港原味 (已搬遷) 新店位置

放工唔想煮飯多數落來呢度食，因為呢度啲小菜款式多，分門別類的一整頁豬一整頁牛一整頁雞，平均每個禮拜都有一晚嚟食。呢度小菜套餐算抵食，主菜另包熱飲和白飯，通常我哋都會加八蚊配埋靚湯。今日個靚湯係煲老黃瓜，足料又夠晒下火。而且好鍾意呢度個白飯夠晒大碗，成個小山丘咁㗎🤣男人咁先夠飽。支竹豆腐炆火腩 $78我同老公都好鍾意食呢個男人的浪漫😆呢度啲火腩炆得好淋好入味，肉質keep到嫩口，一啲都唔鞋，鹹鹹地送飯一流！鹹鹹地嘅火腩同淡淡然嘅豆腐一向襯到絕！土魷蒸肉餅 $78一上枱已經聞到土魷香味，仲有成吋厚嘅肉餅，真係未食都流晒口水！加咗少少酒仲可以提升返肉嘅鮮味，分量超多嘅肉餅真係齋食佢都夠飽啊👍

以前住開大角咀，都有少少情意結，今日特登入去吓，發現一間非常港式嘅餐廳，所以入去食下個晚餐。你地點方便，奧運站行6分鐘到就到，餐牌入邊好多特色野同有套餐。是日例湯：合掌瓜湯聲稱沒有味精，湯很清甜，好夠熱，炎熱天氣飲其實好適合。古法京蔥雞：上邊一大堆蔥，炸到好甘香，雞好有雞味，皮好爽口，啖啖肉，肉質鬆軟。涼瓜炒牛肉：份量好多，涼瓜清甜，牛肉夠厚身，有鑊氣。建議大家可以多啲人去食，因為餐牌上好多特色野，多啲人食可以一齊分享，有好多套餐選擇。

昨日跟朋友試了位大角咀奧利坊 的港原味。位置不算市中心，但也相當便利。奧運站匯豐中心出口沿角祥街直走便到。⁣港原味主打港式小菜，亦有港女至愛All Day Breakfast 提供。店內裝潢別置，每個角落都是本土風情的壁畫裝置，影相一絕。食物味道覺得不錯，小炒王可以再香一點；黑椒牛柳味道合格，牛肉不會是那種充滿鬆肉粉腌製的感覺。⁣如果大家有在大角咀附近，可以一試。個人覺得港原味帶有茶餐廳跟大排檔的口味，但裝潢新潮，十分有特式。⁣ 📍港原味地址：大角咀福澤街18號利奧坊地下G701號舖⁣ #ciaohkfood #ciaohkfood香港#ciaohkfood中餐 #大角咀 #大角嘴 #奧運 #olympics #tkt

咁啱下午經過大角咀，行到攰，就入去坐下食啲嘢。我就點咗一口西多士，配朱古力醬。一口西多士好方便，細細個，一口一啖。花生醬就食得多，可以配朱古力醬就少，好似食緊甜品咁。幾得意。朋友就食炸雞脾，雞脾勁大，外脆內軟，肉嫩又Juciy。我地兩個都揀咗雪山紅豆冰，冰涼爽快。雖然只係食下午茶，但食物都幾滿意。起碼係食物質素幾好，唔似快餐店啲頹食。餐廳環境都幾靚，有壁畫可以打下卡，又有幾多特色餐具。下次試埋晚餐再點評。

朋友仔好耐冇見，想搵啲特色啲既店，見呢間話食香港野，裝潢又好香港特色，拜會一下先～芝士咖哩農夫包 $99選左咖哩雞食，上碟個賣相好靚，咖哩味道很好，唔算辣，個包好軟熟，仲一早界開咗，好方便切開黎食，好細心👍🏻。黑椒美極牛柳 $78第一次食以美極汁煮牛柳，想不到又幾好食喎～牛柳又好淋喎～正👍🏻海皇腐竹浸時疏 $65湯浸得好入味，菜很新鮮，所以很喜歡這味餸。雪山紅豆冰 （跟餐+$10）紅豆好好食😋，鍾意食紅豆冰既你可以一試。泡芙裡面係cream黎，成舊食落好凍，好似食緊雪糕咁啊～

