海港酒家

營業中

休息中

聽阿媽話佢成日同班frd來飲早茶, 又平又抵食咁話, 於是就搵日同佢一齊來試!點知一試就覺得領野, 唔係食物口味都有代溝呱?一來d茶已經唔得, 普洱d味好怪, 鐵觀音仲衰, 竟然有腥味!! 之後頂唔順換過壺龍井, 草青味濃到丫……後來發現原來係佢d水本身就已經有陣怪味…咁沖出來仲點會好飲呢…叫左兩碗原盅蒸飯、蝦腸、紅米粉絲腸 (好似唔係呢個名, 唔記得)、牛肉球同雞扎,其中牛肉球算係最好食, 不過所謂既好食我都已經唔記得佢乜味,因為佢d唔好食既點心太令我印象深刻……蝦腸個粉皮好唔得, 怪到唔知點形容,另外個紅米粉絲腸初時見佢幾得意, 紅米粉皮包住d炸過既粉絲, 脆脆地咁,但一食落口, 成陣油"益"味…食兩啖已經搞到冇晒食慾…所幸個飯都蒸得幾靚, 有番d野落下肚…其實一個月之前左右來過食lunch叫炒飯小菜之類,果時覺得佢都幾ok…唔知點解早茶難食到咁…雖然最後都算平, 但真係唔會想再試。

係呢度飲左幾次茶，次次都有d好食有d唔好食!今次就差d! 因為連本身ok既蝦餃都整得唔好! d蝦肉好老囉!另外,辣酒煮花螺,d螺又細左!雞軟骨-------因乜用炸豆腐隻炸漿....怪怪地....鳳爪花生------幾好食!鳳爪好林!炒粉麵.......質素一般.推介: 蜜汁雞翼(水準幾次都keep到)

由初中生去到中坑,少了點憤怒,多了一些厚度,想著二十年前的北京一夜,仍然很躁六四的早上,藍色一片天,但肉體上包裝的是灰色的心.獨個兒來到傲雲峰的海港酒家飲早茶.早上的特價點心選擇甚多,一個人在特價點心內點幾味,已經足夠.盅頭飯$5.8,其他的最貴是XO醬炒蘿蔔糕,$13.8一碟已經是最貴的一味.用來炒的蘿蔔糕,自然是一口粉的貨色.用上XO醬來炒,香口又惹味.$5.8的鳳爪排骨飯,少不免將貨就價.一隻鳳爪,兩小粒排骨,過濕的飯底,加上大量醬油,也吃到清光.鮮蝦香茜餃水準一般,而雞扎的用上豬皮,不是用魚肚,感覺上差得多.始終是特價,四味點心連茶芥加一,不過是$44.

今天太座吃餐的新口味是燒味飯天下着大雨，從巴士站下車，不及細想，怱怱走上來買兩盒燒味外賣回家慢慢嘆....太太最近不喜吃飯，而且胃口不大好，故只能吃碗义瀨。來得這裡，燒鴨 / 鵝自然是必然之選，自己又愛吃燒肉，要一個燒肉燒鴨雙併，就最合小弟心水....吃了少許太太的义燒，肉太瘦但不過份嚡口 (但這卻是太座所好的)，而且是全然沒有蜜甜味，好像在吃淨瘦豬肉條似的，乏味始終义燒不是這店的強項，沒辦法...相反小弟的就好得多 --- 燒肉肥瘦相間，皮亦脆，絕不因是普通一個外賣飯盒而將貨就價，好吃；燒鴨一向是招牌，是日吃到的更是腩位，肉身夠厚之餘又不韌，皮相比之下是沒有在店內吃原隻時的燒得脆卜卜，但現在始終是在吃外賣"單頭"飯盒，燒肉已能收貨，不能再要求所有東西都是完美了...一飯加一湯瀨，賣的只還四十多塊錢，印象中好像比附近的太興還便宜。下次可有多個選擇了....

