湄南 (已結業)

之前做團購用$68買$100 coupon，見咁抵就買幾張叫埋屋企人一齊黎食~呢間餐廳係區內都算少人，我地7點去到都係得幾檯客，可以靜靜地傾計用餐又唔駛俾人催交檯食到趕頭趕命~我地叫左酸辣鳳爪、咖哩雞配酥餅、蒜蓉包、火車頭、炒貴刁同煎蛋芋頭粒海鮮炒飯4個人share。1)酸辣鳳爪媽咪既指定菜式~份量中等唔算多，鳳爪質地爽口，呢日天氣熱，食d涼拌野幾清新開胃。但媽咪comment表示酸辣汁稍微酸左d2)咖哩雞配酥餅、蒜蓉包咖哩雞可配飯或酥餅，因為我地已叫左個炒飯所以就叫左酥餅。一客兩塊，上檯時微暖，蘸上咖哩汁又係可口飽肚既小食。不過主角咖哩雞俾既份量略嫌姑寒左d，只係得4,5舊細雞肉，味道唔錯，雞唔鞋口但如果加大番份量就更好!因為得兩塊酥餅而又淨番好多咖哩汁所以就叫多3個蒜蓉包黎配~估唔到蒜蓉包先係今餐之最~焗得剛好脆口，蒜蓉味好香而且夠哂熱，無論就咁食定配咖哩汁食都好好食!3)煎蛋芋頭粒海鮮炒飯煎蛋做到蛋白層焦脆，蛋黃流心既效果。海鮮就只有少少炸魚同蟹柳，芋頭粒亦炒得過火沒有了粉粉的口感!而且成個飯好油，下次都係叫原個菠蘿炒飯好似吸引d!4)炒貴刁炒貴刁入面既配料有蛋、蝦仲有少少肉片，

今日又尼左食越南餐廳，近住屋企就來試試。海南雞飯配兩個醬汁一個係薑汁醬 一個酸辣酱 除左個油飯好味，其他都普普通通。$56香茅豬扒湯河十分清淡，尼既時候都差唔多索哂水。$36酸辣鳳爪得個酸字，麻麻地惹味。$28 /4隻即磨咖啡係下午茶送既其中一款熱飲，咖啡幾滑。服務態度還好，下午茶時段唔算多人，七成滿座。岩岩漏單。

老公休息的日子，好想行下將軍澳海旁，看海的日子😎原來都好耐無行這麽遠路程了，天氣很好說說笑笑便到了將軍澳唐俊街付近，於是食埋午飯先回家，這兒都有好幾間食肆店舖 ，我們便選了湄南這間越南菜 飯店， 地方也算寬敞 ，更有啲越南嘅牆壁海報添，女侍應生笑容滿面招呼我們 ，於是便選了兩個午餐。 門口好光猛越式番茄牛腩焗飯$60牛腩好淋 焗飯竟然可以這樣配搭越式蝦餅扎肉$54配金邊粉沙嗲湯底個湯好正好入味，金邊粉好多又大碗 終於叫侍應生比多碗湯我 再放啲粉落去 畀老公食 好抵 牆壁 好大福越南畫咖啡檸檬茶 就一般

湄南下午茶將軍澳，原來係好多選擇，連鎖店真係真係多到數都數唔曬， 一條巷仔可以有幾間，食物連鎖店，咁我哋行到呢一間湄南越南菜館，就可以食個下午飯 ，好簡單㗎!呢間就係因為唔使攞，唔使去排隊，有人送餐到面前，隔離大機構都要排下隊，仲要買一次。攞餐一次，排兩次添重要畀錢先。 真係唔做啲快餐文化。返嚟講返我都係照返個焗咖哩牛腩蕃茄飯 ，朋友叫咗個 扎肉蝦餅檬金邊粉 ，食落真係唔錯 ，起碼只係食咗啲好食嘅嘢，食物味道你話好出色，咁就唔係啦!話佢錯佢又冇乜點錯!已經係應該有嘅標準，咖啡奶茶就呢度偏偏，有咖啡冇奶茶， 加片檸檬嘅茶又有喎，咖啡要加檸檬佢又唔畀你喎，飲下午茶食完咁就算啦!

