我都唔記得左啦~ 但真係好麻麻~ 算啦~ 諗兩諗, 又唔係咩出色野有人推介, 咁事事但但食餐都唔會鬧人既~

在馬鞍山區酒樓的選擇並不多,「海港燒鵝海鮮酒樓」平日(非節日或假期)的晚飯時段, 經常有指定的海鮮優惠、精選套餐的推出, 論海鮮, 確是新鮮的游水海鮮, 蒸煮方面也恰到好處, 烹調主理也屬好味的, 只要唔介意環境比較嘈雜, 不太幽靜 (大多數酒樓環境也是不寧靜吧!) 家常便飯或家庭聚會的話, 這酒樓係一個幾好的選擇。  今晚我們撐枱腳食晚飯, 好想食鮮魚 (因為營養建議每星期食兩次深海魚), 自己掌握不到蒸魚的技巧, 靠酒樓比較穏陣, 我們點選了「海港燒鵝皇」 (例牌)、「游水海沙巴仔」 。 「海港燒鵝皇」 (例牌)          ~    份量是例牌, 端上的是上庄位置, 是我想要的部位, 可以啖啖肉, 肉質鬆軟香嫩, 加上甘香的脆皮, 豐腴可口, 尚佳的口感, 正。「游水海沙巴仔」    ~    供兩人食的話, 這尾沙巴魚頗大, 蒸得剛熟, 魚肉很嫩滑鮮甜, 夾起魚肉充滿魚汁, 加上蒸魚醬油和青葱的葱花, 鮮甜味令齒夾留香。食物用材和烹調很高水準, 貼地的實惠價錢  怪不得就算平日也經常滿座, 愈夜愈多人等位, 因為除了小菜供應外, 還有火煱供應, 週末週日假期等位的人更多,

星期天，飲茶天同屋企去左飲茶，好耐都無飲茶啦我地叫左一般點心，燒賣、奶黃包、腸粉等，仲特別叫左半隻燒鵝，佢嘅燒鵝都幾好食，皮香肉夠味最後埋單4百幾，又食得飽5個人，價錢合理。

今日星期日，一家人去海港飲茶；哩到服務態度麻麻都唔係第一次知嫁啦；衛生都認真麻麻！我地一坐底，洗碗例牌，點知洗完仲有一層油見到覺得真係好嘔心啊！點解大集團唔可以搞好小小衛生呢雖然食肆90%都係咁，但係睇到油漬真係唔舒服除jor衛生，佢既味道係唔錯既，如果可以做到乾淨的話，會再好啲。

晨早起身諗住一家人開開心心去飲茶，點知換黎一肚氣。好同意之前有openrice食家所講，收銀態度真係極差。埋單個陣，我好似前世殺咗佢老豆咁，個阿嬸黑口黑面，多謝都冇句之餘仲要掟張單係枱面。佢一次過俾4-5張單我，最基本都唔講聲要喺邊張簽名。佢咁嘅態度，間酒樓真係多得佢唔少，係咁幫手倒米。講番食物質素又唔係特別好，非常普通，有少少偏貴。我地一家人飲茶平均每人約70幾蚊。不過下次如果俾一樣錢我就會去第二間，至少唔使受氣。

味道很一般。感覺都是提前煮好的，上到臺上都涼了。招牌燒鵝比在其他地方吃的差遠遠了，也是凍的。招牌菜都燒成這樣，真是別的更不怎麼樣了。酒樓環境還可以吧，可能新裝修了吧

我同家人習慣到黎間酒樓飲早茶或下午茶，其實食品都算可以，樓面服務都幾好，係唯獨收銀個阿姐既態度真係真係好差，比錢比到好似問佢拎返錢咁既樣！！！黑口黑面唔會講多謝都算，比張信用卡佢比錢，比完錢會有張銀行收據同自己既信用卡，佢可以就咁掉返係個收銀台度就算！！重點！！！係掉！！！係掉呀！！！唔係放！！！大姐呀呢D已經係好基本禮貌喇喎！！咁都無！！其實係呢間酒樓食左好多年野，長時間都仲係咁既態度真係好唔得囉！！！

連續幾次都冇位或者預約時間得返太夜冇去試今次終於可在團完飯一家人齊齊整整去尋食點解一定要去，因為聽好多朋友講燒鵝和長腳蟹好食，而且價錢唔太貴服務又好，今次叫左7餸1湯長腳蟹餐：清蒸阿拉斯加長腳蟹一隻（約4斤）和燒鵝皇半隻清蒸阿拉斯加長腳蟹一隻（約4斤），隻蟹幾大隻，蟹蓋超多肉和羔，羔超甜，蟹肉鮮甜彈牙燒鵝皇，真係呢間好食過馬鞍山另一間，肉食落口感好好多，味道甘香，皮咬落好脆上湯焗波士頓龍蝦伊麵，龍蝦肉彈牙啖啖肉，伊麵索左汁好滑濃湯花膠螺頭煲雞，花膠嫩滑、螺頭鮮甜、雞肉和雞腳好腍，湯味道好濃脆皮燒腩仔，皮真係好脆，燒腩仔肥瘦均勻，一層肥一層瘦上湯竹笙浸菜笛，竹笙腍、菜心嫩、上湯味美金菇雲耳蒸頭腩，龍躉肉幾結實，雲耳索左汁好滑，只不過金菇切得太碎翡翠炒龍躉球，龍躉啖啖肉，雲耳爽，蔬菜腍甜今餐需然食左2千幾，但能同屋企人開開心心食左隻噤食既蟹和燒鵝皇，值得