今日訓醒經己兩點多,和男友二人一起到這裡進餐.點了如下點心:奶皇包: 一D都唔流沙GA奶皇包...每一次都期待會有改善但無一次令我改觀..鮮竹牛肉球:好少腐竹..牛肉味道算唔錯而且好滑添...牛肉腸:腸粉好滑.放耐左一樣咁好食...證明腸粉真係咁有質素!粉果:皮薄餡靚,鐘意入面D脆花生....好味道呢...蝦餃:係呢到食點心,一定要叫..因為做到唔錯...幾出色.煲仔飯:今次唔係一元啦..因為TEA TIME無一元咁抵咯...味道KEEP得住...最後呢到GE CHILI SAUCE係我食蝦餃必伴GESAUCE..大家不妨試下..

今日病左唔想行得咁遠食飯,於是係附近選了這間酒樓,點左個1元煲仔飯,蝦醬肉青煲仔飯,辣雞煲同埋金銀旦莧菜鍋.樣樣都唔錯.最SUPRISE係辣雞煲,因為個汁好惹味.而D且雞年件都好滑...好新鮮添.唔係frozen food金銀旦莧菜大碟同埋好清甜....唔會好似大排檔咁整得咁咸....唔錯唔錯...個煲仔飯真係超值添...但唔知個優惠會做到幾時..下次再去食多次先...雖然接近收工時間,但員工的服務態度仲`KEEP得好有水準....好抵讚!

呢度基本上係我父母既飯堂每朝佢地都黎呢度飲早茶,有時下午茶,晚飯都係呢度食剛開業既時侯,呢度D點心真係又便宜又好味最抵食一定係賣$5鳳爪排骨飯----D排骨又好肉,D鳳爪又好味道重有賣$9.8雞扎入面棉花係用魚肚,味道真係唔錯重有賣$13.8 XO醬炒蘿白糕----諗起都想食重有蝦腸又係我至愛-----一條腸粉有2隻大蝦所以呢度一直都好旺場自從果間嘉賓結業之後呢度生意更加旺場但呢度個老細梗係開心到short 左呢個零月開始食物水準急劇下降先講賣$5.8鳳爪排骨飯----D排骨又無肉,D鳳爪又黑又難食重有賣$9.8雞扎入面再唔係用魚肚,而係用豬皮代替連我父母都話唔再黎飲早茶

環境裝修的確不俗,有點意外是平日晚飯時間都幾多人,可能因為附近酒樓不多吧.日本火箭魷兩食 – 即魷魚兩食,有椒鹽魷魚酥和炸墨魚餅. 有賣相而且夠香口. 墨魚餅有六塊,但不怎嚐到墨魚(魷魚)味. 魷魚酥ok,炸粉不會太多.漁香海鮮燒豆腐 - 叫"漁香"以為會有點辣,但入口一點也不辣. 料都算豐富,可以見到蝦都幾大隻,不錯.鮑螺月花茹扣鵝掌 - 一般,沒有特別.清蒸大清班 - 有點意外是條魚都幾大條,食落ok啦.清炒豆苗 - 好油兼過鹹.最大問題是服務. 所有餸都差不多食完但條魚還未上檯,我們叫其中一位阿姐催催; 佢望望手錶跟住話:"時間差唔多架啦", 跟住走去第二檯換碟... 再過了十分鐘,我們忍不住再叫位阿哥催催,點知佢同樣望下隻錶跟住話"時間差唔多架啦", 然後頭也不回走去執檯... 完全無打算入廚房幫我們check... 請問這是甚麼服務態度?一提,隔離檯叫了碟龍蝦,勁大碟... 但最後要搵經理投訴,原來碟龍蝦竟然沒有龍蝦頭!最神奇是聽到個經理竟然夠膽同個客講話個龍蝦頭是不要的... 嘩,磅龍蝦計錢的時候就連頭計,但煮完就無頭上檯,這是甚麼道理?

