海記合桃坊甜品 (已結業)

糖水鋪] 💜🧡粒粒飽滿三色芋圓🍡呢間糖水舖嘅芋圓最大特點係外形飽滿光澤，又圓又大，煙韌有咬感，份量多，好啱想大啖大啖chew芋圓嘅朋友仔😆🤩 但同時芋圓、紅薯圓同紫薯圓只有紅薯味味道比較突出，芋圓就比較清甜，紫薯圓略為過甜💟 紫薯香芋雪樂冰芋圓紫米露 $34呢個配料最豐富，有齊紫薯同香芋雪樂冰，其實係雪糕加雪葩嘅組合紫薯雪樂冰質感偏雪糕蓉，第一啖會好滿足，不過食多幾啖會覺得甜咗啲香芋雪樂冰冰感強啲，清甜有芋頭香紫米露正常發揮，不過整體都係比較甜💟 紫薯雪樂冰 芋圓豆腐花 $30豆腐花清淡有豆香，中和紫薯雪樂冰嘅甜口感好有層次，又滑又煙韌相對上唔易滯💟 紫薯雪樂冰 芋圓西米露 $32西米露晶盈密集甜度係三款中中間食完會有飽感，少少滯感聽聞糖水鋪質素不時會有偏差😂可能會甜咗，小JunJun認為芋圓口感煙韌的確可以一試😍，至於唔係好食得甜嘅朋友可以同其他朋友share，啱食再叫😉

等緊交收見有少少時間，搵d糖水濕濕個口先。見到附近有呢間甜品店睇落幾ok就啱晒。點左個紫薯香芋雪樂冰芋圓紫米露，因為所有野都好thick 同飽肚，一個人食係有d滯嘅🤣個香芋雪樂冰芋頭味濃，有d介芋雪糕同雪葩嘅質地係正嘅。紫薯蓉真材實料，紫米露正正常常，但d芋圓就有d令人失望，d味好淡，仲要搓到波形口感反而差左，傳統嗰種好好多。我下午4點幾入去食嘅，人手真係好少，樓面得一個阿姐，同埋另一個畢糖水嘅阿姐。但都有好幾枱客，都幾忙吓。 但忙還忙，落單嗰個阿姐聽完講句ok或者點個頭有幾難，起碼俾我知你get到吖。落完單一粒聲都冇就直接入機，收錢找錢一句多謝晒都冇，感覺不太好囉，唔推薦。

同朋友喺太子食完晚餐，滿足感未夠，所以決定再去食甜品。朋友帶我去旺角食甜品，仲話呢間甜品店嘅中式糖水好得，所以就決定去食啦。中式糖水中你最愛哪一款？芝麻糊、紅豆沙、喳咋、桑寄生蓮子茶、蕃薯糖水.....蓮子百合會唔會在你嘅清單上？朋友話要潤腸抗衰老🤭，就點了沙沙合桃糊，是本店嘅招牌，而我要養顏😁，就點了薑汁燉鮮奶。沙沙合桃糊呢個合桃糊的確好味，又香又滑。但因為合桃碎浸得耐左，所以稔左。薑汁燉鮮奶呢個燉鮮奶，薑汁唔辣，鮮奶凝固效果又滑又彈，甜度剛好，一邊食一邊享受一陣一陣奶香和薑味。服務方便，店員嘅態度差到一個點，都唔想多講，一個表情😤，自己想吧。

買外賣嗰陣唔記得講走餐具，到佢包好俾我嗰陣，我同佢講「唔好意思，唔記得走餐具，可唔可以俾返你？」結果佢粒聲唔出，直接掉落垃圾桶。😡我即刻話，如果你要掉落垃圾桶你可以話俾我聽，我可以拎返去處理。結果店員仲要聲大夾惡鬧我😡😡永世唔會再幫襯😡😡😡

