深宵食堂

營業中

休息中

°環境之前係同一座大廈食其他餐廳，經常都會開lift門見到呢間居酒屋坐滿人，今次6點幾去到，未有咁多人，只有3 4 枱客人，反而覺得很舒服，可以享受到居酒屋舒服寧靜的感覺。°食物【野菌醬油伴飯】$48野菌充滿醬油味，相當入味，一開始覺得醬油太夠，有點乾和味道不夠，問餐廳拎多小小醬油伴飯，馬上變得很好吃 ! 【深宵冷烏冬】$48冷烏冬彈牙，醬汁不膩，配料蟹柳沒有雪藏味，入味好食，份量亦足夠。【鹽燒秋葵】$28秋葵配上魚乾碎，口感和味道提升了，不會覺得單調，幾喜歡。【鹽燒鯖魚】$48鯖魚燒得外脆內有肉汁，醬汁以酸味為主，開為好食。【鹽燒雞軟骨】$28雖則是鹽燒，但略嫌太咸，覺得普通。抵食度：🌕🌕🌕🌖🌑回頭率：🐒🐒🐒🐒結語：好食，價錢正常，環境舒服

同朋友聚會搵咗間日式居酒屋feel嘅深宵食堂，想坐低傾下計，飲杯野食下串燒💛一坐低叫咗碗枝豆同梅酒梳打，慢慢食住睇menu，然後揀幾款燒物：鹽燒秋葵、厚燒牛舌、鹽燒雞翼、鹽燒鯖魚、牛油燒蕃薯仔。燒物鹽燒系燒物味道偏濃厚，鍾意食鹹野嘅就啱晒喇，牛舌爽口，雞翼同鯖魚亦厚身肉嫩；牛油燒蕃薯仔採用日本蕃薯，味道蜜甜、口感軟滑綿密。辣酒焗蜆比想像中冇咁辣，帶有牛油味嘅湯汁濃陏香滑，蜆肉亦夠大粒厚肉。蟹肉海膽炒飯整碗飯都幾大碗，兩個人食都夠飽，蟹肉蟹籽份量足料，海膽新鮮口感奶滑而味道濃陏，炒飯炒得夠乾身，粒粒分明，口感煙韌。 店內仲放滿動漫擺設，整個天花充滿和風紙傘、日式燈籠同櫻花等佈置，充滿日本風情。

成日經過想試，今次就約左朋友上去試🙈間舖好日系，仲會有動漫人物既公仔同畫！店內擺設100分，唔會話太逼，比較鬆動。食物方面，最好食係黑松露烏冬，十分建議試呢一碟，絕對有驚喜！另外叫左個蒜茄子，大份之餘仲好好食，喜歡蒜既都絕對推薦試下！本來喜歡牛舌既我當然叫番個牛舌丼，美觀度滿分，份量足夠，個汁都令到成個飯變得更好食😋甜甜地類似燒汁既，滿足滿足。飲品方面，冇特登叫特飲，只係叫左汽水，不過都有心思，整體黎講冇得輸！會推薦比朋友試～

櫻花🌸令我想起日本🇯🇵我係好鐘意食串燒☺️見最近介紹就去試下呢間黃店吧🙂我鐘意食豚肉蘆筍卷 $38 同埋厚燒牛舌 $38 我地個日仲試左好多款（因為太肚餓🤣）辛口墨魚鬚串 $38呢個辣辣的！汁燒白鱔 $72呢個推薦大家試下啊鹽燒雞軟骨 $28川燒茄子 $68呢個好大份 同埋好香蒜蓉味 香蒜焗蠔 $52有埋芝士仲好香蒜一口和牛粒 $68大大份啊 甜甜的汁燒鱈魚櫻花周蝦石鍋飯 $98大大份啊 熱熱的加一服務費 深宵食堂 旺角彌敦道575號Ladder Dundas 3樓#打卡cafe#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#jessicafoodhunt#jessicafoodie

跑完渣馬同朋友去旺角食野行街，朋友揀左呢間日本野話想食下串燒。我地叫左個主食（飯），同埋一d串燒。蟹肉海膽炒飯 $88個飯有足料蟹肉海膽，撈埋蟹籽食好好食。豚肉露筍卷（1串） $38豚肉薄身唔肥，露筍新鮮，食落有口感。吉列松版牛 $58味道唔算好濃，岩喜歡清淡口味既朋友。芝士年糕（2粒） $38年糕好軟綿綿芝士味夠出。唐揚雞軟骨 $32呢道幾特別，有種甜甜既味道。菜式賣相都吸引大蔥雞肉串（1串） $32有燒烤味，雞肉口感唔錯。香蒜焗蠔 $52個人喜歡呢道菜，勝在有香蒜味令焗蠔好滋味。和風牛肉餅 $32朋友就就喜歡呢道汁燒白鱔 （1串） $72朋友喜歡食白鱔，佢大讚好食。我食真d都覺得口感鮮嫩既。

