海陽。居酒屋

營業中

休息中

成日話香港經濟唔好，但香港餐廳服務完全沒有改善🥲野食正常，朋友遠道以來打算相聚傾下計。首先一位服務員姐姐應該係太熱心，我哋叫咗支大清酒佢每隔10分鐘來添酒一次，我哋每10分鐘比佢打斷一次，唔緊要，熱情啲啫我地冇投訴。到了大概9點零，餐廳音樂突然越來越嘈，此時亦是last order, 因為我地已經成台野食就慢慢食完好了。然後服務員話要收工所以收埋啲碟，可以，他們收就收。之後我哋發覺音樂好嘈，此時亦有工作人員跟我們收$，朋友不住香港，他問服務員為什麼那麼早收$，服務員白眼回覆，你哋冇嘢要叫啦嘛我地埋數。我哋okay，但朋友問他為什麼音樂那麽大聲，這𥚃不是disco, 服務員鈄眼望我們回答「公司規定！」我哋唔明但反正她態度非常不友善，就算了。Conclusion: 食物普通，晚飯時間短，9點多開始大聲趕客，兩人開支酒千幾蚊嘅晚餐，無咩原因要去的餐廳，除非你住Rosewood 但Rosewood 餐廳冇開啦！

在k11逛了一輪， 看見這間餐廳門面不錯， 燈光和裝修 像一間高尚居酒屋 ，就入內一試。 大約得十張枱， 我們兩個人 被帶到一張二人枱。老實說 不能叫太多食物，因檯面太細 ，另外檯之間的空間也 不理想， 從牆邊的梳化出入 要很小心， 有機會碰 到隔離枱。招待員 遞上餐牌 ，也不斷介紹食物 有套餐，亦可散叫， 價錢跟商場 的 裝修成正比 ，是中上價錢，食物也很好。 美中不足是餐廳的音樂很大， 如果想 傾偈和吃 一頓安靜的晚餐，這裏就不適合了， 招待員說是 商場中央控制，聲量空調 不能改變， 那麼， 真是先天性的缺憾！

👍🏼大推介Kaiyō特色卷👍🏼當三文魚子遇上海膽､吞拿魚蓉､魚子醬同金箔😍簡直係視覺加味覺嘅享受🫢.材料超級新鮮,唔會孤寒，非常足料一口食唔落😍雖然比較易散開，但好新鮮勁滿足😍.廚師推介:Kaiyōの卷海陽自家製卷盏$368.海陽極尚壽壽司盛盒（二十二件）$888食了Kaiyōの卷之後，盛盒就完全唔特別，變得可以唔洗叫.總括，餐廳CP值不算高環境舒適，食物質素新鮮，但欠缺特色咁既價位，可以叫無咩服務，招呼麻麻哋有時要叫到staff都有點難度

食物新鮮，服務態度好前排見到呢間居酒屋幾靚同埋d嘢食幾吸引就訂咗枱。咁去到都冇失望嗰日同朋友就嗌咗兩個套餐同少少刺身，食材好新鮮👍 食到好滿足服務方面，員工嘅服務好好，好有禮貌，都好積極幫我哋收碟👍 套餐d嘢食都係逐碟上，時間控制得幾好👍 唔會食到好趕，可以同朋友慢慢食同傾吓偈下次會再試吓其他食物👍

前幾日經過K11 MUSEA 想食日本餐 見朋友推薦呢間餐廳就入去試下可能六點幾入座係繁忙時間 眼見人手不足 但侍應仍然好好笑容好好態度不斷加茶同收拾仲推薦我地食日本空運到港既蠔 好鮮甜 價錢不貴仲有龍蝦 燒完都好鮮甜😍最後都有推介我哋飲佢地餐廳 特飲既雞尾酒 jasmine fall同 peach blossom 係OPEN RICE訂枱REMARK左生日 侍應好好係 甜品碟上面寫上祝福 仲好細心幫我地拍照留念📸下次一定會再幫襯同推薦比身邊朋友🥰推薦大家可以坐bar台望住師傅整壽司 師傳都好好同我地交流