好耐之前已經比呢度嘅紫薯系列吸引咗，同時見到好多人對呢間甜品舖嘅評價都非常之參差，所以有一種點都要自己試過先知嘅感覺😹整體來講，我覺得又唔係真係咁差喎～當日同媽咪都覺得芋圓幾好食添🙊唔知係咪間間分店嘅𝚚𝚞𝚊𝚕𝚒𝚝𝚢都唔同？我哋今次去嘅係太子分店～.got attracted by their purple sweet potato series for a long time now 😆 but saw that it had mixed reviews so i thought the only way to know if its good, is if i go try it myself 😊 overall, its not as bad as people say 😋 i thought their taro balls were pretty good and had a good chew to it! there are a few branches so maybe the quality varies from branch to branch! go give i

芋圓控又出動周圍去試下唔同甜品店既芋圓，呢間海記好似都幾出名，香港都有幾間分店，不過大家對佢既評語都幾參差🤕佢主打中式糖水，但新式既甜品都有，價錢親民。呢碗芋圓非常足料，有仙草、紅豆，百合、蓮子同埋主角芋圓地瓜圓。🤤🤤🤤佢既芋圓係圓碌碌成粒波子咁，同出面既形狀有啲唔同，但口感唔錯，夠曬煙韌，芋頭味唔算濃，但仔細咀嚼都食到芋香味。✔️整體來講，我覺得芋圓不錯，下次可以試下佢最出名既中式糖水，款式好多同埋好似好足料。

呢間芋圓一直水準都唔錯😋同埋有好多唔同既選擇，每次黎都發掘到第款甜品想試～中午到下就呢段時間黎人唔會好多中間舊大紫薯係真紫薯🤔都幾大就下😳同埋芋圓份量多，可容易食出唔同口味😋我比較中意下面呢款，宜家正係夏天，食呢個就岩啦😋好消暑😳

星期日出街同朋友食飯, 見食完都仲係九點零, 於是諗住搵個地方食糖水。我地一行五人, 見到呢間海記唔洗等位就入去, 因為出面都落緊少少雨, 廢時淋濕。入到去鋪頭唔算細, 都坐到廿三十個咁。餐牌選擇唔算多, 我身子唔好所以都係食熱野。見到紫薯芋圓蕃薯糖水, 幾吸引, 諗住試一試。點知話冇蕃薯供應。我窒左窒, 成個蕃薯咁, 退而求其次, 揀左個紫薯芋圓紅豆沙。上菜, 都幾大碗同幾多料, 食到好飽。不過紫薯味道唔出, 依家諗番好似唔覺有紫薯添, 可能俾紅豆沙陣味蓋過左。芋圓都OK, 起碼唔會咬落成舊麵粉咁。食落冇咩味。埋單大概$30, 唔平唔貴。要等位就唔洗專登試啦。題外話, 同一條街, 行多唔洗一分鐘又有第間海記, 我諗質素應該一樣掛。地方就幾就腳。

今日去旺中行完街，突然好想食甜品，諗起海記，呢間餐廳既芋圓好好味，之前食過兩次都覺得好回味，一於就再去幫襯啦。可能時間比較早，入面既客人吾係太多，而且因為疫情既關係，枱都擺得疏，所以都坐得好舒服。一打開menu, 二話不說就翻去芋圓果頁上次試左雪樂冰，香甜亦透心涼，不過今日天氣比較凍，所以就簡左喳咋，岩晒鐘意食豆的我。等左5分鐘就有得食啦，一上枱已經見到勁足料，成碗滿滿的。除左芋圓仲有地瓜圓，兩隻都好味，煙煙靭靭，而家暫時去吾到台灣，唯有食住芋圓止下癮先。可惜今次d芋頭有點硬，有少少失望，不過總括黎講，呢碗甜品都係出色之作

