港式茶餐廳 (已結業)

今晚約咗朋友行街順便嚟這兒食晚餐二個人都唔係太餓,結果叫咗個勝瓜雜錦泡飯 + 奶油豬仔 (我並不愛吃牛油,所以落ORDER時講明少牛油 多奶(我朋友鍾意多奶喎) 唔知係咪我吔特別麻煩呢? 個WAITER 幫我吔落Order 時都話好難搞喎...哈哈哈~因為我們坐近水吧, 奶油豬就係由水單裏面一個肥哥做的~ , 當做起時... 佢就係到講奶奶包.... haha ~ (我個fd 竟然聽不到呀~, 連送嘢食來既姐姐都係到笑...)wah~ 真係好多奶呀~ 好好味呀~ 因 為我怕肥所以我唔太愛食牛油者, 其實牛油都好好味架~ haha ~ 勝瓜雜錦泡飯~ 魚湯好清好味, 有很多饀料呀... 蝦, 冬菇, 义燒, 瘦肉, 勝瓜, 好好味, 大家都清晒~ 呢度既服務都幾好呀

叫了冬蔭公蝦球米線, 湯底ok, 不算太辣, 但頗多油.有5隻中蝦球, 都算彈牙.米線唔算多, 食晒加飲左d湯都係剛夠飽.叫了一杯 "茶走", 唔夠甜, 要再加糖. 奶茶又唔夠滑. not good.上次叫熱薏米檸檬水, $17, 反而好飲d, 好多薏米, 感覺好healthy.

我哋間中都會為咗奶油豬($12)而嚟呢度食lunch，這裡的奶油豬很有水準，通常(90%)都很香脆，個飽喺外脆內軟，奶油又多，十分好味。一個簡單嘅飽，只要比心機去製作，就會有人欣賞。但今日真唔好彩，個奶油豬就中咗果10%，即係唔夠脆，雖然唔係好好食，但都OK嘅。除奶油豬外，這裡的魚湯米線也不錯，今日要米線套餐($42)，有豬軟骨、魚片頭、魚蛋米線和飲品。湯底好味，豬軟骨也很入味，十分淋，可以連骨都食埋，魚片頭和魚蛋也有魚味，又彈牙，好味道。奶茶也很香滑，水準不錯。價錢比一般茶餐廳貴，但質素也比較好，都算OK嘅。

頂.....一個晚餐可以見到兩隻小強...好野....點可能係咁多星期六,....因為要返工開OT關係,....5條友午餐同晚餐都係係中環"港式"食....午餐果時都好好地.....同晚上九點幾....因為仲未收工, 又肚餓, 五條友又去左食"港式",本來諗住好又一餐 唔又好一餐 是旦啦 一日兩餐同係同一間度食 無咩所謂啦....點知5個人 叫左3個 松板牛柳粒, 1 個晚餐- 好似個名係叫"威靈頓雞扒", 1 個什扒餐, 先黎4 碗菜湯..... 好野, 一黎 第一碗, 已經見到小小強係面, 即時 STOP 左佢, 叫佢換白湯比我地,....好啦, 本來都以為無咩事, 點知尾段 又係 松板牛柳粒果D 炒飯內又黎多一隻....好過份呀,....忍唔住 要用手130萬像o既手機相機影底佢....放上黎比大家睇,....如果唔係趕時間再返去OT, 真係打去食環署投訴佢地....食物質素: (我呢餐食o既野)凍coffee - 相比下, 中環翠華果味好好多, 濃郁好多.什扒 - 唔錯, 大大份, 豬牛雞各一, 煙肉及腸仔.白湯 - 可以接受, 勝在大碗

