海灣漁港

營業中

休息中

上菜極慢，等咗大約有30分鐘以上。茶杯有油，我地兩隻茶杯都係咁，要浪幾次先好啲。筷子污糟，又係我地兩對筷子都係咁，摸上手係”立”嘅，抺極都一樣，最後我放棄唔用。點心還可，蒸點熱嘅，但係餃皮好厚。點心真係等太耐，我見到三四枱都投訴，話20分鐘一個點心都未有，亦聽到一枱話太耐決定取消唔食。啲侍應呢，態度好差，佢拎我地落單張紙過嚟話乜乜無貨，然後走咗去。我想問佢其他點心有無落單，但已經唔見咗佢。轉頭我搵翻佢問，佢大聲夾惡咁，話乜乜無貨！咁我問究竟其他有無落單，佢聽到，又走咗去。直至問另一個高級啲嘅過嚟處理，先知無落到單，而家先落，不過呢個侍應態度係好嘅。落完單再等半個鐘咁先有得食。一定無下次，同集團其他餐廳我都會blacklist。

小食滷水豬手份量唔少，五六十蚊有呢個碟頭，汁底非常香濃，鹹甜分陳，豬手未炆到淋爛，係我想要果種膠感同爽，凍食應該更脆蠔餅 $ 98非常需要改善，唔知師傅點解會將成個蠔餅漿就咁倒落鑊炸，99％蠔餅都只會攤平半煎炸，上碟係成個中心一個球體。而且粉漿未攪勻！？只有成口粉，邊沿位置先至食得白灼海蝦$ 128 半斤本身叫咗$88半斤白灼蝦，點知被通知冇貨，問貴啲嘅呢款啱唔啱，就是但要咗。最後上枱嘅所謂海蝦，居然細過我去佳寶買嘅急凍草蝦🙄建議大家唔好點！小炒皇最正常果道菜，材料足，份量足，味道剛剛好，唯腰果有啲漏氣，淋咗！

前後落左2次單，第一次落單6樣野等左起碼30分鐘一直未有野食，以為多人好忙等耐啲。然後見到隔離枱遲過我地黎都上左6、7樣，直接去問打單員，職員態度惡劣反，反問我落左啲咩，我叫佢開返紀錄落左啲乜，原來第一次係乜都冇落，然後係個櫃度搵返我地第一張單，冇落就掉落櫃桶當落左，白等左起碼30分鐘。樓面職員十分之懶，舉手叫埋出聲都當睇唔到，多次要行出去先肯理，唔想做就辭職唔好黑口黑面唔願做，要客人比服務費，但完全冇服務！！！

差到爆第一次上去試，我地點啲嘢完全冇入機，然後隔離兩張檯點啲嘢都上齊.我地唔去問啲Staff，都唔知佢哋原來Miss左我地啲嘢冇打單。白等左半個鐘，睇住人地食。啲Staff又冇態度。唔會再返轉頭。

酒樓裝修格局明亮，乾淨，時尚，而且空間感充足。塲內有小量2-4人卡座位及大量4-16人大枱，適合不同人數嘅飯局聚會。晚市茶介$15一位，可自攜酒精飲品，免開瓶費，並提供免費冰筒服務平日，晚市時段，人客只有6,7成滿，所以員工不多，他忙他們的，但食客一有需求，也能隨傳隨到，絕冇失拖整體服務也不錯。在長沙灣區內又多了一處讓親朋友好聚脚的好選擇。又冇限時，整體感覺非常好。讓在坐的我們感覺有尋到寶嘅feel😍雖然飯局前一日的我，也去了深圳尋寶並食了三餐，但今晚這一餐又推動咗我有留港消費嘅欲望--鹵水豬手腳仔-- $68炆製後，外皮軟錦，入口易溶，鹵水味道濃淡適中，飯前輕嚐，作助洒小吃，一流晚市優惠四送一可在特定款式的小菜內共選四款，而有一款最高價錢的免費，差些以為自己眼花，這個優惠真心推介，勁超值--金湯酸菜魚-- $168 (免費)一大窩上枱，魚片份量不小，底層的配料足，份量也勁多，芽菜，酸菜，薯粉.....整體味道不錯--鮮菠蘿拔絲咕嚕肉-- $108份量超多，感覺是兩碟的份量，底部配也有洋蔥，清紅椒片，而鲜甜菠蘿不是混在一起炒，反而更能帶出酸味味嘅拔絲咕嚕肉嘅口感和味道--海灣小炒王-

