渣哥一九九六 (已結業)

香港地道特色美食外賣小店，食品選擇算多，還有五款賣相吸引的樽裝飲品，店員有禮又有效率！生菜魚肉碗仔翅三溝非常足料！除了有名稱所述的三種食材外，還有很多其他配料如粉絲、木耳、冬菇和蛋皮（還是腐皮呢？）等，十分鮮味，店員還會細心的問清楚要不要加麻油、紅醋和胡椒粉，抵讚！柚子蜜冰茶不會太甜，反而有微微天然的柚子澀味，平衡了口感，喝到後來發現樽底有新鮮柚子肉，怪不得比一般用柚子蜜沖調的飲品好喝得多！亦可見店家的用心和認真！下次有機會要再次捧場，試試其他美食和招牌樽仔奶茶！

去左德福睇戲又未夠鐘，但見個肚餓我哋又唔夠時間食正餐，咁啱見到呢間渣哥響正對面！其實我都係第一次幫襯渣哥，因為價錢嚟講真係比較貴，我食咗呢個頭抽腸粉套餐，腸粉真係堅正，而且係比較幼條好啱箍牙妹食，我響出面未見過咁細條嘅腸粉，唔知係咪特登訂做㗎呢？至於魚蛋同燒賣方面兩樣都比較硬，唔知係本身佢哋嘅特色係比較硬，還是去貨去得快，蒸得唔夠耐呢？試咗呢個之後，我決定下次見到渣哥都會試下其他嘢，去發掘更多啱箍牙妹食嘅嘢！😂

渣哥個名聽就聽得多 終於有幸經過試下我去既時候係星期六下就 都吳使排隊買嘢食但外面都有不少等緊嘢食我買左辣魚蛋 所以買完無耐都好快有魚蛋$15 10粒 魚蛋都算彈牙 有魚味但最加分係個醬汁 一開始食辣不算好辣 但慢慢你就會感受到個辣然後有好香既蒜香 配搭得好👍🏻

今日下午行過呢度附近，唔知食咩好，見到佢有煎釀三寶，心想好似好耐冇食了，見佢$25都有五件，都應該夠當午餐，就買佢黎當午餐啦。返到公司打開個袋，裡面有釀茄子，青椒，豆腐，紅腸還有蕃薯，都算多款。首先講蕃薯先，蕃薯個漿係脆既，但個蕃薯好硬好實，唔知佢係炸得太耐定係放得太耐。豆腐就炸得好乾，同好靱，有牙都食唔到，再加上魚肉唔多，所以唔係咁好食。紅腸又係炸得耐左，所以略為硬左啲，茄子就腍身，但唔會太乾，啱啱好，青椒就好脆口，魚肉都好夠味，唔腥。之前食過碗仔翅都還好，但今次總括來說，唔抵食，唔好食，好失望，真係旺角街頭啲舖整得好食過佢。

下午我剛剛在九龍灣「德福廣場」一期的麵包店裡面，外賣自取購買了一杯果凍、一枝牛奶雪條加一枝朱古力軟雪糕甜筒，然後坐在二期樓上的長櫈上，享用完所有雪糕、雪條跟果凍之後，就徒步返回樓下接近戲院的地方。因為我還購票，需要在享用雪糕雪條之後，徒步返回「德福廣場」的戲院裡面看電影，直到三小時之後才看完電影，離開戲院回到「德福廣場」平台的位置。結果我選擇了光顧戲院對面的港式小食店「渣哥一九九六」，早在上手手提電話跟「開飯喇」戶口還未報銷之前，其實我已經光顧過「渣哥一九九六」一次，當時我購買「渣哥一九九六」廚房店員製造的「渣哥手抓餅」。不過，我當時購買「渣哥一九九六」跟「手抓餅」的體驗，隨著上手手提電話跟電話裡面的「開飯喇」戶口報銷而化為烏有，消失於無形中。今次我在看完電影之後，離開戲院跟備返回小巴站之前，再次光顧多一次「渣哥一九九六」，又購買了「渣哥一九九六」店員製作的「豬腸粉」，食店版本名稱叫做「頭抽香滑腸粉」。「渣哥一九九六」版本的豬腸粉小食，名稱叫做「頭抽香滑腸粉」，我上次光顧「渣哥一九九六」的時候，還是購買了「渣哥一九九六」的「頭抽腸粉套餐」，但是記憶和手機裡面的記錄都已經湮沒於過去。加上

好食到感動，好食到喊！燒賣可用世界級形容平時返工既日子，我唔係咁鐘意食野今日調左過黎九龍灣特意試下呢間有少少名氣既渣哥一九九六果然無令我失望朝早食完一兜，下午已經心思思想再買，結果6:00忍唔住衝左去再買太好食喇不過無可否認係朝早嗰兜好食啲，可能因為剛開檔剛煮好，燒買既肉質好煙韌，個汁都較得好好魚蛋質感又係好好，唔會淋，唔會有魚腥味，而且店員好有禮貌，一睇就知成間店老闆同員工一樣優質！會繼續支持，請加油