港原味 (大角咀)-係一間裝修好靚嘅港式餐廳，牆身用咗香港街景同埋特色等等，用嚟打卡一流📸 餐廳叫做港原味，主要食小菜之類嘅港式嘢食，坐喺呢個裝修咁靚嘅地方食落去有香港嘅味道～-🔍二人餐 $198二人餐包括冇味精餐湯，兩個小菜同埋兩碗白飯，再加甜品、餐飲。湯係中式蓮藕湯，味道飲落夠濃味😋小菜方面叫咗個咕嚕雞塊同埋避風塘牛柳。咕嚕雞塊酸酸甜甜而且雞肉啖啖肉，食落唔會淨係食到炸漿嘅口感。仲有兩碗大大碗嘅白飯，食落好有家嘅感覺😛 本來甜品係有個甜心蘋果，但可惜賣晒所以剩係得泡芙🥺，見到佢個甜心蘋果睇落好似好靚，下次都想試吓個甜心蘋果🍎～-📍港原味 (大角咀)大角咀福澤街18號利奧坊地下G701號舖

今日係大角咀買完餸，順便係附近快個午餐，今次選左間港式茶座填肚子～ 懷舊扒餐$65雞扒外皮炸得好香脆，飯底多到食唔哂，煎蛋熟左小小咁。咖喱汁好結身，好重椰汁同有微微辣味，但咖喱味道唔算太出～足料靚湯+$8個湯好有驚喜，調味得宜，好多西洋菜食，幾有煮家味道wo😋

咕嚕雞咕嚕雞最可以睇到廚師既功架，呢到既雞會先煎香後再加上咕嚕汁，保留到少少脆皮之餘又有咕嚕汁既酸甜味，層次豐富而且調味亦適中，好岩用嚟送飯。最欣賞係菠蘿同紅椒都好爽口，勁開胃!黑椒薯仔牛柳粒呢個一上台就聞到好香既黑椒味，牛柳同薯仔既量都好多，送飯一流。牛柳軟淋又好重牛味，完全冇筋而且肥瘦適中。至於薯仔粒，佢首先炸到脆卜卜之後再加上黑椒汁，口感好正同埋食落係少少粉既薯仔！呢到環境幾舒服同埋座位間好闊落，岩哂假日嚟慢活一下。

🔸雪山紅豆冰 $10🔸是咁的三色蛋 $70🔸咖喱雞肉農夫包 $99-星期六下晝同好耐冇見嘅朋友食嘢聚舊，揀咗呢間新開又好有香港特色嘅冰室，裝修用咗壁畫方式喺餐廳嘅牆身畫咗香港嘅街道、菜市場等等，好有特色，啱晒來打卡啊！嘢食方面揀咗一份咖喱雞肉農夫包開心share，份量超大個，切開個包啲咖喱就開始流晒出嚟，成個賣相勁instagrammable。然後再叫咗一份三色蛋，係三款唔同嘅蒸水蛋：肉碎粉絲、鹹蛋皮蛋、蝦仁水蛋。飲品跟餐加$10叫咗杯雪山紅豆冰，又係影相打卡嘅時候啦～

嗰日經過大角咀同男朋友想搵間有情調嘅餐廳，終於找到這一家。天氣有些熱我自己飲嗰個忌廉鮮奶。好有師奶味亦好有忌廉味。v creamy like summer!男朋友叫左個黑椒洋蔥雞扒。我自己試咗一淡覺得非常濃郁嘅黑椒洋蔥味。絕對係夠鑊氣。送飯一流。佢一口氣食咗兩碗飯。我自己叫一個出名嘅芝麻西檸雞。配上佢哋特有嘅西洋菜湯。個湯特別之處係同屋企阿媽煲嘅一模一樣落足料。飲落完全冇味精。精緻嘅裝修配上服侍周到嘅服務。唔錯。

難得有二人世界時間，出去搵個地方食飯傾偈，嚟到呢間「港原味」，裝修充滿懷舊香港味道。雖然係下午茶時間，不過都仲有好多唔同食物可以選擇。見到佢個咖喱農夫包（$99），好似好吸引，一於叫一個嚟試吓，新鮮焗出嚟熱烘烘嘅麵包，外皮夠脆，裏面裝滿咖喱，好彩可以揀豬牛雞，我哋揀咗牛肉，都整得幾唔錯，一啲都唔對un。同時附上沙律菜伴碟，幾好。唔食咖喱嘅朋友，仲可以轉芝士黑松露醬，不過我覺得咖喱又唔辣而且好惹味，都值得推薦。下午茶選擇都有N款(真係A至N架😆)，好多都好想食，最後揀咗炸雞脾配薯條（$39），雞脾炸得脆但唔會好乾，保持到肉汁，所以幾好食，薯條數量稍微少咗d。由於我哋兩個都未食午餐，所以決定加多個「撈得起常餐 」（$49）， 選了芝士黑松露醬豬扒撈意粉，d汁比較稀，同想像中嘅撈麵有點不同，不過豬扒都係好食嘅。三個餐都可配飲品，加$10可轉特飲，我哋就轉左雪山紅豆冰，雖然只係忌廉不是雪糕，但係都好好味，透心涼啊！第三杯要咗熱奶茶，質素都唔錯呀！