又喺大時大節同一大班親戚食嘅家族飯，一向都有親戚做搞手，約時間、揀酒樓，我哋呢啲後輩嘅到時去到就喺食同俾錢。而今次揀嚟呢間「漁灣海港」其實就喺之前曾經食過嘅「百匯軒」，格局完全無變，似乎又喺中式酒樓慣上嘅手法，執咗又開返，大多數都喺逃避下啲債項之類。環境就唔多講喇，都喺一貫中式酒樓格局，雖然有啲逼，但都光猛整潔。而我哋今日揀嘅係叫「喜氣洋洋宴」全包$3,888，菜式好豐富，同埋呢類全包宴一個價定晒，唔使煩兼且比散叫碟頭大。鴻運乳豬大拼盤個人嚟講我就喜歡大拼盤多個乳豬全體，因為可以試到多啲嘢食，況且唔喺個個人都鍾意食乳豬，大拼盤就俾佢哋有得揀，呢個拼盤除咗乳豬，就仲有叉燒、油雞、豬腳仔、海蜇，高質素又唔算，叫喺樣樣都唔錯。上湯大蝦球伊麵雖然唔喺龍蝦，但啲大蝦堅大隻，都好有睇頭，況且，大蝦都有好處，就喺唔使剝殼，可以大大啖肉放入口，爽甜彈牙；啲伊麵亦煮得恰到好處，唔會過腍，又碎濕濕。黃金百花球無炸蟹鉗，都有百花球，其實即喺炸蝦丸，跟大蝦球伊麵有少少重複，但炸嘅始終味道唔同，加上炸得金黃，夠香口，咬落唔油，又爽彈，沾上甜酸醬，食味更好。碧綠蚌片伴彩鳳個名就改得好靚，簡單嚟講就即喺西芹雞柳，再

我心中的怒火熊熊燃燒，我要嚴正地分享我在這家酒樓的經歷。這是我見過的最亂七八糟的地方，真是讓人氣得火冒三丈。我喝過無數次茶，從未遇到過像這樣管理混亂的酒樓。一開始，我點了皮蛋瘦肉粥，卻被告知已經賣光。經理匆匆過來，口口聲聲說可以換成牛肉球，但我卻不得不等了整整30分鐘才終於上菜。這等待的時間實在令人怒不可遏。更令人無法容忍的是後來發生的事情。我點了三盅燒賣，但只上了兩盅，但用筆圈了三個圈。當我舉手要求解決時，無論經理還是其他服務人員都視而不見，仿佛我是空氣一樣。此時，我不禁想起「舉手無策，為何視而不見」這句成語，形容的正是這種無視我的態度。最後，我憤怒地走到櫃檯結帳，即使叫來經理處理問題，他竟然花了整整五分鐘才過來。這種態度實在是「遲遲不來，令人無法容忍」。與此同時，我想起在其他正常的酒樓的經歷，員工們總是笑臉迎人，專業高效地處理問題。這讓我更加憤怒，對比之下，這家酒樓的服務態度真是糟透了。我心中充滿了無奈和怨憤。

由以前叫百𣾀軒食到而家改咗名叫海灣魚港都仲有幫襯，食物都真係幾吸引，而且新鮮抵食，價錢中規中矩———————-🐟生劏大龍𧄌兩味：1️⃣碧綠炒球2️⃣蒜香金菇粉絲蒸頭腩魚夠鮮，肉嫩滑，兩味做法，兩種食法😋————————-皇牌孖寶：1️⃣蒜蓉粉絲蒸元貝2️⃣麻香燒雞🐔蒜蓉粉絲入哂味，元貝鮮甜又嫩滑😋麻香雞🐔夠脆又夠香————————🐷乳豬例牌：．皮脆肉㜜滑，又香又脆，肉夠爽口，👍😋————————飯後甜品紅豆🫘沙…食完人人笑哈哈………..無厘頭…無厘頭……無厘頭 係我本性其實開心簡單就在你身邊❤️⋯⋯⋯⋯食….拍…寫.. 已經成為我生活中的一部份鍾意食..鍾意拍…鍾意寫..留下美好回憶—————

第一次幫襯，下午茶時段不需要排隊，環境舒適，食物質素滿意。價格取勝（大中小點一律價錢）。服務態度一般，不算最差。整體而言，中等級數的酒樓，合乎我預期，我都會再次幫襯，推薦大家不妨一試。==============================值得推介點心：香芋流心球、路邊街頭腸粉、蓮藕魚餅．．·場地：大廳闊落，房間細小但十分寧靜，當然招呼客人就欠佳。地理位置：未必就腳，但行多幾步都不算太遠。

1.門口知客下午茶不派飛，到下午茶時間啲客就一窩蜂湧過去完全冇秩序，話佢知我第一個過嚟，仲鬧翻我轉頭話我話佢！2.一個人飲茶，叫另外一個客坐低搭枱完全冇通知。客人拒絕，有職員在附近大聲自己講「唔使做生意，一個人唔俾搭枱」另一個經理聽到我和另一客人被要求搭枱就自己同我們講「呢度係平價茶樓，賺10元，呢度一向要搭枱。」搭枱前完全冇同個客講聲，附近都有好多枱為何要搭枱呢？服務連茶餐廳不如，以後都唔會去！我以後也不會再來！這樣態度的員工好像在趕客，態度惡劣

