港式茶餐廳 (已結業)

早餐外賣想由沙爹牛肉公仔麵改為通粉收銀姐姐話唔得令第一印象不好,茶餐廳的優點除了平,快外就係配搭自由第二印象也不好早餐套餐得3款但外賣要等4-5分鐘食物方面牛肉公仔麵-幾好,公仔麵似出前一丁粟米白菌炒蛋-本來用蛋白,健康d,加分但炒得太老,結果只吃了粟米和白菌,扣分麵包和飲品正常

除左有隻好得意嘅杯外(see photo), 呢度真係無樣好. 我好怕逼, 已經選擇人少的下午茶時段, 不過咁少客時service都係一樣的差, 地方又唔整潔! 後巷的新香園都好過佢多多聲! 要知道<港式>係貴過一般茶餐廳, 不過其他的長處真係欠奉囉! 我本來都去得幾密, 依家食下午茶改咗去對面<五龍>喇!!

星期六玩完大半日, 累兼餓, 已近晚上十一點, 要在中環街市附近就點經濟吃的不是太易, 見這裏仍燈火通明, 雖有點不願(之前食過午餐覺得麻麻), 但仍往來進.兩個人, 點了鹿兒島豬軟骨魚片魚旦米線: 豬軟骨係咪真係由鹿兒島來就不得而知, 不過都幾淋幾入味, 魚片魚旦口感都ok, 唔"削". (賣相都ok架, 不過, 分左一部份食物俾人之後先影相, 所以肉酸d)瑤柱珍珠雲吞麵: 賣相似有點湯底的撈麵, 雲吞細細粒, 一啖一粒, 蝦肉亦爽口, 帶丁點肥肉, 唔錯!! 可惜係麵身煮唔夠, 好硬.凍檸水凍檸茶: 正常茶記貨式整體算不過不失, 但有其他選擇時就唔輪到呢度喇~臨走時見到歐陽應霽也是座上客呢~

I also had very terrible experiences dining at this 'pricy food-joint'!!! I went there on a late Saturday night with a friend (unfortunately, the only place still opened in the area around that time) after movie at IFC. Since we did not have dinner beforehand, we were quite hungry and we each ordered 2 items of food and 1 drink.When the food finally came, we found out that they gave us the food which we had never ordered(2 bowls of fish balls with rice noodle in fish soup). At first I attempted

又一排無來，今次是同幾位朋友來。可能是位置影響，午飯時間這裡是非常的墟埳，好在有人來霸位，唔係唔使旨意有位坐，而等位的人龍是由地底排番上地面的。對午餐無咩興趣，就要了個豬軟骨魚蛋魚片米線。豬軟骨味道也不錯，炆得夠腍又入味，廋肉附著帶筋的部份，幾有咬口，不錯；魚蛋及魚片都只一般，鬆泡泡的，比起出色的魚蛋魚片，還有一段距離。湯底夠濃郁，加入了香茜及蔥，味道都幾好。但環境又真的是差了一點，檯擺得非常之密，地庫樓底矮，還有很多人吸煙，是迷迷矇矇的。侍應在車車轉，但叫人落單是幾經辛苦再叫完又叫才可以完成，不過人客多，似乎他們都已盡全力。連一杯咖啡，埋單40蚊，不算物有所值。午餐的話，中環還有大把好選擇，不用來這裡。

I had my breakfast nearly every day there for around half year. The team has been changed several times already.But I was disappointed by the "FATTEST MAN WITH GLASSES in the restaurant" who stands in front of the kitchen every morning. I order my breakfast A with TOAST. But the waiter A missed this point so a wrong delivery. It's normal to make wrong order there. So I told the waiter B about th wrong ordering and waited again. I have waited for about 10min and asked the waiter C again. And thi

星期五食家思同我都不約而同地分別被人放飛機. 相約去食個lunchie. 問Y小姐一唔一齊食, 原來佢約o左舊同事去Stormy Weather. 但係我同阿祖安奴星期三先去完Lux, 所以turn down o左佢.. 阿Y小姐都仲要串我睇唔起Stormy Weather出奇地十二點七港式餐廳都唔係咁多人. 我叫o左個咖哩牛腩飯. 水準同翠華差唔多. 凍奶茶都係更加出奇o既係, 食完晒都無人趕! 我地仲吹水到點半. 響翠華一定俾人趕o左十世! 中環o既茶餐廳好少o黎枝歌仔唱. 就憑o黎一點我由'中立' upgrade 到'笑'!

