温野菜

營業中

休息中

好朋友外國返黎 咁難得先見到面就食好啲👯‍♀️我地揀左大家都好鐘意嘅溫野菜打邊爐本身諗住食set D 但店員同我地講有新嘅神戶紅酒牛set 推出 咁就一於食呢個新野！🤪.💫A4神戸紅酒牛放題 $758前菜方面有泡菜芝士、麻醬菠菜、爽脆粒粒螺片、麥粒味噌青瓜最推薦泡菜芝士 夾埋一齊食味道一流🧀.今次嘅重點係食牛肉 🐮所以揀左可以突出牛味嘅壽喜湯 仲有好靚嘅月見蛋🍳🌟A4神戶紅酒牛肩脊肉🍷店員話呢個新推出嘅牛肉用左A4 神戶牛 呢種牛平時食葡萄渣🍇 所以味道都會有啲唔同一試之後覺得驚為天人！🎇牛肉味重 而且油脂分布均勻 入口柔軟 油香特別濃郁之後再同店舖嘅鎮店之寶黑毛和牛比較都食得出分別好有質素 係物有所值👍🏼.🌟日本產黑毛和牛肩脊肉🌟澳洲M9 和牛肩脊肉另外呢兩款高級牛肉亦都係必食之選日本和牛嘅油香較為突出 而澳洲M9和牛就較重牛肉味但食起黎都覺得肉質軟腍 有好平衡嘅肉同脂肪比例.至於其他肉類都唔錯🐷🐔例如有美國產牛肋肉、鹿兒島茶美豚梅肉、美國牛頸脊、熊本火之國豚腩肉、豚肉眼同雞腿肉等等相比之下呢啲肉類會比較少油脂但係肉質依然優質 唔難咬開呢個套餐仲可以點海鮮🦐🦪我地每樣點左少少試下例如象

傳統和牛名區非神戶牛莫屬，日本對出口牛霜降度同肉質都有嚴格規定，所以本身我哋特登走去試A4神戶紅酒牛放題呢個餐嘅時候都對肉質有一定期望去到waiter就有簡單介紹呢隻牛係食紅酒渣所以有呢個名，不過有食開和牛嘅人都應該大約知道呢個名嘅來由，但坊間的確好少地方有得食呢種牛嘅放題餐廳首先上咗兩人份既A4神戶紅酒牛，同埋我哋自己點嘅M9和牛肩胛肉，啲油花真係好靚😂湯底方面本身waiter介紹可以跟返清啲嘅湯，因為可以食到最出嘅牛味，但去到溫野菜都係忍唔住叫咗最經典嘅壽喜燒湯😂結果一淥塊牛，再點蛋汁，真係好食😂塊牛係好腍，然後啲油花分佈好適中，即刻忍唔住encore多10碟😂之後有再叫返其他牛款，因為放題包咗好多款可以任叫，但神戶紅酒牛同埋M9肩胛肉都真係最好食，食過返唔到轉頭😂同場加埋個清酒同溫野菜雪糕，成晚好滿足🥰

牛角嘅集團旗下有好多唔同打邊爐嘅品牌，平時求其食就會去食牛涮鍋，想食好啲嘅話就會去溫野菜，今日就同朋友嚟溫野菜食set lunch，最鍾意佢係一人一鍋，同朋友嚟食就方便好多。-兩個人嚟食就可以叫唔同set share食，可以叫齊豚肉、雞肉同牛肉試吓，另外仲有個蔬菜盤包埋，湯底就叫咗壽喜燒。整體嚟講各款肉類嘅質素都唔錯，雞肉都幾滑，豚肉亦都唔嚡口，好香油脂味，而牛肉就不過不失。整體質素係好過牛涮鍋，想食好啲，不妨嚟呢度食lunch幾抵食～

平時呢喺一田或者Donki 會買啲二百幾蚊一碟靚啲嘅牛打邊爐嘅咁食都要就住就住咁食啦經朋友介紹之下呢就試吓呢一間溫野菜啦今日嚟到就係食呢個嘅鹿兒島黑毛和牛任食套餐佢嘅黑毛和牛質素真係好 同平時喺一田買嗰啲二百幾蚊一碟嘅和牛一樣油脂分布平均 入口即溶但係嚟到呢度係任食 雖然價錢都唔係好平如果食到5碟嘅話，絕對回到本而我呢個和牛控嚟講，一食就食咗八碟啦另外仲有一啲日本嘅蔬菜 都幾特別另外佢個蓮藕都好爽但係大家要記住溫野菜得銅鑼灣先有放題㗎咋