老友難得星期日放假一天，便約我出黎食好野，相約大家都就腳的油麻地區#深宵食堂，食嘢吹吹水，最好就係居酒屋🏮，又可以各樣東西都叫d, 慢嘆一下。#蟹肉煙三文魚沙律，新鮮沙律🥗菜，配合帶點咸味的煙三文魚跟蟹肉，開胃一番先。#牛油蒜燒聖子皇，蒜蓉鋪得滿滿的很香口, 聖子肥美厚身, 咬落濕潤鮮甜，食落夠晒滋味。#鹽燒三文魚頭鮫, 喜愛食魚頭的老友就一定要點佢, 皮燒得香脆, 魚肉鮮嫩, 用鹽調味都已經出到本身嘅鮮味。#燒汁鱈魚花蝦石鍋飯，呢個極之推介，鱈魚🐟厚身，冇骨啖啖肉，個飯有大量菇菌，跟醬汁拌勻食很滋味，因用石鍋裝住，食到尾都是熱辣辣的。 #黑松露炒烏冬，大量什菌同黑松露醬炒得好香，入口熱辣辣好惹味。#香蒜一口和牛粒，牛味重且很有咬口， 肉汁豐富，熟度控制得很好, 口感很不錯啊😌。#麒麟生啤，黎居酒屋食一定要啤下佢，入口很清爽😘。餐廳主打各式各樣的串燒，價錢親民，是晚食物的質素十分滿意，度過了美味又滿足的一晚，大家可以一試🥳。

好掛住日本🤣所以我同朋友去咗日式居酒屋。內裏佈滿日本動漫，仲有櫻花同燈籠場景，都幾有去日本嘅感覺。服務態度都幾友善，主動幫我哋收拾。店舖限定🍳芝士蟹肉玉子燒$78用茄汁寫上深宵，幾有心思，適合打卡，仲有配合茄汁醬，多咗份開胃感。 切開一半，芝士傾流而出，加上燒得啱啱好嘅玉子，熱辣辣，感覺係即叫即燒。 🦀甲羅燒 $78蟹蓋內放滿唔少蟹膏，上面添加咗粒粒爽口蟹籽，咬落仲有蟹肉，咸香味濃，塗上脆口多士，多重口感。滋味飽肚之選🍝黑松露炒烏冬黑松露味非常突出，烏冬炒得幾有火喉同惹味。🥞魷魚大阪燒 $42海量木魚絲非常搶眼，上枱已經切開咗，方便分享，軟糯感適中。 🥗蟹肉煙三文魚沙律 上層有三文魚花卷，底層鋪滿唔少沙律菜，夠清新爽口，最底仲有蟹肉，酸酸地，幾開胃。惹味串燒/燒物 🍗鹽燒雞翼 $28雞翼拆開一半咁燒烤，鹽味更為均勻，仲非常突出。🥓厚燒牛舌 $38非常推介，煙韌嫩口，以鹽、黑椒調味。🧆香蒜一口和牛粒 $68醬汁味道濃郁，和牛粒肉質嫩口。香口炸物🧀芝士年糕 $38兩粒再剪開。年糕口感軟糯，而裏面芝士入口半溶。🇭🇰旺角彌敦道575號Ladder Dundas 3樓

今日非常好運，買到想買嘅嘢，食到想食嘅嘢。我2:30上到去，好在佢哋收3:00。女職員話如果唔介意可以食到3:00。對於我黎講一定無問題啦，我點了一個海膽和牛飯，期間女職員仲好有禮貌同我有講有笑。又唔係之前睇post有個人講到話黑口黑面，同埋女職員又帶口罩，點樣介定佢黑口黑面呢？🤔定係個位客人做左啲乜野呢？但係對於我黎講，女職員對我好有禮貌。同埋個海膽和牛飯真係無得輸。海膽超鮮甜，個和牛簡值100分，期間女職員同我講原來個和牛係廚房慢煮的😮。話師傅每朝好早就開始整。佢仲話晚市有個炒飯都好味。（不過我唔記得咗係咩炒飯😅）好多謝你推薦咁多好野食比我，無奈我今日一個人食唔到咁多。我會推薦比我身邊所有朋友。希望到時唔好更加難訂到椅啦。最後有句說話想係到表揚今日service 我個位女職員，我今日食到一餐好美味嘅午餐同好開心認識到你。希望下次見到你時會再有時間同我傾計😊加油😊祝你工作愉快