揾食肥華，收到訊息，眼科同事會在不久嘅將來，係呢間酒楼為同事，攪生日晚宴，有見及此在十月七日，肥華就聯同靚媽，刻意到此酒楼，飲個早茶睇吓此店，係咩環境，先講此店員工待客態度，由大堂知客到店内侍應，甚至送食物及顧客嘅員工，都係笑面迎人，亦照顧到客人要求，而食品方面，今餐最出色係個，點心拼盆内嘅义燒包，其次就係蝦餃，粉菓和紅棗糕亦不俗，而燒賣就強差人意，味道較差，而今餐其他食品都有水準，不過有個別食品，個上枱温度就唔夠熱，例如個芋角及水餃，如果此店能注意呢方面缺點，此店值得捧場👍👍👍

今晚約埋三五知己，一齊去長沙灣喜薈商場海灣漁港酒樓聚吓舊、吹吓水。海味雜菜煲熱辣辣的嘅海味雜菜煲，有西蘭花、芹菜、白菜、菜芯，甘筍絲、冬菇絲、秀珍菇、鮮魷、蝦乾和粉絲。通常一般雜菜煲的湯底都偏鹹，但這個湯底就一啲都唔鹹，還很鮮甜，但可惜鮮魷少了一點，秀珍菇和蝦乾沒有浸透，比較硬身。欖角冰梅骨排骨吸收了欖角鹹鹹酸酸的香味，外脆內軟，咬落去還有微微的肉汁滲出，十分香口。啫啫班頭腩煲熱辣辣的班頭腩煲端出來香味四溢，班頭腩吸收了乾葱頭及洋蔥的香味，另人垂涎三尺。鮮沙薑豬手奇怪！這道菜完全食不出有沙薑的香味，反而有麻辣的香味和感覺，豬手皮爽脆，肉質不太淋但又不硬，恰到好處。海帶綠豆沙糖水這個糖水是送的，糖水起沙，有海帶和綠豆的香味，甜味適中。

見到呢間酒樓諗住試吓飲茶，食點心。我哋拖住老人家搭𨋢上去，一出就係收銀想望吓邊度攞位，個收銀阿姐冇戴眼鏡，短曲頭髮，就好冇禮貌，叫我哋入去話呢度係收銀我冇嘢幫到你，係語氣好差，我哋問使唔使咁冇禮貌，佢仲要大大聲同其他茶客講話而家啲人咁搞笑。之後仲要口黑面黑繼續講，其實我哋都係想陪老人家飲茶，唔係佢唔方便行我哋一定去第二間。其他人都幾有禮貌，無論係斟茶定係送點心。唯獨係收銀嗰個，真係好少見啲咁冇禮貌嘅人。

免開瓶費！！位於長沙灣區豪宅樓下商場嘅酒樓，環境好大、光猛、乾淨，冷氣都幾勁😂我地大約18：00到達，只有兩枱客，直至埋單大約10枱多啲，閒日出街食飯嘅人真係少咗好多燒鵝(例) $ 78每枱2-4人一份，上枱時暖，雖然皮唔脆，但係唔肥，肉質嫩，冇過鹹椒鹽鮮魷份量OK，炸得香脆，不過唔係我地想要嘅椒鹽味，佢炸完灑啲七味粉就算豉油皇大蝦算幾多隻，不過唔大隻，豉油皇味道出色滷水豬腳仔 $ 58有約 6 件，炆得好淋好入味抵過叫脆皮炸豬手！魚香茄子煲呢個失色！茄子去咗皮，肉碎太大粒，個汁水太多太水乾燒伊麵碟頭大，菇菌都多，油唔多，夠乾身最後仲送糖水，有紅豆同綠豆沙揀，朋友多嘴話兩款都要，姐姐比多咗碗佢三個人600零蚊都差唔多，坐得比大排檔或打冷舖舒服，又有茶飲下，唔錯

從上次來到而家都應該有幾個月未來過，一來去了成個月旅行，二來旅行完之後嘅工作又真係好忙，所以到而家先抽到時間再來吃，好懷念呢到嘅海鮮，又平又靚又新鮮，每次來都幾乎係海鮮餐，是關平靚正，廚師👨‍🍳整得又好食，員工又有禮貌，坐位也是寬闊和舒適😇————————🦞原隻波士頓龍蝦：$118原隻波士頓龍蝦🦞都只係118，開邊蒜蓉🧄蒸夠惹味，肉質新鮮彈牙好味😋————————-🐟大海班兩味：$2981⃣️蒜香金菰粉絲蒸大海班頭腩：又爽又甜、彈牙好味、肉又夠哂嫩，味道鮮甜👍2⃣️🐠碧綠炒大海班球：爽脆西芹，大海斑肉嫩滑⋯⋯至愛吃魚的我👍—————————-🦪南非鮑魚2隻：$116新鮮、彈牙、鮮甜👍——————————🐔🍥皇牌孖寶：$2181⃣️🧄蒜蓉粉絲蒸扇貝（4隻）又是一道新鮮美味的扇貝，蒜蓉粉絲夠惹味😋———————-2⃣️🐔麻香燒雞：皮香脆熱辣辣，肉又夠嫩滑————————-🥣甜品：紅🫘豆沙———————平靚正海鮮🦞🐟🐠🦪🍥🐔其實開心🥳⋯簡單就在你身邊..❤️食….拍…寫.. 已經成為我生活中的一部份鍾意食..鍾意拍…鍾意寫..留下美食回憶———————-