海港酒家

營業中

休息中

今日有一個長輩生日壽宴我地就千里迢迢咁去到上水飲呢一餐, 開頭見到係海港仲要上水都心諗要番屋企食公仔麵嫁啦點知我有意外既驚喜.首先係呢個酥炸廣島蠔, 隻蠔又大隻炸到金黃香脆, 炸粉又唔會太厚咬落仲有汁出. 味道好好味, 個底有好多沙律菜仲可以俾我地包住黎食令到隻炸蠔冇咁油膩. 呢個12人既鮑魚炆花菇真係好有睇頭超級大碟呀! 隻鮑魚係３頭,花菇同隻鮑魚同樣大隻,炆得好入味同林唔會似擦膠. 下面仲有生菜底夠晒味呀重頭戲黎啦, 就係呢個蛋白蒸長腳蟹呀! 隻隻蟹腳都好粗嫁, 起左穀真係好似食緊蟹捧咁啖啖蟹肉. 蟹肉爽口重蟹味唔係梅既蟹肉. 個底係有蒸蛋白, 集合左蟹的精華同埋蛋白的香滑...真係食到停唔到真係估唔到本地酒樓都可以做得出咁既質素... 讚! 

前晚原本已經㷛好湯，準備煮飯，突然老公打來話奶奶大伯大嫂全部來粉嶺，一家人食團年飯，於是我就打去Book枱，Book左十人枱7:30，之後到齊人，我們一家點左一隻長腳蟹和12人的餐，由於我們一家不太喜歡相機食先，所以通常都無影相，首先乳豬🐖來先無咩特別，係個花膠螺頭🐚湯好正，龍蝦🦀也不錯，個魚🐟好好食好滑身，之後就長腳蟹到，我最愛食蟹食左好多，B朱也食到，之後還有很多餸，炸子雞，元貝豆苖，臘味炒介蘭，最後甜品🍑包，食得好滿足，不浪費，打包回家

今晩應老友邀請，去咗聯和墟海港同佢daddy慶祝生日，7大1細食咗呢個12人用嘅全包宴，個個食到捧住個肚走!海港嘅味道同份量一向都有水準，不論係執咗嘅上水分店、聯和墟呢間、大埔新達廣場分店同大埔中心分店，其他分店我未食過就唔清楚。鴻運乳豬全體 皮脆肉香，乳豬唔算太肥，唔錯!竹笙海皇燴生翅 坦白講翅就無乜架啦!有好多竹笙同蝦粒，當係一個湯羹食都可以接受嘅。泰式墨魚餅 墨魚餅炸到金黃色，外脆內軟，入口有陣陣香茅味~正!我哋可能早order(7點)先係金黃色咁靓，後尾食飽(9點半)見到隔離枱果碟，應該返炸過，顔色深色好多，係橙色嘅。瑤柱扒豆苗 豆苗當造，不時不食，簡單打個瑤柱芡已經好好味!果皮蒸鮑魚 鮑魚新鮮，食到果皮味好濃!波士頓龍蝦蒸糯米飯 呢個係成晚焦點所在，一上枱就聞到好香!龍蝦鮮甜彈牙，連埋糯米飯一齊蒸，蝦羔同蝦汁滲晒入飯度，超好味!清蒸沙巴龍𧄌 正常水凖脆皮醬燒雞 味道普通歡樂大蟠桃 已經飽到食唔落!

家姐生日去食餐好既，諗住去食海鮮，但又唔想去咁遠，睇到有新鮮既長腳蟹就去左試下，早一日打左去訂長腳蟹，原來唔訂真係會無，去到坐低，部長叫我地先上左長腳蟹食完先上其它餸，因為張枱會唔夠位放，好采有聽佢講，原來真係好大碟，我地叫左一隻大約5斤既，6個人食，堅得，疍白蒸好正，淡淡肉，又超級新鮮，入去既時侯仲滿缸都係，到我地走既時侯已經係一隻都無，好好生意，隻蟹埋單仲大一千蚊，6個人食每人大約二百，算係好底食

