海記合桃坊甜品

營業中

休息中

今日熱辣辣，就諗住買返啲凍糖水返屋企食。老公話呢間嘅合桃糊幾好食，就買咗個沙沙合桃糊，同埋椰皇燉鮮奶。合桃粒係分開一包，返到屋企至打開倒落合桃糊入面。合桃粒份量都唔少，合桃粒唔止增加咗口感，仲加重咗合桃嘅味道，真係幾好食。另外椰皇燉鮮奶都好有驚喜，刮咗啲椰子肉出嚟，配埋燉鮮奶一齊食，椰皇味好重，唔會有其他怪嘅甜味，燉鮮奶又夠滑，覺得仲好食過沙沙合桃糊。不過呢間淨係收現金，落左order先知，要走返去車度問老公攞現金，八達通都冇就唔太方便。

海記合桃坊既果仁糊類一向都幾出色，感覺上應該無乜加澱粉去增稠，食到好原始既果仁味道。食合桃糊一定要叫沙沙，即上面既合桃粒粒，先夠香口！除左果仁糊類，佢既芋圓都係，之前食過有d地方既芋圓，包括我自己整既，都有一陣可能係木薯粉既怪味，但海記既就無，大小剛好之餘，又食到芋頭蕃薯既天然真味，仲要煙韌度剛好，不會過硬過淋。個雪糕都係出色，唔會有化學味不過佢serving size真係幾大，食完飯再食個紫米露，飽到行唔郁

海記喺土瓜灣屹立多年，一直為街坊提供平靚正嘅甜品，作為煙韌控，我最鍾意嘅就係芋圓系列，每次去到都一定會叫紫芋芋圓仙草凍/西米露($39)🥰佢嘅特別之處係面頭嗰兩球雪糕，食落又有啲芋頭冰嘅口感，但絕對唔係雪到起冰嗰隻，味道好濃郁好正😋芋圓唔算特別好味，偏向硬身咗啲，不過都叫到合格，咬落都有淡淡嘅芋頭香，嚟呢度主要係食佢嘅豐富餡料同埋雪糕，又有紅豆又有蓮子，食完真係飽到上心口😆強烈建議住附近嘅買外賣同人share🤣

我前陣子去咗海記甜品試咗佢哋嘅芒果腸粉。佢哋嘅腸粉係用椰汁皮包裹，口感好滑順。芒果肉鮮甜多汁，同腸粉一齊食真係好夾味。每一口都食得到芒果嘅鮮甜，好開胃。不過，我覺得海記甜品嘅價錢稍為貴咗啲。腸粉唔算大份量，但價錢卻比較高。如果你追求價錢平實嘅選擇，可能要考慮其他地方。如果你係芒果腸粉嘅愛好者，同埋對於價錢無特別要求，不妨去試下海記甜品嘅芒果腸粉。

外賣買咗佢地門口poster 貼住的沙沙合桃露。三十幾蚊。特別之處是另外附上一包仔合桃碎，合桃碎有微微油益味，不太嚴重。合桃露稀杰度適中，不過唔算香濃，加咗合桃碎口感幾好。

位於土瓜灣馬頭角道33號欣榮花園購物商場地下四號舖的海記合桃坊甜品，主打中式糖水。筆者和朋友當日約四點鐘到達，店內也有幾枱客人在吃甜品。曾經試過旺角分店的「海記」，水準也頗為不錯。。向職員落單後靜待五分鐘，各款甜品便陸續上桌了。。📌沙沙合桃糊 （可冷可熱）- $32 Grainy Walnut Soup～採用雲南頂級尖白合桃～自家磨製，合桃味道濃郁，幼滑可口。～合桃粒 -能增加糊的香味及口感～建議熱吃，合桃的香味更加出眾誘人😍～合桃有健胃、補血、潤肺的功效。合桃糊是這間甜品舖的皇牌甜品，味道也令人相當滿意。今次也是點了熱的合桃糊，剛上桌時合桃糊熱得燙口，要慢慢吹涼享用。。筆者愛吃充滿口感的沙沙合桃糊，如果不喜愛面頭澎湃的合桃粒，則可選擇幼滑的「補腎合桃糊」。。📌桑寄生蓮子紅棗茶（熱食）- $27Chinese Herbal Tea with Lotus Seeds～加雞蛋 （Eggs）+$2～加清心丸 （Chewy Starch Cubes）+$10。這款甜品也是相當滋潤養顏，適合女士享用。桑寄生茶熱度足夠，吃畢後相當暖胃，感覺幸福，這款甜品的甜度適中。。燙口的雞蛋也是剛剛熟，蛋黃質感

