深井陳記燒鵝 (民泰街) (已結業)

【九龍城區】【深井陳記燒鵝】呢排唔知點解鬼咁興食燒鵝，搞到我的燒鵝癮都起晒。不過聽講坊間嘅燒鵝店好多都質素參差，我又未夠膽北上食燒鵝。因為聞說深圳河以北嘅食肆有機會會用一啲化學藥劑去令到食物嘅表皮變得香脆，而嗰種脆可能係維持到好耐嘅，諗起都提唔起興趣。所以都係決定幫襯返香港嘅老字號，而香港嘅老字號都不外乎嗰幾間，我今次就幫襯一間開得比較多分店嘅「深井陳記燒鵝」。近年聽過唔少講法，話呢啲老字號嘅質素都每況愈下，但係我覺得爛船始終點都有三斤釘，點都會係比求其揀一間更加可靠。我去咗佢哋嘅黃埔分店，叫咗個 $145 嘅「原隻陳記燒鵝髀飯」嚟食，鵝髀梗係「唔斬」原隻咬先過癮。食落果然唔錯，唔算勁好食，但算係有水準。配埋碗生麵，再加 $8 要杯「凍奶茶」少甜少冰多奶，成件事夾埋 $153，算係香港人嘅一種享受嚟。。。（地址：紅磡民泰街26號地下E1號舖）

幫襯過紅磡哩間深井陳記幾次，次次都係乳豬外賣，因為當年一支新冠針都無打，俾林鄭攪到無得堂食! 依家守得雲開可以堂食，多得比卡超解鎖!大大話話都有半年無嚟到民泰街開餐，疫情過後好多餐廳都頂唔住突然褶埋，所以嚟到見到深井陳記仍然營業當然開心!點咗份乳豬例牌，女友小熊要碟燒鵝飯，我點肥叉油雞飯多蔥油加鹹蛋.燒鵝皮脆鵝肉有微暖，口感比其他餐廳嘅燒鵝嫩口，分別都頗明顯.肥叉唔夠肥，口感唔夠鬆軟.油雞一流! 口感嫩滑! 同蔥油一同入口簡直此雞只應天上有!當然，居功厥偉緊係我嘅大愛蔥油啦! 蔥油味道適中唔會太鹹，一碟蔥油俾我的話已經可以送白飯了! 蔥油俾大大個 Like!鹹蛋好明顯蛋黃唔夠油，可惜.正常應該乳豬最先上，但兩碟飯都上齊，點解仲未見隻豬呢? 當上菜時就知道原因了，原來係放上個盤上，而盤底用火慶住，好有儀式感! 乳豬皮非常香脆，而用火慶住食最大影響係D肥豬肉，變得入口即溶極嫩滑! 豬肉唔需要點甜醬已經超惹味! 滿意100分! 推介!係深井嘅陳記燒鵝，最少二十年無幫襯過，女友小熊話未去過，提意星期日入去行一轉，我問邊個俾錢，佢話邊個話佢傻就請食燒鵝，但我驚話完會被佢打到傻!

1個人食下午茶，叫咗個伙記稱好出名嘅燒鵝瀨，嚟到嗰碟燒鵝眼看幾靚，咬落去就全部都係骨，只有皮能食，跟餐有杯奶茶，杯茶嘅杯要讚，因為已經好少餐廳會熱咗隻杯先放熱飲落去，杯茶嘅味道就普通，茶唔太香，但奶都幾多，比例就唔理想，但一攞起隻杯連杯耳都熱呢種感覺只有老師傅先做，我望過去個水吧係後生仔，難得。講番個燒鵝瀨先，個粉嘅湯都幾鹹，仲有陣藥材味，感覺唔好。燒鵝肥到離晒譜。只係隻杯算係有驚喜咁

我同兩個同事Lunch time幫襯民安街陳記燒鵝，坐低見到貼有午餐，大約$59左右包熱飲，午餐選擇都有五至六款，其中有款係"燒腩仔鹽焗雞飯"。正在討論食邊個餐既時候，有個男職員走埋黎問有咩想食，可以幫我地落單(枱面都有QR code可以自行落單)，其中一人率先要左一個"燒腩仔鹽焗雞飯+例湯+凍奶茶"。其餘兩人對鹽焗雞有些考慮既時候，男職員聲稱"唔啱食唔緊要，睇想食咩"，強調係可以"盡量做到俾你"，最後兩人叫左"燒腩仔燒鵝飯+凍奶茶"，同埋"燒腩仔叉燒飯+熱檸水"。"盡量做到俾你"係語言偽術！埋單先發覺後叫兩碟飯唔係午餐，似係散叫燒味飯，飲品半價咁上下，而雙併燒味飯個價係由單併價再加配(+$18-20)。燒腩仔飯+拼燒鵝+凍奶茶 $58+$18+$8 = $84叉燒飯+拼燒腩仔+熱檸水 $49+$20+$6 = $75咩叫"盡量做到俾你"？我同個男職員理論，話咁則係散叫，佢話係咁計，已經平左。如果我地用AR code自行落單，見到個價錢，一定唔會咁叫。冇下次。

