港煮港食 (已結業)

同朋友喺深水埗珠仔街工作完，順路喺附近覓食，於是試一試呢間茶餐廳。小店不大但算乾淨整理，二個人點左蝦醬通菜,椒鹽鮮魷以及店員姐姐推介嘅蜜餞腰果牛柳粒，每個小菜都附送白飯例湯。一上菜已有驚喜位，冇茶記求求其其炒埋一碟嘅感覺，老闆用炸米粉沙律菜伴碟，有酒樓小菜嘅質素。第二個驚喜位係蜜餞腰果牛柳粒，老闆用料大方，牛柳粒肉質軟滑非常多汁，唔係廉價牛肉，加上甜甜地的腰果，值得一讚。蝦醬通菜好惹味，蝦醬汁送飯一流，每餐必需要食菜嘅我，表示滿意。而椒鹽鮮魷則稍嫌粉漿厚左少少，食到最後有少少硬，建議要趁熱食，卜卜脆。整體都覺得滿意，兩個人食到好飽都係200蚊左右，下次再試埋招牌椰汁雞煲!

上兩個禮拜一個人係深水埗呢間港煮港食食飯，入到去覺得鋪面光線充足餐牌選擇多，晚市以小菜為主，店員落力推介椰子雞鍋，不過自己一個人又怕食唔晒，睇咗好耐之後點咗個福建炒飯，等咗約10分鐘左右，炒飯有蛋香福建炒飯係好多茶記嚟講會好少俾埋細嘅帶子粒呢度相對嚟講料夠多，味道都幾好,凍檸茶正常，雖然地方吾係好寬躺，但$48黎講價錢算係低食，宜家汝卅街真係多咗好多好多餐廳選擇，如果以茶記黎講個人覺得呢間值得推薦俾大家。

勁鍾意食茶記嘅我，成日去唔同餐廳食早餐同常餐。以早餐黎講，唔多餐廳有叉燒選擇，難得見到呢間有，即刻入去試下啦。其他係典型常餐選擇（$29），沙爹牛肉、五香肉丁、雪菜肉絲等等。朋友想清啲所以叫左彷鮑片火腿米加奄列，如果想加方飽或多士要加$1，加奶油豬要加$3，少左塊飽又點叫完整的常餐呢，所以我加左$1😉。我就叫叉燒麵，餐蛋加奶油豬。份量唔少，碗米粉大大碗，鮑片火腿都唔孤寒。加左$3嘅奶油豬就得半隻，似乎細左啲喎。但叉燒都唔錯，夠淋。符合茶記水準。食食下望望餐牌，原來佢仲有得揀香茅豬扒（$31），都係俾多$2啫，下次要再黎試先。

第一次係度寫食評，今日夜晚係深水埗買完嘢後8點半左右途經汝洲街呢間（港煮港食）因為見門口員工幾落力介紹，就一於試下啦，座位吾多，不過都算企理地下干淨，跟住坐低叫咗一款四川回鍋肉小菜套餐。上菜時間等約10分鐘，嚟到見到個賣相都幾吸引😍然後食落味道夠香😋有少少麻辣味，腩肉切得都夠薄，因為太厚會好鞋，不過本人略嫌青椒就吾夠辣，我諗可能吾係長嗰隻青椒，但整體都好，凍檸茶唔太甜，我鐘意，埋單連凍飲$70。下次會再嚟😃

今晚九點半左右放工想食個焗肉醬意粉， 就行咗去老爺冰室食，點知已關門。 咁係佢隔離就係呢間「港煮港食」，見佢燈火通明， 就問吓個職員有無焗肉醬意粉啦， 個職員就好積極咁入廚房問，然後回答仲有。咁我同家姐就入去試啦， 落左單之後，我就行左去西九龍中心㩒錢，㩒完返來都十點一二啦，點知個焗意仲未到，我哋又坐左陣， 就聽到個樓面問水吧個職員，「喂，個焗意仲未有呀？」之後水吧個職員先恍然大悟咁跑左去焗爐個邊拎個焗意出來比樓面。 咁個焗意無冇燶的。 但係 一抄， 料勁少， 薄薄一浸， 無茄味無芝士味。 啲意粉發脹晒，無味。都算， 食到尾 ， 見到然後， 同店員講左聲話佢哋唔係好衞生之後就買單走人雖然個疑似經理的人話唔收錢，叫我哋下次再來食，不過我哋有照比錢，始終佢哋咁夜都做埋我地生意，又真係有食到， 所以都係要比錢的不過要再來食就不了， 一來衞生欠佳， 二來食物質素都唔好 最後要提一提， 叫左杯凍奶茶少甜，但係都好甜， 而且茶味同奶味都欠奉