中式糖水好多工夫，所以多數睇落老土，但呢間特別在有花心思設計，而且令你滿載而歸。呢間係我食過最真材實料，絕對唔hea, 味道啖啖濃郁。可能好肚餓，好勁好味，唔洗幾分鐘，已經鯨吞咗落肚。呢間糖水舖真係值得再encore杏汁蓮子燉百合好有杏仁味，杏汁好杰好正，蓮子爽脆又香口，百合又多，份量十足，啖啖都好豐富有驚喜吖沙沙合桃糊淨係賣相都贏晒，啖啖合桃好有口感，合桃糊香滑，成碗嘢好實在，真俾想叫多碗打包食過真係翻唔到轉頭，特別係凍天食暖凹凹

服務態度好差，我哋禮貌同店員反映芋圓太硬好似未熟，但佢哋不但冇任何歉意，仲係背後議論我哋，個店員仲要勁大聲咁講：點會未熟呀，全部都係咁架，你朋友碗糖水系熱嘅D芋圓咪軟D囉,你嗰碗凍既話自然會硬D架。D芋圓入面勁粉，大佬我又唔係冇食過芋圓，點會分唔清啲芋圓熟唔熟呀😓仲要碗糖水勁甜，真係伏到喊，碗糖水食咗一半都冇，就已經食唔落，個店員仲要全程啤住我哋，見佢咁高分先黎食，真心失望😞，難得同朋友一聚，但係莫名比人話咗一餐，食個甜品仲要受氣，真係咩心情都比佢哋破壞晒。(其實我一星都唔想比)

今日出旺同朋出嚟食宵夜😟見呢間有主打芋圓，我地就點咗芋圓西米露嚟食，點知食嗰陣就發現嗰芋圓好硬，好似未熟咁🤨咁我就同店員講一講咗大致情況，點知佢就完全唔理我地講咩就話我地間店啲芋圓就係咁，都係同一個煲煮出嚟，完全無要換嘅意思。仲要講完之後就去同廚房議論我地，其實我覺得唔換都無所謂，但態度好唔好啲😓除咗芋圓西米露之外我哋都嗌左其他甜品但係佢呢間嘅甜品都偏甜會食到好厭😣真心唔推薦大家去食，無諗過食個甜品都要受氣😟

明明記得食過好伏，伏位係杏汁度。好杰好漿糊既杏漿，唔知係被雪耳吸乾晒定點？雪耳係爽果隻，唔係平時食燉品糖水果種滑身，最伏係d蓮子超硬，又唔清甜。仲要收成三十蚊一玩，加返dd水啦唔該明明入嚟係想食芋圓既，可能燥底，轉左想食d清潤d既，早知左求其叫個木瓜燉雪耳好過！算啦，對海記本身都無乜期望，都係求其搵個地方食少少野歇一歇腳。

海記都算係最常去嘅糖水舖之一 亦好受歡迎 見佢夜晚成日要排隊就知除左出名合桃露 其實仲有好多選擇 呢晚我地叫左：紫薯雪樂冰芋圓豆腐花蓮子百合紅豆沙加芋圓腐竹薏米糖水加湯丸我鐘意佢呢度嘅甜品 係甜度啱啱好 而且乜糊乜露都做到好滑 另外佢地嘅芋圓同湯圓值得追加 因為都好煙un彈牙💕

係香港一唸起想食芋圓，心目中會閃出個芋圓名單，海記係其中一間。紅豆燉鮮奶 ($29)好欣賞d 紅豆煲得好淋，又大大粒咁，加埋熱辣辣嘅燉鮮奶，真係好好食，佢仲有薑汁燉鮮奶可以揀芋圓喳咋 ($32)平時食凍既芋圓就選擇多啲，但今日想食熱既就得兩款選擇。其實平時就咁喳咋我唔太好，但覺得撈左芋圓又可以一試，咁首先喳咋已經勁多豆類啦，再加埋芋圓係好似食多左餐咁。呢間既芋圓係一向好食，再加埋佢地夾埋都仲保持好食👍👍