颱風過後，朋友打電話嚟一起晚飯吧？我即刻回應：好啊😆。佢訂咗呢間深宵食堂，我好耐之前嚟過，印象唔錯。裝修以木系日式風格，帶點溫暖感，店內還播放著日文歌，適合與好友談天説地聚餐。我哋點咗：海鮮類：🦪香蒜焗蠔$52: 焗完後，蠔依然大隻，沒有縮水，以蒜蓉焗得十分香口惹味。🦀甲羅燒$78: 以蟹膏蟹肉燒好後，面層鋪滿了脆卜卜的蟹子，配以多士一齊食，令人回味。🐟鹽燒三文魚頭鮫$52: 三文魚頭鮫位都有很多肉的，燒得香口，配以酸汁，簡單好味。疏菜🥒🥬🫑🌶🍍：平日不太喜歡吃蔬菜嘅好友，也對我點的鹽燒秋葵$28、芝士翠肉瓜$28、日式炒野菜$48、冰燒菠蘿$38 讚不絕口。特別係「芝士翠肉瓜🧀🥒」圓形很可愛的翠肉瓜，爽脆的口感，芝士還令翠肉瓜增加了一點惹味；以及「冰燒菠蘿🍍」燒好後的菠蘿雪成冰🧊，放入口十分透心涼，好得意😆。最後，我們點了：🐥鹽燒雞翼（$28x2)：一客兩隻，外皮燒得金黃香脆，雞皮脂肪滲透了雞肉內，十分嫩滑。🧆黑松露炒烏冬$58: 烏冬以什菌及黑松露露炒得香口，面層還加添黑松露醬，增加香氣。

早排支持良心小店黎到旺角嘅深宵食堂，地點非常就腳係信和中心斜對面疫情好耐無返鄉下，一入到黎就好有日式居酒屋感覺，同三五知己黎飲返杯食下野都真係唔錯架😁食物選擇好多，而且價錢都比較相宜，我地就先試左唔同嘅串燒過下口癮先😆➡️”豚肉露荀卷”，豚肉燒得岩岩好仲好，露荀吸哂肉汁，想當唔錯➡️”大蔥雞肉卷”，雞肉仲好嫩滑，加埋大蔥嘅味道就更加惹味😋➡️”厚燒牛舌”，事先醃製好嘅牛舌非常入味，仲燒到好淋，口感唔錯，值得一試，不過好如再厚d就更加理想😝😝➡️”芝士年糕”，雖然叫咗都可能要等耐d，但等係值得架😂外皮燒到好脆身，入面係溶哂好邪惡嘅芝士，係好食嘅👍🏻👍🏻 (不過返去又要跑多幾圈🤣)最後叫咗兩碟主食，分別係京蔥牛舌飯 (到底有幾鍾意食牛舌?😆) 同黑松露炒烏冬➡️”京蔥牛舌飯”其實份量真係幾多，牛舌雖然係薄切但味道都幾唔錯，加埋日式醬汁同京蔥都幾惹味😁不過最值得一試嘅係➡️”黑松露炒烏冬”，一黎到見到黑松露好似唔洗錢咁成碟都係已經嚇親😂基本每條烏冬都會有黑松露，麵身都夠彈牙加埋炒到好香嘅蘑菇雞肶菇等等都好夾，真心推介😍

深宵食堂 係良心小店，除了主打嘅串燒，仲有三日、一品料你及主食等！厚燒牛舌（一串） $38口感富彈性又軟嫩多汁，肉味香濃，而且充滿油香，必點！辛口墨魚鬚串（兩串） $38爽脆鮮甜，加上香辣粉，好惹味！京蔥牛舌飯$52牛舌份量好多又好味，加上滋味嘅醬汁及配菜，正呀！仲好抵食，推介！香辣豬頸肉$62豬頸肉份量多，口感爽彈！鹽燒原條五花腩$58肥瘦相間，油香四溢，好邪惡呀！名古屋雞翼$42炸至香脆可口！冰燒菠蘿$38第一次食凍嘅燒菠蘿，有特色！煙三文魚蟹肉沙律沙律菜新鮮爽脆，加上鮮甜蟹肉，好開胃！可樂三得利啤酒

