淡水老街古早味現烤蛋糕 (已結業)

雖然元朗有好幾間賣台式蛋糕店，試過好幾間，但都係覺得哩間比較好食這間舖會定時推出不同口味嘅蛋糕，不過自己比較喜歡吃原味，今次剛巧又行經過這店，遇到剛剛新鮮出爐的蛋糕，我被好香既蛋味吸引著，忍唔住又買咗個原味蛋糕試吓，熱辣辣，又香蛋味，蛋糕又不會太甜，很鬆軟，超好味，下次想試吓芝士同肉鬆蛋糕。

其實每次經過都聞到好香雞蛋糕味道，今次咁啱見到新鮮出爐，終於買咗一個原味返屋企食，一個份量都幾大，食淨一半可以留返明天做早餐，焗返熱食就可以。蛋味好香濃，棉密鬆軟，甜度適中，健康；無添加防腐劑，香料等等，天然無添加嘅感覺。價錢不算貴，如果要自己整，材料費都要差不多。

絕不減價既古早味蛋糕可能用料同用心製作見同區2間都減價佢都係企硬呢個價錢🤭最常食以下味道😋 原味蛋糕 成份：麵粉 雞蛋 牛奶 植物油 砂糖😋 芝士味蛋糕😋 肉鬆蛋糕質地好鬆軟 有d 似梳乎厘既質地禁落去就會有"滋"一聲既濕潤程度🤤先食到淡淡既蛋香 加上芝士既咸味(有兩層芝士🧀🧀）我試過放入雪櫃之後係隔左2-3日都唔會乾身佢地而家出左好多限定口味同埋好似可以wtsapp 預訂雖然小貴 不過間唔中幫襯share食下都係不錯既選擇

唔同地區 食過唔同味嘅古早味蛋糕原味 流心朱古力 芝士 都試過流心個d 啱啱焗出嚟 真心好好食但第二日 流心嘅狀態 就變凝固咗所以都係覺得Gimmick嘢反而原味就會食得出佢哋係咪真材實料去買嘅時候 大約下午五點幾個原味蛋糕 我去買嘅時候已經係放咗落個盒心諗 GG喇 🥲🥲🥲因為我想即時試食熱辣辣蛋糕好彩 我攞到手嘅時候 嗰盒係暖嘅一開波就 食最邊的外皮有少少硬的感覺 但佢又唔係乾身再搣入面嘅蛋糕 濕潤軟綿入口後 蛋香味好重👍🏻👍🏻👍🏻👍🏻下圖已經係放咗一日 濕潤軟綿感覺仲係度最後個蛋糕由我買嗰日起計兩日食完 嗰日食個蛋糕仲係好濕潤軟綿值得推介 如果再經元朗 會再買🤩

傳聞元朗必買手信，我都贊同嘅😉整體味道幾出色🥰店主曾在淡水名店學師，依間古早味蛋糕款式都比較多，甚至好多味道係出面都冇，Ig story有講每日限定推介，wtsapp有得預訂或預留蛋糕😝👓雙層芝士 $65蛋糕軟熟鬆軟，夠哂濕潤唔會乾，但唔會黏口或過濕，蛋糕偏黃，食到有明顯蛋香！覺得佢係比其他店大件同厚，好夠厚有口感。有兩層芝士，都幾香芝士味，真係用咗芝士而唔係嗰啲假野芝士醬，不過流心效果唔算好明顯評分：7.5/10👓咸蛋黃芝士 $80咸蛋粒唔算好多，但都算平均分佈，食落口有少少咸蛋黃嘅咸香又唔會太漏。蛋糕入面夾咗一層車打芝士，焗返熱都唔太流心，芝士味唔算重，同埋咸蛋黃味有少少蓋過咗芝士嘅香味，但整體個蛋糕係好食嘅評分：8/10👓海苔肉鬆 $75面頭係一層厚肉鬆帶有海苔，中間亦都有一層肉鬆，所以整體幾香鹹香味，而且蛋糕夾雜蛋香味所以味道層次其實好豐富🥰評分：7.5/10

我是这家店的老顾客，经常在这家店买蛋糕,有个女店员态度很差，不知道是不是因为我说普通话的原因，不会再去光顾你家了，不想花钱找难受。服务态度和食物素质是一样重要的，这样才可以长久，每个顾客都应该被尊重和礼貌的对待，希望商家可以明白