第一次試呢度嘅黯然銷魂飯，雖然叉燒鹹咗少少但係我覺得比起其他嘅店舖係好食嘅，叉燒夠淋，嗰隻蛋可以煎熟啲就好喇。佢嘅飯好大碟，豉油又夠鹹。整體唔錯！仲可以手機落單,唔錯。

之前食過唔同嘅燒鵝專門店，從未試過燒鵝飯要胸/要背/要翼 +$8，出面周圍只係要髀 先要加錢，今日竟然中伏。首先佢係要用 QR Code 落單，跟住想揀少飯和食胸，但因為眼唔到邊度揀少飯，咁咪叫職員幫手㩒，原來佢嘅少飯叫「扣底］，真係第一次聽，咁我咪順便叫佢幫我揀埋食胸。點知後來佢攞張單俾我，我一睇見到食胸要加 $8，嘩…真係去搶啦笨，剛才又唔講。都算，因為自己叫佢㩒，但碟飯嚟到，啲燒鵝皮都唔脆，又唔夠熱，連飯都係微暖。雖然今日出面三十幾度高溫，佢都唔駛俾啲唔熱嘅嘢人食。反正啲食物唔多熱，我就一路食，一路打食評。原來陳記燒鵝真係唔係間間都得，味度大致相同，但出嚟品質簡直唔值囉。

話說叔叔尋日同我講佢唔開心，因為佢前日食咗啲好難食既燒腩仔同叉燒，所以佢好嬲😂因為叔叔系味皇，所以對食物有一定既要求🫠咁啱今日我落黃埔整野，好啦，咁就順便氹下佢開心啦，因為可以去黃埔陳記買啲靚靚燒腩仔番嚟俾佢食😆呢間我成日都去，佢哋啲職員話系舖頭自設烤爐燒既，所以啲皮特別脆😌佢啲燒鵝真鵝冇得頂，次次過去黃埔都一定要去食個燒鵝飯，佢啲鵝皮真系脆皮，正😋今次買咗一斤燒腩仔外賣番屋企食，雖然都放左一陣先食，所以都已經唔熱，但佢個皮真系仲系脆既，冇得頂👍🏻相信如果拎番屋企即刻食，應該仲暖暖哋，仲正😅不過要等齊人先開得餐，冇計啦，下次再落舖頭食先😆😆總結系一斤燒腩仔全家人食哂，一舊都冇得淨🤣出街食幾舊貨仔都要成舊水，佢呢度成斤起碼有四五十舊都系$158，都算好抵食🙂

今日屋企人慶祝生日係屋企食，諗緊買咩食好諗起之前有朋友介紹黃埔深井陳記燒鵝啲乳豬係原隻自己燒，話好好食 ， 於是決定預早2日落黃埔陳記訂咗一隻乳豬，訂咗星期六五點半攞，嗰日準時到場，乳豬已經準備好，原隻乳豬擺上車，拎番屋企大概7點開飯，擺左個Happy Birthday係乳豬身上第一刀比壽星公切乳豬，聽到聲啲皮都仲係脆卜卜， 跟住叫工人攞去斬開廿幾三十件， 啲乳豬肉皮脆肉嫩，味道啱啱好唔太咸，加埋乳豬醬真係一流，好好食下次有聚會再訂過

唔知點解大肚一直好想好想食燒鵝，可能bb 想食，但我一直戒口，唯有生完，坐完月來食燒鵝果然無令我失望，皮脆又嫩滑既燒鵝，叫左半隻，一直食唔停口，好大部都係肉厚皮脆，偶有一兩塊無咩肉，一兩塊肥，但我已經好收貨😋😋😋😋😋早知叫一隻啦，我同我老公食，大部分都落左我肚度🤣🤣🤣🤣本來想叫埋燒腩仔同埋乳豬可惜賣曬唯有下次再來食我老公一直話，鍾意食，不如再買半隻返屋企😆😆😆下次再來試乳豬和燒腩仔，一定會再來食燒鵝

還記得，深井陳記燒鵝店在紅磡民泰街設分店時，我和家人滿心歡喜，因為他們的燒鵝出名好食，我們終於不用去深井也能吃到美味的燒鵝。怎料最近一次去買陳記燒鵝又中伏😡😡😡，師傅斬的燒鵝部位差不多係全脂肪(附圖)，叫人點食呀！由於是外賣，拿回家發現中伏後還要跑多趟去替換，多麽浪費時間！因為類似情況在過去也發生過，所以才寫劣評告訴各位街坊，亦希望陳記本著良心做生意。其實民泰街有很多美味食店，鍾情吃燒味飯的朋友不妨試試舊區附近的燒味店。