腸粉燒賣魚旦成日都係香港人最愛既早餐之一。渣哥早餐都有好多不同餐俾大家選擇。我最愛既就係腸粉燒賣魚旦都有既早餐。同其他早餐店唔同，渣哥既腸粉係比較幼身，所以食哂之後係無其他早餐店既甘濟。而且，食腸粉既精華，甜醬鼓油，麻醬都會因為佢幼身通通甘全全融入左腸粉。腸粉本身夠滑，但係就無咩米味，但如果對米味無咩研究其實都係一個好好既選擇。魚旦彈牙，有小小魚味，而咖哩汁既辣度都好適中，係好唔鐘既街頭魚目。燒賣就平平無奇，所以如果轉燒賣做魚旦都係唔錯既選擇。套餐包飲品，二十六蚊，算係正常價錢。

今日上午有野做，下午趕返工，原先諗住買個麵包返公司，點知行行下見到呢間店，原來之前間雪糕店已經搬了，變了呢間外賣店，我就不其然就行去睇睇，原來賣小食，有燒賣，腸粉，仲有碗仔翅添，望了一望價錢，其實偏貴，但都想試一試佢，所以我就打消了買麵包既念頭，見佢一碗碗仔翅都要成$30，如我冇理解錯，佢應該係兩溝同三溝都係一樣價錢，所以我都係買左三溝既生菜魚肉碗仔翅返公司食。返到公司就立即開黎食，見佢都幾多料，都幾豐富，味道都算唔錯，不過不失，比我想像中好，貴就貴左少少，但德福有間呢啲類型既店舖，我地就有多一個食野選擇，都唔錯呀！

對呢間鋪嘅認識，眾所周知都係某港姐開舖，至於好唔好味，真係要試過先知。平時港式小食，不外乎魚蛋、燒賣、雞蛋仔等等。不過今日天氣有啲熱，肚餓又唔想食熱食，見有酸齋，就試一試。酸齋價格不算貴， $15一碗，雖然睇落唔多，但一舊嘅都大件，凍凍的，甜甜酸酸，味道不過不失，也很開胃，係一個熱天唔錯的小食選擇。會選擇再吃。

最近上左套萬人觸目既電影，等睇戲前梗係醫下個口先，其實渣哥好多地道小食，例如碗仔翅，生菜魚肉，煎釀三寶，魚旦燒賣，撈麵。最近下就總推出左撈烏冬呀。而我既最愛係佢地既炸燒賣基本上，我行過都一定會食，雖然價格唔平，不過佢即叫即炸，而且加左小小椒鹽，係相當惹味。新鮮炸上黎既燒賣，熱辣辣又香脆，入面又軟心，真係好對我口味其實有時都會想下佢既煎釀三寶，比起出面，佢算係大大件，魚肉又多，總有碗仔翅，見人食好似好足料咁

今早買早餐，本身買淨燒賣$15，收銀員竟收我$18，仲問我係咪野飲送都唔要，搞亂了我思想，我隨口話不要，但其實我一早已告知他要淨燒賣，是什麼一回事呢？？為何多收我$3!! 無理由早上只能買套餐不能單買

午餐時間處處都多人，於是決定買外賣回公司食。渣哥不設堂食，所以全部食物都是外賣。以小食為主，基本上香港特色小食都一應俱全。當日不是太多人，基本上不用排隊就可以落單付款。點餐後就可以等候出餐了。這次點的是渣哥招牌撈烏冬，皆因配料多，只需38蚊，性價比高，是抵食之選。有辣和不辣之分，無辣不歡的我當然毫不猶豫選擇辣了。除了烏冬之外，配料十分豐富，有魚蛋、雞翼、白蘿蔔、豬皮、冬菇及生菜，配上辣咖喱汁十分惹味，不過提醒大家辣咖喱汁比較辣，要自己衡量。

平日叫車仔麵，感覺都很麻甩，預期店員也是很麻甩的，不是標籤，亦沒有貶義，只是一種文化。是日放工去叫渣哥，平日路過也聞到香噴噴的，總想找機會try一try，本想叫個咖喱魚蛋或是碗仔翅甚麼的，比錢時看見車仔麵午時供應，已經流哂口水都下午lunch來買，突然靈機一觸口痕痕問店員哥哥，而家晚市係咪無嫁啦?點知佢話幫我check下，有喎，跟住又幫我改單。等緊的時候，收到朋友的電話想搭單，我又再排隊買，點知阿哥哥又好好人咁幫我話夾埋同一張單你一齊拎啦，好記性又好細心，如是者後來又有朋友搭單 ......車仔麵好好味，勁多料，特別是蠔油冬菇勁入味，辣度剛剛好。碗仔翅也非常值得一試。是次我做外賣仔的經驗，令朋友們對渣哥眼前一亮，紛紛變做渣哥之友了。

放工行過想買份煎釀三寶醫肚，一見價錢$25五件。心諗有無搞錯，之前仲賣緊$20五件，今個星期已加價25%，係$25/五件。老實講，煎釀三寶唔係特別好味，只是不過不失，但一加就25%，好離譜，唔會幫襯

其實我從來都唔寫食評，但係呢個腸粉真係令人好失望之前都有聽過話渣哥已經唔係好似以前咁好食，但係行開又即管一試結果......失望到爆買左個頭抽腸粉早餐，價錢已經比一般小食店貴，d腸粉唔滑、唔好食，份量仲好少至於杯熱咖啡......well，算吧啦，我自己沖都好飲過佢唉，真係冇下次