有預定 門口的接待都好敷衍 直接話去那邊 都無望人 點單居然等左大半個鐘 都沒上 問的時候先話沒落到單 食物質素都差強人意 非常失望 服務生好似都沒什麼經驗同做過培訓 都不會再幫襯了

上個月同fd行行吓街，咁啱見到呢間裝修幾靚嘅居酒屋，就諗住入去試吓，入去嗰陣會有店員敲鼓歡迎，都幾特別。呢間嘢嘅Menu都幾多選擇，你落單之前店員都會話返俾我聽有咩飛機貨，聽到有蠔之後即刻嗌返隻吓，嚟到之後見到隻蠔好肥好大隻😍成隻放落口好有滿足感😹 店員仲推薦咗海膽，本身都有啲猶豫，佢就問師傅拎咗俾我睇，我見好靚就嗌咗😍都真係好甜好新鮮🤤，個質素對得起個價錢👍。服務方面，啲員工都好熱情好有禮貌，唔使我舉手都會主動行過嚟幫我加茶。值得一提嘅係，我哋想食完刺身先至食其他野，唔想咁chur，同咗d員工講佢哋都會幫我跟返，唔會嫌我哋煩，呢樣幾好。咁嚟到居酒屋梗係想飲返啲酒，個酒單有好多選擇，咁我哋都唔係好識，Manager可能見我哋有啲猶豫😹，就主動行過嚟問我哋想飲啲咩，會根據返我哋想飲嘅口味同埋我哋嗌嘅嘢食，再推薦返啱嘅酒。 我哋對支清酒都好滿意，易入口，仲可以俾我試晒半支凍飲，另外半支熱飲😍滿足晒我既要求，臨走之前d員工都好熱情同我哋講bye bye 希望下次再見，成個用餐體驗都好舒適，下次會再嚟👍

佛誕當日我們一家三人去食lunch，order 咗極上壽司12件、魚生飯、雞串燒、海膽卷，除咗海膽卷，其他15分鐘已經到，我們20分鐘已經食完以上食物，海膽卷仍然未到，我哋追問侍應，她話整緊，我們再等10分鐘，他話師傅準備整，當時真係無明火起，而且她企在counter遠處告訴我們，一點禮貌都冇，之後經理過嚟只是解釋只有兩位師傅，而且之前有壽司order，所以做唔切。其實當日全餐廳只有10幾位客人，這個都算是解釋嗎？之後再問我哋係咪要取消order，我哋話當然係啦，走啦。他們完全沒有歉意，咁樣嘅服務態度真係累死香港。食肆再唔好話港人北上作藉口，要好好地檢討吓自己嘅服務態度。

今晚同朋友慶生，訂枱時已通知職員跟進birthday dessert 上刻上朋友名（港女例牌生日動作）朋友先到餐廳，所以冇再提及birthdaydessert事宜。點餐我哋選擇叫咗assorted刺身壽司，海膽手卷，一啲串燒，比較深刻嘅係海膽好新鮮，不過手卷外層紫菜好快已經淋，唔夠脆口，呢方面可以改善下，刺身壽司都新鮮嘅，但味道又未至於好有餘韻，串燒尚可。環境方面：餐廳格調走中高價路線，不過坐位與隔離距離都好近。最後，好彩職員唔使特別提水都有記得dessert上有刻happy birthday☺️呢方面service係幾好嘅。

非常之失望同差嘅用餐經歷明明上年食都仲好有水平今日再去食簡直失望到極點上刺身好似上快餐咁，一野隊埋黎成個刺身盛散哂，明明叫左至尊刺身盛7點，剩係黎左6點，後尾侍應拎返入去隊多款三文魚黎真係啞左，至尊刺身係三文魚，餐牌上嘅款式只供參考，水準大不如前，令同行朋友大感失望，等我仲極力推介，簡直肉酸死人。壽司盛12點，啲魚double哂，燒芝士年糕勁粉又唔夠熱，上年食嘅時候外脆內軟一定會翻兜，今次都食差到爆。

