涎 日式燒肉店 & 渚 外賣刺身丼 (已結業)

去咗間日式燒肉店，真係畀佢啲料理燒到心水直流！🔥先講返佢個麵豉湯啦，溫暖人心，倒下肚就覺得瞬間暖笠笠。沙律方面，魚生切塊新鮮得黎，蔬菜都唔遜色，爽脆得嚟，仲帶有自然嘅甜味。茶碗蒸嘅話，質感滑嫩，帶有淡淡嘅鰹魚湯香，真係好味到爆炸！特別推介佢個牛肉，擺喺碟上賣相靚仔得嚟，味道更加係一絕。用個碗中牛油輕輕塗喺蔬菜上面，燒出嚟個香氣真係啱哂，完全提升到整體嘅食欲。😋 牛肉係燒肉嘅靈魂，呢度嘅牛肉夠香，質地軟嫩到不得了，切塊大小啱啱好，一入口即溶，埋喺舌頭底下嗅到陣陣牛香，實在過癮。總括黎講，身為一個食肉愛好者，呢度簡直就係我嘅美食天堂。喺咁嘅環境之中，得到咁高水準嘅燒肉享受，真係物超所值，絕對會令你食指大動願意再黎！🥢呢次食完，我已經開始計劃緊下一次嘅造訪，想試吓佢哋其他嘅肉選擇！

6月4號晚上去食晚飯，叫完嘢食好快啲生肉就已經上哂枱，啲肉依然好好食，不過坐唔夠15分鐘就上雪糕，根本都未食完，肉都燒唔夠一半，點可能食雪糕，只能夠睇住啲雪糕喺火爐邊溶，而且啲侍應又黑口黑面，行過嚟幾十次問食完未，成日伸隻手嚟攞未食完嘅嘢問食完未，但係我只係坐咗15分鐘，既然趕收工就唔好收order，又無提我地原來你9:30要狂執走我哋啲嘢，隻手不斷喺我枱面拎嘢走，甚至隊我對筷子又唔換筷子畀我地，又唔道歉，體驗極差，同2年前相差好遠，唔會再嚟

🔺火炙鹽麴三文魚定食🍱$88三文魚唔腥仲好香魚味🤩調味岩岩好仲好嫩添😚但就咁食有d咸配飯食岩岩岩好🍚定食仲有茶碗蒸,好香蛋但好似港式蒸蛋🤣味噌湯就偏咸,沙律嘅醬汁係胡麻醬就不過不失🥗

依間舖頭已經又再回訪，上次試左吞拿魚蓉同和牛漢堡飯，今日次下烤肉。汁燒安格斯牛板腱燒烤定食 $118這份定食包括了汁燒安格斯牛板腱、白飯、味噌湯、沙拉和前菜。汁燒安格斯牛板腱，牛肉的肉質非常的嫩，口感非常的好，而且肉汁充分的滲入到肉裡面，讓整份肉都非常的美味。醃安格斯肩胛肉，黑豚五花及雞髀肉燒烤定食 $138這份定食包括了醃安格斯肩胛肉、黑豚五花、雞髀肉、白飯、味噌湯、沙拉和前菜。整份定食的分量非常的足夠，而且主菜的醃料非常的美味，讓肉質充分地吸收醃料的味道，讓整份菜色更加豐富和美味。黑豚五花的油脂非常的均勻，口感也非常的好，而雞髀肉也很嫩，非常地適合搭配白飯一起享用。

本身唸住去食cafe52,但見呢間好似幾吸引就入咗去食😙餐廳光線充足同坐得好舒適😆午餐menu好似唔係固定,所以唔知依家嘅餐牌係咪一樣👀🔺黑豚豬肩及山賊黑椒汁雞胸燒烤定食$128本身以為係餐廳整好晒點知係要燒嘅😹雞胸燒完都好淋🫶🏻而豬肩就正正常常🙌🏻有三款醬汁可以點黎食分別係燒汁,柚子醋同鹽🧂

依間餐其實主要以食燒肉為主，佢地既午餐燒肉套餐其實都幾抵食，大約130-140左右。環境寬敞同整潔。招牌和牛漢堡扒及煎蛋定食$108依個和牛漢堡扒煎得岩岩好，唔會煎到過熟或生，另肉質保持細嫩多汁，和牛肉的脂肪分佈更加均勻，口感更加嫩滑，且肉汁更加豐富。配埋流心煎蛋，蛋汁配埋和牛肉一齊食好好味。蔥花吞拿魚腩蓉定食$88依款吞拿魚定食，魚蓉好creamy，亦都保持住吞拿魚原身味道，食落唔會有冰碎感，加上蔥花嘅香氣，令人食欲大開。另外兩款定食都配有小食，沙律，茶碗煮同味噌湯，白飯仲可以添飯🤣。