今晚又嚟同朋友食晚餐呀今晚叫咗波菜餃米線, 奶醬豬仔包, 朋友叫了雞扒晚攴波菜餃米線,是它們的有營攴呀, 味道都同昨晚的差不多, 但真係無咗油, 健康d蝦得一隻,但絶對不是不新鮮呀奶醬豬仔包, 好好味, 好多醬, 仲係粗粒花生醬添.... 雖然12元, 但都值得既友友既雞扒攴, 係用柚子汁煮呀, 味道都幾好味呀, 羅宋湯多料, 油豬仔包, 好脆好味我們愛上.....翠華集團食物但港式係比翠華攴廰貴一點的

經過見門口promote咖喱羊架，愛羊的我自然經受不了誘惑啦！入到去先知道原來係翠華的朋友！都唔明點解唔直接叫翠華呢？咖喱羊架($58)：可以揀飯/印度烤餅，我要左後者，上黎有大大的兩塊，聞上去牛油味已經好香，知道係即烤，而且好熱辣辣，唔點咖喱都已經好好味！質素仲好過印度餐廳！咖喱帶甜味，唔係正宗印度咖喱，但都好味，伴有薯蓉，好開心啊！羊架就比較少，得細細的三件，肉唔韌，但係無羊羶味，可能係俾咖喱蓋過左啦！總體黎講真係好好味啊！奶油脆豬($12)：比一般茶記大件好多！烘得很脆，而且奶油落得好多，滴晒出黎，差唔多枱枱都叫，可見有幾好味啦！雪糕紅豆冰($20)：想要的是白之戀人紅豆冰，但係阿姐黑口黑臉話落左單喇喎，咁就留待下次啦！冰太多，紅豆唔夠起沙，麻麻，睇黎紅豆冰始終係祥利最好，我就再唔好係第二度浪費quota喇樓下有卡位，坐得幾舒服，就係服務差D，叫極都唔應，好少連鎖店D態度咁差架喎！而且都算係中檔價錢，真係要改善下呀！

已經食過幾次馬來咖喱配豬扒飯,魚柳飯,無論係配邊樣d咖喱都一樣咁入味,d 餸同d汁都好多,d咖喱又唔會第一啖入口就辣,係食到飽飽地先開始辣辣地,所以唔係好食得辣既我完全放開個胃一口接一口,食得好滋味...另一推介當然唔少得奶油豬啦!脆卜卜兼熱辣辣,正!仲有好多其他野食都一流,係我心目中既高級茶餐廳.既然有咁高質素,價錢比一般茶餐廳貴亦合理,呢到一共有兩層都算廣寬,多張枱,但午市仍然要等位,至於服務方面,當然繁忙時間會有delay,一般情況下見到你要招呼都即刻過來服務你

佢地點左兩個午餐A(白汁龍利柳跟天使麵,仲有兩個羅宋湯)同兩個午餐B豬軟骨便當, 一個豬軟骨魚蛋片頭米線餐,五個餐都飲凍O茶..我就點左片頭河加魚蛋加魚腐轉烏冬(但係佢張單就打左冬蔭功),仲點左荳苗同九菜花..白汁龍利柳跟天使麵($45 x 2), 但天使麵得好少..羅宋湯唔chili...龍利柳好食..豬軟骨便當$50.好多豬軟骨,仲好好味,有d螺肉,有兩片菠蘿同蕃茄,都幾新鮮,仲有碗麵豉湯同白飯,,好豐富呀..豬軟骨魚蛋片頭米線餐 ($42) : 魚湯比d豬軟骨掩蓋左,濃左d,,片頭河加魚蛋加魚腐轉烏冬( $44) :唔係餐, 冇野飲..魚蛋好好食,片頭一般,魚腐都好食, D魚湯好好飲呀... 九菜花好嫰..荳苗好食 ( $ 3 X 5 )

晚飯時間到了港式茶餐廳是日晚餐是香草田螺汁牛扒,好像蠻吸引,就點了一個另外要了一個炒河套餐的忌廉湯先來,有不少菇,味道也可以跟餐的麵包伴牛油,咬下去很脆15分鐘左右,牛扒來了,賣相很好哩,味道和肉質也不錯,不是用鬆肉粉"乸"的感覺另配意粉,茄蓉十分新鮮炒河就油了點,沒什麼材料,稍為失色餐後喝了凍啡,水準不錯生果是西瓜,幾清甜又打包了咖哩羊仔脾,屋企人話幾好味架,下次又試試先

