海港酒家

營業中

休息中

上次喺太子嘅海港酒樓食個晚飯，印象中佢晚市都幾多選擇，價錢合理。所以今次係寶琳同屋企人食飯，我都選擇咗海港酒樓。上次太子嗰間唔知係咪太旺，好早已經有幾度菜式賣晒。今次終於可以叫返想食既中式牛柳條。呢個中式牛柳有大量嘅蒜蓉，所以好香。牛柳條幾軟身，易咬。牛柳下低係洋蔥，濃味既一道菜式，送飯唔錯。唔知係唔係食鹹左個味蕾，另外叫咗一道金華火腿浸娃娃菜，就覺得佢非常淡口。除咗嗰個金華火腿有鹹味之外，成道菜餸都好似冇咩味甘。所以都係要叫返啲重口味嘅小菜，例如咕嚕肉都做得唔錯。酸酸甜甜，好醒胃。呢度嘅甜品都好似好搶手，楊枝甘露，一早售罄，下次請早。

一心去食阿拉斯加蟹，點知去到賣晒5:30pm 打電話去問蟹大小，因為喜歡吃大蟹，所以聽到有7斤，即刻飛車去。當時已經知道今晚冇得預訂蟹，要先到先得。用咗45分鐘先由元朗去到將軍澳，直衝入魚池一隻也沒有了，沽清。$188/斤係宇宙最平。變陣，改食原隻西澳龍蝦。$19.8/兩，人小小點咗隻2斤。上枱，睇落都夠斤兩。上湯焗，味道剛剛好

星期六早上有事情過來辦順道在這裡吃一頓，點了XO醬蘿蔔糕、燒賣、滷水掌翼、皮蛋酸薑、花膠煲螺頭及上湯珍寶蝦球伊麵，燒賣的賣相有點難看，口感也不怎麼樣，有點鬆的感覺，不像其他地方的口感比較實，滷水掌翼非常入味不會太咸，皮蛋酸薑的子薑不會太辣，配皮蛋是絕配，可以中和皮蛋的濃烈度，XO醬蘿蔔糕挺好味，花膠湯真材實料，等了非常久的蝦球伊麵一上場忘了拍照，蝦肉很爽麵也不錯，吃不完了繼續光盤行動，總的來說還是挺好的，埋單HKD285，有機會再來。

成日都想嚟食蟹，今次一枱十人叫三隻🦀🦀🦀，並無自己蒸，叫廚房整。其中一隻連蛋白蒸，上枱時好開心，d蟹係活生生的，但奇怪無想像中鮮甜🤔，而且有冇蛋白蒸其實分別不大，可以慳返啲錢。其他小食都ok，另叫咗隻乳豬，但係肥到爆炸，食一塊都好夠。叫咗幾樣海鮮蒸🦑🐙🦐🐊🐡🐋，樣樣都算新鮮。但冇人會幫你，乜嘢都要自己嚟，食蒸鍋，又要蒸又要分上碟又要再放又要食，食完真係好很攰。呢度除咗蟹之外，無服務就係最大亮點，除咗上菜同落單時，有一個👺態度非常差嘅女部長外，就真係完全冇服務🤦🏼‍♀️🤦🏽‍♂️，你想搵個人都冇。沖茶、攞碗攞筷子完全靠自己🤷🏽‍♀️🤷🏾‍♂️。總括，見面不如聞名。

今晚個客請食飯， 搵咗呢一間酒樓， 呢到其實都黎過好幾次，覺得佢水準十分飄忽。 今日亦都係一樣， 叫咗個黑椒豬手煲， 咕嚕肉， 炒蜆， 薑蔥大鱔煲， 同埋西芹炒班片。 最好食嘅 係個黑椒豬手煲， 炆到好林好入味，最唔好食係個炒蜆， 啲蜆肉細粒到幾乎搵唔到

今年冬至和家人在將軍澳新都城「海港酒家」食晚飯。我們一行10人，所以叫咗個套餐，再加多隻長腳蟹。做冬大過年，叫隻大蟹食，一家人開開心心。蟹蓋內的是蛋白+蟹膏，可以叫幾碗白飯配蟹膏一起食！yummy!這隻蟹果然無令我們失望，肉質結實，鮮味可口！就這樣，我們一家人享受了一個豐盛和溫飽的一頓晚餐！

