添好運點心專門店 (已搬遷) 新店位置

4點去到,已經叫少人,但無奈都要等成45分鐘不過只因一大班外國人在用餐姐;)叫左大家都會試既點心,馬拉糕蝦餃酥皮焗叉燒包黃沙豬潤腸杞子桂花糕唔記得咩卷都ok不過份量size較小,而且真係唔似大家講得咁好食,好食到要咁多人排隊lor,服務態度更免提./\.

門面，細細地，多人企就會阻街了。鳳爪不過不失。鳳爪排骨飯，D汁味道唔錯！蘿卜糕嚼落較削。蝦餃細粒得嚟幾好食。豬潤腸同叉燒包系至尊推介。算OK。埋單。第一次嚟試，食評話唔錯。特意一大早九點幾就嚟拿位了，已經有20幾位客等位了。後來周圍逛逛，差不多12點先到我地。地方淺窄，所以一食完就埋單了。總體味道可以，特别系叉燒包同豬潤腸，好好味！！

某次出外旅行，當地人問我從哪裡來，我答香港，人家隨即說出了添好運的名字。原來，這間點心專門店，得到米芝蓮一星後，早已晉升為蜚聲國際的飲食品牌，佩服。作為香港人，仲要係為食之人，如果添好運都未去過，好像不太對辦。雖然這專門店(不論旺角總店或是深水埗分店)由朝到晚都是大排長龍，但我想總會有些時間係無咁繁忙的。趁其臨打烊，就先入去食幾款點心，才過對面的溏苑食甜品。由於大家是吃過晚飯，只隨意叫幾款點心便可以，無須太多。選了幾味傳統的點心，蝦餃是其一。造成一口的Size，皮薄而晶瑩，摺數夠，看樣子是功夫很到家的。吃落外皮不黏牙，蝦肉鮮而爽，如果可以有冬筍在內，或會更好。不過，這水準已經蠻高的了另外燒賣也是傳統做法，不賣弄花巧。一籠四粒的燒賣，幾企身，味道都可以，但蝦肉的份量較豬肉多，對於我這Cheap人，如果豬肉能多一點，或者會仲岩心水。大家也沒有錯過呢度既名物酥皮叉燒包。熱得燙手，難為了要幫我搣開個包一半來分吃的三姑。吃落鬆脆，裡頭的蜜汁甜度剛好，叉燒粒不硬，幾好吃的，是平民化的享受。咸水角亦唔係新派的創作，形狀是最傳統的。糯米皮煙煙韌韌，香脆亦唔算好油，餡料同樣是熱燙的，一致讚好。大家也不管

中午約12點到達，外面已有一裙裙的人在等位，以為要等起碼1小時以上，誰不知等約30分鐘就可以入坐。首先，餐廳細小，所以坐得逼狹，往往食一碟嘢要起幾次身讓坐入面埋單的人走出來。茶是否係熱茶要睇彩數：睇下呀姐倒給你的佢手上個壺茶是否夠熱，如果係一壺擺得耐的茶，咁你就有暖茶一杯。點心：糯米雞 - 嘩好大隻，好耐都未見過傳统的大糯米雞，好多時酒樓現只供應珍珠雞。味道唔錯，糯米蒸得夠軟，唯獨我個人覺得材料不夠juicy，致令材料的味道不能大幅溶滙於糯米中。蒸腸粉 - 吾記得係牛腸定叉燒腸，粉皮薄，味道拍得住蓮香樓的腸粉！蝦餃 - 都係傳统的做法，皮夠薄，蝦餃不同現時的酒樓一味要大，味道口感不錯！豉汁鳳爪 - ok，跟出的差吾多，我都係要用水先冲下d油先食 ....馬拉糕 - 一般，可以不試。呀姐一見你食完嘢，會嗱嗱林收野，還補多句：有冇野未到？似乎好想你快d走咁的feel ...

