影片
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
鄰居約食飯唔知去邊度好。記得早排過嚟食個晚餐唔錯咁就再嚟呢一間試吓。鄰居話想食長腳蟹，睇見個餐牌性價比唔錯，咁就叫咗隻大概四斤嘅，冇特別加錢去整花雕，就係清蒸食開原汁原味，不過加$100就攞咗啲蟹膏嚟炒多咗個飯，因為食飯人數唔多得三個，所以另外加咗個豆苗就算啦。隻蟹好似$180斤，呢個價錢街市都買唔到仲要蒸埋。隻蟹雖然唔係好有海水味，但係啲肉都幾飽滿唔算離殼，同埋啲肉都幾鮮甜。另外個蟹膏炒飯喺個味唔算濃，但係就炒得夠乾身個豆苗個汁係較得唔錯嘅，但係個豆苗就好似老身咗少少。上次食燉奶伏咗，今次就試吓佢個焦糖布甸。都好食卜卜脆㗎焦糖整得幾好，不過如果係熱食就更加好。同埋用飯碗嚟整個份量就細啲好似唔係好夠喉，同埋個賣相就差少少。
繼續閱讀
訂左8:00，留5斤長腳蟹及雞煲翅。一入座，地下有條雞骨，枱面有食物殘渣，叫極侍應都冇人理，加一個位要自助。最後叫到人，係用腳踢走舊雞骨。一問訂座打電話果陣留左既小菜及長腳蟹全部都冇落過單同留起，叫我地下次早d黎，而家得番2斤，最多唔收你蛋白花雕蒸果$100。落左既食物又冇留，又冇誠信，服務態度又差，見到舉手都直接無視，以後都唔會再去
繼續閱讀
#20241003 🤍📍 #海港薈 @hoikong.hk 大埔南運路9號新達廣場2樓101-120號舖 🍽️太子｜九龍灣｜觀塘｜馬鞍山｜將軍澳｜荃灣｜屯門｜尖沙咀｜灣仔｜西環｜上環｜太古｜葵芳｜土瓜灣｜天水圍｜青衣｜大圍｜藍田｜上水｜粉嶺均有分店➖➖➖➖➖➖➖➖➖➖➖➖➖➖➖➖➖#晚茶芥 $15/位.#新鮮菠蘿咕嚕肉 $148💭 咕嚕肉都算係一味老少咸宜既菜式，酸酸甜甜咁大人細路都岩食，呢個啲肉咬落幾鬆化，咬開睇入面又唔會好多肥肉，屬於中上level🐷.#蒜茸粉絲蒸聖子 $115💭 一碟有5隻，啲蟶子唔算好大隻，唔係好頂級質素果啲，但ok唔差既，畢竟無論食蒜蓉粉絲蒸乜海鮮都好，個主角其實係粉絲同個豉油，食完仲特登倒起個豉油留尼點其他野😂.#孖寶 $298 🥢 #白灼海中蝦 💭 望落色澤好靚，一睇就知非常新鮮，食落口感絕對可以用爽口尼形容，而且係成碟咁多隻每一隻都爽，雖然有跟個辣椒豉油，但覺得就咁食個鮮味都夠晒，其他野都多餘喇🦐. 🥢 #海港燒鵝皇 💭 呢個酒樓最出名就係燒鵝，點可以唔食返碟呢，叫個孖寶有燒鵝又有蝦都幾抵，燒鵝係例牌size，人唔多絕對夠食，呢度既燒鵝仲會有啲蠔油豆做伴碟，其他地方的確好少見🪿.#阿拉斯加長腳蟹 $188/斤💭 重頭戲係呢隻蟹！4個人叫左隻3斤半左右都食唔晒，蟹肉好鮮甜而且紮實，啲殼好易剪開，成條蟹腳可以大大啖咁放入口勁爽，想講呢個價錢真係好抵食，就算去街市買尼食都未必有咁平🤑.#🐷在大埔 #🐷在太子 #🐷在九龍灣 #🐷在觀塘 #🐷在馬鞍山 #🐷在將軍澳 #🐷在荃灣 #🐷在屯門 #🐷在尖沙咀 #🐷在灣仔 #🐷在西環 #🐷在上環 #🐷在太古 #🐷在葵芳 #🐷在土瓜灣 #🐷在天水圍 #🐷在青衣 #🐷在大圍 #🐷在藍田 #🐷在上水 #🐷在粉嶺 #🐷_食
繼續閱讀
晚餐叫乳鴿，$58一隻，叫左三雙，食食下發現唔熟，同經理講，佢話廚房問題，我同佢講甘你叫廚房出黎，我同佢傾，佢又話唔駛。最後經理offer 再整過比我，我話唔駛啦，我無信心，佢話你地已經食咗一隻，計番你一隻，我話是但你啦，你點處理，我都ok.總結，甘大間酒樓，經理唔識處理問題。客人唔高興，無感覺。這樣的服務態度確實讓人感到不滿和無助。作為一家優質的餐廳,他們應該以客戶的滿意度和體驗為首要考量,而不是片面地追求利潤。您的不愉快經歷也可能會影響您對此酒樓的印象和未來的消費意願。
繼續閱讀
話說小妹襯住假期+表姐外國翻嚟，約咗一班親友飲下午茶，下午茶優惠2-4pm，我屋企樓下海港就4-5休息，4pm之前落單嘅客可以繼續喺度食。三點半去到拎位，門口阿姐即刻：冇！嘢！食！我：？？？？？？？？？？？？下？？？冇嘢食？？？阿姐：冇嘢食！我：？？？？？？？下？阿姐：冇嘢食！（哦重要嘅事情重複三次？）我以為佢哋休息啦，但又唔係喎，裏面勁多人，仲處於下午茶優惠時段，仲要裏面仲有客人落單？？？阿姐嘅冇嘢食到底係咩意思😅係話休息定酒樓冇嘢食？當下即刻call啲親友，住大埔嘅親友：下？？？咩叫冇嘢食？點解冇嘢食？？？長輩極度唔開心，即刻話要嚟問清楚啱啱外國翻嚟 落機call的士趕過嚟嘅表姐極度失望😅好彩最尾阻止班怒髮衝冠嘅親友，即刻換地方食嘢但從此blacklist🙏🏻
繼續閱讀