同屋企人節日慶祝或爸爸生日都食呢間，因為抵食又有水準。5個人食叫左6餸一湯，5白飯，加一，$1000左右。以下係按好食程度排序。豬手，真係好好食，好入味又夠淋聖子，唔錯，鮮味花膠響螺燉湯，碗碗有花膠，算有料到蒸龍躉，肉滑鮮味炒蝦球，蝦球大粒，但味淡鮑魚雞煲，雞肉味香，但少，鮑魚好假秋葵炒牛肉牛肉唔夠淋，口感差

係Yahoo團購佐個499四人蒸氣鍋套餐，睇到內容都覺得豐富，來到見D食物上檯更覺得超值，海鮮好新鮮，份量又足，我地四大人加兩個小朋友食到好飽，真係非常美味又抵食一餐，好滿足

海港嘅食物質素無容置疑，今次嚟食每年一度嘅阿拉斯加蟹，正！4個人揀隻4斤幾嘅蟹，蒸完都咁大隻，有d意外😮蟹身清蒸，蟹膏揀花鵰蛋白蒸。果然阿拉斯加蟹，蟹腳好長，有前臂咁長，原隻蒸完上枱，熱辣辣，大家都急不及待起動😋一剪開，成條長蟹柳走出嚟，嘩，個啖肉鮮甜到。。。難以用文字形容，真·好好味。好鮮嘅味道，好厚肉，果一啖真係好回味。這隻蟹太抵食。炒蟶子，無諗過係酒樓會食到咁大隻嘅蟶子，還要咁嘅價錢，又太抵食了。這碟蟶子好惹味，因為係我最鍾意嘅是椒炒，見到大大隻蟶子已經有驚喜，食落蟶子係爽身，證明夠新鮮，連埋配菜、醬汁食，正！美味！蒜蓉蒸帶子，帶子略嫌無乜味，但夠大粒，啖啖肉。底下嘅粉絲絕對係精華所在，吸收哂蒜蓉汁，好入味☺️☺️呢個菜整體算合格，但食完阿拉斯加蟹同蟶子，帶子就變得好失色。不過4個人真係唔好叫咁多，淨食阿拉斯加蟹已經好飽，下次再食下其他海鮮，因為見好多枱食蒸蒸鍋，好似好正咁。

爸爸生日，在這附近的酒樓，很多都只有一圍訂，只有海港可以半圍訂，所以選擇這間，這間還一個好的地方，就是即時叫宴餐，唔需要提早訂和比訂金。其實當日散叫都唔會太貴，但如果半圍訂就包酒水和不用加太多其他雜費，所以最後都係決定訂半圍。食物方面，賣相都見得人，雖然唔算係貴價貨色，但爸爸都覺得好滿意。不過不失，但那些雜豆味道很怪那些汁沒有想像中濃這條魚就係這個餐的主菜，都算大，幾新鮮大大個壽包，一半蓮蓉、一半奶油，其實唔太好食，不過賣相都算可以。清淡的小菜，本人喜歡西蘭花，所以加分這個湯都還可以，雖然唔太熱和沒有鮮味，但用料不足。其實這圍酒水都唔算多，不過我地飲茶都可以唔需要太多果汁其實還有一兩個菜式，但都比較普通，所以唔詳盡介紹了。如果係一個小家庭，這間酒樓都算合適，不過如果是假日，最好找人早點等位，因為都很爆場。

Dinner for 2, had special of LING COD( 2 ways) and a plate of BBQ pork for $218 +++The pork is ok, on the lean side. The stir fry fish is slightly overcooked/dry. The steamed head bones ok.If you don't feel like cooking, then go to this big food hall to eat. It is noisy, little service, tables very close together! Food not very tasty, I can cook the same or better. If you want better food prepared with love and care, go to Red Restaurant or Jade Restaurant or Hung Sing Restaurant---you may pay a