屋企人經過呢間舖，見到有新鮮出爐既台灣古早風味蛋糕，所以買咗流心芝士味返嚟試下，真係好邪惡好好食，雖然知道唔可以成日食，所以會更加珍惜每一次食嘅機會，好好享受當下嘅味覺感受，因為相信蛋糕都落左幾多油，所以食落會有啲濕濕地，用手食既話，隻手會真心油，軟熟既蛋糕加咗車打芝士，一鹹一甜，非常滋味，有時心情唔好既時侯，或者工作太辛苦。都可以間中買黎氹自己同屋企人開心下

短時間翻兜呢間古早蛋糕，因為我又唔小心比佢岩岩出爐嘅爆漿朱古力吸引咗🤷🏻‍♀️世上引誘太多·減肥談何容易注*【圖1-3】切左舊最靚仔嘅位嚟影相📸️ #相機食先 【圖4-6】蛋糕真實爆漿情況-原諒我為左影靚相我係無將蛋糕嘅真實一面放係最頭，朱古力爆漿嘅情況真係太厲害👍值得一提嘅係我之前都有見過朱古力味但並唔係咁爆漿，問咗店員先知原來用嘅朱古力粒改良咗，用咗黑白朱古力，所以流心嘅朱古力漿唔止係黑色仲有少少白色🤏🏻絕對唔係發毛😂我聽到嗰陣都已經流晒口水，店員仲衰仔到拎個切面比我睇🙃頂唔住都正常啦可?!蛋糕表面有曲花紋同朱古力釘，我見外面嘅朱古力粒無白色，應該係用左2種唔同嘅朱古力粒🤩蛋糕今次為左食多啲爆漿，我特登揀中間位，所以個蛋糕又真係膨鬆啲啲又高身少少😍蛋糕強調係用法國朱古力粉，食落又真係好香可可味💕，唔會太甜嘅蛋糕鬆軟又濕潤，配搭朱古力漿甜蜜幸福嘅感覺出晒嚟🥰，咩減肥減重都唔記得曬〔個一刻〕🤷🏻‍♀️溫馨提示*奉勸大家自制力唔夠強大要忍忍手，呢個爆漿朱古力真係會食到失控🙃一個無自制力嘅人表示想試：『蔓越莓天使』×無蛋黃古早味蛋糕*聽落好似食完唔會肥『藍莓乳酪』×古早味蛋糕中間夾層乳酪*聽落超

蛋糕店喺內街唔係咁顯眼如果要過去買嘅話要望清楚，之前都見到有人排隊所以就試吓估唔到咁高質，已經第二次買呢間嘅古早味蛋糕兩次都係食原味因為真係非常好食蛋味香濃新鮮出爐攞返屋企仲係暖暖地咁樣食真係非常之正😍我再encore返轉頭買佢嘅原因係佢個蛋糕嘅質感好特別好軟滑，唔同一般空氣感蛋糕同埋真係好香蛋味食得出係好足料，原味賣$55個價錢都合理亦都非常大份可以夠兩個人食兩日啦做埋早餐同宵夜都得😂上過佢社交平台睇佢好似每個禮拜都有一啲限定嘅味道嘅下次我一定要試吓第二啲口味😋

淡水老街古早味現烤蛋糕（原味）$55•聽講係黃店，所以喺今日嘅元朗一日遊要幫襯一下•買嘅時候係啱啱岀爐🔥 ，睇住佢砌，真好！我哋最鍾意原味，咁都撞到！🍀•由於剛岀爐，店員會留一邊開口，以免焗到濕晒；我哋一路行一路聞，超香蛋味👩🏽‍🍳•返到屋企，即刻開黎砌；有別於其他古早味蛋糕有平滑表面，佢小心思哋加咗🌊波浪紋喺面•砌開蛋糕，蛋糕偏黃色，有香甜嘅蛋味🍳；蛋糕體線綿濕潤，表面乾身香口；我哋慣咗拎返屋企就砌成小件，雖然會快乾，但方便食用；以每件1.5cm左右厚，都砌到8片架