午市孖寶108，有10樣左右揀，我地揀左福建炒飯同大澳海山骨，福建炒飯面頭有蝦，冬菇粒，菜粒，紅蘿蔔片，雞粒，足料，蝦算大隻爽口，個汁都夠，炒飯底炒得幾好，大碟。海山骨聽個名都唔知黎，問侍應話類似炸豬扒，咁就照嗌，原來腐乳炸肥豬肉，好重味好咸，食落成口油，要飲返幾杯茶先消到油膩感，食一嚿就夠啦。

琴日假日同家人飲茶，等位既人等到出門口，連泊車都排到好長龍好恐怖，好彩家人一早去攞定位，如果唔係午市等到下午茶時段先有得食~點心款式都算多，各樣味道不過不失啦，上枱熱辣辣既，無驚喜但又唔難食，反而想講下甜品。紅豆沙湯圓，紅豆沙起晒沙，豆偏少 ，好杰好杰好杰，甜度適中，芝麻湯圓… 個湯圓好似浸左一整日，又梅又爛，經典難食!紅棗桃膠，呢個唔錯，無死甜，反而清清地食落滋潤~椰皇燉蛋白，面頭鋪滿啫喱定燕窩咁，以為熱食，但原來凍既，唔係喎，另一邊熱熱地架喎，但非常滑，好食，細細個一人食岩岩好~

第一次寫食評 有時覺得openrice d食評好唔可信 中過伏好多次，諗諗下自己好鍾意食就寫下食評分享下。第一次黎海港係朋友係到擺百日宴，其中長腳蟹令我一試就愛上左，自從食完第一次，已經成日叫人一齊去再食，仲為左想食佢 特登係紅磡飛的去馬鞍山食❤️咁當然有好有唔好 如果一直得個讚我都過唔到自己果關令我愛上既長腳蟹朋友問 長腳蟹緊係蒸啦，咁煮點會好味？錯！錯！錯！ 我第一次食之前都係咁諗但第一啖落口 就知錯哂 出面係好惹味 而入面係岩岩好 唔會過熟，肉質鮮甜 係絕對食到蟹既味道 保證一試難忘。我之後去過第二間食 但係完全係2回事，所以要食就去馬鞍山呢一間）蟹膏坦白講覺得唔係難食 但就好普通芝士焗龍蝦伊面好硬好乾 完全唔想食第二啖龍蝦肉一樣 唔會再叫白灼海蝦新鮮蒜蓉粉絲蒸聖子係蒸熟左少少，但整體都可以，當然最好食係個粉絲 仲有一個唔記得影相滷水鵝掌 一定要叫！ 好好味

經朋友大力推介馬鞍山海港酒樓好食同抵食，所以決定同屋企人去試吓。兩日前打去訂位，先知四位無得訂，要即場攞位。我心想，莫非好好生意，唔休做！我和家人大約七時到達，發現唔多人，即刻有位喇。叫左個三寶餐，有燒鵝例牌一客，灼海蝦一斤，薑葱枝竹斑頭腩一煲。另再單叫一客腐皮素鵝。海港出名食燒鵝，果然是名不虛傳，鵝肉肥美，值得推介比大家灼海蝦一斤，蝦夠新鮮，算係大隻，蝦本身是白灼，保留鮮甜蝦味，沾辣椒豉油吃，相當滋味薑葱枝竹斑頭腩煲，骨唔多，肉唔少，用香葱蒜頭爆到香香，份外惹味可口，用來送白飯一流腐皮素鵝，外皮炸得脆脆，內有冬菇絲，紅蘿蔔絲等等，做餐前小食，是不錯選擇。香芒糯米滋，芒果肉夠香夠甜。杞子桂花糕，造型精美，魚膠彈牙，杞子明目，味道清甜。兩款甜品都值得推介呢！

一直都知道澳洲龍蝦好食, 大大隻又啖啖肉!! 母親節前見佢做緊特價, 再想食時又到母親節又貴返, 好似每兩$33! 所以一過左母親節就即刻黎食, 今晚一行六人訂左8點鐘, 主打澳洲龍蝦, 平時飲早茶經過見到好大隻已經好想食, 今日特價每兩$19.8今次點左隻4斤7兩 $1405.8另外加芝士 +$100 及加伊麵 +$68睇下張相好巨型呀😱…份量夠晒勁放對筷子, 紅酒杯做個比較😍😍😍 係咪好吸引先....芝士味夠, 龍蝦又新鮮, 好有鮮味😋 肉質爽口! 六個人食呢碟, 飽到無再叫其他

家庭飯就是近屋企食的飯一個孖寶及燒鵝例牌加埋飯及啤酒，埋啤5百幾燒鵝不是燒鴨，做得不錯而炒魚，油偏多，但勝在沒有骨而蒸頭腩就皮厚，口感厚實，但偏咸整體是合格的，但如果服務好一些就更好了

以前住在馬鞍山時已常常和家人在假日到這間茶樓飲茶，一向覺得這裡的食物質素不錯；搬回沙田後也偶爾會再來。今天1月2日假日，我和家人共三人二時多來到海港攞位飲茶。三個人，原來有兩種等位票選擇：B - 搭枱，E - 不搭枱。我媽就選了B票，要等兩張枱。結果，我們足足等了半小時才有枱；而這段期間，E枱則不斷的叫號。正常選擇搭枱的人，都一定不是想搭枱吧？當然是為了快點能坐下吃東西吧。我和職員理論時，她竟然倒過來說是我們的問題，我們應該B和E票都都攞定。我們都非常生氣，這種制度也許熟客們都熟悉而知道玩法，但對於偶爾才來一次的客人，可說是很不公平。希望海港management能好好review一下這種等位制度，最低程度也應該貼出告示提醒客人「選擇搭枱的客人只會被安排坐搭枱；就算有不搭枱也不會安排這些客人就坐」。