影片
港鐵啟德站A出口, 步行約6分鐘
繼續閱讀
電話號碼
27662233
營業時間
今日營業
06:30 - 02:00
星期一至日
06:30 - 02:00
以上資料只供參考, 請與餐廳確認詳情
上次去完Airside食飯，諗住喺啟德行吓，路經呢間湘蜀食堂，好多街坊幫襯，見到門面的豬手好吸引，一於就入去試一試，價錢非常親民，食物質素很不錯，怪不得這麼多街坊來幫襯👍🏻🔆脆豬手外皮炸得酥脆，非常香口，內裡肉質保持嫩滑，超級大份，好抵食！搭芥末蜜糖醬，幾特別，甜甜辣辣✨🔆風沙小排骨冇諗過風沙小排骨咁好食，小排骨經過特殊的調味和炸製，外表金黃酥脆，內裡肉質嫩滑多汁。酥炸的香料配上風沙小排骨簡直係絕配，送飯一流👍🏻🔆酸菜烤魚魚肉烤得剛好，保持了它的鮮嫩和滋味。酸菜的酸甜與烤魚的鮮美相得益彰，給予了整道菜色的層次感。每一口都能品味到魚肉的鮮香😋餐廳座位好多，都坐滿晒街坊，屹立喺啟德超過七年，CP值超高🫶🏻
繼續閱讀
和朋友去山頂返來，已經深夜12點了，好肚餓，好彩嚟間餐廳仲營業。入到餐廳，發現人都不少。餐廳好大，座位闊落，坐的好舒服。落單快，上餐都好快嗌咗胡椒豬肚雞煲、蠔仔湯飯、豬扒飯，味道就不失不過。呢間餐廳性價比算是高，平時醫肚算是一個不錯的選擇。
繼續閱讀
之前係到食過牛嗲通粉 勁難食 啲通粉有陣怪味 但平時行過晚市都滿座 就試多次叫左個肉絲粉麵 個麵炸完都唔香 得個脆字🤯肉絲冇味 菇片有啲菇香 但都係冇味既 成碟野唔知食緊咩🫠 放左陣凍左仲難食 唔想放入口🥴蠔仔湯飯 仲有一團團未攪散既飯😑 蠔仔🦪飽滿但唔新鮮 腥既⋯同埋偏咸 不過對比起肉絲炒麵算係唔錯凍檸茶冇茶味 如果唔係督爛哂啲檸檬 有啲檸檬🍋味 以為自己飲緊白開水😐😐😐不過全場侍應就好充足 多過酒樓🫣要拎野好快俾到
繼續閱讀
大約一年前曾經嚟過呢間餐廳食同樣嘅食物，不過今次再嚟覺得質素比以前降低咗少少。今次主要嚟食午餐，叫咗一碗酸辣豬扒薯粉，再加上凍奶茶。首先介紹吓奶茶，我覺得奶茶味唔夠濃，如果可以再做香啲就好了。又再介紹吓薯粉，以前大大碗，好多配菜同埋好多湯。但係今次換咗扁盤，份量少左，連薯粉嘅款式都換左。我記得以前係圓條形大大條，今次係曲型幼身，我始終覺得以前嘅薯粉好食啲咁價錢都算經濟， $50就走得，希望下次可以回復返以前嘅水準啦。
繼續閱讀
嗌咗個炒臘肉，但中晒伏，我未試過會因為難食到要在Google寫負評發洩。啲臘肉咸到死，本身我都食得咸、食得重口味但都食唔到落去，啲臘肉煙韌到死，咬極都咬唔到。 同阿姐投訴，佢講啲臘肉係本身好咸🥱🥱我第一次食臘肉咩....再投訴臘肉好煙韌，因為啲臘肉佢厚切，又無洗下啲肉先，令到無咁咸再炒。如果佢有水煮去咸和薄切，再用大油爆炒，令到臘肉香口啲，便唔會咬唔爛，唔會咁咸。 認真建議唔好食呢個小炒，一定後悔。個廚師好差，阿姐應對好hea。 ########################### 因為上面個餐我真係食唔到，所以再加個農家小炒肉食。因為之前來過呢間嘢，嗌過小炒肉食，都不過不失，係用腩肉炒尖椒，有啲鍋氣。但點知今次又再中伏。我敢講，一定換咗廚師了。 今日用嘅豬肉係冰鮮豬肉柳，不是腩肉片。呢個都不是問題，但佢明顯用水煮處理過啲肉柳，加咗一啲似韓式辣醬嘅醬料。 結果因為疑似個廚師趕貨起菜，我食落口時，可以食得到豬肉柳內的水份咇出嚟，與完全似炒完先加嘅溝唔埋一起嘅韓風辣醬！！及生到似剛放落鍋便起菜的配菜及青椒... 未試過食過咁差嘅農家小炒肉...失望！ 但值得一讚嘅係個廚師嘅創意，韓式湖南農家小炒肉。可惜嘅係廚藝唔爭氣，炒唔出好味道嘅效果。 唔會再來呢間嘢。
繼續閱讀