影片
營業時間
今日營業
11:30 - 20:30
星期一至日
11:30 - 20:30
以上資料只供參考, 請與餐廳確認詳情
食家推介
香港呢幾年興食Burger，五佬居然都開到可以中文點餐，SS嗰間愈開愈多（但真心得薯條好食），但個人真係鍾意幫襯小店，家住深水埗，所以添福一向係心頭好。添福最過份係佢朕味：每次經過都聞到佢啲煎牛扒味同炸嘢味，好誘惑......芝士漢堡即係基本牛肉漢堡加芝士，漢堡扒打得唔錯，調味唔太濃，肉味夠，質地有顆粒感，油香亦夠，配合得ok。但添福啲包皮就麻麻，比較鬆但唔夠厚，一索埋啲汁同油就口感「pat pat」哋。不過整體係ok嘅。素菰堡，塊大磨菰扒算幾好食，雖則名曰素食，但加埋醬一樣漏漏哋。薯條好食。整體嚟講添福性價比算好高，做嘢都用心，值得再幫襯。不過真係攞完儘快食，唔係好快腍晒。
繼續閱讀
雖然食過無數咁多次，但係從來都冇寫過今次要扚起心肝寫下因為極度欣賞佢哋嘅食物就係自從好幾個月前食過一次麥當勞之後話俾自己聽唔會再食麥當勞一次嘅經過見到好吸引一直都冇食，只係買俾個仔，點知次次阿仔都話好好食今日老公就去買三個餐，只要你落order 10分鐘後去攞就更加順暢一個收錢一個煮嘢其實都好快捷同埋漢堡包裏面嘅口和牛漢堡非常Juicy 嘢飲就喺雪櫃自己任揀，通常我都要新奇士OJ 童年回憶飲品叫咗一個大姑和牛一個添福漢堡一個雙層黃牛都係一樣咁Juicy好味都要講返句，多謝兩位姐姐薪水生汗不斷接order 值得欣賞性價比超高支持本地消費欣賞小店
繼續閱讀
食過深水埗果間ok，諗住呢間應該都好食，結果失望。叫左3個套餐，薯條因為外賣淋哂就no comment喇。漢堡唔覺得有咩特別出色，只有好重黑椒味。另外加錢叫左黑松露醬，結果無比到。專登11:30am打去落單話12:00拎，但12:10去到都仲要等到12:20，好采無準時去。另外，外賣紙袋釘實哂（可能驚倒瀉野食），門面亦完全無位置比我有機會開袋check返食物啱唔啱，結果係比漏野都無機會check倒。同佢講返，無反應，其實呢個質素唔駛比呢個價錢仲要等咁耐。
繼續閱讀
漢堡包係一樣好邪惡既食物, 成日都想食但又因為佢既卡路里而郤步, 所以係好想食既時候都要揀過先食今次就揀左明明係屋企附近但一直未有機會試既添福漢堡本來諗住去到買完就有得食, 但去到先知原來無堂食, 只可以買外賣攞走係等既過程其實我都幾"不滿", 因為佢D 野食既味道真係香, 可能我又肚餓啦. 個晚我差唔多7點到落order 見到我前面都有五六張單排緊隊, 等左15-20分鐘我哋兩份餐就搞好. 之後仲要行到番屋企先有得食, 成個過程真係好折磨 LOL不過呢個等待係值得既! 我點既係黑松露啡菇牛堡. 我打開包裝見到個菇時其實我係有少少失望, 因為佢唔似出面個D 切碎左再炒香佢會有D汁咁, 而係原隻菇夾落個包, 菇既表面又無汁比較乾身, 我心諗咪會好似後期唔多掂既triple o 咁, 會係一塊有青味半生熟既菇俾我呀.... 但係一咬落去, 嘩, 原來係好熟, 佢好軟身但又唔係冧到咬唔開個d, 係新鮮既啡菇先有既效果! 塊牛肉本身都係軟身多汁都好好味, 但我已經完全俾塊菇既美味吸引左去! 超好味!! 成個餐先五十幾六十蚊, 我覺得淨係個包都值呢個價.跟餐既薯條係粗身個隻, 熱食好好味, 不過可能我哋又外賣加上食完個包先再食薯條, 就有D 變冧左. 但整體黎講水準之下. 呢幾個月我食左幾次漢堡包, 貴過呢到都食左幾次. 但SO FAR 呢間真係最好食!! 好食到連咁耐無寫食評既我都要寫一寫紀錄下!!
繼續閱讀
每次過到去長沙灣，荔枝角一帶，心裏面都係掛住添福漢堡。就係因為佢嘅黑松露醬，用黎點薯條真係好好食。當然佢個黑椒漢堡都係我念念不忘之選。當日去買外賣，都十分多人。套餐可以跟既沙律醬已經好好味，但對我黎講，一定要加多$5轉黑松露醬，食得出好重黑松露既味道。對於大食既人黎講，一個漢堡一份薯條一罐可樂唔算好夠食。所以我單點了一分炸雞件，點返佢跟的沙律醬。咁我就可以兩個醬都試到了。添福漢堡不設堂食，所以大家要留意啦。最緊要係我和兩個女都享受~
繼續閱讀