港潮樓

營業中

休息中

性價比高嘅中餐廳，點心多元化選擇，環境乾淨衛生，而且非常之寬敞，仲有獨立嘅房間，交通非常方便，附近已經有地鐵站同的士站等等嘅公共交通工具。點心性價比高，特別係我覺得呢一個小菜黃金涼瓜，做得都好有特色，而且我好鍾意食鹹蛋，呢個配搭非常之好，亦減少咗苦瓜嘅苦味，仲有佢嘅叉燒，我覺得又夠腍，而且非常之入味，我都特別推薦呢兩個小菜，點心方便，燒賣同牛肉都好好味。服務方面，非常之有禮貌，仲好體貼，每一個員工都做得非常之好，我好欣賞

上片皮鴨嗰時，個侍應專登將個片皮鴨放隔籬枱，唔知係咪張枱太細啦！我離遠睇，隻片皮鴨皺皮嘅，開頭不以為意，我自己又同客一齊，費事講，佢又拎開咗去片，片完個鴨架又唔俾返我，話要加$100就可以做多個生菜肉鬆或者涼瓜鴨，算啦咁。片皮鴨點知一食，凍嘅！一啲都唔新鮮！我個客都冇乜點食，幾尷尬！！隔籬枱嗰啲片皮鴨上菜時隻隻脹卜卜，熱辣辣！佢哋可能都知道唔新鮮，個鴨架費事俾我睇到。我後尾諗返起好後悔，一定要比差評！唔會再返嚟，一生黑！

下晏同同事飲茶，第一次黎好有驚喜！所有都係食咗先記得影系列叉燒有肥有瘦，各人口味都可以滿足到！點心幾特別嘅地方係可以逐粒計，配合商業地方嘅需要你想食幾多就幾多，蝦餃一啲都唔馬虎個皮好薄，而且啲蝦都好彈牙。鹹水角每次以三粒去計， 炸出嚟都脹卜卜，食嘅時候係暖既叉燒腸先係最有驚喜！一上枱發現佢嘅麵粉皮好薄，而且亦都唔會好少叉燒每件都好足料！如果去食誠意推介一定要叫！燒賣嘅份量都係可以逐粒叫，啲蝦一樣咁新鮮，叉燒包都唔會好甜，一人一半食啱啱好，雖然啲餡唔會爆曬出嚟，但係每啖包都會有叉燒覆蓋如果食炸嘢嘅朋友，呢個都好推介！同叉燒腸粉一樣個皮好薄，個油炸鬼冇油益味，食起上嚟亦都好脆，一啲都唔馬虎！發個太遲先發現到佢！希望之後有機會再去食！

平時同屋企人慶祝/做節多數都只會去樓下酒樓，咁啱有朋友推薦我哋試下呢間港潮樓，見價錢公道、食物相唔錯，就決定book 6:30去食🙈一去到就有職員好熱情招呼，初頭以為時間尚早所以得幾枱人，點知食完8:30嗰陣全場都係得6-7枱客左右，睇嚟香港個市真係靜靜地，但其實佢哋嘅食物都幾值得試🥲首先嚟到嘅係特價$198片皮鴨，睇住職員原隻燒鴨攞出嚟再逐塊逐塊切真係超吸引🤩雖然冇問要唔要鴨殼，但其實都片得好足，除咗有脆皮、仲有唔少肉，啱曬老人家食😋麵皮都好夠，食完唔嗌飯都好夠飽🤣第二樣推薦嘅係京蔥汁牛肋骨($330)，真係原條骨上，有9舊好厚好大塊嘅肉，絕對夠一枱人食，而且炆到好淋好入味，係蛋白質豐富嘅”老少咸宜”，啖啖肉得嚟又唔油膩😆如果少人啲仲可以叫半份，但當然相對上就會冇咩抵😝第三碟係食咗幾舊嘅秘製黑芝麻醬烤骨($138)，點知一啲都唔黑，反而有啲似金沙骨🤣食落鹹鹹甜甜咁，肉質彈牙、近骨嘅肉仲要有啲肥膏口感好正😋菜方面試咗荷葉金蒜蒸菜心($118)同啫啫唐生菜($128)，前者嘅蒜蓉蒸完幾香，用嚟撈飯撈炒麵一流，不過荷葉就係為賣相居多😜唐生菜就偏鹹、而且有少少死鹹，可能平時食慣灼菜，所以呢味

