港畔餐廳

營業中

休息中

終於嚟試到呢間人氣buffet ❕今季以🦀蟹為主題 .ᐟ‪ 餐廳樓頂高 空間感十足 夠光猛環境，食物款式多樣化幾豐富，賣相好精緻 ⸝⸝⸝ 冷盤 / 沙律區 ⸝⸝⸝ 🌟 五款沙律都好食，雜菌爽口，韓式泡菜牛肉夠腍 ⸝⸝⸝ 海鮮區 ⸝⸝⸝ 🌟 蜘蛛蟹&麵包蟹超多膏❌ 鱈場蟹有D失望，比較水，好似解凍嘅狀態，冇想像中咁好食 ⸝⸝⸝ 壽司 / 刺身區 ⸝⸝⸝ 🌟 成碗三文魚籽 🌟 帶子好厚肥美、油甘魚、甜蝦鮮甜❌ 吞拿魚質素好一般 ⸝⸝⸝ 熱盤區 ⸝⸝⸝ 🌟 巴東牛肉入味汁濃郁 🌟 鵝掌大size入味夠腍 🌟 金菇蟹黃醬撈日本稻庭烏冬🌟 花雕蟹肉雞油蒸蛋白 🌟 蟹肉臘味飯🌟 即炸天婦羅 🌟 即包片皮鴨鴨皮脆 🌟 海鮮咖喱❌ 西冷牛扒凍 ⸝⸝⸝ 甜品區 ⸝⸝⸝ 🌟 自家制雪糕 - 開心果、芝麻、港式奶茶味 🌟 綠茶戚風蛋糕鬆軟，綠茶味濃唔太甜 🌟 蛋白杏仁茶味道濃❌ 葡撻皮唔脆唔熱 ❌ 抹茶曲奇假甜味 ❌ 鮮莓撻撻皮超甜訂座時註明慶祝生日 所以安排送小蛋糕和生日牌寫名值得一試嘅，但因為價錢偏貴暫時未吸引到我去第二次—ʜᴋᴅ $688 +10% service charge 𝗉𝗉 (weeken

提早慶祝中秋節,我,太太,外父和外母相約往尖沙咀麗晶酒店港畔餐廳食自助晚餐,謝謝太太提早兩個月前訂位,我們食頭場17:30至19:30,自助餐食品豐富,這裡有冷盤,凍海鮮,刺身,熱食和甜品,冷盤有谷巴火腿,巴馬火腿和沙樂美腸,食落咸度剛剛好 ,凍海鮮有蝦和青口,食落味道新鮮鮮甜,刺身有蝦,拖羅,帶子,油甘魚,三文魚和吞拿魚,蝦,帶子和三文魚食落新鮮,吞拿魚,拖羅和油甘魚肉質鮮甜味美,金萡三文魚籽味道鮮甜,熱食有花雕南瓜燴鴨肝,蒸龍蝦,片皮鴨,花膠冬菇鵝掌,炆鮑魚作主打,花雕南瓜燴鴨肝食落有花雕酒香,鴨肝入口即熔,南瓜香滑,蒸龍蝦肉質鮮甜新鮮,口感一流,片皮鴨食落有油花,花膠冬菇鵝掌花膠爽口,冬菇和鵝掌食落軟腍,炆鮑魚食落彈牙,烤肉肉味香濃,另外有意大利雲吞,煎多寶魚,羊架和炆牛肋肉,意大利雲吞皮薄,口感一流,煎多寶魚肉質鮮嫩,煎得爽脆,羊架比較生,如熟一點口感更佳,炆牛肋肉肉味香濃,西湯有意大利雜菜湯,飲落口感清新,甜品提拉米蘇口感香滑,另外酒店有肉眼,肉眼食落肉味香濃,甜品款式多有焦糖燉蛋,面包布甸,朱古力蛋糕和自家製雪糕,焦糖燉蛋甜度適中,面包布甸口感順滑,朱古力蛋糕味道香濃,雪糕