平時都好少星期天放假，難得可以一家人聚下，我也提議去屋企附近的新都城2期商場飲茶，睇戲前我們去了新都城一期的《海港酒家》飲茶，今天始終都是公眾假期，等位都等了起碼30分鐘先入座。 水晶豆苗餃(大點)~一共4粒的晶瑩剔透的豆苗餃，餃皮夠薄身帶煙韌，蝦肉大粒彈牙爽口，夾上清香的豆苗都是不錯的配搭。😁 蟹籽燒賣皇(精點)~同樣地蝦肉都好爽彈 加上蟹籽粒，卜卜脆增加口感及鮮味，都不錯。 蠔汁叉燒包(中點)~包身宦好鬆軟，不過叉燒餡不算豐富，有點偏甜。 香煎蘿蔔糕($18)~剛煎起都好香口夠熱，質感都好稠身，可是蘿蔔份量少而不夠清甜，可讚是臘味都大粒都好足料，整體水準一般。 香煎蝦米腸($17)~煎得外脆內軟，口感順滑有米香，蘸上甜醬及麻醬同樣好吃。 濃湯浸菜心苗($18)~好嫩口菜心苗，浸在濃湯中都不覺膩，還有菇菌伴食，清新又健康之選。 沙薑豬手粒($35)~這道是冷盤菜式，豬手粒爽脆帶微微酸香，加上爽口的木耳及清香的香茜，完全減輕豬手粒的膩感，真是越食越滋味。 清香養顏紅棗糕(大點)~最後來個甜品，爸爸平時最愛食此紅棗糕，Q彈又煙韌，加上清甜的紅棗，甜香美味。

星期六约了一群朋友到将军澳海港酒家吃饭，去到的时候看到门口有好多人在waiting，幸好朋友一早就订好了7点钟的位。饭店装修挺好，还有电视可看😃我们十个人一共点了9个菜鲍螺片花菇扣鹅掌份量有点小，只有三只鹅掌，不够我们十个人分。瑤柱鲜竹浸菜苗，味道比较清淡~~~大葱炒鳝，鳝的份量也很少，只有一只，我到我吃的时候就只剩下葱了。琥珀河虾仁，很喜欢的一道菜，很快就被我们吃光了。拔丝咕噜肉，比较甜一点，很香口，很受欢迎。荷芹炒靚腊味，腊味很咸，但是我喜欢很下饭。西兰花珊瑚花枝片，这个味道也是偏清淡，但是西兰花很爽口。日式上汤什菜煲下一次可以再来(>﹏<)，因为价格适中。大家也是住在附近，过来比较方便。*^O^*

一家人食飯唔知食咩好? 傳統酒樓唔係間間都好食!!!不過呢間海港真係唔錯!!我就鐘意食呢個蠔! 好新鮮既蠔,加上有蔥去僻味，而且帶有小小咸味，所以送飯真係一流！西蘭花炒魚塊，一個好普通既餸，但真係炒得好好味！魚塊出奇地新鮮，唔係間間酒樓都咁著重食材！好少壽包有奶黃味，但呢間有!!! 所以個個都揀左奶黃味! 不過佢既蓮蓉唔會好似出面果d係死甜! 下次食飯一定會再揀番呢間!!

作為一個係附近住的人, 海港已經唔知道食左幾多次. 講真, 海港平時的質素都係不過不失, 冇咩特別喜愛亦冇唔鐘意. 但從來未試過有一次, 我會完全唔想食野= =果日我地想幫嬤嬤慶祝生日, 老人家就鍾意去酒樓食飯啦~果日我地係食小菜ge, 叫左d咩我地唔係好記得, 不過都係一般野啦~但係, 真係有個不得不提的菜---紫心蕃薯浸菜苗.原圖係咁ge: 睇個樣正正常常, 都係想食個菜扮下健康, 就叫左啦. 咁就中伏了.碟菜一黎, 我笑左.我要老實丞認我果刻係俾錯左反應. 其實我應該叫部長黎傾傾計. 點解? 因為碟菜上黎果樣係咁:喂呀~~~我想食菜姐, 呢碟咩黎ga?= =圖文不符我都預左, 但係唔會係差咁多啊...?好大的視覺效果衝擊囉= =我地本住唔好浪費的心態去食, 但原諒我, 真心零胃口. 我嘗試去食條菇, 放左入豌, 我又笑左. 點解? 我唔想解釋. 呢條菇係咩意思?我知~我知係紫心蕃薯. 但係, 唔開胃囉....雖然我嬤嬤話其實幾好食, 我信ge, 不過會唔會叫多次呢碟野...哈哈= =