尖東高質平民酒樓 -  港潮樓要係油尖旺一帶搵到價錢便宜又比得上米芝蓮級數既酒樓, 真係一D都唔容易 ! 今次CK同一班朋友仔見到網上唔少食客都對即將介紹既餐廳 -  港潮樓讚不絕口, 就黎呢度食餐晚餐一探究竟 ! 港潮樓既前往方式比較麻煩,佢離港鐵紅磡站D1出口最近,但問題係都需要行10分鐘左右架不過勝在離開地鐵站後一條大直路落到底望右面已經見到間酒樓, 唔太難搵到既 !  酒樓應該容納到200人以上, 近窗位可以間開做好幾間房招呼客人, 酒樓整體什至廁所都算乾淨我地８個人叫左以下既野食~1. 蟹籽海鮮炒飯 $２0８2. 金銀香浸時蔬 $９８3. 蝦乾唐生菜 $９８4. 菠蘿咕嚕蝦球 $１９８酸甜開胃，特別推介！5. 燒汁蒸豆腐 $９８6. 黃金蜜桃炒蝦球 $１９８酸甜開胃，特別推介！7. 紅燒羅漢豆腐 $９８8. 脆皮鹽香雞 半隻 $188脆皮香口，特別推介！9. 是日老火湯 $８８10. 鹵水黃金豆腐 $９811. 鹵水掌翼 $９812. 秘製豬頸肉 $９8甜甜地有咬口，特別推介！港潮樓地址 : 尖沙咀加連威老道100號港晶中心1樓營業時間 ： 星期一至日 １１：００ —２３：０

同親朋戚友去咗尖沙咀嘅港潮樓用餐，簡直係一流啊！不過要留意，如果你想食佢哋嘅菜，最好早啲book位，因為午市成日都好多人。我個人感覺啲燒賣同蝦餃麻麻哋，口感唔夠彈牙，但係啲生煎包就好鬼好食，煎得啱啱好，餡料又夠多又夠鮮美，好鬼正！！而且啲小炒王有鑊氣又唔係話太貴，啱晒一班朋友一齊嚟🥟👍

消費卷! 消費卷!出左消費卷當然要食豪DD, 約成班同事一起LUNCH 刺激香港經濟酒樓推出 BIG promotions大大隻填皮鴨 💥💥 $198  $198  $198 (重要既事要講三次 ) 真係好抵食! <呢個價除時可能會沒有了>呢隻鴨絕對絕對對得起呢個價, 整體合格以上, 隻鴨燒得好靚夠大隻, 吾乾身,  鴨餅皮夠厚身, 吾太薄, 連埋大蔥絲、絲、甜麵醬，用薄餅夾埋一齊食，真係一流👏👏..  個個都爭著一件 又一件 不斷放入口另一推番茄牛肉石頭窩飯, 熱炳炳, 香噴噴, 非常好味 (間吾時都有飯焦係窩底)再加多幾個點心, 呢一餐就差不多完結了,記得隻填皮鴨一定提早預訂, 沒有即場ORDER 的

同事介紹嘅一間中菜館，日頭飲茶🫖，夜晚食小菜～今日難得放假，就一於試下佢個晚市～\ 🍲 淮山杞子螺頭豬展湯 /超足料!!!個湯好清但味道好濃，真材實料完全無味精～飲落仲要好滋潤(⁎⁍̴̛ᴗ⁍̴̛⁎)\ 🍊果皮清蒸南非鮑魚 /酒樓裡面有魚缸養住唔同海鮮，煮之前先撈上黎，所以係超新鮮～食海鮮我最鐘意就清蒸，因為可以食到原汁原味，新唔新鮮一食就知！南非鮑魚好大隻兼厚肉，入口啖啖肉，口感彈牙，火侯同時間啱啱好，一啲都唔韌 '(*ﾟ▽ﾟ*)'\ 🐚蒜茸粉絲蒸元貝 /元貝一樣好新鮮，食落好鮮甜！🧄蒜茸加埋啲元貝汁撈落粉絲到，濃濃嘅海鮮鮮味超好味!!\ 🦆京式片皮鴨 /推介!!! 片皮鴨烤好之後原隻上，職員會喺你面前一片一片咁片出黎，手法非常純熟。一上枱就見到外皮好令身，聞到陣陣油香～餅皮係用蒸爐盛載，熱烘烘嘅餅皮🫓，包住鴨肉，再加上青瓜🥒、蔥絲、醬汁，食落去外皮酥脆鬆化，會聽到咯咯聲～加上肉質嫩滑，餅皮厚薄適中，簡直係人間美食!! 真係會keep住一塊又一塊咁放落口停唔到～🤩🤩\ 🦀花膠條蟹肉炒蛋白 /相對地比較遜色，蛋白有少少overcooked唔夠滑，花膠條未浸透有少少硬身，蟹肉亦唔多..\ 🥬石鍋者

公司老闆係外國飛過黎, 當然香港同事要同佢食餐lunch洗塵通常呢D情況, 就緊係揀酒樓最穩陣, 仲要揀正公司樓下個間反正都係開公數, 當然就食盡佢- 有優惠既片皮鴨~叫!- 燒味拼盤~叫!- 蝦餃燒賣~叫!片皮鴨既味道幾好, 個皮夠脆, 不過淨係包肉, 鴨殼冇得二食有D可惜燒味拼盤好食! 燒肉既皮夠脆, 叉燒有燶邊點心既水準就一般茶樓既水準反面叫左個湯飯同個炒面整得幾好, 湯飯夠味, 飯粒又唔會化開曬, 炒面脆口得黎唔算硬, 整得幾好本身諗著普通既酒樓公司午餐, 點知比到驚喜我, 野食份量足, 味道好外國人老闆都好滿意今餐!

