海港薈

營業中

休息中

和大夥朋友共聚，分三桌，預訂了三隻阿拉斯加長腳蟹，一隻超過六斤，清蒸，另外兩隻也接近六斤，椒鹽。蟹真的很大，一節的蟹腳，就和銀色的匙羹一樣長，而且還頗粗壯的。我坐的那一桌吃清蒸的，肉質爽口彈牙，味道清甜，真的很好吃。至於吃椒鹽的，朋友說很香口很惹味，也很好吃。除了吃蟹肉，還用蟹膏煮撈麵，每吃一口麵，也嚐到蟹膏的甘香，一試難忘。其他的菜式也不錯，鮑魚煮粉絲，鮑魚味充足，粉絲不油膩。斑片西蘭花，魚味足，肉質彈牙，好吃！蒸海斑頭腩就比較多骨，不是我喜歡的類型，但旁邊的朋友就吃得津津有味。燒鵝味道和肉質都不錯，但外皮不夠脆，有點遜色。通菜炒得爽口，顏色青翠，可惜油較多了一點。壽包的內饀有奶黃和黃蓮蓉兩種，但太飽了，實在吃不下。

員工服務態度極差，食完嘅嘢冇人收，但係就係咁上菜，張枱根本就唔夠位俾佢上都照上諗住屋企人生日，訂咗蛋糕去到就同侍應交代清楚放咗嗰蛋糕入去未到10點準備叫侍應攞蛋糕，一嚟就話冇喎之後攞到出嚟成張枱未執好，張枱仲要係全部飯餸啲汁都未抹就諗住將個成個蛋糕放上枱真心你自己屋企人生日都唔會咁樣啦明嘅 就嚟收工，有得早收，梗係希望早走到啦咁你營業時間就唔好寫10:30 10點閂晒所有燈，趕客走咁樣嘅服務態度即使你啲嘢食質素再好，都唔會吸引到食客嚟食！

青衣城雖然係多酒樓，但係性價比高嘅真係無乜邊幾間😳 同埋係「海港飲食集團」app有得儲分，凡惠顧海港旗下香港分店堂食，用客人收據正本，用app掃描QR code，消費滿$125以上，即可以每滿$25賺1分，即係$125=5分😎蝦餃皇 - 100分換返嚟，掂辣椒油幾好食😋胡椒咸菜豬肚 $48- 超級多咸菜，豬肚得幾舊雪山叉燒包 $38- 高質之選，現加好少酒樓肯整菠蘿包皮/墨西哥皮，我最愛😍養顏紅棗糕 $22- 我覺得好難食🤯 仲有少少酸😥 不太喜歡，可能平時食開薑汁紅棗糕，就咁紅棗糕有啲唔慣🥲別不同蘿蔔絲腸粉 $34- 炸兩嘅朋友，幾好食😙五香咸水角 $30- 有4舊，係抵食，但係三個人食有啲吃力😅皮蛋肉碎粥 $22 - 性價比好高，$22居然唔係一碗碗，有個煲仔俾你😎竹炭甜薄撐$34 - 有新鮮感，值得一試茶🍵 $16/位計埋茶錢同加一，三個人食咗$306，人均$102，飲茶嚟講都叫抵😁

青衣站海港薈食中菜，叫左好多餸，介紹比大家參考1)皇阿瑪鮑魚雞煲，緊係鮑魚做主角，但只有4隻，所以同食雞煲冇分別⋯⋯2)櫻花蝦椰菜炒粉絲，炒得好乾爽，好正。3)上湯焗西澳洲龍蝦伊麵(斤半龍蝦)龍蝦肉彈牙夠味，可以大大啖食，上湯伊麵好食，汁唔太杰。4)一品醬燒雞半隻，雞皮脆，雞肉滑，呢隻雞要食。5)深海龍躉兩味西蘭花炒龍躉件，龍躉肉夠滑唔(鞋)6）陳皮蒸龍躉頭腩(太少頭腩)唔夠食。7)馳名燒鵝皇半隻，燒鵝燒得好食😋只係下次要叫一隻(先夠喉)8）啫啫唐生菜膽，用（蝦米、豬肉碎、蒜蓉)爆到好香，係好嘢味嘅，配搭生菜就好夾。

📍 海港薈 (青衣)青衣青敬路33號青衣城3樓310A號舖🥳好耐無同d Friend一齊去飲茶，個fd話呢度嘅烏龍茶好飲，所以山長水遠去左😂🍵：烏龍茶，飲落好甘香，沖幾次水都係咁濃郁啲味唔錯👍👍➡️黑金流沙包👅一遞上黎黑色嘅外表配搭住d金光閃閃，手感10分鬆軟，鹹蛋黃奶黃味道濃郁，流心濃郁😆➡️翡翠小籠蝦餃皇👅晶瑩剔透嘅蝦餃，外型飽滿，蝦肉豐富彈牙，口感十足👍➡️金沙脆皮鮮蝦腸👅腸粉皮薄餡靚，腸粉皮包住油炸鬼同蝦，外軟內脆🤩➡️竹炭甜薄罉👅外表同裡面都有花生碎，砂糖，椰絲，薄罉皮薄，甜度適中（見仁見智）➡️粉粿👅粉粿皮比較軟同薄，好容易爛，餡料多，味道唔錯➡️菜苗餃👅菜苗鮮嫩，皮薄配搭埋蝦，一流➡️紅米牛肉腸👅牛肉鮮嫩，但個人認為白色嗰隻好食啲🤣➡️金錢肚👅金錢肚十分惹味➡️鳳爪👅鳳爪同出面酒樓差唔多，唔差嘅都💰人均$100推薦指數❤️❤️❤️❤️（5❤️最高）

