116
21
7
| 餐廳: | 渝薌烤魚 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵宋皇臺站B2出口, 步行約1分鐘
繼續閱讀
電話號碼
23824168
附加資料
主打特色重慶烤魚 招牌菜: 麻辣味烤魚, 新鮮白鱔串
營業時間
今日營業
11:30 - 23:00
星期一至四
11:30 - 22:30
星期五至日
11:30 - 23:00
以上資料只供參考, 請與餐廳確認詳情
食評 (157)
朋友喺九龍城附近， call我出嚟食飯。我心諗我好耐冇食泰國菜，好啦出去食嘢啦。出到去朋友問我食烤魚好唔好，我話九龍城唔係淨係食泰國菜㗎咋咩，佢話你咁嘅想法太out啦，九龍城其實有好多好嘢食，佢諗住今日帶我去地道川菜烤魚。去到餐廳門口發現小店裝修古色古香幾唔錯喎，幾有風味裝修。坐低咗侍應哥哥就問我食咩魚，跟住我就諗最好就冇骨啦，啖啖肉先啱我心水㗎嘛。之後就要揀份量，要原條大邊定細邊呢？其實都幾細心喎，兩個人都食唔到一條㗎啦，揀個大邊嘅黎食啦。之後梗係要揀口味啦，食親烤魚通常我只會揀酸辣烤魚，點知睇餐牌見到剩係得酸就冇辣，剩係得辣就唔酸，搞到我糾結咗好耐，究竟揀乜嘢好。呢個時候侍應哥哥超級Nice，行過嚟同我講加少少辣囉，你揀酸菜咁咪得囉。原來仲有隱藏Menu咁就梗係由佢發辦啦。等烤魚到之前就梗係食啲小食先啦，見到佢有串燒同埋啲款式都好多咁就揀咗食串燒，而且呢度係烤魚嚟㗎嘛，一定有魚皮嘅，所以我就揀咗麻辣魚皮開下胃。串燒好多選擇，我就叫咗六串$108每樣嗌一串同朋友分享啱啱好。麻辣魚皮，真係好好食，又嫩又滑，而且麻香加上少少酸少少辣真係好開胃。一下就食晒啦。烤魚嚟啦，我加咗娃娃菜放喺底烤魚酸菜好入味，而且魚肉新鮮白滑彈牙，而我最鍾意就係食配菜㗎啦，芫荽芹菜加落啲湯到香氣十足。鋅盤比較淺，咁樣就受熱平均，而且好快就滾起。一路食侍應就會不停咁樣加啲湯，完成晒條魚之後我仲加多咗個公仔麵落去一路吸湯一路食真係好正㗎。為咗唔好浪費啲咁好味嘅湯我仲叫咗牛柏葉添。呢餐真係好滿足呀。
繼續閱讀
九龍城真係超多美食食極都食唔完😆 而且啲舖頭多數有特色又唔貴🔥‼️ 朋友竟然未食過烤魚就帶佢開下眼界👀 呢間仲有串燒同埋小炒好豐富💕❣️脆香雞中翼 $46❣️辣子雞軟骨 $75等緊可以嘅時候食返啲下酒小菜🍻 呢兩款配酒真係超爽😈 雞翼大大隻竟然可以炸得一啲都唔油好乾爽😱 好脆 少少調味已經好好食👍🏻辣子雞軟骨我嗌完店員讚我識嗌👀 雞軟骨仲連住啲肉同脂肪 炸皮兜埋啲辣味真係極正🥰❣️香麻辣味烤魚 原條 $368烤魚可以揀鉗魚或鯇魚 店員介紹鉗魚骨細嫩滑🐟 第一次食但好啱心水🥰魚肉真係幾滑又冇咩骨 冇泥味腥味👍🏻 而且魚皮好有膠質‼️ 一條四個人食都夠 仲可以加啲配料share🍿❣️金菇 $28❣️水晶粉 $28❣️娃娃菜 $28❣️萵筍 $42係精心挑選出嚟嘅配菜 有好多選擇😆 金菇係必食see you tomorrow 非常之吸湯又爽口👄 萵筍可以爽脆 又可以煮到入晒味淋哂💓娃娃菜都幾甜份量多🥬🌿 水晶粉吸滿辣湯又有飽足感🌶️❣️美國肩胛靚牛肉 $86絕對係火鍋店質素 解凍做得好🔥 肩胛嘅部位冇咁肥有肉味🐄❣️新鮮白鱔串$52 