海港酒家

營業中

休息中

等蟹等兩粒鐘 吹左佢四次 扮見吾到我地(經理縮骨) 之後太耐吾食又同其他食客講我地發脾氣吾食 咩野態度 服務態度咁差點做服務行業 以後吾會再去呢間野 真係清潔阿姐啲態度都好過個＂經理＂

有幸與各同事一起用晚饍，皆因公司老闆請一班伙計食團年飯，一於赴海港海鮮酒家品嚐海鮮!阿拉斯加長腳蟹，冷食，蟹肉鮮甜，海水味度極鮮， 蟹黃蟹膏蜂擁而出。價錢約千元左右，十分值價。原隻粉絲蒜蓉蒸蟶子， 海港酒家的海鮮十分fresh，從配料可見， 廚房有team用心製作的班底。原隻炆豬蹄，燒汁量頗多，在鍋底找到幾隻 生曬蠔豉，貽笑大方。麵豉醬配蝦乾炒唐生菜，食法新穎， 蔬菜亦新鮮，十分惹味吸引。加左幾支冰凍嘉士伯啤酒， 今晚大滿足!惟今晚食客太多，服務不足，需予改善 。

家人有心安排飯局聚聚,貪依間分店會比較人少又泊車易。第一次光顧發覺位處商場都幾光猛舒適,入到酒樓內感覺比一般商場酒樓高檔寬落。由於係老襟買咗兩份六位嘅團購,所以唔使煩點樣叫餸。大致上都會有驚喜,因為比較先前食過嘅另一份團購(xx鮮)好得多Even龍蝦,鮑魚上檯落煱受熱後,大家都嘩 嘩聲,因為啲海鮮真係會郁㗎條魚同埋扇貝就睇唔出囉輪到食肉類就一般啫,豬肉都OK滑溜,雞肉就有點韌。點心嘅糕點好煙韌頂肚重頭戲嘅粥底就無得頂喇伙記一早落咗排骨同白米,新鮮淮山。最後還有芒果糯米糍。大家都抱住個肚離開,一定有下次喎

海港在香港也是老牌子了，多人幫襯，自然喝早茶就得等位，我們上班的地方近，所以同事喝茶都喜歡在這裡聚，消費中等，出品還可以,地方又好找，就是人多，喜歡這裡的人都得提前過來等位，服務一般，喝茶人均五六十，還可以啦

今晚補祝老媽子生日，去翔龍灣海港酒家晚飯。呢間算係全紅磡土瓜灣區，比較無咁難食的街坊酒樓。三人前，點了龍躉兩味、瑤柱豆苗、油鹽水煮沙白、乳豬拼叉燒等街坊小菜。龍躉兩味係西芹炒球同潮式泡頭腩。西芹炒球不過不失，不過碟頭就麻麻。潮式泡頭腩比較特別，用鹹菜辣椒豆卜做湯，無豬肚湯嗰種辣味，但有提鮮功效，唔食得魚腥如文公子者，就有少少頂唔順。瑤柱豆苗份量算唔錯，不過瑤柱混埋金菇絲，有少少取巧，但都算夠甜味。油鹽水沙白跟冬粉底，沙白唔夠大粒不過都算甜，冬粉吸湯同蜆味，效果還可以。最搞笑係乳豬拼叉燒，竟然最後先出現，斬出來嘅都要等成半個鐘，完全違反常識。千呼萬喚始出來的乳豬，今晚難得好夠瘦仲有骨，而叉燒亦係半肥瘦，水準唔錯，$128可說性價比高。海港原來已經無做SKOL，只能叫$16.8嘉士伯，對SKOL迷文公子來講，真係有點遺憾。

一行6人中午去飲茶, 都叫左幾多野架, 但上菜勁慢, 慢到有D 無黎, 我地都唔理走了。皮蛋瘦肉弼: 夠味, 足料, 幾綿叉燒腸: 正常,叉燒唔太肥岩我, 但腸粉皮唔夠薄燕窩EGG TART: 用牛油皮無咁漏, 好多燕窩, 但無味GE, EGG TART凍GE無咁好食, 應該整熱佢呀椰皇燉燕窩: 朋友話好食, 我見好多燕窩咸水角: 好硬, 唔得春卷: 熱辣辣, 新鮮鳳爪: 入味, 夠林, 好食棉花雞: 基本上無乜雞肉, 仲要係連骨GE 雞件, 唔得..... 其他都是魚肚+ 芋頭, 都唔係棉花雞LA排骨飯: 好大煲, D 排骨好林又多肉, 好食WOR!

