53
28
19
| 餐廳: | 海港酒家 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
07:30 - 22:30
星期一至日
07:30 - 22:30
以上資料只供參考, 請與餐廳確認詳情
相關文章
今晚專程約埋一班同學共享海港特價長腳蟹餐。有幾好食睇相喇！餐前小食沙薑雞腳好入味又淋餐前小食 五香豆腐 同酥炸墨魚咀餐前小食酒香味濃鴨舌，好食到連汁都飲埋主角出場 六斤半超大隻阿拉斯加長腳蟹，火喉剛好肉香鮮甜爽口不得了🤤🤤第二主角薑蔥龍蝦煎米粉底二個寫形容鮮、香，冇得彈！煎米粉底，更加係王度🫶🏼原盅燉湯 佛跳牆，材料豐富火喉十足，淡淡都係滋補同滋味😘薑蔥炆大班尾本人對魚一般，所以沒有評論！甜品 -壽桃包比較鬆散不夠綿密。甜品 - 椰絲奶黃糯米糍，紅棗糕
繼續閱讀
上司突然約我跟其他同事去飲茶, 有秘密任務, 幸好我只是負責吃, 任務交給其他同事 😎 這間茶樓大家一定並不陌生, 不過我卻第首次來吃, 想不到人頭湧湧, 需要等位入座, 蠻誇張的!燒味雙拼 $128我們選擇了腩仔跟叉燒, 腩仔皮有點脆口, 沒有肥膏, 很不錯 😙 叉燒超級瘦, 本人喜歡半肥瘦, 而且部份叉燒口感非常柴皮, 所以叉燒好壞皆看彩數 😗 燒味並不算多, 質素一般, $128絕對不便宜。黑色流沙包 $21.8潮州粉果 $21.8翡翠筍蝦餃王 $28.8鮮蝦豆苗餃 $26.8雞蛋叉燒腸 $23.8香煎蘿蔔糕 $23.8最好吃就是流沙包, 跟坊間流沙包一樣有流心效果, 有理由懷疑這款包是外購翻熱 😅 所有含餡的外皮(粉果, 蝦餃, 豆苗餃)全部都厚身, 腸粉皮本身已經厚, 還額外加蛋, 蒸後更厚, 蛋的口感並不滑 😮💨 但最最最惡劣的則是蘿蔔糕, 吃到的全只有粉, 沒含什麼材料 😥上海燴蝦球伊麵 $138蝦球蠻多, 伊麵沒有煮得太淋, 醬汁微微杰但不會很過份, 味道也不會太濃, 比起上面點心, 它算不錯 🙃櫻花蝦海皇炒飯 $118除左櫻花蝦外, 還有菜玉瓜, 蝦仁, 蟹籽, 材料頗豐富, 味道也不俗, 不過敗筆的是整個飯太濕, 自然沒有一粒粒飯的效果, 同時欠缺鑊氣 🤷🏻♂️服務上面不錯, 所有要求都很快處理好, 還儲了不少熟客, 所以侍應跟客人有不少互動, 加上價錢上好像比一般酒樓便宜, 所以爆滿是有原因的, 但論味道就接受不了 🫣
繼續閱讀
昨日公司拜神，每個同事各自買一啲食物，我就去咗維景酒店嘅海港買燒肉同叉燒各半斤，加埋$120，點知斬咗出嚟，兩盒加埋半斤都冇，燒肉得幾粒，睇個樣好乾，好似隔夜咁，一睇就知唔係半斤。返到公司，有另外一個同事都係買燒肉，佢喺燒味舖，買左腩肉同腩骨各半斤，比我貴少少，加埋$145。但係真係冇比較冇傷害，佢啲肉又鬆軟又新鮮，嗰啲皮睇落好脆，份量多過我三倍，搞到同事以為我縮骨買少啲。之後食落同事仲話我買啲燒味好鹹，鹹到苦。真係乜面都冇晒，以後都唔好喺海港買燒味啦，尤其是維景酒店呢間分店，食物品質奇差，同事話喺第二間分店買過都冇咁差嘅。
繼續閱讀
極品酒樓，環境惡劣，員工態度極其差。門口接待處該位阿姐安排我們坐房，一入到去兩張大枱，問題係間房一陣up味，好難頂所以未坐底即時出返去要求坐大廳，該位接待阿姐仲話唔坐就唔坐唔使講咁多野，跟住換咗另一張大廳近擺餐具的枱，未坐低已經見到一些未用的餐具四散在地上，而地氈非常污糟，跟住就係樓面的服務態度令人大開眼界。首先坐底冇人開茶，示意職員交單叫野吃，望住佢地舉極手都冇人理，所有樓面阿姐都貫徹見到當見唔到政策，即刻閃開，甚至乎有位阿姐仲誇張到話要等，等咩呢？原來就係等佢去台熟客度打牙骹，執走啲籠，打完牙骹執野期間就唔知死咗去邊啦，隔咗好耐再死過黎問係咪要交單，此時張單已經交了給另一位職員了，打牙骹那位再也没有出現過，之後全程都是得幫忙收單呢位職員服務，她的服務真係搞到吃客為之一振，叫佢幫手加水，佢話要我地將個熱水壺擰開個蓋佢地就知架啦，如果唔係佢地唔知喎，乜真係咁咩？舉極手都冇人理，個熱水壺擰開蓋會有人睇到？劃咗嘅食物幾樣都話冇，冇都唔緊要，最搞野係佢唔係走過黎交代一聲，而係走到附近大大聲對住空氣話呢樣冇嗰樣冇咁樣咆哮幾次，完全冇為意佢係同我地交代緊，正午飲茶樣樣都話冇，有嘅就等成大半個鐘都唔黎，有其他人問啲野咁耐唔黎時，該位樓面被問完後完全冇任何回應，當時那個客人已經係話呢間野以後唔使黎，到我們都追問時該位職員去查完後話係要等起碼半小時，所以決定唔等走人，埋單時發現冇吃到嘅都計咗數，即時要求一位男經理取消。呢間酒樓應該唔係唔够人手嘅問題，根本就係呢班員工自身素質嘅問題，唔明點解仲咁多人去幫襯，仲係度擺酒，零服務仲學人收服務費，價錢又唔係平，仲要任何時間都冇特價優惠，不知所謂，呢間衰野永遠列入黑名單。
繼續閱讀
食品不過不失，某些菜式算是不錯，環境喧嘩擠迫，服務態度極之惡劣，相信服務員並不知道甚麼是服務行業，甚麼是待客之道，對客人苛斥、呼喝、無禮，甚至粗暴搶走客人的飲品。身處香港數十年，今次才真的領教到這樣的服務態度。
繼續閱讀