今日下午我們約咗個好耐無見嘅Auntie飲茶，但由於朝早要北上一陣下午落返嚟，所以我們就喺粉嶺帝庭軒商場嘅「海港酒家」飲下午茶！我們叫咗蜜汁叉燒腸嘅腸粉皮好軟滑，叉燒嘅味道好香甜，而且份量相當多！漁香茄子燜伊麵燜得好入味，而且都幾乾身，再加埋軟滑嘅茄子同微微辣嘅漁香肉碎一齊食，真係好惹味呀！叉燒拼青瓜海蜇花嘅青瓜好清新爽脆，海蜇花相當爽口脆身，而叉燒嘅肉質非常鬆軟，而且脂肪嘅比例亦都啱啱好，唔好過多而有好肥膩嘅感覺！濃湯花膠煲螺頭差唔多係我們每次嚟都必叫嘅，因湯料好足料豐富，所以湯底嘅味道好鮮味濃郁！剁椒蒸魚雲因有大量嘅鮮剁醬舖面，所以賣相非常色彩繽紛，而魚雲就好新鮮，而且肉質相當鮮甜嫩滑！

今日中午我們喺粉嶺做完嘢之後去咗帝庭軒商場嘅「海港酒家」飲中午茶！我們叫咗蠔汁叉燒包嘅包質相當軟熟，醬汁嘅味道非常香甜，而且多到漏晒出嚟，真係好正呀！流汁奶皇包嘅包質好鬆軟同好熱辣辣，奶皇味相當香濃，最好係唔會過甜！翡翠筍蝦餃皇嘅餃皮好煙煙韌韌，蝦肉好爽甜彈牙！鮮蝦莧菜餃嘅餃皮晶瑩煙韌，菜苗好青嫩，蝦肉亦好彈牙，食落味道好清新！香茜牛肉腸嘅腸粉好軟滑薄身，牛肉嘅肉質好鮮嫩，牛肉味亦好香濃！濃湯花膠煲螺頭嘅湯料相當足料，所以湯底嘅味道非常鮮味濃郁，而且好重膠質好黏口！

朝早11點幾，我抱住個BB又拎住書包去攞位，門口個接待丫姐都吾肯幫我㩒飛，叫我"妳自己去㩒飛排隊"，黑口黑面同服務態度超差。坐低之後睇點心紙，發現同一款瑤柱蛋白炒飯，竟然比隔離商場間新明苑酒樓正價都貴$30一碟飯，點心又細件又油又吾好食，個粥D粥料同粥底分開，粥底又稀到水咁。飲茶需要多D時間落單等上菜，埋單問收銀個四眼丫姐攞泊車飛，佢態度好差咁叫我"妳自己八達通付款儲單啦"。飲咁耐茶都未去過間咁衰0既酒樓，人地話海港D野難食服敄態度又差，真係聞名不如見面！今日終於見識過有幾衰，再去好難囉！

20170404(星期二)--海港是我住近聯和墟，光顧得最多的食肆，無論點心、晩飯小菜，宵夜及海鮮，光顧了不下數十次。門口無論任何時段也見食客如雲，所以有點摸不著頭腦為何哭臉比笑臉多。家人原定說六時WALK IN，我建議嘗試致電訂座，接線生回覆說預訂位已滿，只剩小量WALK IN桌子，5:30PM開始輪侯，我們深怕又要等上一小時以上，飛快地出門，未到5:30PM已到達，可以開始拿票，已經是等第四位了，很快可安排入座，相信六時才來未必有位了。四月份是家人生日月份，生日飯第一回提早開始，家人看到海港南澳龍蝦做特價優惠，每兩$19.8，可惜每隻差不多要五至六斤以上。我們只有三人，太大了。改吃長腳蟹，店員說全部蟹也被預訂了，只剩一隻約三斤十五兩($188/斤)，蟹不算大，還有點瘦，沒得選擇又不想掃興，接受了。店家只提供清蒸和花雕蛋白蒸，我們選了後者。店員見我們只有三人，建議先吃蟹後再點菜，因為蟹肉也很飽肚，我們也接受了她的建議。長腳蟹上桌，蛋白混和了花雕酒的香氣，撲鼻而來，我先看上了蟹蓋，內裏充滿了蟹膏和蛋白，一口一口蟹膏送一口，我就是愛吃這種軟軟香香的蟹膏，蟹膏配上花雕蛋白的清香，好想多吃一

