港島東體育館泳池餐廳 (已結業)

因為近排天氣熱, 由5月份開始每個星期六下午, 總會同老公到泳池游水, 之後便到泳池餐\廳食嘢。點知連續五個星期六三時之後的時間, 他們總是一係關門, 一係話只有嘢飲。我地於是到文康署投訴為何他們只顧做晚市(圓桌)的商業生意。之後, 上星期六(23/6)大約3時半, 他們終於有開門。但入到去話只有三文治及多士類, 我地叫左飲品, 及叫了三文治及多士。但見到其他人還有下午茶送到, 我倆於是埋怨, 有個類似廚師的人出來, 告訴我們廚房三時收工, 於是勉強為我們order 炒野(但亦只限於炒飯或麵)。之前那個女侍應, 我地來了幾次, 她的服務態度其差, 每次都忘記這忘記那.有次全場遲來的人都有了例湯, 我地要三催四催才送到。今次, 我問她有什麼三文治, 她問我\"你要什麼三文治\". 我於是便去找餐\牌, 咁的服務態度其寸。狗仔粥是我們的至愛, 但佢\地有時無故停止供應。若不是因為他們地點就腳(就我地游完水), 價錢平($20-$26 一個午餐\)及我至愛的狗仔粥, 我也未必會來\'白行\'(未必開門)。

我哋以前都有久唔久去港島東游泳池游水(其實游唔到，因為池水太淺太細，而且太多玩水的人左穿右插)，不過就未曾嚟過游泳餐廳。星期六晚冇乜idea，忽然諗起這裏，就不妨試吓。7點幾還是小貓三四隻，傾偈啱哂，窗口位任坐，看看泳客嬉水算是一項娛樂。叫咗兩個套餐：鮑片狗仔粥+咸肉粽($24)和薑蔥豆豉滑雞煲($28)。狗仔粥其實係銀針粉，料就有蝦米、冬菇和唔知係乜嘅鮑片。好杰的湯，味道相當濃，味精應該落咗好多。鮑片就好硬好韌，唔掂！反而咸肉粽鬆化好味。煲仔菜啲雞幾滑，不過冇乜薑蔥豆豉嘅香味，一味多汁，足夠你當湯飯食。餐飲可以選擇特飲，所以奶茶之外，我哋要了一杯西柚果纖蜜。柚子蜜加一片檸檬，幾好味舒服。Overall拉勻勉強俾佢ok。

尋晚要去西灣河文娛中心睇Show，見食評話呢度幾好而且又平，所以咪黎試下囉！上到去都吾係太多人，小貓幾隻甘啦，不過竟然見到有圍向度食，見佢地Ｄ都幾OK喎！好似向酒樓食個D甘．我叫左套餐：鮑片狗仔粥+咸肉(包中式湯同飲品一杯)餐湯：霸王花煲豬骨，好正又無味精而且料又多鮑片狗仔粥：其實係銀針粉黎架，加左蝦米同冬菇，杰杰地好好味（同埋佢真係有好多片鮑魚添）咸肉：一般貨色，吾係太好亦吾係大差飲品：除咖啡奶茶之外，佢仲有好多款韓式飲品比你選擇，我就叫左梨子蜜，味道都吾錯總括黎講，以呢間餐廳既素質同價錢黎講，的講係吾錯，我下次會再黎試下呢度D煲仔菜，因為都幾平(28蚊一個餐)同見人地都食得幾好味！

上星期和男友來此叫了個羊扒窩和椒雞窩和一碟雞亦除了羊扒外其他都比較差汁還是水一般沒有生粉嗎?見它有很多獎狀滿心希望的店內偏熱眼望下面人游水邊吃飯總算是有些事可以分心不去想難食問題試不到狗仔粉但大既也不會再去試

尋晚同家人響呢度做冬, 訂檯時佢地話果度逢禮拜都有粵曲晚會, 我諗如果唔怕音響太大的話當是免費娛樂又未嘗不可, 於是我們都決定照舊訂檯.一行七人大概十時半到達, 粵曲晚會已開始, 音樂聲真太響, 不過仍能接受.是晚我們訂了五百八十大洋的一圍(十至十二位用), 當大廚見我們得七個大人時說怕我們吃淨, 我們遁不怕啦, 我們是新力軍, 得架喇!菜單包括: 2十支可樂, 斤半蝦, 蝦子鮑魚伴菜, 西蘭花炒蛋白海鮮, 霸王雞一大隻, 清蒸杉斑, 杏汁豬肺湯, 煎裹蒸粽, 鮑魚九仔粥, 仲有美點雙輝同生果併盤!所有野食都好大碟, 不過全都好好食, 我地真係食得哂(除左汽水之外), 家人都一致激讚!下次要去試下佢個盤菜至得!

終於有個星期日早上比較得閒, 約左同事係屋企附近跑步.跑完依照同事既指示沒有吃肥油油的上海菜, 而到此店吃個經濟午餐.此處少少茶餐廳格局, 不過燈光較暗, 同埋冇咩煙味.都是一律ABCDEF餐, 加幾蚊有菜有凍飲.福建炒飯, 色水較深, 份量都幾多.菜心走油冇渣, 也可以.我既滑蛋蝦仁飯, 汁較稀, 如果杰返少少就好啦.蛋滑多飯蝦也不霉, 不過不失.價錢平過出面茶餐廳水準又相約, 可以再黎.後記:1.)除了游水, 跑步同樣不濟. 要苦練.2.)在openrice不經不覺已一年了, 希望有機會繼續和大家一起吃喝玩樂

我和我家人住在這區附近,但很少來這區,因沒去過香港電影資料館, 所以星期日假期來了這區,無意中發現了這間餐廳,套餐好低食,食物過得去,最大的發現是有狗仔粥食,因我媽咪幾十年前在香港食過,所以最開心是我媽咪.環境都唔錯, 幾清靜.

好不容易才到星期五，又捱完一個星期。收工行到這裡鬆一鬆，見到餐廳推介"鮑片古法狗仔粥"加咖啡才HK$20.-，便即管一試。怎知店員要我叫套餐，心裡正罵她多事。原來套餐HK$22.-便有狗仔粥+豉油王炒麵+熱飲。先來豉油王炒麵，香噴噴即炒的，夠味但不會過� ，上面灑滿芝麻。店員放一大湯碗東西上檯，說狗仔粥到，定神一看碗內竟然是杰杰的類似湯銀針粉！我最怕杰杰的食物，但不可浪費食物，使祗好硬著頭皮試一試。湯的味道清鮮，材料豐富：冬菇絲、蝦皮、少許冬菜、炒得極乾身的肉絲、魚乾(可能是柴魚)和鮑片(應是大螺片但有鮑魚味)。配合得很好，那不是一般的銀針粉，不太透明和有咬口。最後我竟然吃清光，湯也一滴不留。

前一段時間，小魔怪在這裡學游水，在接他時無意中發現了這餐廳。地方不少，燈光暗暗的，有一點點情調，適合吹水談心。食物方面，試過肥牛米線、咖喱牛腩飯和麻棘腎片，味道不錯。咖喱味道獨特，麻棘�{ 麻。但美中不足便是不供應含酒精飲品，害得我老遠跑到7/11買啤酒。有點奇怪餐廳內有調酒的”吧位”和陳列�� 一些類似酒的東西。去年平安夜，曾陸陸續續來取預訂的盆菜(聖誕節食盆菜???)。