初初估算這間海港位置土瓜灣一角，沒有港鐵只有小巴，巴士到，應該容易搵位不用等吧，真係估佢唔到，滿晒座，嚟到等位先有晚飯食，酒樓面積已經很大，真係坐到滿，生意很火唷。今晚見到有很大隻，阿拉斯加蟹，三斤半重，做緊特價 $188.- 一斤價錢，食就食啦，蟹很大隻，清蒸上枱，蟹啖啖肉，非常清甜，食阿拉斯加蟹，全部肉，真係成隻食晒，蟹殼非常薄軟及輕，用剪刀剪開，啱晒我呢隻蟹怪，好食到不得了。燒鵝例牌，亦做得不錯，非常美味。剛巧 做 Facebook 讚好，有免費汽水送，當然即時取了兩罐。。。啦，是日大滿足

嘩！大件事，大件事，老公生日食晚飯囉。龍蝦係我哋生日第一要食嘅海鮮，左思右想去睇下酒家嘅龍蝦價格，最後都係選擇左呢一間海港海鮮酒家。因為海港酒家人流多，很多人吃海鮮蒸煱，所以龍蝦有新鮮的保証。它做緊每両19.9的特價，我們要了一隻二斤九両的西澳龍蝦（45両）。上湯焗不用收費，加了70元一份的伊麵底，如果芝士要加50元的。龍蝦上枱（眼前一亮），上湯焗伊麵有點糊口，龍蝦真是十分新鮮，廚師做得好好火喉，龍蝦肉滑、嫩而唔死實實，伊麵吸收咗上湯和龍蝦汁就仲好味，加上少許辣椒油，更加和味。😋😋😋再叫了松茸花膠湯，豬骨燉到入口溶化了，湯又香又清新。我十分喜歡🤗讚啦。

食過好幾次, 係度食海鮮真係第一次!茶樓酒樓一般都有海鮮, 抵唔抵食就見人見智今日見係母親節, 豪一豪佢! 因為母親節所以同場都好多人, 而且有好多蟹都已經比人訂晒, 得返2隻, 所以諗都冇諗就叫經理幫我地落左一隻阿拉斯蟹長腳蟹大概$700到, 價錢一d都唔貴以清蒸咁煮熟另外再叫左幾個小菜, 一路食一路等隻蟹黎喇黎喇! 大家見到隻蟹都好吸引! 蟹蓋足足差不多有個個頭咁大嫁~~~~ 呢個價錢而言真係算好平!d蟹腳真係好長~~而且仲好有肉地, 食落啖啖肉, 肉質厚實十分之好味! 不過鮮味方面冇我想像中咁鮮甜, 中規中舉.. 蟹蓋既膏唔係一般香港人食蟹果d有口感既燈/綠色蟹膏, 當然蟹種不同, 食菅唔算好濃厚, 但味道都頗香的用黎送飯真係一流! 不過真係好邪惡~~~~ 

節假日難得和朋友死黨聚會飲茶吹水是最直接的方法。 土瓜灣店本人覺得空間，裝修都還好吧，本來也是因為方便的原因，這方面就沒有什麼可以計較的了。而食物方面，本人也覺得味道尚算不錯，較其他酒樓為佳，而該店在早茶方面的選擇也不少，跟單上菜的速度尤可。 總括而言，尚算不錯

平時例假都會搵地方食飯，因為一星期只有一天休息，梗係要對自己好些，今晚發覺好耐冇嚟呢度吃飯，當然要吃一餐飯啦。今晚晚飯孖寶係清蒸游水青班和上湯焗波士頓龍蝦伊麵底，每份＄218。上湯焗波士頓龍蝦伊麵底－龍蝦面有少少粉走過油，將肉汁鎖住，龍蝦肉好彈牙同鮮味，伊麵吸收了上湯之後好淋身，加少許辣椒油仲好味👍清蒸游水青班－約一斤半，蒸得剛剛好，沒有黐骨而且魚好滑，蒸魚鼓油唔太甜帶出魚的鮮味。👍👍👍另外要了一枝大加士柏，連加一茶介，共$280。人均消費$140，算好低食😋😋😋😋