今晚懶得煮, 想食番d家常小菜~依間港原味開左一年唔夠, 店入面既裝潢幾特別, 油畫等等都好有香港特色。冬瓜薏米湯 +$8叫餸加8蚊就會有湯, 而飯就已經包埋。今日既湯係冬瓜薏米, 有d驚喜咁原盅上, 超熱辣辣而且幾濃郁, 唔味精, 不錯。黑椒美極牛柳 $68色水幾靚, 名乎其實美極味濃, 黑椒汁辣辣地夠惹味, 牛柳唔韌。懷舊煎肉餅 $86肉餅唔算厚, 但肉味頗香, 夾落唔會鬆散, 煎香左送飯一流。凍啡 $9 凍朱古力 $9兩杯野飲都夠濃, 正常發揮。整體黎講不錯, 環境同座位都幾舒服, 適合慢慢坐下食晚餐。

今日去奧海城附近shopping，夜晚去左間幾有舊香港味道嘅新式冰室-‘港原味’食嘢🥰餐廳有落地玻璃，感覺幾high class🤣入面嘅裝修以香港嘅城市生活為主調～幾特別，好適合打卡😆佢嘅菜式除左中式小菜，仲有好多款西餐～任君選擇☺️中西融合👍🏻我同frd叫左個二人套餐（$198包兩碟菜兩碗飯，兩碗湯同兩杯嘢飲，仲有甜品！）1. 沙爹菠蘿炒牛粒洋蔥炒得好爽口，甜甜地又有濃郁嘅沙爹味！牛肉粒大大粒一d都唔小氣🤓食落去好滿足2.鮮魷西蘭花感覺好新鮮😆算係一道幾健康嘅菜，味道唔會太濃，魷魚口感啱啱好唔會過韌👍3.甜品-泡芙*2+Tiramisu泡芙超好食！😍😍😍完全係最後嘅驚喜，咬落去果下有綿密嘅餡流出黎，好好食！Tiramisu都好surprising，有香濃嘅whisky味🥰🥰好夾

香港人對懷舊冰室，有特別的情意結， 今日間冰室提供好多懷舊經典港式食物， 及牆壁上顏色鮮豔的懷舊壁畫， 勾起了兒時的回憶， 令人再三回味。 全日早餐$51(吉列魚柳+餐肉+腸仔+薯餅+++太陽蛋+多士)全日早餐配料好豐富，吉列魚柳大件厚實 ， 外皮炸到金黃鬆脆， 熱呼呼， 香噴噴， 令人垂涎， 仲有厚實肉腸、 惹味茄汁焗豆， 香煎午餐肉和 脆口薯餅， 牛油方包烤得十分 香脆， 還散發著牛油香氣， 最喜歡將茄汁豆及太陽蛋，夾入方包一起吃， 整成茄汁太陽蛋三文治 ，別有一番風味，還有爽甜沙律菜伴碟 ， 令人食指大動。雞扒湯意粉+庵列+奶油多士 $55雞扒外皮煎得香脆， 湯意粉軟硬適， 與雞扒一起吃， 非常搭配 ，火腿奄列嫩滑細緻， 蛋香迷人， 配上脆卜卜奶油多士，滋味無窮。炸髀沙律 (下午茶)$39炸雞髀十分肥美， 雞脾炸到脆卜卜， 熱呼呼， 肉香四溢， 雞肉入口嫩滑多汁， 雞皮好 香脆， 平時不愛吃雞皮的我， 忍不住連雞皮都吃光了， 伴碟的沙律， 酸酸甜甜， 開胃又解膩。一口西多士 (下午茶)$30西多士一口size， 口感滑溜、軟綿， 傾下糖漿， 甜味的升華， 我的下午茶摯愛。 雪山紅

想食🇭🇰香港地道風味, 又想環境舒適, 仲可以打卡, 可以試下🌟港原味🌟! 餐廳嘅內牆大部份都係非常具有🇭🇰香港特色嘅噴畫, 有心思!💖我地選擇咗二人套餐 $198, 已經包括有兩款小菜🥘, 兩個白飯🍚, 兩個無味精靚湯, 一個芝士蟹蓋或甜品, 非常豐富, 兩個人都食到勁飽! 🤗💕椒鹽鮮魷 🦑即叫即炸, 新鮮熱辣！外層的炸粉又薄又脆, 🦑魷魚爽口彈牙, 又鮮甜！🤩配上少許炸蒜粒, 好香口惹味！👍🏻💕新派避風塘牛柳 炸牛柳無炸粉漿, 所以食落乾爽無油膩感, 配上少許炸蒜粒, 青紅椒及紫洋蔥, 好滋味！😋💕無味精靚湯今日係老黃瓜南北杏湯, 感覺清甜消暑, 正! 😍