一號風球, 落雨濕濕...就0係公司樓下既港式食其實根本就係翠華, 不過名唔同, 地點唔同, 又貴d d今日終於有一日午餐係我想食...但係入到去又覺得貴左d (飲埋凍野要成$50喎)最尾就咁散叫左個XO醬海蝦球撈麵唔知係少人叫呢d 定乜野, 呢個撈麵上菜時間比其他野耐上檯都几眼前一亮...有五隻size几大既蝦球, 一碗魚湯, 一碟甜豉油, 一碟XO醬翠華/港式貴就係貴在呢d 排場...可惜, 麵太淋, 水又未晾乾, 溝淡晒d 豉油同XO醬, 所以碟麵好淡不過...個蝦球係好好味...真係好好味, 又爽又鮮甜...正!! 魚湯無咩特別, 稱唔上鮮甜...如果可以有淨蝦球就perfect...不過我諗...如果下次叫佢d 麵唔好煮咁淋, 可能會好d 既

到港式茶餐廳的一個下午茶先來是奶油豬仔飽, 飽質鬆脆, 奶油多到反哂光, 十分滿足!想食豬扒飽, 但原來宜家唔出了, 取而代之是新出的豬軟骨飽未試過, 就來一個吧豬軟骨好林, 好入味, 夾著包食都係第一次, 也算是別有一留風味不過我覺得豬扒配飽既口感會好d, 同埋豬軟骨好易散, 要小心唔好跌到成枱都係呢天氣熱來杯凍咖啡, 很香濃, 仲灑了少少咖啡粉響上面, 增加了醇厚感, 唔錯雖名為茶餐廳, 不過質素真不會失禮當然價錢也比一般茶餐廳高啦, 但都物有所值

I had a terrible meal there yesterday. I ordered Chicken A La King 白汁雞皇飯 but it tasted nothing like that. Even KFC can make it better than them. It was just tasteless and hardly edible. The chicken had no flavour at all and the white sauce was just full of cornstarch. I was totally disappointed. So guys.. listen to me, don't order 白汁雞皇飯!

歐陸早餐 ~ 薯蓉細細地幾好食 , 略嫌塊煙肉既肥膏比較多 , 將隻太陽蛋混埋茄汁豆一齊食味道好match , 雖然望落去d蕃茄仔好紅 , 不過唔愛食所以冇要到 ; 迷你牛油豬仔好似唔及同一集團既翠華整得好食。一早食完個咁豐富既早餐 , 再嘆埋杯鮮橙汁 , 返工做野都特別有幹勁。

2008-08-07食o左幾日好o野，就要食o下普通o野不過都搵o左間未食過o既港式茶餐廳，入到先知有上下兩層，仲要原來係翠華人窮志短，要了平平的(同出面比都唔算平)$25 牛腩粗麵份量算恰當，湯都清無味精，麵唔腍牛腩我嫌唔夠味道，雖然都尚算腍，但就缺少那種基本o既牛腩味可以啦，茶餐廳o者

與媽咪在中上環辦完事來吃午飯。甚麼瑤柱珍珠鮮蝦雲吞湯麵，鮮蝦雲吞是一口一粒的，份量幾generous（六，七粒？），瑤柱珍珠吃不出了，味道倒是很好。麵也相當彈牙爽口，有蝦子鋪面加條清菜，不錯！媽咪的魚四寶撈米線個樣幾大堆頭，魚四寶是魚腐，魚春卷，魚蛋還有一樣我忘了，我要了一顆魚蛋，是一般的彈牙。油菜是菜心，又是相當不錯，份量也不少。感覺上這兒沒有威寧頓街的翠華stressful; 那兒侍應們的極速四圍騰+粗口橫飛有時真是令人受不了。