每年跟一位同月同日生的老友慶祝生日，今年情況特別，先是老友五月初做攞胆手術，加上新冠病毒肆虐，睇怕都攪吾成生日聚會吧！但正如食評主題：有胆冇胆，主恩不減。老友出奇地秒速康復，食得走得。加上第五波疫情減退，政府放寬晚市至8人一枱，趁機約齊8對腳慶祝生日。青衣城海港薈早茶飲過幾次，晚飯就不多。原先選擇了長腳蟹八位套餐，以解思鄉（日本）之苦，可惜酒樓話來貨不穩定，冇得預訂，結果臨場改為龍蝦餐，老婆大人再加松葉蟹一大隻，套餐份量算大，8個步入長者之齡人士那有本事清枱呢？打包。龍蝦伊麵份量大，伊麵吾會太淋，龍蝦都新鮮，好味道的，最後打包兩盒，吾好浪費。脆皮奶豬，皮吾夠脆，Size似非乳豬，莫非奶豬是小童豬而非BB豬？味道一般啦！海皇生翅質素吾合格，寧願換個燉湯好過。蒸斑都係一般，游水魚用欖豉蒸，減低了鮮味。招牌燒鵝皇，似乎是下午茶的燒鵝瀨粉貨式。其他例牌行貨餸菜，西蘭花炒帶子珊瑚蚌、釀蟹鉗、百合浸菜心等都是正常質素，賺的係整體份量大囉！蟠桃包熱辣辣，可惜吃得太飽了，好味的，唯欠蛋黃餡。套餐外加了一隻松葉蟹，新鮮美味，連榖都Lam埋。不過還是最想念日本皇帝蟹啊！雖然晚餐質素不是最出色，但看到頭輪晚

疫情下的農曆新年無晚市，一家人試下海港薈既外賣盤菜，林住盤菜來來去去都係差不多，但結果出乎意料之外的好食，全家人大讚。鮑魚花膠上品鍋 $980 （6位用）原隻極品南非鮑魚一人一隻唔洗爭，好滿足。蠔皇扣花膠花膠大大塊夠膠質，食完骨膠原好似馬上double up甘。豉油皇中蝦大隻又夠彈牙。海港燒鵝皇皇朝香妃雞香芋蓮藕啖啖咬出拉絲效果。客家炆豬肉發財蠔豉發菜份量算多，蠔豉煮到最後都無縮水。紅燒元蹄夾起要嘩一聲，勁大隻好足料。順德炸鯪魚球真材實料，食落會有碎骨。蘿蔔炆豬皮蠔汁香菇支竹吸收晒湯汁精華超好食。田園青蔬份量唔算多，只夠每人淺嘗。

之前試過午市飲茶🫖啲點心係等好耐 而且催極都冇用😞因為冇人會幫你追單🥲🥲但今次主要分享返晚市食佢嘅長腳蟹🦀今次係嗌一個四至六人套餐然後再加一隻長腳蟹🦀基本上幫襯晚市既 大部份都有加多一隻蟹🥰因為長腳蟹本身自己出邊買都唔平 😗出街食就變得方便快捷嘅選擇🍴長腳蟹超多肉🤩同埋個肉質都實☺️係幾新鮮就咁清蒸都已經好好味😋食到停唔到 其他晚市嘅餸都表現正常份量啱啱好 唔會話太細碟😉六個人食大概每人400蚊埋單🤪記得下載MTR app儲分（極師奶）因為二千幾蚊都可以幫到你儲唔少分🤪整體嚟講個長腳蟹幫佢加分咗唔少😎

今日初五，約了老友們團拜和開年，朋友提議去青衣城海港薈飲茶兼午飯。因為仍然是新正頭，食客都比平時一多。因為朋友未到齊，我先點了髮菜蠔豉粥、蝦餃、潮州粉果吃住先。新正頭吃蠔豉髮菜是例牌，取其好意頭嘛！ 亦正因為是新正頭的關係，所以作為餡料的蠔豉和髮菜相應少了，而粥的味道亦一般，熱度也不夠。蝦餃就覺得不錯，蝦肉夠彈牙和爽口。潮州粉果的粉皮晶瑩剔透，內裏的餡料亦可以清晰見到，賣相十分討好和吸引。待朋友到齊後，都已是午飯時間，再點了半隻燒鵝、海皇蝦球伊麵和蒜蓉炒豆苗。燒鵝上場了，感覺上比之前吃的燒鵝就小了些，可能是午飯的緣故，燒鵝就沒有像之前晚飯的時候，有蠟燭在下面加熱這動作，令燒鵝冷得快不夠熱扣了分，可惜;但味道還保持一貫水準，十分美味。海皇蝦球伊麵的賣相當應節，金黃色的蟹肉芡汁，鋪滿了整碟麵上，蝦球亦大大隻和咬落彈牙夾爽口。 但稍為遜色的是伊麵煮得過淋了一些，最後點的蒜蓉炒荳苗，亦因新春時節分量就顯得比平時少了，還好荳苗沒有太多的硬枝夾在其中，而且炒得味道亦佷好。總括今次午飯都有中上水準，且大家都吃得很開心，因為不知何時又要禁堂食嘛！