見到好多人都推薦佢嘅白鱔 話呢個先係必食😂雖然睇落貴 但係佢一串嘅份量好足 而且白鱔好厚肉 皮燒到超脆💕 係我食過最高質嘅白鱔‼️好過所有串燒專門店好驚喜‼️❣️豬頸肉 羊肉 牛肉串 粟米 $108@6呢個好抵食仲可以mix and match 😂 係嗰啲好地道嘅孜然粉味😆 串燒好夠火候燒到有啲焦香好正🥺 爽口彈牙嘅豬頸肉嗰個爭住食🐷 我私心推薦羊肉同孜然粉係最夾🐏 粟米收乾晒啲水份好甜🌽❣️青島 $28
繼續閱讀
一家人諗去邊度開餐呢，✨突然想起之前經過九龍城 ，有一間渝薌烤魚 ，好多人食呀 。今次我哋去試下呢間老字號川菜點先， 裏面真係好多選擇呀 ，午市有魚湯粉麵,串燒及烤魚💛。 串燒推介好吸引呀 ，💞新鮮白鱔串真係啖啖肉好肥美， 看得出店家用心去燒 。💞還有燒貢丸，這個燒汁做得非常好 ，而且好細心把他切成一半 ，可以一口去吃。 我仲點咗💞燒茄子 好多蒜蓉喺面呀 茄子燒到好淋 味道不會太鹹，好味道。💕 這裏是吃烤魚的 ，💞當然要叫 一份烤魚啦， 有辣度選擇， 如果不吃辣的 ，也可以走辣，魚可以選擇大或小份 ，這個魚很鮮味 ，雖然我點了小份，但份量亦很多呢。 配菜有豆卜酸菜等，以及點選的配菜。 我也好想試這裏的鮮魚湯麵 ， 今次就沒有選配菜了。 💞炸雞翼魚湯米線 及💞炸豬扒魚湯米線 ，湯底做得非常出色 ，好鮮味，這沒有加味精吧， 真的好適合小朋友去食吃，魚湯米線加當然要加蠔仔同皮蛋啦,蠔仔肉大大粒。💞飲品方面有支裝鴻福堂飲品及有樽裝可樂,真係夠曬氣喇
繼續閱讀
每次去親九龍城都食泰國🇹🇭嘢，但嚟緊又飛✈️泰國，所以想食吓其他菜式，見到呢間烤魚嘅裝修好有風味，仲要五點前有優惠👀，試吓佢先一入舖頭已經聞到烤魚🐟嘅味道，好香👃🏻呀，因為香噴噴👶🏻都要食，所以揀咗香蒜味嘅烤魚，成盤都係蒜頭🧄，勁正店員幫我地剪開條魚，又話俾我知邊啲位冇咁多骨，怕小朋友👧🏻哽親，好有愛心💗啊慢慢食吓食吓，魚湯用嚟配腐皮、紅薯粉，吸返晒啲魚湯汁，好鮮甜，又有益除咗烤魚，呢度仲有唔同嘅串燒🍢選擇，叫咗原條茄子🍆，面頭鋪滿晒蒜頭，好食到停唔到口，而燒貢丸、燒墨丸嘅燒汁做得非常好 ，好細心切成一半 ，可以一啖食晒魚湯肥牛🐮烏冬，湯底同樣做得非常出色 ，好鮮味，無味精 ，真係好啱小朋友去
繼續閱讀
去九龍城食得多泰國菜，但其實仲有大把選擇，宋王臺站出來行行吓見到間老字號烤魚店，假日午市套餐$4x起🤩🧄蒜香味烤魚 小半條 $199今次試咗烤魚，真係好驚喜！可以揀鉗魚或鯇魚，魚肉嫩滑，冇泥味同腥味，食得好開心！個湯越煲越濃味，而且超級多蒜頭～兩個人share啱啱，仲可以加啲配料，真係好抵！🐮美國肩胛靚牛肉 $86呢個肩胛牛肉真係火鍋店水準，解凍得好好，肉質鮮嫩又唔肥，肉味十足，呢個價錢有成十幾塊，好滿足（烏冬 $18 份）🍢新鮮白鱔串 $47白鱔串真係網上推介必食！雖然睇落有啲貴，但一串份量十足，肉質厚實，皮燒得超脆，食過最好質嘅白鱔！完全超越所有串燒專門店，真係好驚喜！🐑川燒羊鞍 $47🍄🟫秀珍菇 $22🦪芥香蠔仔 $65蠔仔粒粒都脹卜卜😙 平時都比較少凍食蠔仔，作為開胃小食都不錯，加上本身蠔仔鮮味，無得頂配花生🥜青瓜🥒全日不設加一服務費，午市五點前埋單仲有九折優惠💫
繼續閱讀
您可能會有興趣的...