港畔餐廳自助晚餐一向比較難book,親友訂了酒店房間及預訂了自助晚餐，一行數人去食自助餐，餐廳環境不是非常豪華但不失典雅，侍應生及工作人員服務細心有禮。海鮮有海蝦，長腳蟹， 翡翠螺，麵包蟹，海鮮冷盤都算新鮮。刺身壽司有多款壽司及卷物可供選擇，刺身有亦有多數，有金槍魚，三文魚，海膽，帶子，全部都好新鮮，本身自己唔接受腥味，所以一唔新鮮就食唔到，但今晚食最多係刺身。半邊燒龍蝦不停供應，你想要幾多隻都可以，龍蝦是急凍已熟龍蝦，當然不及新鮮好食，但都是合格以上。燒西冷牛扒原條燒制，想食幾多工作人員切幾多比你，牛扒的確有驚喜，外面燒香，內裏粉紅色一點血水都沒有，肉質嫩滑有肉味。還有多款熱食，煮鮑魚，海參，花膠全部任食。甜品亦有很多選擇。雖然自助餐費係比較高，但所有食物都係任攞任食，不像其他自助餐較高級食材會限量供應，大致所有食物都滿意，大家都食得好滿足。

臨近聖誕，當然係約三五知已慶祝下啦！今日黎到尖沙咀好出名既五星酒店，試下佢既自助餐先！食物款色都幾多，refill 都好快。刺身係好高質的，最中意係佢既帶子，大大粒甘比完全唔手軟，鮮度夠，係吃到海鮮既甜味，正！另外鵝肝係必食！好大舊又煎到表面香脆，內里爆汁，好邪教但真係好好味！熱食既選擇都唔少，今晚有蠔蟹煲，蠔肉好嫩滑，隻醬有少少似雞煲個隻味，好惹味！最後甜品都非常好，竟然有開心果窩夫！OMG, 想講個窩夫即叫即整，等左3分鐘左右，好脆！而我另外加左個開心果雪糕落去，好正。 我一個人吃左3轉。。真係正總結依個自助餐絕對值得一試

今日，一行五人去咗尖沙咀，Regent酒店的Harbourside食lunch buffet, 有些人說Harbourside是buffet天花板， 所以，來試試。我食咗沙律，parma ham, 芝士，西湯，北京填鴨，燒牛，羊腿，咖哩，牛仔骨，凍蝦，雪場蟹，蜘蛛蟹，三文魚，hamachi, 帶子, 甜品，雪糕。其中，parma ham是高質的，凍蝦很新鮮，蜘蛛蟹的肉很硬，無味道，羊腿味很羶，北京填鴨，內面加了日本的新香 (酸羅白), 味道搶了填鴨的味，不太好食。咖哩普通，牛仔骨，鬆肉粉太多，甜品方面，朱古力馬卡龍好味，朱古力蛋糕過甜，自家制雪糕高質，有8 款味道，推价芝麻雪糕，同埋士多啤利雪糕。生果方面，西瓜，蜜瓜也可以一食。仲可以試下百香果。飲品有凍的冷泡茶，椰子水，buffet本身另包埋港式奶茶，薑茶，咖啡。我試了港式奶茶，味道普通，茶餐廳會更加好飲。價錢$619 已包加10% (用kkday), 食物方面，可能其他酒店會更勝一籌。