我們經常去元朗食午餐，地點不是yoho mall 說是元朗市中心，今日無意之中到了這間日式燒肉餐廳。餐廳位置鄰近朗屏8號，由朗屏站走過來大約要10分鐘左右。由於地點不近元朗大馬路，這邊人流相對較少，中午時段都不算多人，等了十幾分鐘就可以入座。星期六日有午餐供應，以日式燒肉來說，價錢相當親民有定食和燒肉套餐以作選擇，而且環境非常舒適，空間很寛敞。我們叫了兩份午餐，一份是魚生定食，另一份是燒肉定食。午餐包括有主食，沙津，湯和茶碗蒸，十分豐富。個人覺得燒肉定食性價比較高，而且味道不錯，大家有機會到元朗可以來這間餐廳試一試。

今日咁啱去左朗屏西鐵站附近，見到虹方地下都有好幾間餐廳，諗住喺呢邊食埋個午餐先走。見到呢間「涎」門口玻璃貼住個午餐餐牌，見價錢好吸引，$80幾就有個魚生定食，又唔洗加一（星期六午飯時間），所有定食仲會配埋漬物，沙律，茶碗蒸及湯，就入去試下。餐廳裝修以木色為主，環境寬敞，座位寬闊舒適，服務員態度親切。我叫左個雜錦角切魚生丼定食，服務員一遞上枱時，真係有種去左日本嘅感覺😆魚生新鮮，丼飯的飯嘅份量好多，再配埋啲漬物同埋沙律一齊食，好夾！茶碗蒸口感滑滑的，再飲埋個麵豉湯，真係超飽！揀左呢間食午餐真係完全冇失望👍🏻

朗屏呢個位置嘢食唔多，不過呢間日式燒肉餐廳令人眼前一亮。首先環境唔逼，坐得幾舒服😶‍🌫️嘢食都唔貴，但食材新鮮。我地平時都係中午去，今次就試下晚市。叫左燒肉set。蔬菜沙拉開胃，茶碗蒸好滑，麵豉湯就不過不失。燒肉最緊要都係肉夠新鮮。有幾款牛、豬同雞。日本雞柳好好味，豬就一般。一分錢一分貨，但肉類全部都好新鮮！🐔🐮🐷提一提，中午去食白飯任添，夜晚就無得任添啦！而且個set會貴d🥹

聖誕午餐非常差。牛轉豬，比多兩片叫轉左。 成個餐2款牛1款豬1款雞1款菜。比多兩片豬就叫轉左2款牛。簡直係呃錢！搵職員問，講極佢都唔明。淨係識講係兩人份豬。我都表明左叫左3個聖誕午餐set , 其中兩份入面既2款牛轉晒做豬。但而家只係得本身跟餐既1款豬。咁轉牛既豬就冇咗。 成餐份量比人cut走一半。原本一餐開心既聖誕飯，食得非常唔滿意。建議嚟食既人千祈唔好轉任何入面既食材，因為份量會失蹤。即使味道係可以都唔會選擇再幫襯。

好開心同屋企人去咗一間越南嘅燒肉店，一間燒肉店真係好高質素，價錢便宜，經濟實惠，又可以食得好豐富爆竹，呢一間一定要李師師啊導航住響元朗嘅人真係特別有福啊，首先呢一間餐廳嘅位置於朗屏站， F出口，一行大概2分鐘，就會搵到呢一間燒肉店，非常之方便，而且裝修幾靚，坐落嚟都好舒服，好有私人空間，我適合同朋友一齊相聚，然後我哋叫咗一個套餐，佢都有好多唔同嘅肉鹼， Siu Yuk啲肉質好鮮甜，亦都好有咬咁，配埋紫菜蛋飯，真係一流呀，我碗飯仲係大大碟，可以兩個人分享都可以啊，而且我覺得好欣賞佢哋嘅服務質素，嗰時影都好有禮貌，會主動推介邊一隻牛肉好食，同埋笑容豐富，好有親切咁，呢度嘅肉有牛豬雞，每隻款都有好多選擇，份量好足夠，最緊要係價錢經濟，呢一間餐廳嘅價錢唔係間間都搵到，所以我覺得如果想食燒肉嘅朋友一定要嚟呢一間啊