終於搵到機會，有時間去到呢間排隊！11點幾門口都未算好多人排隊（好多遊客！估唔到D侍應粵語國語英文樣樣都得，勁！），不過我地嘅號碼已經係75...等左陣先知原來好多人攞左號碼都唔系度等，我地先會咁快有位～馬拉糕：好香嘅紅糖味～！口感鬆軟，完全唔滯，難得！沙爹金菇牛肉春卷：餡料唔同於普通春卷，有創意，味道都正～鳳爪：飲茶必食！ 不過就冇咩特別...黃沙豬潤腸粉：麻麻地。。。有D腥味，豬潤口感都係一般。。。杞子桂花糕：冇咩特別印象酥皮焗叉燒包：姍姍來遲～口感真係正！不過就覺得甜左D～細細間舖頭，原本係幾焗嘅，不過侍應態度都好親切周到，四周圍遊客用各種語言稱讚食物，又幾好氣氛嘅～今時今日咁嘅價錢可以品嚐到咁樣質素嘅食物，仲會不滿足咩？

一間講左好耐要去食嘅食店, 師傅唔係唔得閒就係嫌太多人喺門口排隊, 就連封筆食家"今餐食乜好"都同太座試過, 師傅仍遲遲未去, 撞啱上星期師傅放假, 就一早問定好友食家"乜都放入窿"得唔得閒, 一齊黎呢間食店吃個午餐或下午茶咁啦, 結果好友食家"乜都放入窿"欣然答應, 亦令師傅終於有機會品嚐呢間食店!好友食家"乜都放入窿"提議下午三點幾先去到呢間食店, 目的就係要盡量避開人潮, 結果呢一招好使得, 去到門口竟然冇咩人, 於是攞張飛等位, 竟然係等第二張, 師傅真的非常感恩; 而店員亦叫師傅同好友食家"乜都放入窿"柯打定食物, 這樣行軍迅速師傅還是第一次, 不過點心紙款式選擇不多, 於是就一口氣柯打左酥皮焗叉燒包, 黃沙豬膶腸, 煎腊味蘿蔔糕, 晶塋鮮蝦餃, 香滑馬拉糕, 鮮蝦腐皮卷同埋鮮蝦燒賣皇!再喺門口等一陣就可以入座, 是次等候過程唔算耐, 師傅絕對接受到! 一坐底唔使好耐就已經有得食, 第一款登場點心係酥皮焗叉燒包, 一碟有三隻, 賣相吸引, 放入口發覺酥皮香脆鬆軟, 包身絕不黏牙, 而且叉燒肉汁勁多, 絕不乾身, 加上咸甜味道掌握得好好, 對於唔太鍾意食包嘅師傅亦覺得十分不錯,

終於有機會嚟試了！因為下晝三點幾四點嚟，所以人唔算多，等咗一陣就可以坐了！先講舖面，店比較細，好大機會同隔離有親密接觸，所以唔敢亂郁。因為一早寫定紙仔，所以坐咗陣就有得食了！叉燒包：係幾得意，鬆鬆脆脆咁，可惜唔係點食叉燒，所以無乜感覺。（阿姐見我哋無點最出名嘅＂酥皮焗叉燒包＂，就極力推薦然後強行幫我哋點咗一客，不過諗住反正嚟開，又唔太貴，所以無所謂。）蝦餃：＂痴＂底，夾到爛晒，同埋有點咸。牛肉：食到一半先有陳皮味，還可以吧！燒賣：幾鍾意入面有冬菇！但咸咗啲！豆腐丸子：食咗一舊就無食了，味道好奇怪。馬拉糕：還可以，唔算太甜，都算鬆，唔太實。牛肉腸粉：普普通通，無乜特別，如果唔叫多豉油，真係少到喊。可能出咗名，唔憂做，阿姐們嘅態度唔見得好好。叫幾次先會加茶，張枱細，只要你慢咗少少比個位佢哋，阻住佢哋上菜，會換來黑面對待。同埋佢哋寫明要叫佢哋嚟收錢埋單，當我哋咁做嘅時候，阿姐反怪我哋唔出去埋單，極混亂，完全唔知點。希望可以改善！P.S.離開店一陣，發現極口渴，味之素應該都幾勁下！