<海記合桃坊甜品> 📍長沙灣🔸合桃糊無澀味！幼滑靚糊 🥴🔸粒粒合桃有咬口！自從有次去朋友飲宴食過The Mira個合桃糊，我就愛上呢款中式糖水 😍 海記合桃坊Book mark左好耐，今次就試一試佢！沙沙合桃糊($32) — 合桃糊幼滑、無澀味，面頭配上合桃碎，有咬口令整體多一層層次🥴 略嫌有啲太糊口，無令人一口接一口嘅慾望，令我本身80%飽的胃部，封咗頂 😅同場加映椰皇燉鮮奶($39)、楊枝甘露($45)，朋友仔都大讚好味 😋 想食啲無咁滯嘅，可以選擇佢嘅芒果系列

媽咪最鍾意食海記最出名既合桃甜品，食完晚飯我地又心思思想食甜嘢😋😋😋今次我地就試吓新嘢先，媽咪揀左榴槤冰椰青涷（ $50 ）椰青凍好清甜幾特別，榴槤雪糕真係好似食緊榴槤咁😋😋😋我就揀咗當榴槤遇上芒果（ $47 ）芒果甜甜酸酸，配上榴槤雪糕原來都幾夾喎👍🏻👍🏻👍🏻老竇就揀咗傳統滋味紫芋芋圓仙草凍（ $39 ）佢話芋圓煙煙韌韌，加埋紅豆、蓮子、雪糕，口感好豐富，重稱讚呢度係用心製作甜點的港式甜品店添👍🏻👍🏻👍🏻

食完晚飯，朋友想食糖水，附近有間海記，又唔洗排隊，於是走入去試下。雖然鋪頭主打合桃糖水但俾佢餐牌上既紫薯芋圓吸引咗。芋圓比較硬，雪糕記正常質素，整體嚟講一般，價錢係平既。可能無叫到佢地主打既合桃糖水所以覺得無咩特別。

真係有合桃碎的合桃糊😋 d碎仲要多到鋪滿面，糊狀非常幼滑，入口啖啖合桃碎脆卜卜非常飽肚，用料十足真係好抵食。朋友碗紅豆豆腐花也不錯，紅豆應是日本紅豆🫘特別大粒及綿滑👍🏻真是卧虎藏龍的一間地道誠意小店。

今日要同大家介紹一下呢一間糖水舖海記喺土瓜灣有兩間 冇記錯嘅話旺角都有兩間老老實實佢就出咗名唔係話超級好食😂😂不過我哋個個都係貪近所以買佢加上佢價錢都唔貴所以可以接受🙈今次食嘅呢一碗叫做紫薯香芋雪樂冰大家唔好睇佢好似有球雪糕喺上面咁樣其實只不過係紫薯蓉黎😂老老實實就唔係話特別好食嘅紫薯味都唔係好出 甜味反而比較突出😂至於佢啲芋圓我覺得都係比較彈牙嘅不過味道就唔係好出🫣🫣識過其他舖頭嘅芋圓好有芋頭味/ 地瓜嘅味道不過可惜唔係間間糖水舖嘅芋圓都可以做到呢一點😿但係呢個價錢來講都可以接受嘅（不過佢年年加價😭😭）至於個底就純粹係一個人工味嘅芋頭冰，個人認為又係得個甜味🤣實際上芋頭嘅味道真係冇乜雖然成碗嘢都好似剩係得甜味不過我覺得都係貪佢夠近😂😂🙈同埋其實佢有好多中式糖水可以揀不過質素方面就老老實實都係一般般👻如果大家喺附近諗唔到食咩糖水嘅話都可以試吓佢🙈🙈

食完晚餐，路過一間糖水店，叫咗三個糖水，紅豆沙，木瓜雪耳，薑汁湯圓，可惜無論味道同外觀，都非常普通。紅豆沙太杰好似食緊糊仔，木瓜夠甜但雪耳唔得，湯圓個皮比較厚，總括而言，應該唔會再幫襯。

夏日熱辣辣食返個凍冰冰嘅甜品就最適合，呢間甜品鋪有中式同西式嘅甜品揀，入到去餐廳裝修幾簡潔，坐得都ok舒服~👍🏼👍🏼..✅楊枝甘露 🍨 $45入面有幾多嘅芒果肉，有柚子肉，西米，而且仲有爽爽脆脆嘅爆爆珠，層次幾豐富!不過如果芒果味更濃就更perfect池喇😆

幾個月冇食，今日叫外賣熱桑寄生蓮子蛋茶，d糖水好甜，溝多50%水都唔掂，d蓮子直頭甜到似浸過糖水，食完會糖尿病，而家個個都要食得健康，出面食糖水真係好耐冇食過甜到咁

難食到爆。。。俾$43蚊 食個咁嘅甜品。同餐牌個樣完全唔一樣。個腸粉硬到好似膠咁😅大家如果有機會食的話 唔好去，真係浪費金錢🙏🏼🙏🏼🙏🏼🙏🏼🙏🏼