20170211-雞年正月十五日，海港門口依舊人山人海，1:30分取票，三人行，可選不搭枱的等位票，接近2:30分才可入座，等了約一小時。是日坐在近燒味部附近，海港並沒因外面天氣很冷而把空調關小，反而這個位置有點近風口位，空調直吹頭頂，幸好有穿著厚衣。新春有提供好彩頭菜式，名字有趣。三人點了，午市孖寶($158)和三款點心:干炒安格斯牛河--河粉炒得乾身，不會一口油膩，特別一提是牛肉，名字是安格斯牛河，上桌時我們特別留意牛肉跟一般干炒牛河的牛肉有沒有分別，這些牛肉切得薄薄的，特別好吃，不是粗製濫造貨色，值得一讚。上湯蝦球煎米粉--蝦球大大隻，爽口彈牙，鮮味十足，我們喜歡這樣的煎米粉，做法創新，也算清淡好吃。黑椒蒸金錢肚--份量足，金錢肚蒸得淋身，胡椒入味。鮮蝦腐皮卷--這個我就不太喜歡，以炸的形式，有點過火，鮮蝦份量不多，其中一件更是包得不好，好像只有半件，我還是喜歡用煎的形式做的腐皮卷，可惜現在已經買少見少了。黑松露野菌餃--點它是因為名字吸引，但入口又唔覺有黑松露味，反而菌味很濃，餃子油份不多，清淡健康，好吃的。埋單:$255，海港酒樓是我住近聯和墟到訪次數最多的食肆，無論飲茶吃點

今晚同屋企人到海港食飯， 海港係我老豆頭號選擇， 但今晚連我老豆都出聲， 話難食今晚order 左， 燒腩仔， 咕嚕肉，蒸魚， 炒豆苗， 上湯浸冰菜。。。 燒腩仔賣相已經唔掂， 但味道係咸到苦咁制， 咕嚕肉 d 肉質， 難食到唔識形容， 條蒸魚同樣， 都係咸到苦， 元宵佳節， 食到餐咁嘅飯， 真係黑仔， 實在唔明白， 咁差質素嘅食市， 都可以生存到， 重有一樣， 食物差已經夠衰架喇， 另外上菜嘅阿姐， 服務都特別過人， 佢遞碟咕嚕肉上枱， 可能令到佢手指污糟左， 呢位阿姐居然， 就咁抹落客人張枱布上面真係睇到都眼凸

是日冬至，家人想加餸，到海港酒家斬料，原本想買$88/斤的燒腩仔，可能家家戶戶做節吧，早已賣光。選擇了1/4隻豬乳-$150。海港用上可入微波爐的外賣盒，感覺較發寶膠盒好。打開豬乳一看，1/4隻份量頗多，看上去肥瘦適中。開飯，肉質新鮮，肥下不會很多肥膏，入口不會肥膩，但是皮已開始有些"淋"了，不夠脆口，回家途中約15分鐘，食乳豬還是堂食較好。但也算合格以上。之前也買過特價$58豉油雞，也許從小已入腦，阿媽教落，唔靚既雞先會用來做豉油雞。見價錢不貴又買來試下，細細隻，雞肉有點"煤"，所以買過一次無買了。另外也買過$38燒排骨，份量多，骨頭較肉多，味道偏咸，家人也吃得津津有味，味道算是不錯吧。雞和燒排骨忘記影相了。海港的燒味檔就在酒樓內，衛生程度相對地加分了。下次要試下海港的燒腩仔。

話咁快又一年，跟太太的朋友來個飯聚團拜，但明明book左8點半，但都要等到9點，再等真係要食宵夜。燒鵝皇脾位好乾，好難先咬得開，胸位啖啖肉，蘸點一下鵝汁會更惹味。金豬全體可能放得太耐，芝麻皮好韌，如果不是太肚餓，跟本不合格。上湯焗大蝦伊麵蝦肉爽口，但味道稍差，伊麵沾了芡汁後非常可口，席間幾位小朋友真是吃過不停。年年豐盛炒雙蚌其實珊瑚蚌很爽口，但個人反而對翠綠清新的西芹條更有好感，至少消滅了三份之一。竹笙海皇大生翅埋芡夠薄，沒有一塊塊的荳粉芡，不過配料份量少，得啖笑，倒不如來碗足火例湯還好。發財好市添大利生菜淥至發黃，失敗，髮菜扣上蠔汁，但想起不環保，還是少吃為妙，豬脷肉味濃，又夠軟腍，其實新春意頭菜，對味道的要求不高吧。清蒸沙巴龍躉雖然是養貨，只要在蒸魚的時間上掌握得準，依然能夠交出好貨色，加上豉油調教得鮮甜，連埋薑蔥絲一齊食，超正。海味窩海參是雪貨，有如在咬橡膠，冬菇反而扣得幾入味，但菜心好老，唉。脆皮醬燒雞其實雞皮一點都不脆，雞味亦單薄，肉質又粗糙，算了吧。糯米飯當然不會是生炒的，但粒顆分明，炒得幾好，作為單尾，總算不過不失。但凡新春菜，都是不過不失，只求有雞有魚，快出菜，可以盡快