之前聽過呢度嘅菠蘿炒飯幾好食，於是諗住今晚去試吓，去到門口見到套餐都唔算抵食，但一心為咗菠蘿炒飯而來，於是到入去試吓。我們叫了一個菠蘿海鮮炒飯，同埋一個香芒米紙卷。海鮮菠蘿炒飯用菠蘿殼承載着，分驚面頭鋪滿了之時,但食落欠缺芝士味,海鮮數量一半，飯嘅數量算適中，但唔算大碟。至於香芒米紙卷，米紙皮煙韌，材料算豐富，加入香芒令整碟菜感覺清新，但我認為雞肉數量可多一點，否則只吃到菜的味道。整體來說，餐廳環境比較清靜，而且裝修漂亮，也算吸引。菜式價錢我認為可以調低一點，不過星期一至五用銀聯卡付款有九折，而且唔收加一，都可值得一試。🤔

外賣網上外賣平台準時到，食物質素與價錢成正比，份量足，配菜配料好新鮮，串燒大大串絕對唔似其它餐廳細細串，豬頸肉沙律的豬頸肉外邊仲係香脆的，好少外賣可以keep倒脆嘅效果，唯一不足係 芒果黑糯米的芒果生到好似薯仔咁，整體有80分以上。回頭率高！ 以後多賣多一個選擇。

夜晚諗唔到食咩好，求其叫咗個二人餐炒金邊粉都幾香口惹味，望落仲有好多材料大蝦仁有2隻，仲有啲蛋絲，蝦米，章魚肉，豬腩肉咁金邊粉條條分明，同銀芽，香料一齊炒，加上花生碎好有鑊氣色香味俱全串燒質素都唔錯，醬汁用咗好多花生磨成，味道濃郁，呢碟小食同金邊粉一樣都有菠蘿片墊底，食完小食再食水果清咗喉嚨好舒服海南雞不過不失，雞胸肉係有點鞋，不過雞髀肉夠滑飛天通菜唔算真係好辣，醬汁都入味椰汁糕好Q，食落煙韌夠哂動L點埋椰漿一齊食，椰味濃，鐘意椰香嘅朋友唔好錯過

天晉匯呢邊好多餐廳都未試過，鐘意食越南菜嘅我哋揀咗湄南。兩點左右客人並唔多，餐廳佈置都幾雅緻，坐得幾舒服，室外都設有座位。我哋每人叫咗個午巿套餐，另加配一款小食，除咗越式蕃茄牛腩焗飯同呢度嘅菠蘿幾甜外，其他食物味道好一般，飲品選擇少，服務態度亦好一般。餐牌無列明可選擇嘅飲品，Order嘅時候職員只淡淡講句無，再問先冷淡講有咩選擇。越式海南雞飯(配中湯)，食越南菜必叫，雞有少少雪味，雞肉唔滑，油飯可以，最好就係個湯，味唔算太重，有少少椰子香味。越式海鮮炒金邊粉，海鮮少，除咗一隻蝦放面，其餘只有少量八爪魚，味比較淡，不過粉炒得乾爽少油，亦少油。越式蕃茄牛腩肉飯，我覺得個汁好好味，唔酸但有茄味，送飯一流，牛腩唔少，唔太淋有少少咬口。加配小食：鮮蝦菠蘿米紙卷(1件)，都幾大條，好多配菜，菠蘿好甜比較特出。越式春捲卷(2件)，新鮮炸起，好似有芋頭絲，都唔錯。香茅雞翼(2件)，好淡，無味，好似炸定翻炸咁。飲品選擇少。

