海皇粥店 (好運中心)

營業中

休息中

我兩個人買咗個$38蚊套餐一碗粥／份炒米／加$5炸腸，另外再加$ 23正價炒麵一份（共$66），但炒麵送到是細細碟，我問服務員為何$23蚊炒麵與套餐炒米份量相同？她表示沒有錯。咁即是樣樣都細細碟，又收得貴，唔抵食，又食唔飽，呢間野冇下次。

好耐冇去沙田，知道之前沙田好多個商場都裝修，而好多嘢食嘅好運中心亦一樣，知道現在好多店舖都重新開業，就去逛一逛有什麼新店舖進駐，發現海皇粥店仍存在，而且裝修後，環境好好，店舖光猛，食物選擇亦多咗，點完餐，只要搵位座底，服務員就會送餐，他們有禮貌，送餐好快。今次我選擇咗一個粥套餐，有菜乾排骨粥，蝦米腸粉，再加杯熱豆漿，合共五十元正，粥料很多，但蝦米腸粉唔夠熱，只是微暖，而豆漿正常，本人覺得真係幾抵食，又好飽。

叫咗佢個叉燒菜莆煎蛋飯食，等左30分鐘都未有野食，同侍應催，催咗3-4次都仲未有，上菜速度極慢，慢到食個茶餐廳都快過佢，仲好意思講自己係一個快餐店，不知所謂！而且員工效率極慢，不論係廚房定樓面，做野都係慢慢做，完全冇效率，侍應亦都扮幫你催出餐，但根本就冇催過。而且食物品質都極低，煎蛋煎到爛晒，一夾就散晒，連基本煎蛋嘅外形都冇。另外叉燒係切到一粒粒一條條，完全冇口感，亦都好難夾，而且啲叉燒肉仲有陣霉味！以後唔會再食！

我很少光顧海皇粥店, 因對粥品和小食有丁點要求。見好運中心裝修後, 海皇粥店重開, 格調不同了, 也想試一試其出品有沒有進步。重開的粥店裝潢時尚了, 座位舒適了, 以往點餐後, 需自行取餐, 現在有送餐服務, 進步了。下午茶餐1) 皮蛋瘦肉粥 (細) $402) 炒米3) 炸腸 (細) $54) 豆漿 (凍)炒米有蘿蔔絲和辣菜脯同炒, 入口微微香辣, 但油膩。凍豆漿有淡淡豆味, 冰涼, 適合夏天享用。炸腸伴有豉油, 客人可自行添加麻醬, 甜辣醬和芝麻。腸粉質感算滑, 炸腸部份脆口部份軟腍。皮蛋瘦肉粥粥料比例合理, 粥身較稀, 瘦肉較柴和有點臊味。粥面放有花生, 蔥花和油炸鬼, 唯油炸鬼軟薄, 有點失色。以$45可以嚐到粥品, 2款小食和1杯飲品, 質素合格理應收貨, 但矛盾位是飽腹指數竟然不高。相對於傳統粥店, 價格平約1/3, 雖然只可嚐到粥品和1款小食, 但質素較高, 份量亦相對較多。或許就是店舖的定位, 重多元化多選擇, 還是重質重量。 

新開諗住試下點知中晒伏依個價錢早知食大快活好過齋腸冇咩特別兜米粉正價買22蚊細到呢，份量係咪粥加配份量？總括食完唔飽唔知食左咩🥹曬我錢冇下次味道一般般冇咩特別

好運中心11/4/23，終於有翻海皇粥店啦！新店細左，裝修靚左，食物選擇多左，服務員態度非常好。而家仲有埋送餐服務，就算一個人用餐，都唔洗自己拎住食物去搵位。今次試茶餐，揀左煎雞扒一丁麵、火腿炒蛋、餐飽及熱咖啡。可加$5轉飲即磨咖啡。熱咖啡已不錯，慳返$5嘛！不過第日都會試吓😜茶餐份量十足，味道又好。甚為滿足！➡️用完手機一輪，炒蛋仍是熱的啊！👏🏻家人試的牛肉蛋石磨腸粉，雖然要$34，但好味道及好多料，牛肉滑滑好好味。卅幾蚊石磨腸粉，要慢慢嘆！鹽酥雞肉燥飯的雞也正，一d都唔「鞋」，味道好及唔會令人有好熱氣的感覺。日後要試埋其他食物。也要試樽裝豆漿。有多款口味選擇呢！👉🏻新開，要過幾日，才用得翻海皇儲值卡㗎😰