本身我坐個冷氣位冇風出，第一次反映情況，當時職員就話佢哋會再重新較一較個冷氣。但過咗20分鐘都冇改善，同佢哋第二次反映情況，佢哋又話再較較個冷氣。最後聲稱有咩事事後可以喺張單QR code下面個email反映情況，但同佢哋customer service溝通簡直係惡夢。所謂嘅「調查」敷衍了事，只係回覆冷氣機冇事，亦指冇客人反映類似情況。都過咗幾日，冷氣機出風位整返好正常。同埋佢地係咪真係有問當日曾經坐同一位置既客人情況？完全唔合理。食物質素雖然OK，但服務令人非常失望。價錢同服務完全唔成正比。每人700幾蚊，但就擺出呢種愛理不理嘅態度。

以前一直都想試溫野菜, 由於價格偏貴, 所以一直都不捨得食, 直至知道銅鑼灣店 有放題 提供, 於是便趁機嚐嚐, C餐 日本國產牛．火之本豚食之放題 ［６５品］店舖裝修非常日系，全店簡潔高雅，以木為主調卡座有竹簾隔開，私隱度高，而且環境不會嘈吵，用餐時可以舒適和靜靜地享受美食，｛環境舒適度一流｝湯底：北海道昆布湯秘傳月見壽喜湯＋＄１０仙人果柚子梳打味道清新而不會太甜肉類質素與預期中差不多，保持集團一貫水準

由於小弟因為飯量比較大成日食放題，每一次食食之前都會上唔同嘅網站睇吓餐廳嘅評價。但有時發覺好似好少人會屎窟痕食最貴嘅放題套餐。所以決定更新吓呢方面嘅資訊，俾大家可以參考吓呢間溫野菜放題其實食咗好多次，今次見佢做期間限定所以決定再嚟食下一嚟到果然有驚喜，今次期間限定嘅熊本和牛肉眼有啲料到，有別於平時食嘅牛肩胛同埋其他次一等嘅部位，肉眼呢啲一線嘅牛肉部位果然係唔同啲入口即溶，但相對地都係比較肥膩，不過我揀得食和牛就係鍾意呢啲感覺。湯底嘅話個人都係推介返壽喜湯攞嚟配和牛真係絕配溫野菜比其他餐廳好嘅地方就係你係咁refill佢啲牛質素都唔會有特別多嘅下降。其他海鮮都幾出色特別係個帶子好大粒解凍都做得幾好。不過生蠔就質素一般入口有苦澀味。小弟第一次寫食評有啲乜嘢不足嘅地方請多見諒

前排去日本都有食過温野菜，咁啱朋友想喺銅鑼灣區食一人一鍋嘅邊爐，我就醒起Times Square對面嘅温野菜～～😋🍲其實對日本温野菜嘅印象好一般，只係如果想一人一鍋嘅話，呢間都係唔錯嘅選擇（其實我最有印象係個隔湯兜🤭）。夜晚嘅火鍋分咗4個等級，可以食120分鐘，另外仲有銅鑼灣店期間限定嘅「飛驒牛肩脊肉放題 」。🥘我哋揀咗C餐「日本国產牛 · 火の本豚食べ放題コース」，價錢比冇日本產和牛嘅B餐貴$30左右，但就可以無限揀各一款日本產同美國產嘅和牛、幾款美國牛，仲有多款豚肉同其他火鍋配料等。🐮湯底我揀咗和牛湯，望落清清地，味道都OK。至於牛肉方面，無限點和牛真係冇得輸🤤 日本產同美國產嘅牛肉，我覺得真係食得出前者口感的確係嫩啲同滑啲😜😹🥬其他嘢方面，我就覺得黑芋絲同葛絲幾好食，黑芋絲係介乎蒟蒻同芋絲之間嘅口感，而葛絲就係比較彈牙嘅粉絲，都係值得Encore嘅火鍋配料😙 總括嚟講，香港温野菜嘅價錢的確係比日本貴好多（呢個餐仲貴過日本最貴嘅霜降黑毛和牛餐🙈），但我覺得貴得嚟都係高汁嘅，只不過缺點係冇雪糕🥺

佢咁多間溫野菜食，都係覺得銅鑼灣呢間係最好。溫野菜長期都係好多人排隊食。原因係因為質素好好，佢哋係想用最靚嘅牛，蔬菜都係用最靚嘅日本產地，所以煮嘅時候都唔需要擔心過熟。每個月都有出唔同嘅主題。之前有赤身和牛。我同男朋友已經係佢哋嘅熟客，因為真係性價比好高。 佢哋出餐時間都算快，而且冇留單。🍻如果鍾意飲啤酒放題嘅。依度$38就可以任飲啤酒🍻。其實真係好平。而且啲靚嘅好牛食多幾盤都已經抵返晒🥘🥘。