呢間高價位嘅居酒屋，環境都幾別緻，新式嘅裝修同Musea一樣咁有格調✨整體食物嘅質素唔錯 😚⭐️ 壽司 【吞拿魚背/油甘魚/三文魚/ 真鯛/深海池魚/左口魚邊/甜蝦/北海道帶子】 佢哋嘅壽司賣相唔係特別靚，亦都冇太多花巧功夫，份量亦唔大，但係鮮味十足，肉質鮮嫩，師傅手工純熟，只係性價比唔高。⭐️ 石野白味噌銀鱈魚西京燒 西京燒魚嘅肉質都幾肥美，而且燒得剛剛好，令整體嘅魚香提升。不過都係份量唔大，$298 屬高級料理嘅收費。⭐️ 牛油果軟殼蟹卷 ⭐️ 燒牛脷

呢間餐廳環境好，裝修好服務都唔錯👍不過冷氣有啲凍怕凍嘅女士們最好有件披肩😂出邊商場中央冷氣加埋餐廳裏邊嘅冷氣真係幾堅😂你會覺得有啲凍講吓啲食物總括嚟講樣樣都幾好有套餐叫又有散叫不過有少少偏埋一邊即係套餐上面有嘅嘢散叫未必有嗰次去食出色嘅嘢是啲牛肉海膽就一般般其他嘢都OK價錢偏向中上冇乜特別嘢投訴

𝐊𝐚𝐢𝐲ō在日語當中解作「海洋」，位於𝐊𝟏𝟏 𝐌𝐮𝐬𝐞𝐚的這家高質居酒屋🏮最新鮮的海鮮食材製作融合了日本傳統與新派日本料理的菜單，旨在繼承日本居酒屋文化精髓，但同時亦不囿於傳統，反而破格融入新意，帶來多元化的現代和食體驗，不過個人覺得定價稍高🤫——— ✤ 特上刺身勝(𝟕點)｜$𝟕𝟑𝟖食材新鮮，不過略為定價高昂🥶✤ 海膽｜$𝟐𝟒𝟖紫菜的脆口感與海膽的豐潤濃郁完美結合。一口咬下，香氣四溢，海膽的鮮甜與紫菜的鹹香相互融合，瞬間在口中爆發出豐富的海洋風味。✤ 松葉蟹天婦羅｜$𝟐𝟒𝟖結合了松葉蟹的鮮美和天婦羅的綿密酥脆，外層的天婦羅油炸至金黃酥脆，內裡的松葉蟹肉質鮮嫩，然而不大課題感受到海鮮甜味🦀️✤ 𝐊𝐚𝐢𝐲ō卷｜$𝟑𝟔𝟖𝐊𝐚𝐢𝐲ō卷其實是海膽三文魚籽拖羅卷，味道精彩絕倫：海膽的濃郁奶油味與三文魚籽的鹹香風味完美融合，令人陶醉於其豐富的口味和精心搭配的組合🐟✤ 即燒火炙蔥吞魚腩｜$𝟏𝟎𝟖搭配日本蛋以及紫菜，進食時可以自行發揮創意動手包起來～蔥的香氣與炙燒魚腩的鮮嫩肉質相互融合，每一口都帶來濃郁的蔥香和魚腩的鮮美🐟✤ 日本抹茶雪糕紅豆最中餅配菓子｜$𝟏𝟑𝟖最中餅味道絕佳。濃郁的抹茶雪糕、香甜的紅豆

午市落餐點咗一份西京燒銀鱈魚定食， 下單時侍應話要等20分鐘，結果等超過40分鐘追單時候經理態度傲慢，超多藉口，一時話條魚要燒好耐、一時話太多單（但其實當時餐廳都未坐滿人），總之佢哋就冇錯，等超過40分鐘係正常嘅！

買左k11戲飛，睇戲之前來呢到食野，食完野可以即刻上去睇戲，上菜時間都幾好，服務都好好，試左燒日本a4和牛西冷蛋黃飯同三文魚配柚子醬油，個和牛今次我試左三成熟，覺得三成熟或者五成熟都可以接受，下次有機會再試其他野。