湖南老家飯店

營業中

休息中

好耐之前成日喺網上面群組見到有人講，喺太子地鐵站附近有間飯店，海南雞飯外賣只係二十蚊，我亦親身買嚟試過，說實話，味道正常，正式雞有雞味，我最鍾意食油飯，但佢個油飯就一般，唔難食，公道講廿蚊係超值，性價比極高。今日選擇咗堂食，堂食要上一層，另一片天地，餐廳掛滿領導人相片，我更相信呢間係正宗湖南菜，睇嚟睇去堂食唔見有海南雞飯，可能係分開部門。咁我就揀咗土豆牛腩木桶飯，好得意侍應唔會問你飲咩，飲唔飲湯，見到大部分客人會自己出去裝湯飲，自己去雪櫃攞嘢飲，我就照跟出去自己攞，例湯都真材實料唔錯，飯到了，都幾辣，如果唔食辣嘅人真係食唔到，我本身都食到少少辣，個飯幾好食，土豆牛腩重口味，加上辣椒爆炒的確幾惹味，超乎預期。

呢間位於太子太子道西96-100號萬年大廈地下A號舖至1樓噶湖南老家飯店,可以話好容易搵到，又或者好難搵到，一個唔留意就會錯過咗佢，有一次就試過同朋友掛住傾計而錯過咗佢，真係好唔明顯。但呢間嘅竹筒飯真係好有鑊氣，價錢唔高都，比較抵食。今次同朋友叫咗兩個竹筒飯，一個小菜。鐵板茄子，茄子一條切開唔斷，然後中間釀肉碎，睇圖片同實際上嚟嘅真係兩回事，不過味道都還算可以。湘式外婆菜肉燥木桶飯，呢個真係要試，超級好味，蛋香超濃，鑊氣超足，蛋碎加外婆菜加肉，一啖落去，口感豐富。下次可以覆點。椰菜花小炒肉木桶飯，呢個都鑊氣十足，肉片薄薄地唔會油膩，份量都唔少，肥肉嘅油脂配上白飯，豬油嘅香都出曬嚟。飯後飲返杯清涼爽仙草，真係體重有增加了

嗌左豬肚絲同小炒黄牛肉木桶飯，可以自己選擇辣度，我嗌小辣都覺得好辣，如果食唔到太辣建議選擇唔辣～賣相吸引，味道不錯，牛肉比較嫩，牛肚絲香辣有嚼勁，而且價格便宜，每桶先$50包飲品同湯，學生價仲平！

太子近港鐵站有間湖南風味～外賣海南雞飯好抵食～中午都有幾個人嚟買諗住呢個價錢應該得幾舊雞～估唔到有兩排雞肉～雖然係薄切但係呢個價錢算多啦～有一片青瓜同酸甜醬～海南雞唔會話有血好生～食落好淋唔使點咬～唔係好識分冰鮮定新鮮～不過依個價錢似係冰鮮多啦～畢竟成本問題～食落重雞味一D都唔咸～油飯唔算多油～唔會油膩～不過好似冇乜雞油味～應該加咗黃薑粉～如果鍾意食偏淡嘅應該會鍾意食只係得外賣～如果冇太高要求嘅可以一試

其實有疫情前已經開始幫襯佢哋，係因為佢哋算是喺太子呢邊食嘢性價比高嘅地方。本身仲幫襯過佢賣既其他飯，例如佢哋嘅魚香茄子雖然細細碗但係其實$20嚟講，我覺得算係咁。響太子呢頭食野既地方算多，但真係要好平咁食呢；其實選擇唔太多。另外我覺得佢個海南雞飯嘅醬料其實都幾開胃，酸酸辣辣其實好適合配油脂比較高既黃油雞。個人認為佢啲海南雞係滑嘅，同埋呢個香油黃飯都冇食，我諗可以食返辣嘅時候都想試返佢嘅夫妻肺片同埋其他湖南菜，希望有驚喜

本身勁好態度咁問呢位短髮戴眼鏡女店員，講晒唔該多謝，可唔可以用八達通俾錢，佢態度好差黑晒面話「咁少錢都要八達通，冇錢咪學人食飯」態度差到完全唔想做你生意咁，好似差佢幾千幾百萬食飯都要受氣，咁真係咪浪費錢幫襯佢

樓面冇禮貌仲窮凶惡極！落單嗰個極其不耐煩，好似要啲客求佢先落單；最惡嘅係一個短髮老女人，佢將碗碟好大力甩係枱面，話佢一句她就惡狠狠地望住你；之後就開始報復性地將所有餐具甩在各個檯面，故意搞到好大聲要拆房咁；同佢理論佢就會用最惡毒嘅說話爆晒粗口。唔知老板係唔係用極低價請嘅人，為咗趕客？！

最近無意中碌ig 見到某foodie推介依間餐廳 ，睇落去 發現原來依間餐廳真心抵 糧尾恩物🤭🤭 點解 睇下就知位置接近太子地鐵站 好易睇到。 依次介紹係佢地既「主角」- 無骨海南雞油飯。 岩岩開門已經排緊隊。 原因就係勁平。 外賣是$20 。 咁既價錢，兩餸飯都貴過佢。 更重要既係 ， 唔好以為得依樣先係$20， 原來睇番menu 都仲有其他野食都係$20 例如 魚香茄子飯等話明糧尾恩物 ，預左價錢抵外 ， 份量都唔會因為價錢而縮水 ，仲係正常size同咁多肉。 味道方面，老土啲都要講 ，咁既價錢本身都唔會期望佢係米芝蓮既。 份量方面，不得不說，真心係足料。睇相都睇到 啲雞係密密麻麻的。 海南雞好滑又大舊， 出面閒閒地要50蚊上下而個飯就點為失色，較為乾身。