想食碗越南湯粉，真係好失望！<生牛肉湯檬>湯底唔夠熱，我等呀等呀等等等等..........生牛肉都仲係好生，可能切得太厚加湯太凍，完全係要我生食，湯底亦唔夠濃...👎🏻唔會再黎喇。

平時拍拖成日出街食，一有時間，當然要陪下媽咪撐枱腳啦，lee日就近近地揀左天晉既越南菜，星期日又有set，又唔洗等位好難得，叫左個菠蘿炒飯set，冬陰公豬扒金邊粉同一客串燒，個set包左一客豬頸肉沙律同埋一客甜品千層糕，頭盤，主菜，小食，甜品都有齊，埋單唔洗三百，已經好滿足，味道就正正常常啦，正宗又講唔上，不過幾欣賞個千層糕連埋椰漿一齊上，口感好豐富，之前未試過

是日去開將軍澳探朋友,  Tea Time 時間周圍都仲係好多人等位開餐, 為左避開大商場嘅人群, 決定行遠少少, 去附近 D 私人屋苑樓下嘅餐廳搵食｡ 去到呢間越式餐廳, 見到佢有 Tea Set, 所以就入左去｡ 果然, 避開左大商場, 人流即刻少好多, 可以靜靜地食個  Tea 河內生牛肉金邊粉一般嘅生牛肉湯粉, 個湯底一定係勁熱, 但呢碗湯河嘅湯底係暖嘅, 所以 D 生牛肉要浸好耐先完全熟晒 (我差不多食左半碗, D 生牛肉先轉晒色)  揀左牛肉湯底, 但味道真係非常薄｡

私人屋苑商場餐廳。本身都無咩奇望。食完後再次証明無奇望就無失望是對的。河內生牛肉湯河 $43湯底清淡，只感覺到香料味道。牛肉無味。非常鞋口。越式海鮮炒金邊粉 $57粉濕立立的。海鮮碎濕濕的。$57一個下午茶炒粉(飲品要另外加錢)，有條件和理由做好D

《湄南》 #將軍澳📍將軍澳唐俊街12號天晉匯地下02號舖-🔹河內生牛肉湯檬 $58 包熱飲 個湯底唔得 牛肉一般 但食到一半湯都吸哂🤦🏻‍♀️完全食唔到 好扣分🔹喇沙香茅豬扒湯河 $54 包熱飲喇沙味聞落幾香 食落得椰味 豬扒無特別食到一半變左撈河🤷🏻‍♀️無哂湯-無興趣想試任何麵類 應該得第一次食嘅海南雞飯係好味-

夜晚又係時候要出動搵食今次去到將軍澳, 想食一啲越南野, 所以就黎咗湄南入到餐廳環境都幾舒服, 無乜人, 座位又寬敞牆身有啲好似越南風壁畫兩個人食, 就簡簡單單叫咗兩碗越南河試吓啦湄南火車頭湯底係牛筒骨湯, 但味道無乜牛骨味餸就有生牛肉片, 牛坑腩片, 手打牛丸, 牛筋, 牛栢葉味道唔差, 但係餸就少咗啲越式札肉湯檬粉 (清湯)札肉同火車頭湯底一樣味, 哈哈但加咗附送嘅辣椒, 少少辣, 個湯都變得惹味有6塊札肉, 都算多, 而且幾厚, 好好味青檸梳打食完越南河, 飲杯梳打, 爽呀!

最熱紀錄的佛誕中午想在將軍澳覓食，不容易，走了多家都爆滿。第一次來湄南，舒適的環境令人愉悅。點了喇沙機翼檬粉和牛肉沙爹河粉。老實說，味道只是一般，但是對得起五、六十元的價錢。絕對的。兩個椰青收了五十六元，跟餐價。因為天太熱，又單點了一個椰青，收費三十八。炎熱的中午喝上一個絕對冰凍的椰青，爽😊