無敵位置, 前中環街巿隔籬, 半山電梯起點, 咁就腳, 當日去ifc'登高'之前, 就在此地先醫飽個肚.入去最大貼士就係捐地窿, 因地庫有超多卡位, 2人又有, 4人都有, 原本招呼阿嬸比地鋪某張, 但係搭位, 已有兩個渣煙阿叔坐係度, 心裡暗暗怪責阿嬸, 喂, 咁對待兩個日日都係情人節既情侶? 於是唔采佢, 自己搵位, 走入地庫新天地. 見餐牌幾十百樣, 萬木叢中一點紅, '馬來羊肉套飯'好似幾特別, 再加上當時內心一諗, 世上已出現左禽流雞, 口蹄豬, 瘋牛症, 似乎羊未有事, 就叫個來試下, 前菜係幾舊仔酸瓜酸蘿蔔, 可以不理, 餐湯係海底椰湯, 清清地唔太多油, 除左白飯, 所謂羊餐主菜, 其實同羊腩煲無乜分別, 除左盛載容器不同, 咪又係有羊肉,羊骨,羊皮,筍頭,芫茜, 比d腐乳汁點下, 就係咁多. 但價錢盛惠約$46, 可真不菲. 只論質素還可以, 同埋羊皮薄得健康. 但總體比較不可取, 下次必定不叫.另餐牌有齊中英文, 仲以為餐牌咁勁有埋日文, 原來只係部份promote至有, 不過主餐牌封面有句幾得意日文, 大慨意思係話, '時代在變世界在變, 港式咖啡永不變'. 奇怪

星期一因有D事要過去中環果邊,去左九記食左兩碗麵,都唔係好夠飽,所以就走左黎呢度補飛,地方超~~~大,有兩層,坐左地面果層,一入到去,感覺賓至如歸,好似自己屋企咁,要自己搵位坐...唔知係唔係無分吸煙同非吸煙區,周圍都有人食煙,飲左杯凍奶茶(唔記得12定13蚊),信我,赤柱都無咁貴,奶油豬仔包,(10個大洋)咩包黎架?仲貴過Delifrance個豬柳蛋包...但係同一般茶餐廳既水準無咩分別,o係餐牌睇到個公仔麵餐$34蚊?set dinner嗎??中區果然零括不同,做返個昇斗市民好了......

於中環出job，大伙兒隨便找了一間茶餐廳午膳，價錢卻是中上級!有的叫了時蔬米線($18)、魚蛋+魚片米線($25-$30)、是日精選($42-45)等，米線份量少，男仔吃會不夠飽，而且不夠爽口彈牙；但湯底味精不多，這是另人意外的是日精選有海南雞飯、日式定食、西式意粉，賣相不錯，但以這個價錢就不太抵吃，且份量也不多，味道因為沒有試(也因為沒錢叫)，所以不詳

自從數月前在這裡遭遇過「鐵達尼」的場景，一路都不敢再來。剛巧一天同個朋友食早餐，佢話坐了在這裡地庫，至不得已又再幫襯。無來一排，發覺又多野食左，而家連咖哩羊膝都有得食，賣五十幾蚊，都似幾食得過。其他野食不少，但早餐選擇反而不多。見朋友叫了奶油豬仔包，我就叫番鴦走少甜同奶油多。奶油豬仔包估唔到不錯，豬仔包烘熱了微脆，奶油香甜，是不錯的配搭；奶油多是厚多士，烘得透，奶油塗得勻循，比起左右隔離茶記的奶油多都有水準。咖啡味道似即溶貨，所以杯鴛鴦味道不甚佳，飲奶茶好一點。埋單33蚊，都幾抵食。當然我一路食一路留意有無異動，猶有餘悸嘛！

奶茶的柸幾得意，跟銅鑼灣的合發燉奶茶餐廳一樣，這相信是因為兩者都屬於翠華茶餐廳集團，食物亦因此差不多。奶茶($12)OK，厚奶醬多士($8)亦不錯，有很多花生粒。

上weekend 同friend去tea, 落到樓下問職員邊度係non-smoking area, 佢指我地坐低, 之後話樓下closed, 要我地上番樓上, 再問有冇non-smoking 位就指去間玻璃房, 不過要8個人先坐得, 眼見周圍個個食煙, 就問佢比唔比我地坐啦, 橫掂冇人, 點知佢一口拒絕, 一d 禮貌都冇, 話如果老闆番就要坐o個度喎, 好似好醒咁, 為老闆想, 計我話佢真係好醒唔醒, 幫老闆趕客最醒~ 而家做邊可以咁rigid嫁, 醒d啦!

同BF去IFC睇"朱古力獎門人", 見未夠鐘入場, 去醫肚先.唔知中環有咩好食, 之後見到呢間好似唔錯, 就入去試下. 呢到原本有分非吸煙區...實在太好喇!!!- 海中蝦豆腐麵線(撈麵): 雖然賣相同海報上有所出入, 但質量取勝, 有五隻中蝦, 十分爽口, 上面再加蝦子. 麵線方面, 用豆腐製成, 入口有好香豆腐味, 另外跟一碗魚湯, 好鮮甜, 又唔鯹.- 芝士焗石班飯: 賣相唔錯! 炒飯底再配吉烈石班, 魚肉嫩滑, 一D都唔"鞋". 雖然石班炸過, 但一D都唔厚粉, 感覺上石班仲多過飯^O^.

本人非常鐘意去茶餐廳醫肚，中上環的茶餐廳亦光顧過唔少，（港式）的食物平均都幾好，去十次大約只有一兩次失望，因為我鐘意試唔同的食物，最好的一樣野係有非吸煙區，雖然價錢係貴o左少少，但好o岩我同老婆去。