火鍋一年四季都好想食😆今次去咗溫野菜叫咗兩個lunch set食一人一鍋溫野菜係行中高檔路線環境好闊落👍🏻好舒適可以慢慢打邊爐同朋友傾偈⭐️湯底：鰹魚湯⭐️湯底好鮮甜😍味道唔會過濃唔會搶咗其他火鍋料嘅味道⭐️牛肉⭐️整體不同款式既牛肉都好嫩滑☺️牛肉厚度適中，不會太薄或太厚如果想健康啲，可以叫美國牛頸脊呢款比較瘦⭐️配菜⭐️有各種蔬菜🥬，蝦滑🦐，烏冬，麵，肉丸🍡蔬菜嘅擺盤都好整齊👍🏻烏冬係日本讚岐烏冬口感煙韌餐廳有提供芝麻醬用嚟撈烏冬一流😋

最近同朋友慶生，去了温野菜食和牛shanu shabu放題，這絕對是一個美味的用餐體驗。這家餐廳提供了各種肉類和蔬菜，讓客人可以盡情享受美食的樂趣。我食了和牛、日本豚肉和雞肉，肉質都非常新鮮和嫩滑，味道也十分美味。此外，他們還提供各種不同的蔬菜，包括豆腐、生菜、菇和沖繩苦瓜等等。所有的蔬菜都很新鮮，口感清脆，給人一種非常健康的感覺。除了食物之外，餐廳的服務也非常周到。服務員總是微笑著迎接客人，盡心盡力地提供服務。如果客人有任何需求，他們也會非常樂意地幫助。温野菜日式shanu shabu放題絕對是一個非常值得品嚐的用餐體驗。美食豐富，品質高，服務周到，讓人感到非常滿足和愉快，是絕對不容錯過的餐廳。

【灣仔區】【温野菜】成日聽同事講呢間，今次終於預埋我，八條麻甩佬就去食銅鑼灣呢間日式火鍋放題。我哋揀咗 $679 嘅「任飲任食放題 Set D」，主要係「鹿兒島產和牛」、「火之本豬肉」、「茶美豚」嘅放題，係餐牌裡面一個貴啲嘅選擇嚟。湯底方面，同事慨嘆「蒙古炎湯」嘅辣味愈食愈勁，而其他嘅「鰹魚湯」、「秘傳月見壽喜湯」、「和牛湯」同我食嘅「藥膳湯」都唔錯但唔算勁特別。初初店員話畀藥膳九宮格我睇，但之後都冇咗件事就咁一袋咁，影少張相。主食係「鹿兒島黑毛和牛肩脊肉」，唔食還好，一食就個個上晒癮咁。問追加啲乜，大家都係咁「鹿兒島」、「鹿兒島」咁，幾失禮，哈哈。其他嘅「澳洲M9和牛肩脊肉」、「茶美豚梅肉」、「雞腿肉」唔差，但都黯然失色。海鮮有「白蜆」、「虎蝦」同「鰻魚」，我只係食咗後者，幾好食，同事都狂嚼虎蝦話正。其他火鍋料就正正常常，我覺得「濃厚芝士腸」、「芝士燒魚卷」同「芥辣豚肉丸」呢三樣係幾吸引到我嘅，其他食物就有待大家發掘喇。有同事加 $38 要咗 Asahi 生啤放題，我就冇叫，佢本身啲任飲飲品係一渣渣咁上，就同其他人一齊 share 飲，飲咗「橙汁」、「薑味汽水」、「白桃活乳酸梳打」都

無食左一排溫野菜，今次去見佢轉左餐牌，價錢都貴咗，湯底要另外收費，不過肉類嘅質素依然保持到，真係每次食都咁靚，菜都好新鮮😍而且上菜好快😄食放題就係開心，咩都可以試下，個人推介辣味蜆肉，泡菜，墨汁墨魚丸，蝦丸，今次提早訂枱有得坐房，職員服務好有禮，一行六人都好滿意。

鹿兒島黑毛和牛火鍋放題👍🏻，呢間溫野菜估唔到原來係一間咁高質火鍋放題，因為係其他餐廳如果揀咗啲貴牛，通常頭幾碟都keep到水準嘅，之後就⋯⋯所以好難得啲牛食極都仲係咁靚，環境又寬敞，裝修格局令到每一枱都自成一國，好有私隱，最正嘅係唔洗自己出去攞食物，order就攪掂，啱晒我呢啲懶人🥰，食物選擇雖然唔算多，但係高質，唯一缺點係汽水唔夠氣，因為每次叫飲品都係一壺上，大約3杯份量，所以難免唔夠氣😅

正正天氣很凍想食日式火鍋溫暖一下，因為太多人等，本來應該琴日可以食，就算拎咗飛都冇得食，吸收咗琴日嘅經驗，今日提早咗三個半鐘去拎飛，今日夜晚終於有得食🥲今日試呢個C餐放題: Asu 牛。熊本放題牛肉不過不失，但真係唔值得排咁耐隊嚟食款式又唔算多🥲🥲🥲最後又冇甜品提供我應該唔會再食，失望！呢個價錢可以有更好選擇