非常失望，我2022年2月份寫了進食時厨房員工(長髮中年呀叔）沒有帶口罩進進出出㕑房及食堂好多次，我有禮貌提問他要口罩嗎？反被破口大篱？我向女收銀員投訴，她無奈說他們已經常勸說都沒法子，最好由食客投訴！當時有另外一個男伙計及斬料厨司同在知道！但是open rice就沒有胆量登出！這樣没给open rice讀者知情，真是同流合汚所為，！當日是下雨天2幾号，我是記得非常清楚的！如果open rice怕得罪深井九記，我只好向食環處投訴！不過，對此處理方式非常失望！

呢個價錢呢個份量呢個味道，不會再有下次燒乳鴿啲肉都多過呢啲燒鵝，再加上男員工沒有口德，說話難聽。即係唔食好過食，好後悔。本身經過見到是深井有名的燒鵝飯店就試試，怎料一試就知大鑊，有種好後悔嘅感覺，因為食完之後真係唔夠，食完好似冇食過咁，搞到我又要再嘥錢出去第二間食，燒鵝嘅質素亦都唔好，好肥膩，肥得來係沒有肉，碟飯好大碟但係啲鵝好少，數埋好似得四舊，然之後仲要係肥得啲皮，然之後係冇肉，在然之後係啲皮好韌，所以最後唔知食咗啲乜嘢落肚，真係太差勁，60 元正港幣買咗一大碟白飯食咁，正確啲來說，都有啲豉油汁喺上面嘅，即係豉油撈白飯再加啲鵝油。加一蚊換咗個湯，個湯飲完好口渴，入邊有冇加味精我就唔知佢，但係飲完真係有種好口渴嘅感覺，就好似食完啲好重味精嘅嘢嘅感覺一樣。後來睇返open rice 啲食評 ，我就更加後悔自己點解唔睇清楚先入去食！原來之前好多人食完都同我一樣有這樣的情況。所以下次一定會check清楚先入一間餐廳食嘢，哈哈！

喜歡濕熱的在下今天突然不想吃湯麵了又發現了一直想要吃的東西小豬🐷所以就進了這店同時高科技落單選了乳豬四寶飯他們還有6寶和8寶在下今天要4寶就好豬 雞 紅腸 咸蛋指定香妃雞（看看跟普通的有什麼差別）要走翼 飯要多汁 在下才能吃得下加杯最近滿喜歡的咸檸7共 $99那雞..在下果然吃不出有什麼分別感覺浪費了食物吃什麼都一樣..這樣突然讓在下明白為什麼很多人不願意花更多的錢去購買質素更好或更健康的食物因為..吃不出任何分別也不懂得有何分別 😅乳豬稍為有點重味比咸蛋更咸耶這樣幾塊就讓我吃了大半碟飯剩下的點點就用薑葱配著吃或許在下只用醬汁和薑葱就可以吃下一碗飯而不需要其他餸菜🤣然後就是在下想要的咸檸了自行去冰後努初篤咸檸那陣陣的咸香真讓人心曠神怡..喜歡..跟昨天一樣吃完就起身離開..吃飯時間太短了也是不幸中的大幸現在哪裡都生意不好不用等太久😅

平時去黃埔深井陳記都係賣燒鵝同雞，不過今日唔想食燒鵝，轉下口味試下佢地d燒肉先，員工話宜家係燒腩仔黎既，買左半斤試下，叫師傅切細d。眼見師傅手起刀落，真係幫我斬到細細粒。員工吸蓋吸左個開左V型既蓋，我估應該係唔想d皮焗住焗到淋晒，果然細心要讚一讚返到屋企一打開，見到粒粒五層肥瘦均勻，d皮燒到金黃色，老公同仔仔見到一齊試下，點知佢地一食就停唔到口，未開飯已經食左一半，我話留番開飯同d餸一齊食，個仔話叫我下次買多d

今年做冬想食乳豬，近期食過深井陳記嘅乳豬飯好好食，問佢地點解好似同之前有d唔同，員工話宜家轉左原隻自己燒，仲話師傅好有要求堅持用靚貨，唔喺用早期燒味用既乳豬，轉左做西班牙乳豬嗰隻貨。我同friends食飯都有食過d幾百蚊得幾舊既西班牙乳豬，聽完即刻覺得$7x碟乳豬飯好抵食。因為做節關係我驚買唔到，提早預訂左四份一，6點幾去攞，好多人排隊，比平時等耐少少，不過做節度度都要排隊冇問題盒乳豬真係燒得幾靚，屋企人都食得好開心，呀媽話仲好食過我地上次喺觀塘酒樓食3千幾蚊全包宴既乳豬。之前我地想食靚乳豬會去土瓜灣嗰間老店買，宜家食左黃埔深井陳記都已經好好食，唔洗去咁遠買，屋企人話下次做節再去陳記訂乳豬