又係食在元朗系列，星期日放假約個老友食晚餐，知佢都鍾意食日式燒肉，又唔想食黎食去都係牛字頭既連鎖店，就特登搵到呢間近朗屏屯馬線既涎燒肉店，交通非常方便。餐廳門面就好大，但入面就唔算話特別大，大約50個位左右啦，晚上6點半左右到都已經有6-7成客人，由於今日係walkin黎安排左坐吧枱，吧枱幾高下枱底有個籃俾你擺袋，另外仲有即棄圍裙，幾貼心，店內環境都幾舒適位與位之間唔會好迫，抽風都尚算可以唔會煙霧瀰漫，坐吧枱仲可以睇到師父切肉既情況，都係一種藝術。睇下餐牌啦，今日揀個睇落幾抵食既2人套餐，$538呢份餐仲有和牛食，就揀左呢份。麵豉湯落單無幾耐就上左3樣頭盤，湯黎講就比較咸少少，材料都唔多幾粒豆腐，普通野啦。茶碗蒸蒸蛋幾香有蛋味，食落都幾滑，不過材料都不多，味道就還可以啦。角切雜錦魚生柚子汁沙律沙律菜都算幾新鮮，魚生粒都有好幾款，其中螺肉我覺得最好食幾甜，鋪面果d蟹籽就好似腥少少。燒肉拼盤主菜黎啦，有5款肉，除左和牛同薄切果款牛板腱係4件，其餘都有6件，份量算是ok，肉都經過解凍，唔似有d燒肉店有時上枱時件肉仲係冰既，呢方面幾好，同埋某d肉無經過調味，所以更可以食到肉整本身既肉味，不過重

虹方坐立於元朗宏業南街，有好多樓上舖，有美容、按摩、食店等。西鐵站步行幾分鐘就到，但係呢度附近幾乎都係工業大廈，用餐選擇較少，起初都無諗過會有咩驚喜，點知呢間燒肉係臥虎藏龍。用餐時間已過8點，所以唔洗等位，入門口嗰刻同職員既簡單對答，可以感受到佢地服務熱誠有禮。可以睇得出餐廳好注重乾淨衛生，無論係枱面、爐頭及爐邊、格網都無挑剔之處。望完餐牌叫左份二人套餐 $538  有齊牛豬雞、沙律、茶碗蒸個人對菌類敏感，茶碗蒸入面有菇  無得食肉類賣相討好，雞肉有特別醃製。仲有碟特別醃製既牛肉片。食後感:  呢間燒肉以呢個價錢黎講，係我喺元朗食過最好食既一間。佢既醃製手法特別，唔咸唔淡，恰到好處咁去襯托其肉味。                   完全唔會覺得食完之後想即刻飲d野沖淡口腔。肉類完全無雪味，解凍做得非常好。埋單+1 

臨急抱佛腳，突然想食燒肉居然即日又book到枱，即管try try。· 特選拼盤（圖1）/ $378有5款肉，和牛肩脊肉、M7牛五花 、和牛肩胛芯、熊本白豚肩肉，鹿兒島健康咲雞髀肉，健康咲雞（from google大神）係日本農協指定農雞農場飼養，無添加抗生素，非基因改造。餐廳供應嘅牛肉全部都係和牛，不過就唔同產地，澳洲、美國同日本😗，各款牛肉都不錯，但冇乜邊一款好深刻印象，反而雞髀肉好好味喎，醃肉醬汁甜甜地，肉質好嫩滑。· 熊本白豚腩肉（圖2左）/ $68· 香蔥牛舌（薄切）（圖2右）/ $78不太推薦，較薄，冇咬勁。· 香蔥牛舌（厚切）（圖3）/ $138食完薄切好肉冇食過咁，再追加厚切ver.，厚切好味好多，燒到個面脆身再加埋蔥蒜一齊食👍🏻· 壺漬牛肋條（圖4） / $108印象中比較韌🤔圖5&6認唔到係咩肉😂，圖5應是牛五花，不過好似每個產地都有，唔肯定係來自邊度。· 蔬菜拼盤 $88 / 野菌拼盤 $78蔬菜幾多種類，粟米、茄子、秋葵、南瓜、甜薯，蔬菜菇類容易燒焦，有提供一碗油比我哋將佢哋搽咗一層油先燒。· 日本甜番薯 / $48有啲地方會連皮燒就咁食，呢度就削好晒皮上碟的😗

Very impressed with the high quality service from every staff member and the detail of the professional they put when serving us, and watching them at the bar table. We were very happy with the food quality and especially the attitude and attentiveness care of the staff for our needs. The price was very good for the quality of food too. Will visit again! Good job