添好運已經成為一個景點， 來自世界各地的遊客都會慕名而來， 一嚐這價廉物美的米芝蓮一星餐館。店內擠得沒話說， 不只人貼人， 更是枱貼枱，想離座是要褪出整張枱才可走出來那種。幾乎是任何時候也要等位的， 這天烈日當空， 飯市過後也要等上廿分鐘才有位。等位的時候已經有點心表格， 揀好， 有位的時候便立即入單， 十分有效率。 點心即叫即蒸，不過毋需等太久， 已經有點心送上。首先到的是蒸飯， 這個明顯不是即叫即做， 對蒸飯我是情有獨鍾， 鳳爪排骨飯尤其是， ＄17一盎， 波仔飯價錢。很多款點心都做得出色，腸粉滑， 糯米雞超足料，賣＄20， 咸水角香脆鬆軟， 但蝦餃是稱得上失望， 可能蝦不新鮮吧， 整只蝦餃只有蝦餃皮是及格，沙嗲金菇牛肉春卷也不見突出， 寧願吃回傳統餡料。價錢實在便宜， 12個點心， 一個飯， 三位茶（＄2一位）， ＄205， 其實還可以要求甚麼呢？不過， 添好運是屬於速食派， 大家吃完了， 好快點結賬， 甭想有嘆茶的想法。沒有點招牌的酥皮叉燒包， 留個藉口讓自己再去。

已經不是第一次來了,應該是第四次吧第一次是冒米芝蓮之名而來,被它的酥皮焗叉燒包吸引住,的確這個是在其他地方吃不到的腸粉、杞子桂花糕都不錯，其他都很一般,服務態度更是差!第一次來,不清楚買單情況,收銀呀姐一開始也沒說明要在原位付錢,出去付錢時竟然被責罵:要買單喺原位俾左錢先丫麻,左住曬出入! OK,心想反正不會有下次了,試過一次便足夠,也沒什麼可以再吸引我再來等一個多小時!第二,第三次是家人想試試它的酥皮焗叉燒包,所以又提早一小時便來拿籌,食物如上,服務態度依然。第三次,旁邊坐了兩個看似是OL的中年女人,她們一邊吃一邊叫一邊打包,侍應和收銀呀姐看似很不滿的樣子,當這兩個女人已經吃完,還在把食物放在食物盒時，那個收銀呀姐竟然跟她們吃完快點埋單離開!什麼態度! 第四次,不想來還是來了,是因為兩個韓國同學想吃點心,同學提議來這,於是又來了..我已經提早一小時來拿籌,當時約12:30,收銀呀姐說約一小時後來就有位,於是13:30左右帶著兩個韓國同學和一個香港朋友來到,但未有位,就站在一邊等,等到約14:00我再過去問還要等多久,那位呀姐說:岩岩叫左無人應.....然後又一副臭臉說:而家過左喇,未

一共食左2次, 第一次堂食等左90分鐘, 仲要等候既位置好熱。等都唔緊要, 最討厭係果個ar 姐既態度, 又惡又冇禮貌。一行2位等左90分鐘終於有得入, 環境好狹窄, 你唔會想stay好耐。試左酥皮焗叉燒包, 腸粉, 蝦餃, 馬拉糕, 蘿蔔糕, 糯米雞, 酥皮焗叉燒包真係好味喎, 入面既 cha燒都好味0的。14蚊, 抵食到呢其他食品都ok 啦, 冇其他人講到咁不值, 其實我覺得用咁平既價錢食到都唔錯架lah!第2次剩係路過因為又係太多人, 所以諗住外賣酥皮焗叉燒包會快0的。 點知都等左45分鐘先有得拎。 (大怒)最初係果2個ar 姐係你叫佢時唔會理你, 好冇禮貌, 用佢既好rude 既voice 叫你等等。到佢知你係外賣佢都係叫你等等唔會幫你落order!之後15分鐘後終於有時間幫你落order, 佢冇講過要幾耐, 一心打算10分鐘應該拎得。點知一等等左30分鐘, 仲要係初初俾個ar 姐勁叫你等同佢既語氣衰到震既情況下終於發火了。發覺你係要同佢一樣咁惡佢先識得驚同理你。所以晌呢度食野除非你唔怕等。要受氣真係一d 都唔ok (2次都係咁), 寧願唔食好過。希望佢既等候方法有d impr