1. 等候時間長，秩序混亂。我同朋友六點九就已經到左，但係最後都要等半個鐘先入到位（只係等一張台）期間又有人打尖插隊，等候期間又熱又多人逼2.服務態度極差，特別是短髮服務員。一開始我同兩位朋友都唔太肚餓，所以諗住叫住兩個菜食先（水煮牛肉和小炒黃牛肉），唔夠再叫過。點知個服務員一聽到我地淨係叫兩個送，就行過黎態度好差咁樣問「蛤？你地三個人淨係叫兩個送咋？」我即刻反問「唔得㗎」佢話：「早知俾張細台你地都夠」但係細台根本淨係夠放三個人嘅碗碟，冇地方擺送，再加上我自己本身都拎住好多野。依家係咪叫得唔多嘢食就唔配有舒適嘅位坐？？？3.短髮服務員沒有防疫意識。一開始去到等位嘅時候，就已經見到短髮服務員唔戴口罩喺度行黎行去，又會上菜俾人，又會近距離咁樣同顧客講野。我問佢「點解你唔戴口罩嘅」 佢竟然話「唔係我唔想戴口罩！係我戴左之後你地聽唔到我講野」首先，佢講野好大聲，我地絕對唔會聽唔到。佢仲唔戴口罩咁樣喺我耳邊叫號（肉貼肉嘅距離）我成餐飯隻耳仔都嗡嗡聲咁響，耳仔好痛-.- 其次 呢個理由會唔會太荒唐？乜口罩有隔音功能？我咁樣講完佢之後佢有戴返口罩，但係五分鐘後又拉低晒個口罩。依家其實每日都仲有八千幾

平價海南雞飯一去到前面已經有3-4個人排隊買，$20 海南雞飯，只可以外賣，不能堂食買左一盒番去食，係抵食因為$20 ，吾好要求咁高，個醬汁偏酸，雞都還可以，飯硬身，價錢上真係冇得輸而傢呢個市場，好難得做到呢個價錢，總要去幫襯一下

今日上網睇到太子有間超平既海南雞飯每盒飯只係$20!$20!$20!🤑因老闆娘希望每個人都可以食到海南雞飯去到先知原來除左海南雞之外仲有其他好似魚香茄子同粟米玉粒都係$20😍今次我剩係叫左盒海南雞飯返去食D飯份量好足而且粒粒分明, 每粒都索唒d黃油, 而且雞件全部都係無骨, 同埋都算滑身每盒仲配埋酸辣汁, 酸辣汁偏酸點左可以提升D雞味呢個價錢食到呢個質素既海南雞飯真係CP值超高下次再經過太子 一定會買埋其他款試下

星期六晚滿心歡喜黎食飯一黎到岩岩滿哂 要等位問老細攞飛 原來冇飛 叫我地企係下面等😿Ok咁好啦見得我地等緊咁就企係下面等佢 之後越嚟越多人黎一啲安排都冇 啲人亂咁企係間鋪到等位個樓面又迫 又冇冷氣 又冇凳坐😓之後有一家人黎左 一上黎個黑衫阿姐就話「肥佬」相信「肥佬」就係個老細黑衫阿姐：我地3個 有冇位肥佬：下面都等緊啊（指住我地）佢地黎先咁我就覺得個老細幾好啦記得係我地先點知等多陣 越嚟越人黎 成個樓面好亂咁我地就上去同佢地一齊企係到等問埋老細：記得我地係第一組黎等架可？老細：係啊記得啊😀講完冇幾耐 就見到個侍應帶左個黑衫阿姐入去冇幾耐佢個仔同老公上黎入埋去我地完全？？問個侍應阿姐 明明我地排隊先 點解佢地入去食先？？個侍應勁慌張咁講：你地幾多位？我：4位 我地第一組就黎左等之後阿姐仲要呃我話佢地book左位😡明明我望住佢地一黎到同老細講野既情況之後係完全冇理過我講野 個老細又係背住我地同佢講野係扮聽唔到 零反應 一啲歉意都冇😡完全唔明點解咁大間鋪安排可以咁差？等位冇票拎 識人就可以唔洗等位直接打尖 仲要係客人面前大搖大擺行入去 之後侍應仲要講大話一啲歉意都冇依間鋪 永世唔會再幫襯。

今日家庭聚餐，長輩揀咗呢間餐廳。好耐冇食過辣嘢，都有少少期待。一嚟到餐廳就問職員有咩拿手菜，之後點左一條烤魚、一個剁椒魚頭、三四個小菜。比較失望嘅係條烤魚，價錢都算幾貴，但係份量唔算好多。個剁椒魚頭冇咩味。反而小菜都算夠鑊氣同辣啦

廿蚊可以食啲乜🤔煎釀三寶？魚蛋？燒賣？腸粉？？當兩餸飯都賣緊三十幾蚊嘅時候，呢個海南雞飯只係20蚊🤑🤑 海南雞比想像中多，雖然唔算好嫩滑，但都唔鞋亦算有雞味👍油飯帶有少少雞湯味，雖然冇黑醬油薑蓉，但都有個酸辣汁，20蚊嚟講真係超值💰

麻麻地，除了水煮牛肉好吃之外。口水鸡，夫妻肺片都难吃无比。服务员服务态度挺好的，还教我们怎么样点划算省钱。午市的米粉也不错，一份很大一份，男生一个人都吃不完。去的朋友们最好点小炒那些吧，估计会好吃些