今晚約咗班識咗好多年嘅中、小學同學聚會，之前大家都想搵一間高質自助晚餐，不約而同大家都想去麗晶酒店Harbourside港畔餐廳。雖然冇重新開張咁難訂枱，但我哋都早一個月訂定星期日10位先。自助晚餐食物種類好多選擇，我最愛食海鮮，今晚凍海鮮有長腳蟹、麵包蟹及蜘蛛蟹，翡翠螺，海蝦，青口，仲有蒸波士頓龍蝦，上湯烚熱先上碟，蟹鉗已經拆好肉，抵讚，可以配不同口味醬料。刺身我試咗大粒帶子、拖羅、吞拿魚、油甘魚、三文魚、赤蝦、北寄貝、金箔三文魚籽及加拿大海膽壽司，每樣都非常新鮮，無腥味😋，所有凍海鮮及刺身都 Refill 好快👍🏻熱葷我揀咗名貴食材花膠、鮑魚、海參、鵝掌，都炆得軟腍入味。鴨肝拼蟹黃洞庭烏冬，連蟹仔都食埋，烏冬彈牙。再食一件片皮鴨及一件羊架（肉汁嫩滑又無羊騷味），要留肚食甜品。甜品我試咗無花果cake,芝士蛋糕，綠茶蛋糕及朱古力馬卡龍，及即制可麗餅。最後我食埋自家製嘅開心果及奶茶雪糕，玫瑰荔枝及柑橘🍊雪芭，唔太甜好好味。雖然自助晚餐價錢要$1000蚊，但成晚對住咁靚嘅維多利亞港仲睇埋幻彩詠香江，加埋有咁多高質素既食物及服務，真係值得再去食。( Remarks: 我哋10 個人食自助晚

一年多前裝修完我前後黎過三次食自助餐食物質素一定唔會令你失望無論係味道、擺盤、新鮮度都達五星級水準今次係蟹做主題蟹粉撈烏冬好好食麵包蟹超級多膏長腳蟹好大隻啲肉好嫰非常好食海鮮類全部都好出色甜品所有朱古力味都偏甜我哋最鍾意焦糖焗布丁、芝士蛋糕非常滑口好好食荔枝味&開心果味雪糕好有驚喜環境、服務都滿分今次透過網上平台訂位$449性價比超級高我覺得一定要最少食一次既自助餐

5星酒店+5星服務👍🏻地方整潔舒服不用講，酒店職員亦相當貼心（每枱都走去介紹有咩嘢飲，而且可以添加👍🏻👍🏻）食物質素不用質疑，冷盤海鮮新鮮，熱盤亦相當不錯☺️甜品精緻🤩唯一要彈，係去到尾段，想要杯熱茶或熱水，職員居然拒絕🙄我唔係想要檸茶，係要杯熱水喎！真係令人驚訝😱舉手之勞居然拒絕❌真係要扣分了！

今日同朋友慶祝生日就去咗呢一間自助餐，見到上網都好多人推薦話佢啲嘢食非常新鮮，今日走去同朋友一試！冷盤海鮮，海鮮嘅朋友真係不能夠錯過，基圍蝦非常爽口彈牙，而且味道都唔錯，再加少少冷盤嘅醬汁，非常開胃！青口就冇乜特別，可以skip! 刺身就推介佢嘅Toro，出邊食都非常貴，呢度可以任食，食多幾件真係回本！而且味道都好好，三文魚油脂豐富，非常甘香，而且師傅非常厚切，好好食，亦都有蝦嘅刺身！屋企人就鍾意食花膠冬菇鵝掌，呢一啲傳統嘅中菜呢一間自助餐都有提供，非常有驚喜. 羊架我都覺得幾出色，唔會有蘇味，而且佢嘅味道充滿香草嘅味道，好好食！

維港邊嘅高價自助餐食物選擇都算多但都係冇生蠔有 長腳蟹 凍蝦同埋 龍蝦任食但係 龍蝦質素一般好似未熟咁質地怪怪地不得不一提壽司吧嘅哥哥仔非常主動提供刺身唔似其他自助餐咁 咁孤寒仲有三文魚子任食又小型海膽軍艦 同埋甜蝦都唔錯當日每位都有提供一盅燉湯味道都唔錯 熱食方便有原條蒸魚鵝掌 花膠 海參到甜品方便雪糕係必食係少數酒店自助餐雪糕係好食嘅每款雪糕都好滑好香整體嚟講服務態度非常之好收碟速度都好快但價錢算高 節日可以考慮