還以為會等很久今天7點到，等了一會，寫定餐單，就入得去啦！！其實餐牌不多野點的！點了五樣酥皮叉燒包老婆一定要點的，真系好味嘛叉燒餡不會少，皮好熱辣辣，又有d脆！夠特別！叉燒腸好滑的，如果大分的會好d馬拉糕正正常常蒸排骨份量太少了牛肉球哩個幾好！牛肉唔老！

等了差不多兩個小時才等到這期待已久的米芝蓮星級飯店很不幸地當日冷氣好像出了點事兒… 而剛巧小弟就正好坐在廚房旁邊，可想而知當時環境有多絕望！此時救星出現 新鮮出爐的酥皮叉燒包表皮不論質感或味道都跟菠蘿包很相似，配上叉燒份外美味 一試難忘！ 可惜腸粉跟燒賣很普通，跟叉燒包相比級數差很遠… 最後桂花糕挽救劣勢，淡淡清香為今餐寫上句號

這日黃昏經過這附近，心血來潮過來看看。大概時間還早，等的人不多，不夠10人！很怕排隊，尤其大熱天，真的排完胃口也沒有了 這麼難得的機會，加上這夜我又只有一位，應該不用排太久吧，於是便拿了張飛等。20分鐘左右已有得坐了，太開心！肚皮空間有限，不能選太多款式。最後點了3樣點心做晚餐啦！燒賣：這裡的豬肉與蝦的比例豬肉算多，幾乎一半以上，幾有咬口但我較喜歡稍微少點肉的做法。味鮮，質感好，好吃。（$20）鮮蝦腐皮卷：皮脆，蝦肉彈牙甜美，但油膩了一點。（$19）酥皮叉燒飽：新鮮熱辣，很香，很甜，好好食！（$14）雖然服務態度認真麻麻，環境又超級逼，不過食物美味，尤其是酥皮叉燒飽，加上這日不用排太久隊，都算滿意的一餐。

米 芝 蓮 選 入 的 食 肆 , 一 行 6 人 去 品 嚐 他 的 風 采 , 喜 歡 點 心 的 我 , 抱 著期 待 的 心 態 等 待 了 一 小 時 , 這 一 小 時 , 值 不 值 得 付 出 呢 ? 使 我 感 到 值 得 付 出 時 間 的 , 只 有 這 個 酥 皮 焗 叉 燒 包 而 已 , 外 層 鬆 化 且 甜 , 內 裡 叉 燒 餡 料 豐 富 , 美 味 可 口。 其 他 的 點 心 , 味 道 不 算 甚 麼 驚 喜 , 但 也 算 不 俗 。

聽聞咁出名,又米芝蓮...雖然夜晚飲茶對我黎講興趣都不大....不過朋友想試就即管試試啦....七點幾去到已經見有班人等緊,都預左等....入面都唔係好大,D位都好迫,拎左飛就行開左喇....一個鐘之後返去o岩o岩有位....好彩我地得兩個人食,有張細細台...入面係好舊好細好迫....望一望menu都唔係好多選擇,佢推介八樣最出名點心就係係張餐紙上...我地點左其中三樣...蝦餃, 我地話試個蝦餃皮就知佢真功夫...點知呢,個皮係幾薄,不過呢蒸到好多水係入面,d蝦又有d"梅".....好細粒,一d都feel唔到有幾招牌...燒賣, 都係試下最基本野,都係蒸到好多水係個底度,攪到粒燒賣好"梅梅欄欄"咁,蒸過龍呢....馬拉糕,都係普普通通,油味比較重左....同埋都幾細件....魚茸豆腐小丸子, 好似蒸琵琶豆腐咁,有少少臘腸比入面,都ok啦...酥皮焗叉燒包, 店員亞姨都話一定要食,佢話係佢整,同埋拎左米芝蓮獎,確實地,個叉燒包真係幾好食,個麥西哥皮又整得夠鬆化,個叉燒涵味道適中,又唔太肥,夠新鮮,真正係底讚,好食!!荔芋西米露,d芋頭唔夠粉呀,西米就煲得夠圓夠大粒,不過芋頭味都係唔出