深水埗有好多間茶餐廳，這間店名充滿港式 味道，就入去試下佢點樣“港煮港食”❕芙蓉蛋飯，看來簡單，但要取得食客歡心殊不容易，飯底要份量及軟硬適中，飯粒金香；芙蓉蛋材料必須新鮮，韭黃、銀芽、火腿、叉燒分量必須配合得準確， 蛋漿的蛋味必須味濃沃， 但這店的芙蓉蛋，味道太咸、材料不新鮮、蛋味淡，上面 豉油是鼓味不足， 完全不合格。最後價錢偏貴，性價比很低❕

去左深水埗呢間港煮港食食午餐，叫左雪菜肉絲炆米...味道一般，因為冇乜味，要加辣椒醬調味不過份量都好大碟，要填飽肚絕對ok,如果講味道就很一般，不過價錢都唔貴...一分錢 一分貨啦😌埋單$42

深水埗中西食肆林立，喺汝州街竟然有一間餐廳，門口嗰啲招牌菜式都幾吸引，於是入去試吓。碧綠桂魚球 賣相真的好靚，桂花魚身切片炒西芹，魚頭裙邊就炸到香脆，魚片好鮮甜。這道菜竟然唔使到大酒樓都可以品嚐到，真的要讚大廚巧手功夫。粉絲海皇什菜煲海鮮煲有鮮蝦， 青口 ，魷魚，小粒帶仔，菜就有芥蘭，西蘭花，白菜仔，幾足料，粉絲浸在湯底，好味。

午餐同女友喺深水埗揾食， 見到門外可以停到車，就泊低架車入去食過快既午餐！店内空間不算寬敞，主要以細檯為主，但茶餐廳食物才是重點吧！我哋分別各自叫左一個午餐share , 分別係咸魚雞粒炒飯同四川回窩肉飯，炒飯鑊氣十足，有咸香，雞絲亦不會炒到太乾！四川回窩肉除了有鑊氣外，仲加入左乾辣椒同新鮮既辣椒，另半肥瘦既豬肉份外惹味，亦令爽口既椰菜除了甜品以外，多了一份辣味，兩個飯既份量都幾大，我哋兩個人最後都有食剩少少，以茶餐廳嚟講，佢做到左快靚正既重點，重要好食，埋單唔駛一百，可以再幫襯！

想寫呢個食評好耐啦，但無人打過卡，前兩日街過先寫抵門牌同影張門口相，好易搵珠仔一條街(即汝州街)近西九龍中心，深水步投注站對面又係傻下傻下搵到，唔知食咩由旺角行到深水步，就係門口寫椰子雞煲吸引左試菜，有個好鬼抵2人餐，已經包左半隻椰子雞氣體爐熱窩上，加左香茅好清新，個湯好好飲，男友怕太肥肚痾，唔比我飲太多，雞真係足半雞，肉好滑中式例湯無味精，係咩湯就唔記得啦，前菜/主菜各選一，前菜要左涼拌木耳，少少麻辣正呀，小菜叫左鮮魷炒西蘭花，唔好睇好似好細碟，鮮魷好多好新鮮，一定比其他茶仔多，跟兩碗大白飯，仲有野飲$168無加一，去邊度搵，仲要好味*支持小店!!!

係西九龍做完野，好肚餓，附近搵野食，見到門面幾光猛，裏面幾新淨，叫左最鍾意既瑞士汁牛肉炒河，結果無河粉，廚師出黎話“轉米粉好唔好，都幾索味”，跟住就照去馬，啲米粉果然索晒啲瑞士汁，可能比炒河更入味，同埋唔算多油，牛肉夠冧，唔錯，如果味道再濃啲更岩我，可以再黎食下其他野。老闆都幾親切，會主動同客傾計，吹水，見啲客會請老闆食生果，應該都係有人情味餐廳，深水埗果然係有人情味既地方，不過通常都係越基層越溫情，睇下明哥派飯就知。