父親大人的生日，又約了親戚一起吃飯。還是照舊來到海港，食物質素比富X好很多，變成長輩生日食堂了。叫了套餐，跟濟州橙汁，都幾好飲，可惜分量較少，十幾人是不夠的。一開始上菜的是蝦伊麵，表妹表哥們都很喜歡，因為我們有16人，所以叫再叫了一盤。這個炒西芹都挺好吃。單叫的伊麵分量又少很多。麻辣口水雞很受歡迎，可惜竟然有部分未熟，個侍應竟然拿去煮多陣拿返上台。乳豬來了！我的最愛啊！！！！！！！！！！皮脆肉嫩！好快就被掃光！單點了黑椒豬手，也是很好吃。糯米飯也是我的最愛，這個套餐我已經吃過5次了。最後的紅豆沙就一般般，太水了。總體來說今日還是開心的！

12個人聚會食飯，唔知食乜好，臨急臨忙突然醒起以前食過海港蒸氣養生鍋，9個人食6人套餐都食唔哂，好味又抵食打電話去book位，呀姐話得6人同10人套餐，12個人食10人餐都好夠，一於試下佢我地點左個長腳蟹十人燕窩全包餐，但其實入面無燕窩，只係個名姐刺身拼盤岀期地好好食，要讚揚一下個海膽好鮮甜，有驚喜！長腳蟹好大隻，足5斤，我地岀面食呢個size都要千五左右，呢個套餐2580再加一真係好抵，應該係當造，好多膏又重手，個頭入面既膏係無得頂！好鮮甜又滑口，超正！台灣青斑好軟滑好香，魚味濃紅棗雲耳走地雞一流，淨係食舊雞已經食到紅棗味好香，完全吸收哂紅棗既香味，雞胸都好滑安格斯肥牛反而有點失望，可能係蒸嘅關係，個牛好似有層jelly係面頭咁，怪怪地，不過肉味好濃鮮甜沙白蜆真係無改錯名，真係好鮮甜小籠湯包不太夠汁，不過都已經好好食，最衰就無醬油同醋可以點，有少少遺憾粗糧拼盤有粟米，南瓜，日本迷你紫薯，芋頭件，紫薯好甜好正，芋頭件好粉好好食又香！手打蝦丸爽口鮮味豚肉丸食落似牛丸菜心好梅呀秋葵新鮮又夠嫩，好食！我地叫左6隻大瀨尿蝦，88蚊隻，應該係越南野先有咁平，有兩隻係有膏架！最後個粥，無敵呀！真心

我覺得呢間酒樓算非常好，之前一有時間就會黎，因為覺得佢幾低食，有時晚飯孖寶，通常都係百零二佰蚊，食材新鮮而且味道好。現在做緊龍蝦＋青班＄218另加一，都好正👍曾經試過＄298有六位用翅，好足料。而其他套餐都大件夾低食😋

適逢中秋佳節, 一家人總係要約齊人食一餐團年飯今日同男朋友屋企人黎到呢度慶祝中秋佳節黎到大集團嘅酒樓, 食嘅必定係套餐叫咗一個＄798 四位用既中秋節套餐另外再加左半隻燒鵝, 另外在計埋加一, 差不多成為＄1300, 都幾貴! 叫左冇耐, 套餐既送已經一味滾水淥腳咁放晒上枱證明已經係一早整定.... 不過都唔使上得咁快掛😅😅😅 唔使5分鐘所有嘅餸菜已經送晒上枱面🙈👈🏻👈🏻👈🏻👈🏻👈🏻認真! 第一次食團餐可以影到啲餸咁靚仔真係第一次見😂😂😂 連啲餸菜都完全未夾過, 竟然可以比我影到呢張大合照, 認真難得😂👍🏻至於味道方面各樣餸菜都中規中矩未至於好難食但又唔係好好食味道真係好一般, 完全唔會有驚喜可言比得起呢個價錢, 其實未必需要黎呢度食🙈🙈🙈