古早蛋糕近期又興返，到處都見到同類型嘅蛋糕店，真係花多眼亂，呢間淡水老街係網上好似寂寂無名咁，評價唔算多但我一去到就偷聽到街坊讚不絕口，買親嘅都係話食過返唔到轉頭可能舖頭位置唔算開揚，對住嘅唔係大街，失去左呢個優勢，但蛋糕一出爐就必定有排隊嘅情況，見到咁我點可以仲唔狗衝去買返個試吓？合桃咖啡古早蛋糕《每日限定》$85*P.s對於限定嘅野我係無自控能力嘅撞正岩岩好出爐呢一瞬間，睇住個蛋糕比師傅抬起再放底，咖啡香不停襲擊我個鼻，忍唔住講左句好香，然後用力吸左啖氣，再講多句真係好香，唔係講笑 真係好香咖啡味蛋糕拎到返屋企仲係彈下彈下，我最鍾意食邊位因為個邊嘅焦香味係最重，蛋糕濕潤度剛好，表皮脆薄又香，外面微脆入面鬆軟，咖啡味香得黎唔會苦，合桃竟然焗得酥脆酥脆咁，同咖啡簡直絕配，咬帶去脆卜卜仲帶焦香，令到成個蛋糕層次更昇華，撞鬼咁好食*貪心嘅我希望合桃嘅份量再多少少當然個蛋糕成個枕頭咁大個，我真係一下食唔曬，放雪櫃第二日翻熱食，蛋糕都無硬同一樣咁濕潤💕配埋杯茶真係不得了溫馨提示 : 千祈唔好切到細細舊，因為會一啖接一啖唔小心食曬架〔唔好問我點解會知道🤫〕店員仲好有禮貌💕提我可以用Whatsap

今日買左個星期六限定既香蕉果仁古早味蛋糕 $75蛋糕好有蛋香，既濕潤、又鬆軟、又有好香既香蕉味，而且每一啖都有果仁！好味！😋性價比高！推薦👍🏻店員都好nice~~

我琴日去元朗探屋企人，見到元朗有間古早味蛋糕，淡水老街，咁咪試下咯。我去到嗰陣見到流心芝士出爐，咁咪要個芝士啦。我自己係芝士迷，當然抱有期望。我見到冇咩人排隊，明明有邊同中間，我問店員可唔可以要中間，佢話唔得，冇得揀，洗唔洗咁巴鬼弊! 又唔係啲咩special request，咁都唔得!翻到屋企，切開個蛋糕試下，明明話係流心芝士，只係車打芝士片，完全冇流心效果。蛋糕仲賣緊68蚊，一啲都唔抵食!總括而言，服務態度差，又唔係特別好食，冇回頭。

阿哥係元朗出黎探阿媽，順帶係佢屋企樓下買左盒古早味蛋糕上黎，之前試過佢地嘅原味，今次阿哥好醒目，轉一轉新口味，買左個肉鬆味古早蛋糕😋。肉鬆味古早蛋糕口感冇咁濕潤，咸咸地食落反而冇咁溜，肉鬆好香，面頭仲有芝麻同碎紫菜，增加香口感，肉鬆嘅咸味同蛋糕嘅蛋香味又出奇地夾。👍🏻淡水古早除左原味之外，每日仲會出爐一至兩款特式味道，（例如有：椰香班蘭、榴槤、蜂蜜抹茶、腰果蜜蜂桂圓、粒粒香芒、黑松露芝士朱古力等等.......）上次試過紫薯味，不過紫薯味道唔太出。下次最想食係黑松露芝士朱古力😋

自己本身好鍾意食台灣古早味蛋糕，所以成日上網睇邊度有啲有品質嘅古早味蛋糕賣。知道元朗有幾間，咁啱屋企人行過元朗，所以就叫佢哋買呢間返黎。。點解要買黎間？因為好出名果間一XX上網睇過唔係太推薦，所以試吓其他食嘅時候已經唔係話新鮮出爐，都放咗段時間，打開果陣都聞到少少香味，拎上手感覺都好鬆軟，食落口，個種味真係好好食，蛋味濃又有牛油香味，甜度又啱啱好，真係好有台灣感覺。。。其實佢仲其他味，只不過撞唔啱出爐時間，期待下次食芝士味