之前成日係社交平台比人洗板，尤其是佢個玉子燒，今晚嚟串燒之夜。環境裝修幾用心，餐廳環境好大，仲有outdoor位置。餐牌主打串燒、小食，都有期間限定menu。 煙肉荔枝卷(1串) $38 鹹甜最佳組合，而且一完要趁熱先好食，荔枝香甜襯煙肉鹹香係我最愛嘅串燒之一。 辛口墨魚鬚串(2串) $38 呢個好抵食，七味粉再加辣粉好惹味 牛油蒜燒蟶子皇(1隻) $52店員推介嘅期間限定，蟶子皇好新鮮，牛油味重，溶於蟶子中又唔會蓋過鮮味。 香蒜一口和牛粒 $68 必點！醬汁勁濃，蒜味香再加咗啲類似燒汁咁嘅整成醬，係超級惹味，而和牛粒嫩身帶肥膏，絕對唔係坊間果啲又韌又乾。 芝士蟹肉玉子燒 $78 可以話係招牌，之前成日比人洗板就係見到呢款玉子燒 汁燒鱈魚櫻花蝦石鍋飯 $98 見到櫻花蝦就二話不說揀咗，估唔到咁多配料，有大量菌類，撈埋哂食啖啖口感，係略為醫汁少咗啲，唔夠撈飯。

回頭餐廳 上次食過dinner 見到佢地而加lunch set 有海膽和牛丼馬上去試😍😋佢地lunch serve到三點 有興趣朋友睇返時間去食呀海膽一啲都唔孤寒俾咗起碼三大塊 將紫菜/日本蛋黃連牛肉汁攪拌埋一齊 真系好好味成件事好香好夾😁😄和牛有四大塊 lunch set包左一份胡麻粟米🌽沙律 miso soup 🍲/ 🍵 green tea 留意埋個價錢$100都唔需要 和牛喎海膽喎加埋一齊都系呢個價錢 值得一試啦 仲試左個京葱牛舌丼😁😋燒汁爆香左個牛舌再加有小小沙律菜做配搭 唔會令到個飯咁單調跟餐加$12仲有小食 脆炸日本大腸/一口芝士角/吉列炸號都係唔錯嘅選擇🎉🎉🎉

好耐無去日式居酒屋，今日係油麻地，記起深宵食堂，即刻打去BOOK位，好彩時間尚早，仲有位！餐廳位於旺角Ladder Dundas 3樓，採用日式木質傢俬，燈光、環境都好簡潔又溫馨，主打串燒小食，好岩飲酒傾計。和牛海膽飯和牛片經輕輕炙燒後軟嫩無比，海膽鮮甜又香濃～食時先將新鮮蛋黃戮穿，飯粒沾滿蛋汁，口感飽滿。芝士蟹肉玉子燒半融拉絲芝士勁吸引，玉子燒鬆軟柔嫩，夾雜爆多蟹肉，食落口感十足，層次豐富！甲羅燒將香濃軟滑蟹膏、爽口彈牙蟹籽等拌勻再配以烘過既方包同食，食落啖啖鹹香鮮味，齒頰留香～香蒜一口和牛粒和牛粒煎香後軟腍惹味，一口一粒岩岩好，勁滋味。脆炸日本大腸口感Q嫩肥美又有咬口，好正。大蔥雞肉串雞肉醃過入味，嫩滑香甜唔油膩。芝士年糕軟糯Q彈有嚼勁，充滿濃濃芝士香。鹽燒秋葵簡單美味，軟嫩得黎帶點鹹鮮。

居酒屋真係一個一班人飲酒傾計嘅好地方深宵食堂除左野食高質之外仲可以感受下日本氣氛🤩仲要大讚夠哂chill嘅店員 令到氣氛非常輕鬆！因為真係太多款小食 小編今次精選幾款推介比大家😎.🎈鹽燒原條五花腩 ($58)呢個可以話性價比好高 一份已經有好多肉😍而且燒得好香 好有油脂感不論係調味同肉質都做得唔錯評分: 8/10.🎈牛油蒜燒大扇貝/聖子皇 ($48/1, $52/1)果然真係超大隻😂😂 一上碟嘅時候就非常香牛油味都算幾重 肉質唔會過老一啖食好爽🤤評分: 7.5/10.🎈香蕉棉花糖 ($32)呢個感覺幾得意 一份有六粒！棉花糖外脆內軟 分別有士多啤梨醬同朱古力醬小編就覺得朱古力醬夾啲😋評分: 7/10.🎈川燒茄子 ($68)一份好鬼大條 大過塊面😂😂調味做得幾惹味 同行朋友食到刮晒底🤤中意食茄子嘅朋友唔可以錯過👍評分: 7/10.🎈名古屋雞翼 ($42/3隻)一份有三隻 做法其實就係油炸🤣好香脆味道都剛剛好 唔會淋哂😋評分: 7/10.🎈和牛海膽飯 ($158)request左海膽另上 發現啲海膽都幾大塊🤣呢個飯仲有個生蛋黃俾你腦汁食 再加埋返入面嘅照燒醬汁 非常之夠味😋評分: 7/10