今年團年飯冇得堂食，就買咗外賣套餐返屋企。要於當日在手機上預訂（冇得早一日預訂），選擇了取貨時間，就自行取餐回家。<上湯焗西澳龍蝦伊麵>龍蝦雖然有幾隻，但係見唔到有龍蝦鉗，伊麵煮得較腍，味道淡。<私房欖豉蒸龍躉斑>條魚蒸得過熟，魚肉有少許韌。<鹽燒六頭鮑魚>鮑魚已經過氣，腍身。<招牌燒鵝王>燒鵝雖有油份，但味道唔夠香，肉很柴口。<發財蠔豉大利>豬脷真係細件得離譜，份量少，蠔豉入味。<臘味糯米飯>較為正常的一個，飯粒煙煙韌韌，臘腸都幾多。

至尊鮑魚花膠尚品鍋券 共有兩個份量6位用（$980）人均$164 或12位用（$1880）人均$157花膠、鮑魚、大蝦、東菇、鯪魚球、豬手、豬皮、蠔豉、髮菜、鴨、雞、芋頭。（另外配上白蘿蔔、旺菜、枝竹）所有食物的味道及用料均為出色，花膠份量十足，金蠔及東菇是上等貨色，留意一下燒味比較小量，而豬手是一大塊的，需要剪刀✂️分開才可以矛眾人食用。盆菜放置的盆可於電磁爐使用，理應非常方便，然而盆太細，加湯後容易溢出，白蘿蔔需要長時間浸湯吸味卻不是放於底部，感到不解。盆菜的保鮮袋是開口的，重用機會甚微，建議跟從稻香/其他酒家款設計。味道非常出色，家人甚為滿意，推薦

早茶食物質素尚可，點心選擇和大部分茶樓差不多，比較有趣嘅係會有個蠟燭暖住壺茶。地方蠻大，位置都蠻多。作為青衣城為數不多可以飲早茶嘅茶樓算係OK嘅，都係個飲早茶的好去處。

海港薈 (青衣)📍青衣青敬路33號青衣城3樓310A號舖屋企人想食長腳蟹，格完價話海港薈平啲，咁就去啦。🦀長腳蟹 $298/斤加蛋白蒸+$100，個蛋白係咪鑲金，所以我地揀咗清蒸。🌟蟹膏好creamy，一流👍🌟蟹肉就普普通通，有蟹味但未算令人有驚喜。🌟三個人食唔曬一隻，打包咗兩隻腳+蟹汁番去蒸水蛋。（反轉個蟹蓋影相前，記得倒曬啲蟹膏落碗先🥲）推薦指數：6/10🎃南瓜煎堆 $38呢度煎堆幾好食，唔油，香脆帶少少煙韌。推薦指數：7.5/10🐦燕窩蛋白燉奶 $28燕窩都幾多，仲附送燕毛😂蛋白燉奶少少甜，少少滑。算唔錯。推薦指數：7/10整體不過不失。

海港薈 (青衣)📍青衣青敬路33號青衣城3樓310A號舖💰疫情嚴重，唯有外賣自救，全部大約$340。🦞上湯波士頓龍蝦伊麵龍蝦肉唔多，肉有啲霉，唔新鮮，新聞又話而家龍蝦滯銷好抵食？🕊乳鴿好細隻，無斬四件，無乜肉，有啲乾。🍍菠蘿咕嚕肉份量幾多，應該係用豬頸肉，爽口，外皮都少少脆，但個汁好甜。🍖臘味糯米飯正常，唔特別有臘味香。🥓芋頭扣肉芋頭好粉，扣肉都夠淋夠味，呢個最好食。P.S. 食完之後口渴。

今晚同家人黎青衣海港薈食晚飯，因為家人預先訂左4斤阿拉斯加長腳蟹，所以入座後就可自行揀蟹。呢到環境唔錯，服務都幾好。今晚叫左5個菜：阿拉斯加長腳蟹、黑豚肉叉燒、鮑魚粉絲煲、瑤柱豆苗同乳鴿一隻新鮮蟹最好就係清蒸，原汁原味，隻蟹的確唔錯，肉質鮮美。黑豚叉燒就唔係好得，肉質較“鞋”，百幾蚊就唔係好值，普通酒樓叉燒都好過佢。瑤柱豆苗同乳鴿就不過不失，正常狀態。黎到最令人失望既鮑魚粉絲煲，首先碟菜唔夠熱，味淡，粉絲完全冇味，幾隻鮑魚係煲底，都係冇味。。。埋單2千幾，可以有更好選擇