海港酒家

營業中

休息中

朋友話想食蒸氣火鍋，心諗：都幾好，感覺唔會太熱氣，而且又有新鮮感！所以就簡咗呢間近apm嘅海港酒家食，食物有平有貴，但食蒸氣火鍋食海鮮先正，所以我地簡咗中價海鮮套餐食，入面仲有刺身食，起正😝😝😝食物都好新鮮，蟹超大隻，蜆好甜又肥，沒有沙因為3個人食，食到第三，四樣食物已經好飽，4個人食會好好多,仲送咗建康飲品，都好足料🤪🤪🤪入面包咗4位茶芥同加一服務費，所以都算抵食😋😋😋環境都可以，都舒服，服務員有點兇，叫我地唔好擺個蓋係枱面，會整壞電磁爐😣😣 整體也是不錯的😊

喺觀塘做左咁耐野，呢間海港午餐就叫dim sum 就試左好多次，第一次dinner 黎食晚餐，今次同同事黎，多謝老細！叫左個套餐，龍蝦大大隻，肉好多，反而條魚就一般，蒸耐左，有少少死實實，不過整體黎講都算抵食既。反正老細請，唔洗錢，free dinner is the best👍🏻反而最後個水果好鮮甜，飯後果一流，大大個菠蘿，估佢唔到。仲有籌包，熱騰騰，最鍾意就係奶皇，taste good!!人唔算好多，服務都唔錯

每次出街食晚飯都唔知怎樣選擇，因為依家太多太多選擇，而我哋就選咗我哋離不開的中餐，當然中餐都好多選擇，令人好頭痛。於是我哋就選擇了就腳的地方，海港酒家在我印象中都係唔錯的，聽人講佢哋d燒味都唔錯，於是就二話不說去品嚐美食，由於我哋來到酒樓都九點幾，客人都唔多，較為清靜d，我哋兩個人叫咗三道菜，值得一讚的係啫啫通菜煲，上檯時個煲仔真係滾得好犀利，在外面食煲仔菜式，能夠做到咁夠火候真係難得加上通菜份量一d都唔少，抵食。當然我哋都叫咗燒鵝例牌，味道幾好，雖然唔知係唔係新鮮鵝，但幾有鵝味，好新鮮和例牌都好抵食，好多肉，之後我哋有叫咗道酸菜煮海斑例牌，個湯酸酸辣辣，好開胃，雖然唔係好多海斑肉，但價錢都算唔貴，個人覺得幾好。如果你想食中菜，但唔知去邊度食，海港酒家係一個唔錯的選擇。

咁大間洒楼竟然冇茶壼……有人有枱冇得坐……而且這洒楼的侍應好像潑婦……服務這麽差……大聲尖叫……周圍同客人在收銀處狂叫……女服務員………這環境真的很差……真的不會再到訪……

全包宴 認真超值， 一圍12人， 食品一d也 唔差， 個個食到攬住個肚走， 我們在加多一隻蟹， 超大， 勁滿足， 員工服務 也好好。 環境尚可。 最重要係超值抵食。 每 碟送 超 大 碟。 最 岩 一 家 人 享用。

星期四晚上來到這裏，全酒樓都坐得滿滿的。環境裝飾都不錯，坐得很舒服鬆動。食物方面，我們一行四人叫了六碟餸，其中一碟還是全隻燒鵝，最後當然要打包啦。講返味道，燒鵝可算是皮香肉嫰，燒鵝碟底有小火暖住，這點算是比較體貼。其他的餸菜都很不錯，價錢亦不貴。唯獨糯米飯來到的時候有一半是很濕的，不過最後侍應都肯幫我地換一碟正常的來。另外侍應服務都很好。整體上我地全部人都好滿意呢一餐晚飯。

2/1/18我打電話唸住訂3/1晚晚餐，打去時接聽位女服務員仲係度傾緊計，幾秒後先得閒回應我，我話book七點鐘四大兩細，佢就話唔設細枱預訂!好啦!3/1晚我上到去攞位，佢話full晒，問題係比我發現booking list既訂位都有6位人數，這代表什麼?點解其他人可以預訂，而我唔可以?係咪選擇性接受預訂?還是因為我地有小孩可能叫的菜式不會太貴，唔想做我地生意?今次經驗令我對這食肆很反感!😡😡😡

觀塘區放工,今日行黎行去,又累又餓又口乾8點幾都唔想諗太多,去到亞太中心,同朋友二話不說就諗定海港不過首先要坐到電梯先,等電梯都等到第二部先入到LIFT上到去等左幾分鐘就有位,咁既鐘數都算好爆喎,星期四黎架大佬都咁多人既,感覺上無選錯啦今晚快叫兩樣野馳名燒鵝皇(例牌),上湯焗波士頓龍蝦1隻連烏冬馳名燒鵝皇(例牌)--先講個SIZE,例牌都咁大碟,食落去肉味濃....香口,連埋個皮食就真係好正皮下又唔算好肥,所以可以一口咬落去,鵝味十足,唔需要望都知係鵝上湯焗波士頓龍蝦1隻連烏冬--隻龍蝦都OK既,個汁加埋落個烏冬度都好夾下