已在此中型酒家覓食多年,但一直冇寫過評價.原因係每次都掛著回味,食完回家途中更係計劃下一次幾時再同親友共享美食,完全忘記要公開分享心得.今晚趁著中招在家休閒中,來過N年綜合評論,食点心只要肯付出約$130 可以令大男人摸著個肚,笑笑口離開.晚飯約$300一位,包你冇投訴,只有回味.推介菜式就冇啦,因為任何一樣都不會失望,你可以不相信,因為我都唔希望將個人飯堂变成快餐店,人來人往,咁啦,做個比較,與北京樓,翠園,美心集團相比,价格9折,質素高左20%%

今天同事Farewell，又來個團伙聚餐 ...訂了一煲老火湯，“赤小豆粉葛鯪魚煲豬橫脷”，湯固然鮮甜，湯料豐富，豬橫脷粉嫩，豬腩肉還有點咬勁，鯪魚肉還很香，沾點豉油，還算是一道美食。一條兩斤的黃皮老虎，做兩味，第一道“西芹炒球”，底味做得很好，拉過油，夠香，煙韌，有魚味。這道“紅燒斑頭腩”，我更喜歡，炆過的魚腩、魚皮，香、滑、惹味。“烤牛肋骨”，應該慢煮過再烤，有焦香，嫩滑但還有點彈牙。“燒鵝”，正常。“啫啫通菜”，料頭超香，把已很青脆的通菜提升了兩個層次。

Kong Chiu Lau was having a promotion of $188 for an order of peking duck. Good deal but of course couldn't expect much lol. Big portion, enough for a family to share, but the team was too busy and left behind the duck for too long before skinning. The duck skin was crispy, the meat was a bit dry but acceptable. The pancakes for rolling the duck and veggies were served hot. We also ordered ginger scallions mud crab, which was overcooked and greasy. But I'd say this is the average quality you get

好耐都冇去嘆返一盅兩件，今日lunch就同成班朋友去咗尖沙咀附近既細酒樓聚一聚🧱港潮樓就係港晶中心1樓，正正就係元氣壽司上面，相當容易揾😙 酒樓唔算好大間，主要都係招呼附近既上班族。午市餐單就主要係有張小菜同點心，仲有款孖寶每日唔同👯‍♀️今日就係蜜汁靚叉燒拼干炒牛肉烏冬，我地都有叫。 點心就都好大路，但都有d特色野好似鮑魚糯米雞、班蘭椰汁饅頭同鮮蝦長春卷，最欣賞既就係有得逐件叫，唔使成日比一籠幾件限住👍 今次叫咗十幾款點心包括蝦餃燒賣、奶皇包同埋鳳爪，再加埋腸粉，覺得呢度炸既點心會出色d🔥好似長春卷同金絲香芋酥都好香口。 不過干炒牛肉烏冬既牛肉有d痴埋一舊，搞到炒出黎唔熟🤨好彩有發現就冇食到。叉燒既火喉幾好，食落口感鬆軟。

呢間酒樓，真係好有回憶😂對上份工就係成日嚟呢間酒樓同同事飲茶🤣🤣🤣公司過時過節又喺呢度食😂走咗之後我都冇再嚟過飲茶，醒起呢間酒樓就book位飲茶啦🤩🤩🤩我覺得D嘢食都仲keep到水準🤣👍🏻服務都好好，叫咗鮮竹卷、蝦餃、燒賣、腸粉、鹹水角、皮蛋瘦肉粥🤩🤩🤩一檯都係嘢食就最開心🥳🥳🥳鮮竹卷，材料都足，唔好望落好乾，啲汁喺晒底，唔算太多，我覺得夠，唔駛杰達達咁食🤣 鮮蝦腸，皮夠薄，好味！粒粒蝦都好新鮮👍🏻👍🏻👍🏻最緊要上檯嗰吓都好熱！正🤩🤩🤩鹹水角說唔算好大粒，不過都漲卜卜🤣個皮唔厚，餡都算多👍🏻👍🏻👍🏻幾好味🤩蝦餃燒賣真係必食，蝦餃最驚係個皮勁厚，好彩呢度係皮薄，可以一粒啪晒入口😂😂😂唔錯👍🏻燒賣賣相一般，但都好足料，豬肉喺面，有粒蝦喺底🤣🤣口感好爽👍🏻最尾碗粥就等得比較耐，都問咗2、3次先到。佢個style係生滾粥，超爆熱同埋都大碗🤩😋🤤以後普通廚房一早煲定嗰款🤣🤣🤣佢嘅瘦肉竟然係肉片🤤🤤好有誠意，皮蛋就比較少，多返啲會再正D😋🤣

尖沙咀加連威老道100號，科學館附近（港潮樓），是傳統粵菜酒樓，個人覺得味道挺不錯，價位屬於中高，人均500元左右。可以嘗試一下，食完飯酒樓周圍可以逛街，購物天堂同旅遊勝地。