喺網上旅遊平台見到有蟹主題嘅自助晚餐，於是就決定卜枱同鍾意食蟹嘅朋友慶祝生日。餐廳會早兩日打電話confirm booking，同埋問係咪慶祝生日，話可以安排送小蛋糕和生日牌寫名字，非常貼心👍食物種類好多，環境乾淨企理，有大大個維港景對住，樓底又高，感覺好開揚。凍海鮮、刺身、熱盤、甜品嘅選擇好多，賣相又靚，味道都非常好。刺身食咗幾次，不停𢳂三文魚子食。蟹腳夠鮮，唔係死鹹。食咗幾轉白灼波士頓龍蝦，彈牙之餘又鮮甜，比凍食更加正。期間限定嘅鴨肝拼蟹黃烏冬都唔錯。鮑魚花膠鵝掌全部都任拎，超正🤩職員服務態度非常好，殷勤有禮，會主動幫忙拍照👍👍價格雖然不便宜，但品質一流，下年會再跟朋友來慶祝生日🎂

秋風起又係食蟹嘅季, Regent $5xx任食貴價🦀🦀🦀👍蜘蛛蟹同埋鱈場蟹都係任食！仲要不斷refill！仲有各種不同用蟹做嘅特別菜式，墨魚蟹肉油炸鬼，花雕蟹肉雞油蒸蛋白，薑蔥茅台炒蟹，仲有廚師即叫即整嘅金菇蟹黃醬撈日本稻庭烏冬！除咗呢啲之外，沙律吧都非常有特色，好少自助餐會做得咁好食！仲有師傅即叫即整片皮鴨，牛舌入口即溶！佢哋嘅雪糕都係自家製，港式奶茶口味好特別，呢啲全部都好值得試！每一位自助餐仲包嘢飲，朋友嗌咗 English black tea，係超級大！壺！茶！小朋友都有好多嘢啱食，佢哋嘅服務亦都非常好！用AMEX信用卡仲有八五折優惠！呢間酒店嘅自助餐已經食過幾次，真係要推介一下💥💥💥整體分數：🌟🌟🌟🌟🌟Baby friendly: 👶👶👶👶👶港畔餐廳 (尖沙咀)尖沙咀梳士巴利道18號香港麗晶酒店地舖As the autumn breeze arrives, it’s the season for indulging in crabs 🦀 at the Regent Hotel for around $500 all-you-can-eat of premium crabs!

首先呢個價位就一定係有返咁上下期望，所以要求會高啲。————————————————————刺身種類唔多，但係全部都好新鮮，特別係拖羅夠肥，魚子脹卜卜，帶子同甜蝦都好鮮甜🫶🏼😋————————————————————可惜蟹就冇想像中咁好食，唔需要為咗麵包蟹同長腳蟹以嚟！————————————————————其他嘢包括牛肉，羊架就非常普通，有少少失望。————————————————————應該唔會再嚟。。。

𝕋𝕊𝕋 • ℍ𝕒𝕣𝕓𝕠𝕦𝕣𝕤𝕚𝕕𝕖📍 𝔾/𝔽, ℝ𝕖𝕘𝕖𝕟𝕥 ℍ𝕠𝕟𝕘 𝕂𝕠𝕟𝕘, 𝟙𝟠 𝕊𝕒𝕝𝕚𝕤𝕓𝕦𝕣𝕪 ℝ𝕠𝕒𝕕, 𝕋𝕤𝕚𝕞 𝕊𝕙𝕒 𝕋𝕤𝕦𝕚::::::::::::::::::::::::::::::Set in its bright and photogenic ambiance, @hongkongregent serves the best buffet with an array of international dishes. Limited time pizza collaboration with the award-winning Tokyo pizzeria @pizzastrada10 til Sep 30 to enjoy the great pizza made with homemade dough and exceptionally chewy texture.The drool-worthy fresh seafood station, together with the sushi, grilled meats, noodles, and a s

因為在優惠訂購平台看到優惠，所以特意和家人來試一下。準時12點到達，餐廳已在安排入座，人龍不算太長，稍等5分鐘便可以了。食品種類很不錯，冷海鮮和甜品真的超讚！長腳蟹肉很爽甜，麵包蟹也超多膏。而手功雪糕真的很不錯，口味獨突。整體用餐體驗很好，唯獨是地方比想像中窄一點。樓底雖然很高，但桌和通道闊道其實有點窄，如果坐在食物桌附近大概會覺得有點打擾吧！