喜見土瓜灣有新酒樓, 試過兩次星期日飲茶, 新裝修地方濶落.第一次三個人, 十一點半居然唔使等位.第二次二個人, 要等位, 攞飛時講明搭枱, 但知客有搭枱位時只是叫咪邊個搭枱, 乜唔喺順no叫咩, 如果唔出去爭取, 咪冇位!! 點心抵食夾大碟油菜抵食$9大大碟潮州煮雞, 一個瓦煲上都幾好味, $2x煲仔飯, $2x再加個椒鹽三文魚腩$2x埋單$100

晚飯小菜，有個豬軟骨湯，加一點白菜（第二次去則加白菜心），有少許胡淑，有少少似鹹菜豬肚湯，但這湯的豬軟骨，不錯，湯底幾好味道。另外，荷芹抄腊味，亦抄得幾好。而韮菜花蒜心抄肉絲則勉強，因為韮菜花抄得比較硬而蒜心太幼。

從搬進新居的那一天開始，便聽說海港要進駐商場了。等了年多的今天，總算在家附近有一所新的飲茶吃晚飯的"就腳點"了急不及待，先後跟太座去了三趟 ---- 早茶及晚飯兩次。吃完後，還是覺得這兒的招牌燒鵝最出色....新張期內，拿着coupon可吃到免費燒鵝，再加上新鮮感作怪，門前人山人海自然是必然了。小弟夫婦是街坊，自然可以選較少人的平日來光顧....第一次去晚飯時只是兩口子，面對着那些優惠如兩斤許的青班只賣八十八大洋一條，真的是無福消受了。能用的，只有那張燒鵝coupon...兩個人吃一碟燒鵝例牌。雖然是贈送的，但也可不欺場。連帶的是脾位的部份，端上枱時仍是熱的。皮帶點脆，肉也挺嫩，果然是招牌貨色....其餘的小菜也是大件夾抵食，但味道只是極普通。來個所謂的潮煑海班頭腩煲，骨是佔了很大部份，沒甚麼肉可吃，而且湯頭很淡，鹹菜又下得不多，正式淡出個鳥來；蝦乾肉鬆浸菜苗份量大是大，但浸的那個魚湯師傅味極重，蝦乾吃進口只一味夠硬，不夠鮮香.....見有個椰皇燉雪蛤只賣十多大洋，實在太便宜，也來一盅。份量多得兩人合力也差點吃不完。料足抵食，僅此而已....隔了數天，跟太座兩人撑枱腳喝喝早茶。叫了六七

開張以來都試過幾次飲茶同食過晚飯 . 同區嚟講都算係有水準 . 所以好旺 , 可能又因為佢送燒鵝卷關係啦 , 連晚飯都要等位 , 真係同區未有見 ! 正題要讚係點心同餸菜都唔錯 , 服務都 ok : 希望可以一直保持水準啦 .

今日去食 簡直人山人海 好在一早訂左位兩個人食左 一個龍蝦伊麵 (238) -- ok 好多麵 但係龍蝦策靭瀨尿蝦 兩隻 (76) -- 好好味 好鮮甜 象拔蚌刺身 (198) -- 鮮甜 好味 燒鵝 例 (送的)椰皇雪恰 (甜左少少)

身為一個扎根土瓜灣嘅地胆, 好啦, 等我打頭炮介紹呢間新酒樓啦!唔好睇少d師奶, 佢地對本區嘅消息永遠快人一步, 呢間酒樓由未開媽咪已經開始講開咗唔夠兩星期已經聽佢讚咗好多次, 身為乖女嘅我, 約定今日陪佢飲茶...無錯...土瓜灣自從多咗新樓附近真係多咗食肆, 但企企理理的酒樓就好似好少....朝早10點鐘諗住咁大間酒樓一定有位...點知都要等15分鐘左右....媽咪話平時點心仲平, 星期六日就貴幾蚊一碟啦...陪媽咪飲茶....貴d就當振興經濟囉....叫左幾碟點心...都算唔錯...而且推廣期間..燒賣$5/籠, 無偷工減料...幾好味坐得舒服, 近窗又有海景睇....埋單一百蚊左右(3個人)....好抵食...見到海報有d一圍嘅套餐....二千蚊左右, 都好抵食....大隻新鮮鮑魚$48/隻, 確實幾吸引...一於約埋家姐阿哥成家人試一次晚餐水準先