同屋企人飲茶基本上都系放假既指定動作，而海港都系冇咩選擇中既選擇。索價近$50元既惹味鴨舌一啲都唔惹味，鴨舌乾爭爭毫無醬汁，話佢系鹵水但又冇乜鹵水味，話佢系香辣鴨舌但佢又冇乜香辣味，味道系介乎系鹵水同香辣之間，兩頭唔到岸，味道有啲淡唔夠入味。煎薄罉系pancake入面包住d花生、糖等等既配料，皮有啲厚，食落有少少粉粉地既感覺，餡料系正常(應該系話好難唔正常)，但pancake皮造得唔系太好，唔夠香。蝦餃既蝦肉幾彈牙，蝦肉大大粒，但系蝦餃皮唔夠薄，turn out冇晶瑩剔透既感覺，仲有少少糊糊地既質感，一般般吧。

一行人來到，門口好多人等位中，好在大枱唔多人等，一陣就有位，坐大廳！地方光猛乾淨！大家一齊洗碗，因為碗筷頗油淋淋！因為已到下午茶時段！有特價點心！落單食物好快到！臘味粒炒飯（$58）粒粒分明，臘腸粒好多！材料足！ 鮮竹牛肉球：牛肉滑，馬蹄爽脆，枝竹索晒肉汁！正！鮮蝦菠菜餃：外皮煙韌，菠菜淋身無怪味，蝦爽口！味道清爽！ 順德鯪魚球：煎嘅鯪魚球！唔夠炸嘅好味！濃湯浸唐生菜：唐生菜較老！ 黑椒金錢肚：索晒汁唔腥，肚淋身彈牙！蜜汁叉燒腸：腸粉皮唔夠滑，比較硬，叉燒瘦，一般！蜜椒雞中翼：香脆，外層香脆黏口，蜜糖甜膩，但雞翼唔夠肥，所以皮之外就唔夠飽滿肉汁！ 腐皮素鵝：炸得少許過火，腐皮太乾，中央餡料多，蔬菜爽口！雲耳有咬口！皮蛋酸薑:溏心皮蛋，好香！外層彈牙，內層起沙滑溜！酸薑爽脆開胃！蟹籽燒賣皇：蟹籽多，豬肉有肉汁，加好香冬菇味！好味！古法馬拉榚：圓型好像蛋糕！鬆軟微甜！好味翡翠荀蝦餃王：皮煙韌，荀絲及蝦爽口！有肉汁！潮式糯米卷：外層麵包鬆軟，中央糯米軟身煙韌！豐料珍珠鷄：足料，糯米煙韌 養生棉花鷄：棉花雞先係主角，索晒肉汁，唔會太淋，帶啲爽口！ 紫心香芋丸：炸得香脆乾身，表面唔油膩，外層似薯

今晚我們去咗粉嶺帝庭軒商場嘅「海港酒家」食晚飯！ 我們叫咗濃湯花膠螺頭煲鷄、晚飯三寶：「招牌燒鵝皇「例牌」、翡翠炒龍躉球 同陳皮蒸龍躉頭腩」陳皮豆豉蝦球同陳皮紅豆沙！ 濃湯花膠螺頭煲鷄嘅湯料真係非常足料， 味道相當濃郁！ 晚飯三寶：招牌燒鵝皇「例牌」嘅燒鵝燒得外皮好香脆，肉質超嫩滑同多汁， 味道亦好香濃！ 翡翠炒龍躉球嘅肉質相當爽甜彈牙！ 陳皮蒸龍躉頭腩嘅肉質非常鮮甜嫩滑，唔會過老！ 陳皮豆豉蝦球嘅蝦球都幾爽口彈牙， 陳皮同豆豉加埋一齊嚟炒，令到味道都幾特別！ 陳皮紅豆沙係煲到起晒沙，味道好香甜！