今晚同女友一家食晚飯，Auntie Uncle 話想食長腳蟹，諗起早幾日飲茶見到海港做緊阿拉斯加長腳蟹Promotion, $188/斤收工急急腳黎到攞位，留左隻蟹先（如果賣晒我就要跪玻璃了），都真係好多人叫，我黎到已經得返兩三隻可以選擇（見酒樓張單應該一晚有十幾隻），最後選左隻重3斤4的蟹可以清蒸或者花雕蛋白蒸，Uncle話清蒸食鮮味，原來3斤幾已經好大隻😱，即係好鮮味好甜冇得頂，$700蚊左右真係超值！👍🏻另外在叫左燒鵝，咕嚕肉，魚頭煲都係水準之作

睇完食評覺得唔錯， 今日尼開觀塘， 而且酒樓新開無耐， 所以上尼一試， 剛到門口， 已見一大群人係度等緊， 但下午茶時間一到， 即時安排入坐， 都算有效率， 下午茶點心普遍幾抵食， 而且大中小點都係當小點計， 而且味道唔錯， 但最合意仲係個花膠燉螺頭， 幾滋味， 價錢又唔算貴， 下次尼都會再試。

同屋企人食飯最喜歡食全包宴，唔駛諗又一定夠飽🤗見到呢個餐唔錯即刻約埋食一餐😋乳豬全體 - 不過不失芥苿蜜糖脆蝦球 - 芥辣味欠奉，只有沙律醬嘅味道，但熱辣辣幾脆幾好食。野菜蟹柳卷 - 呢道菜唔知乜嘢料，只覺油腻😔花膠螺頭湯 - 湯幾濃同膠膠哋，雞腳好淋，唔錯。兩味龍躉菜式都正，啖啖肉，質地煙靱。鮮茄魚腐浸菜苗接住落嚟係我覺得全晚最好食嘅燒鵝👏🏼👏🏼👏🏼 - 一啲都唔肥、肉多、大大隻👍🏼 雖然唔算係皮脆肉嫩，但以呢個價錢，品質絕對係水準之上。荷葉野菌雞粒蒸飯 - 料唔多，乾乾哋。甜品壽桃大大個，有奶皇同蓮蓉餡🤗$1598全包有埋飲品，絕對收貨😋

最近海港嘅阿拉斯加蟹好似成日沽淸，所以決定一早去尋蟹！5個人食咗隻6斤半嘅，加半隻燒鵝，搞掂！夠色夠味，唯獨唔夠薑！已經是全港最平的了半隻燒鵝，可能是先上枱，所以好快就被KO了。

昨晚第一次光顧！菜色和服务都几好，价钱合理！下次会再来。试试海鲜和蟹！期待下次会有更好的新菜色！環境清潔干淨，希望保持下去！推介菜色有烧鹅，响螺湯，咕噜肉和西兰花珊瑚蚌

聽講依間開咗冇幾耐～海港品質一向都可以～決定試一試～朝早九點左右到唔洗等位即入座～全場九成滿好好生意坐低好快有茶飲～茶錢8蚊位又唔洗搭枱坐得舒服🍵可惜d員工唔多想加水同清空碟叫咗4對孖寶總共8籠～第一籠煎堆拼鹹水角幾分鐘就到～可惜一早炸好凍嘅竹炭甜薄餅幾特別做甜品可以脆皮餐包原來係菠蘿叉燒餐包都係凍嘅味道還可以潮州粉菓真係唔係到到好食～依間個皮夠薄料多好味過好多間酒樓燒賣一籠有2種口味牛肉燒賣配原味燒賣～熱辣辣上枱

經過見到有間新開嘅酒樓，於是呢晚就決定入去試吓，入到去竟然見到全場爆滿，仲有好多人食海鮮，心諗應該無去錯地方。叫咗個例牌燒鵝，燒鵝熱辣辣，應該係剛剛燒起，例牌都有得食髀，真係覺得好幸運，燒鵝肉質偏瘦，味道較淡，但勝在熱辣辣搭夠，唔錯。另外，見附近有幾枱都叫咗籠仔糯米龍蝦蒸飯，又見 mark 咗係必食之選，所以就叫咗個嚟試吓。食落真係有驚喜，雖然龍蝦仔無乜肉，但啲糯米飯就吸晒啲龍蝦汁，飯中混有大頭菜、芋頭同紅棗，增加咬口之餘，亦令味道更豐富，而且糯米飯蒸得夠淋又唔油，食完唔會有un胃感覺。呢餐性價比好高，食物有水準，但價錢唔係貴，下次行開行埋都可以再幫襯。